lalkitab jyotish paddhati, jyotish jagat ko avibhajit bharat ke panjab ke jila jalandhar ke ganv farvala men rahne vale pan. rupchand joshi ji dvara di gai ek anupam bhent hain. is pustak ko panch sanskaranon men likha gaya. panchvan sabse vistrit aur akhiri sanskaran isvi san 1952 men prakashit kiya gaya. pustak ki bhasha urdu men hone ke karan logon men iska jyada prachar nahin ho paya tatha is par lekhak ka nam n hone se bhi iske sath kai kinvdantiyan jur gai sath hi sath is paddhati men grahon ke dosh dur karne ke lie saral upay karne ke tarikon ko bhi sujhaye jane ke karan ise tone-totkon ki kitab ke rup men jana jane laga lekin vastavik sthiti isse bhinn hai.
vastav men yah ek paddhati hai, jiske kuch apne siddhant evan niyam hain jinke anusar kundli vishleshan karne ke pashchat shubh v ashubh grahon ka nirnay karke ashubh grahon ke prabhavon ka nivaran karte hain.
upay ke kuch siddhanton ko yahan spasht karna chahunga.
- upay ke samay dhyan rakhen ki jis grah ka upay kar rahe hain vo jis khana nan. men baitha hai vah khana nan. kis grah ka pakka grah hai, kaun sa grah vahan uchch hai tatha us khana nan. ka malik grah kaun hai.
- upay karne men in tinon sthitiyon se sahayta li jati hai.
- kundli men agar mangal khana nan. 12 men baitha ho to rahu ka upay nahin karte.
- surya$budh khana nan. 3 men ho aur rahu khana nan. 11 men ho to bhi uska koi upay nahin hota.
- khana nan. 3 men koi ashubh grah baitha ho aur khana nan. 9 v 11 men koi grah n ho to khana nan. 3 men baithe grah ka koi upay nahin hota.
- rahu agar band mutthi ke khanon men arthat kendra men ho to jis ghar men rahu ho us khana men jo grah uchch ke hote hain unka upay kiya jata hai. chunki lalkitab men naisargik kundli jo mesh lagn se shuru mani jati hai, ka prayog kiya jata hai. jaise lagn arthat khana nan. 1 jo ki mesh rashi hai men surya ko uchch mana jata hai atah rahu ke lagn men hone par surya se sanbandhit upay hota hai. khana nan. 4 men rahu ke hone par brihaspati ka, khana nan. 7 men shani ka v khana nan. 10 men rahu ke hone par mangal se sanbandhit upay kiya jata hai.
is prakar anya kai baton ka dhyan rakh kar upayon ko kiya jata hai.
lal kitab ke kuch upay
agar vyapar achcha n chal raha ho to har budhvar ko apne vyaparik sthal par chutki bhar rai bikheren.
har somvar ko kisi ful se farsh kachche dudh se ka chinta maren aur suryast ke bad 7 barfi ke tukre park men kisi kone men rakhane. yah kriya kam se kam 7 bar karen to vyapar men labh avashya hoga.
grihasth jivan men tanav ho to ashok ke per ki jar ko lakar saf adi karke apne ghar men rakhen.
agar kisi jatak ya jatika ki shadi men rukavat ho to -
bhangar ghas (vah ghas jo seb adi ya krakri ki peti se niklti hai) ke 3 jharu bana kar jal pravah karen.
shukravar ko 1 kachchi int jal pravah karen tatha shanivar ko ek jalebi ka tukra jal pravah karen. ye kriya 4 bar karen. labh avashya hoga.