prachin jyotishacharyon ne ekamat se jatak ki kundli ke saptam bhav ko vivah ka nirnayak bhav mana hai aur ise jaya bhav, bharya bhav, premika bhav, sahyogi, sajhedari bhav svikara hai. atah ashtam bhavasth shani vivah ko kyon aur kaise prabhavit karta hai yah vicharniya ho jata hai kyonki ashtam bhav saptam bhav ka dvitiya bhav hai. vivah kaise ghar men ho, jan - pahchan men ya anjane paksh men ho, pati/patni sundar, sushil hogi ya nahin, vivah men dhan prapti hogi ya nahin adi prashn vivah prasang men prayah uthte hain aur yah avashyak bhi hai kyonki vivah sanbandh purn jivan ke lie hote hain. in sab prashnon ka uttar saptam bhav se milna chahie.
parantu jab ashtam bhav men shani ho to vivah se jure in sab prashnon par prabhav parta hai. dekhen kaise? ashtam bhav vivah bhav (saptama) ka dvitiya bhav hai to yah vivah ka marak sthan hoga, jivan sathi ka dhan hoga, parivar tatha jivan sathi ki vani ityadi hoga. atah ashtam bhavasth shani in sab baton ko prabhavit karega. yadi shani shubh prabhavi hai
to jatak ko jivan sathi dvara parivar, samaj men samman, dhan (dahej ya sathi dvara arjit) prapti, sukh, madhur bhashi sathi prapt ho sakta hai. yadi shani ashubh prabhav men ho to jatak ke lie marak aur uske sathi dvara prapt hone vale shubh falon ka hras hoga. ashtam bhavasth shani ki drishti dasham bhav par hoti hai jo jatak ka karm bhav hai aur uske jivan sathi ka chaturth bhav arthat parivar, samaj, grih sukh, vidya adi hai; atah jatak ka yash, samaj men pratishtha, parivar sukh, dhan samriddhi, shiksha, vyavsay adi prabhavit hote hain. ashtam bhavasth shani ki dusri drishti dvitiya bhav par hoti hai to jivan sathi ka ashtam bhav hai,
atah uske duahkh kasht, akasmik ghatnaen, gupt kritya adi tatha svayan ke sanchit dhan ko prabhavit karega. ashtam bhavasth shani ki tisri drishti pancham bhav par hoti hai to jivan sathi ka ekadash bhav hai. atah prabhav santan par, shiksha par aur jivan sathi ke har labh par hota hai. vivah janit jitne bhi sukh hain vah ashtam bhavasth shani se prabhvit hote hain jinmen mukhya hain dhan, santan, shiksha, vyavsay, paitrik sanpatti, parivar sukh adi. shubh shani shubh parinam deta hai aur ashubh shani shubh falon ko kam kar deta hai.
in dharnaon ko man men rakhte hue kuch kundliyon ka adhyayan kiya gaya hai aur paya gaya ki ashtam bhavasth shani nishchit rup se vivah janit sukh-dukh ko prabhavit karta hai.
kundli san. 1: jatak ka janm lagn kark hai jis par pancham bhav se ketu ki tatha vakri shani (saptam bhav men manne par) ki drishti hai . lagnesh chandra par bhi vakri shani ki drishti hai aur vah chaturth bhav men pap kartari yog men hai. saptamesh bhi shani hai aur ashtam bhav men vakri hokar baitha hai. brihaspati rahu/ketu ke aksh par hai. shukra vakri shani ke prabhav men hai. chandra lagn bhi vakri shani ke prabhav men hai tatha chandra lagnesh shukra hai. chandra lagn se saptam bhav par shani ki ashtam bhav se drishti hai. is par tritiya bhav se mangal ki bhi drishti hai. bhavesh mangal par rahu tatha brihaspati ki drishti hai aur yah chandra lagn se dvadash bhav men hai. chandra lagn se brihaspati ashtam bhav men rahu se yut hai. shukra chandra lagn ke dvadshesh budh se yut hai. surya lagnesh budh surya lagn se dvitiya bhav men hai tatha surya lagn ka saptamesh brihaspati surya se dvadash bhav men rahu se yut hai. shukra surya lagn ke dvitiya bhav men hai. tinon lagn pirit hain tatha saptamesh dvadash bhav men sthit hain. brihaspati tatha shukra ki sthiti tinon lagnon men ashubh hai. jatak ka vivah nahin ho paya yadyapi brihaspati ki drishti saptam tatha pancham bhav par hai.
kundli san. 2: jatak ka janm min lagn, shani ke nakshatra men hua tha. lagn par pancham bhav se brihaspati ki drishti hai jo uchch hai tatha surya, mangal, budh tatha shukra char grahon se yut hai. lagnesh brihaspati kendradhipti hai parantu uchch hone aur trikon men sthit hone ke karan iska kendradhipti dosh nasht ho jata hai. pancham bhav sthit brihaspati tatha shukra par ashtam bhavasth uchch shani ki drishti hai. ek visheshta is kundli men aur hai - donon trikonadhiptiyon chandra aur mangal ka rashi parivartan yog hai aur donon nich hain. yah rashi parivartan yog donon ka nichatva samapt kar deta hai. saptam bhav par ketu ka kendriya prabhav hai, saptamesh budh pancham bhav men char grahon ke sath yut hai parantu ashtamasth shani se drisht hai. chandra lagn par pancham bhav se brihaspati ki drishti hai aur yah rahu-shani ki papakartari men hai. chandra lagnesh mangal chandra se navam bhav men hai aur uchch brihaspati tatha shukra se yut hai. chandra lagn ka saptamesh shukra hai jo chandra se navam bhav men hai. surya lagn par ashtam bhav se shani ki drishti hai aur iske dvadash bhav (chaturth bhav) men ketu sthit hai. surya lagn men surya char grahon se yut hai. surya lagn ka saptamesh shani hai jo surya lagn se chaturth bhav men hai. surya lagn ke saptam bhav tatha saptamesh shani par mangal ki drishti hai. saptam bhav par uchch brihaspati, shukra, budh tatha surya ki bhi drishti hai. brihaspati aur shukra surya lagn men hi sthit hai. grahon ki sthiti tinon lagnon men yah darshati hai ki jatak ka vivah to avashya hoga, santan bhi hongi parantu kuch der se hoga. inka vivah 34 varsh ki ayu men surya, shani, budh ki dasha men hua. vivah karak shukra tatha surya aur budh tinon shani ke nakshatra men hain aur shani brihaspati ke nakshatra men hai. janm dasha budh tatha nakshatra shani hai. vivah ke samay gochar men shani dasham bhav par tha aur brihaspati chaturth bhav par tha.
kundli san. 3: jatika ka janm tula lagn men, shani budh ki dasha men, rahu ke nakshatra men hua tha. lagn par navam bhav se ketu ki drishti hai jo budh aur shukra se yut hai. lagnesh shukra hai. saptam bhav par brihaspati aur chandra ka kendriya prabhav tatha dhanu rashi sthit rahu ki drishti hai. saptamesh mangal pancham bhav men kunbh rashi men hai aur ashtam bhav se surya yut shani se drisht hai tatha navam bhav se ketu se drisht hai. brihaspati chaturth bhav men hai aur svagrihi chandra se drisht hai jo vivah sukh, parivar sukh darshata hai. chandra lagn kark hai jis par ashtam bhav surya yut shani ki drishti hai. chandra lagn rahu mangal ki pap drishti madhyasth hai. chandra lagn se saptam bhav papakartari yog men hai, parantu usmen brihaspati baitha hai. chandra lagn saptamesh shani hai jo ashtam bhav men surya ke sath sthit hai. yah grahon ki sthitiyan vivah ke lie prithkkari hain. parantu chandra lagn se shukra dvadash bhavasth hai. surya lagn ashtam bhav, vrish rashi hai. is par shani rashi sit brihspti tatha mangal ki drishti hai. ismen shani svayan sthit hai. surya lagnesh shukra surya se dvitiya bhav men hai. march 2000 men budh rahu surya ki dasha men jatika ka tay hua vivah tal gaya. budh dvadshesh hai aur rahu, ketu aksh par bhagya bhav men sthit hai. rahu, surya ka prithkkari prabhav ne aisa kiya, ashtam bhav men sthit shani ne ismen sahyog diya. rahu tritiya bhav se saptam, navam tatha ekadash bhav ko prabhavit kar raha hai. brihaspati se saptam bhav par shani ki drishti hai aur shukra se saptam bhav men rahu hai. us samay gochar men shani, brihaspati tatha mangal sapatam bhav par the aur rahu ketu 4/10 ansh par the. atah vivah sthagit hua. inka vivah do varsh bad aprail 2002 men budh, brihaspati chandra ki dasha men hua. vastav men yah vivah to hona hi tha kyonki ismen prem mukhya karan tha. kundli se spasht hai ki panchmesh shani aur saptamesh mangal men paraspar drishti sanbandh hai. vivah ke samay gochar men shani ashtam bhav par, brihaspati bhagya bhav par aur shukra saptam bhav par the.
kundli sankhya 4: jatika ka janm min lagn, ketu, surya ki dasha aur shani ke nakshatra men hua tha. kundli men char grah surya, brihaspati, shukra tatha shani uchach hain. lagn surya mangal, rahu ke pap kartari yog men hai. lagn par pancham bhav se chandra rashi sthit brihaspati ki drishti tatha brihaspati rashi sthit chandra ka kendriya prabhav hai. chandra aur brihaspati dasham bhav (karma) tatha pancham bhav (gyan) men rashi parivartan yog men hai. lagnesh brihaspati par surya tatha shani ka kendriya prabhav hai. yah tathya pati-patni ke dharm ko sharirik sanbandh se upar uthate hain. shukra lagnasth hai aur uchch hai, is par pancham bhav se uchch brihaspati ki drishti tatha chandra ka kendriya prabhav hai. shani, brihaspati tatha ketu ka sanbandh lagn, pancham, ashtam, navam tatha dvadash se hone se jatak men sanyas bhav tatha vairagya utpann hua. saptam bhav ketu shani ke pap madhyatva men hai aur is par uchch shukra ki lagn se drishti hai. saptamesh budh tritiya bhav men shukra ki rashi men hai jo budh ke nakshatra men hai. atika ke uchach shani se surya, brihaspati tatha shukra prabhavit hain jo ashtam bhavasth shani ke adhyatmik, gurh, ganbhir aur vicharshilta ko uchchatam sthiti tak le jate hain. shani karm ka pakshadhar hai, chandra antahkaran hai, brihaspati gyan vichar hai aur shukra antrik vyaktitva hai. atah jatika men uchch gunon ka vardhakya hona chahie. chandra lagn dhanu (brihaspati) rashi men hai jis par ashtam bhav se shani ki drishti tatha lagn se shukra ka kendriya prabhav hai. chandra se pancham bhav men uchch surya tatha navam bhav men surya ki rashi men ketu hai. chandra se saptam bhav budh (buddhi) aur brihaspati (gyan) ke madhya hai. chandra se saptamesh budh is saptam bhav se dvadash bhav men hai. aur is par rahu yut mangal ki drishti hai. chandra se shukra chaturth bhav men (janta) aur brihaspati ashtam bhav men hai. surya lagn budh (buddhi) aur shukra (antrik vyaktitva) ke madhya hai aur is par ketu v shani ki drishti hai. surya lagn se pancham bhav men surya ki rashi men ketu, saptam bhav men shukra ki rashi men shani aur navam bhav men brihaspati ki rashi men chandra hai. chandra lagn men brihaspati chandra ki rashi men ashtam bhav men hai aur shukra chaturth bhav men min rashi men hai. surya lagn se brihaspati chaturth bhav men, shani saptam bhav men tatha chandra navam bhav men hai. in sthitiyon se bhi ukt nishkarsh ki pushti hoti hai. jatika ka vivah shukra, rahu, rahu ki dasha men hua parantu deh dharm n nibha kar donon ne adhyatm ko apnaya.
kundli sankhya 5: jatika ka janm sinh lagn men shukra ke nakshatra men brihaspati chandra ki dasha men hua. lagn par shani rashi sthit surya ki saptam bhav se drishti hai. surya lagnesh hai aur saptam bhav men hai, is par sinh rashi se vakri brihaspati ki drishti hai. saptamesh shani ashtam bhav men do krur grahon mangal tatha rahu se yut hai. ashtam bhav saptam se dvitiya bhav hai. brihaspati panchmesh aur ashtamesh hokar lagn men sthit hai. shukra tritiyesh tatha dashmesh hai aur shasht bhav men budh ke sath yut hai tatha ketu se drisht hai. dvitiya bhav par ashtam bhav se mangal, shani aur rahu ki drishti hai. pancham bhav par ashtam bhav se mangal, rahu se yut shani ki drishti hai. dasham bhav par bhi mangal rahu se yut shani ki drishti hai. chandra lagn par mangal shani yut rahu ki drishti hai aur is par surya tatha vakri brihaspati ka kendriya prabhav hai. chandra lagnesh mangal chandra se pancham bhav men shani aur rahu se yut hai. chandra se shukra tritiya bhav men tatha brihaspati dasham bhav men hai. chandra se dvitiya bhav par mangal rahu yut shani ki drishti hai. chandra se pancham bhav men shani, mangal aur rahu ki yuti hai. chandra se dasham bhav men vakri brihaspati par shani rashi sthit surya ki drishti hai. chandra se saptam bhav par mangal rahu yut shani ki drishti hai. surya lagn shani ki rashi men hai jo mangal rahu ke sath surya se dusre bhav men hai. surya se brihaspati saptam bhav men aur shukra ,adash bhav men hai. surya se pancham bhav par shani rahu yut mangal ki drishti hai. surya se dasham bhav ka svami mangal hai jo shani tatha rahu se yut hai. tinon lagnon se pancham bhav par shani, rahu aur mangal ka prabhav hai, atah santanhinta darshata hain saptam bhav par prithkkari prabhav hain parantu brihaspati aur shukra ki sthiti unhen kam kar rahi hai. dhan bhav par bhi pap prabhav hain atah vyavsay aur dhan men garbri aur kami hai. jatika ka vivah budh ketu shukra ki dasha men hua. inke koi santan nahin hai. arthik pareshaniyan bhi hain. vivah ke pashchat ki antardashaen santan prapti men sahayak nahin rahin. atah vivah sukhdayak nahin ho paya.
kundli san. 6: jatika ka janm kunbh lagn, brihaspati ka nakshatra aur ketu brihaspati ki dasha men hua. uchch shukra ko chorakar shesh chah grah vakri hain, yah is kundli ki visheshta hai. lagn par chandra, mangal, brihaspati tatha rahu ki drishti hai. lagn men panchmesh taia ashtamesh budh tatha saptamesh surya ki ketu ke sath yuti hai. brihaspati saptam men tatha shukra uchch hokar dvitiya bhav men vakri mangal v shani se drisht hai. lagnesh shani ashtam bhav men hai aur dvitiya bhav se uchch shukra dvara drisht hai. lagn tatha surya lagn ek hi hain. chandra lagn par surya, budh aur ketu ki drishti hai. chandra lagn men mangal (tritiyesh v dashmesh), brihaspati (labhesh, dhanesh) tatha rahu ki yuti chandra ke sath hai. chandra lagnesh surya chandra se saptam bhav men budh aur ketu ke sath sthit hai. brihaspati chandra lagn men hai aur shukra chandra se ashtam bhav men hai. lagn taia surya lagn se pancham bhav par shani tatha surya se yut ketu ki drishti hai; chandra lagn se pancham bhav par mangal se yut rahu ki drishti hai. jatika ka vivah surya, surya shukra ki dasha men hua, shukra uchch hai aur surya lagn men hai. parantu shukra par mangal (rahu se yut) tatha shani ki drishti hai, surya saptamesh hai. vivah karak tatvon par shani, surya tatha rahu ka prithkkari prabhav hai jiske karan inka apne pati se mel aur samanjasya nahin rahta hai. inka pratham garbhapat hua jo pancham bhav par pap prabhav ke karan hai. jivan men arthik samasyaen bhi hain, jo sab lagnon se dvitiya tatha dasham bhavon se pata chalta hai. jatika bi.ed. hai, chaturth bhav ka svami shukra uchch hokar dvitiya bhav men hai. jatika shikshika karya kar rahi hai, dashmesh mangal saptam bhav (naukri) men brihaspati, v chandra ke sath hai.
kundli san. 7: jatak ka janm mesh lagn men, shukra ke nakshatra men surya rahu ki dasha men hua tha. lagn par saptam bhav se shukra ki rashi se brihaspati ki drishti hai, dasham bhav se shukra ka kendriya prabhav hai. lagnesh mangal svarashi men ashtam bhav men panchmesh surya tatha karmesh v labhesh shani ki yuti men hai. saptam bhav tula rashi hai aur is par karm bhav se shukra ka kendriya prabhav tatha lagn se ketu ki drishti hai. shukra dvitiya bhav ka bhi svami hai, atah patni ka pati ke karm tatha dhan se gahra sanbandh hai. jatak ka vivah ek bahut dhani evan sanpann parviar men hua tatha paryapt dhan prapt hua. vivah rahu brihaspati brihaspati ki dasha men hua. brihaspati tatha rahu shukra ki rashi men saptam bhav men sthit hai. labhesh tatha karmesh shani ashtam bhav men lagnesh taia panchmesh mangal aur surya ke sath yut hai. bhagyesh brihaspati saptam bhav men shukra ki rashi men hain. chandra lagn kanya rashi hai aur chandra lagnesh budh chandra se chaturth bhav men dhanu rashi men hai. chandra se saptam rashi ka svami brihaspati hai jo chandra se dvitiya bhav men hai. chandra se pancham bhav men shukra hai. chandra se dasham bhav ka svami budh hai tatha navam bhav ka svami shukra hai. chandra se ekadash bhav ka savami svayan chandra hai aur is bhav par shukra ki drishti hai. surya lagn vrishchik hai jismen surya mangal tatha shani ki yuti hai. surya se saptam bhav men shukra ki rashi hai. surya se navam bhav men kark rashi hai jiska svami chandra surya lagn ke labh bhav men budh ki rashi men hai. surya se dasham bhav ka svami svayan surya hai. lagn ke pancham bhav ka svami surya, chandra lagn se pancham bhav ka svami shani hai, in donon bhavon par ashtam bhavasth shani ki drishti hai. sab lagnon men jatak ke navam, dasham tatha ekadash bhav par budh, brihaspati, shukra tatha shani ke prabhav hai. jatak ka kapre se sanbandhit vyavsay hai aur dhan ki bahulta hai. jatak ke ek putra tatha shani ke prabhav hai. jatak ka kapre se sanbandhit vyavsay hai aur dhan ki bahulta hai. jatak ke ek putra tatha putriyan hain. jivan ke sare sukh sadhan hain. varsh men 2-3 bar videsh yatra bhi ho jati hai, chahe vah vyavsay se juri ho.
kundli san. 8: jatika ka janm makar lagn men, mangal ke nakshatra men shukra rahu ki dasha men hua tha. lagn par mangal ki drishti hai, tatha bhagya bhav se surya se yut rahu ki drishti hai. lagnesh shani bhagyesh budh tatha panchmesh aur dashmesh shukra (yogkark) se yut hokar ashtam bhav men sthit hai. chaturthesh aur labhesh mangal brihaspati se yut hokar shasht bhav men hai. shashtesh budh ashtam bhav men aur dvadshesh brihaspati shasht bhav men hai (viprit rajyog). saptamesh chandra chaturth bhav men hai, uchchabhilashi hai tatha chaturth grah ka karak hai. pancham bhav shukra rashi ka hai jo ashtam bhav men shani tatha budh ke sath hai aur shani ki drishti pancham bhav par hai. chandra lagn mesh rashi ka hai aur chandra shukrake nakshatra men hai. chandra se saptam bhav shukra rashi ka hai jis par brihaspati v shani ki drishti hai. chandra se pancham bhav men shukra budh aur shani hain. chandra se chaturthesh svayan chandra hain. chandra lagn ka labhesh shani chandra se pancham bhav men hai. ketu chandra se barhhven bhav men hain ndra lagnesh mangal chandra se tritiya bhav men brihaspati se yut hain brihaspati chandra lagn ka navmesh hai. surya lagn kanya rashi hai jis par brihaspati se yut mangal ki drishti surya lagne ke karm bhav se hain surya lagn se chaturthesh v saptamesh brihaspati hai. surya lagnesh budh surya ki rashi men shukra aur shani ke sath he, surya budh men rashi parivartan yog hain budh surya lagn ka dashmesh hai. surya lagn se dvitiyesh tatha navmesh shukra surya se dvadash bhav men sinh rashi men shani aur budh ke sath hain. sab lagnon se dvitiya, chaturth, pancham, saptam, navam, dasham, ekadash bhav shubh prabhavon men hain. shani ka prabhav dvitiya, pancham tatha dasham bhav par shubh hai. jatika ka vivah 2001 men chandra budh brihaspati saptam bhav ke donon or hain. lagn par brihaspati se yut mangal ki drishti hai aur mangal brihaspati ke nakshatra men hai. brihaspati ki drishti dhan bhav tatha karm bhav par aur shani ki drishti karm bhav, dhan bhav tatha santan bhav par hai. yadi saptam bhav ko pati ka lagn manen to yah brihaspati tatha shukra ke madhyasth hai aur lagnesh chandra surya ki uchch rashi men uchchabhilashi hokar dasham sthan men baitha hai. saptam se tritiya sthan surya aur rahu sthit hai jin par brihaspati yut mangal ki drishti hai. saptam se shasht bhav ka svami brihaspati hai jo is bhav ko dekh bhi raha hai. atah pati parishram dvara pratiyogita pariksha men saflta prapt kar bhartiya lok seva men rat ek uchch padasth prashasak hain aur dhani parivar se hain. jatika shikshit hai,
iska vaivahik jivan sukhamay hain pita se uphar men bahut sanpatti tatha dhan adi mila hai, sasural bhi pratishthit evan sanpanan hai. ek putra santan bhi hai. ek sukhi parivar ki paribhasha anusar jatika ka jivan paryapt sukhamay hai.
in udahrnon men ashtam bhavasth shani ka vaivahik jivan par nimn prabhav dekh gae. tinon lagnon se adhyayan kiya gaya. û vivah nahin hota, û vivah men archne, û vivah hota hai par der se, û vivah hota hai par santan nahin hoti û vivah janit sukh nahin, û vyavsay men kami, û asafal vivah û safal vivah v sukhamay jivan. is adhyayan ke adhar par nimn parinam nikale gae - û ashtam bhavasth shani shubh sthiti men ho, shubh drisht ho to vaivahik jivan sukhamay hota hai. û shukra par ashubh shani ka prabhav vivahit jivan ko duahkhamay banata hai. û yadi shukra pirit ho aur uska pancham bhav se sanbaddh ho to vivah nahin hota. û saptamesh ki nich rashi ka svami shukra ho to vivahit jivan duahkhamay hota hai. û janm dashanath pirit ho athva dvadash bhav men ho to vivah ki sanbhavna nahin ya vivah der se hota hai. û lagnesh ya saptamesh par shani ka prabhav vivah men deri ka karan banta hai. û chandra lagn se saptamesh ki ashubh sthiti vivah sukh men badha dalti hai. û brihaspati ya chandra se pancham bhav men mangal, rahu hon to santan nahin hoti. û saptamesh yadi dasham athva chaturth bhav men hai to sukhi vaivahik jivan, arthik sanpannata tatha sasural se dhan prapti hoti hai.