देवी मंदिर क्यों जाएं

devi mandir kyon jaen  

Ank ke aur Lekh | Sambandhit Lekh | Views : 1864 |  
devi mandir kyon jaen ratiya sanskriti men jitne sadachar varnit hain, dharmik hone se unka parlok se sanbandh to hai hi, laukik labhon se bhi adhikadhik sanbandh hota hai. inmen devmandir men jana bhi prachin arvachin vidvanon ka bataya gaya ek sadachar hai. jahan ismen devpuja lakshya hoti hai vahin isse sharirik tatha mansik labh bhi prapt hote hain. devalay jane ke lie ham suryoday se purva hi jagte hain aur suryoday se purva hi snanadi kri tya bhi karte hain. isse rup, tej, bal, arogya, medha, ayu adi ki vriddhi hoti hai. kaha gaya hai ‘‘ravi ke uday aur ast men nit khat par sota rahe. bhali chakra hove hath men par vah sada nirdhan rahe..’’ kahne ka bhav yah hai ki surya ke uday aur ast ke samay jo manav shayya par shayan karta rahta hai, uske jivan men dhan, bandhu-bandhav, vidya, ayushya adi ki kami rahti hai, use samaj men man-pratishtha nahin milti aur logon ka uske prati vyavhar achcha nahin rahta. iske viprit jo suryaeday aur suryast ke samay shayan nahin karta, uske jivan men ukt sabhi sukh vidyaman rahte hain. devmandir purva men prayah ganv v shahar se bahar hote the. aj bhi bahut se dev sthan shahron aur ganvon se bahar hain. devasthan ki apni ek bagichi hoti hanai. devpuja ke lie vahan par ham pushp chayan karte hain. vahan hamen shuddh vayu prapt hoti hai, jisse sharirik tatha mansik svasthya men vriddhi hoti hai aur shakti ka labh milta hai. chandan lagane se mastishk tatha netron ki shakti men vriddhi hoti hai. chandan ke vishay men kaha bhi gaya hai chandanasya mahatpunyan pavitran papnashanam. apdan harte nityan lakshmiah tishthati sarvada.. dhup, dipadi sugandhit padarthon ke karan mandir ke andar v chahun or divyatidivya shaktiyon ka sanchar hota rahta hai, jisse bhut-pret badha ka shaman tatha vishyukt kitanu shakti ka nash hota hai. svasthya uÿam hota hai aur shuddh vayumandal ke prabhav se hin bhavna evan kuvichar antahkaran men pravesh nahin kar pate. mandir men hone vale shankhnad se fefre shuddh hote hain tatha chati ki vishalta banti hai. sharir ke andar vyapt dushit kitanuon ka nash hota hai. mandir men prapt hone vale prasad, panchamrit, tulsi patra, charnamritadi sabhi padarth svasthya ke lie labhkari hote hain. charnamrit ke bare men kaha bhi hai: akalmrityu harnan sarvavyadhi vinashanam. vishnu padodkan pitva punarjanm n vidyate.. yah charnamrit akalmrityu ko dur karta hai. iske karan kabhi bhi atmahatya ka vichar man men paida nahin hota. yah sanpurn vyadhiyon ka vinashak hai. daihik, daivik aur bhautik tap nasht karne ki shakti pradan karta hai. bhagvan vishnu ka nirakar vigrah shaligram shila ke snan kie hue jal ka pan karne se to punarjanm hi nahin hota. bhakt ‘punrpi janmam punrpi maranam’ rupi dosh se mukt ho jata hai. is prakar dev mandir men jana ‘jivem shardah shavam’ is vaidik shakti ka anumodan bhi hai. manav sharir panchatatva (prithvi, jal, agni, akash, vayu) nirmit hai. kaha bhi gaya hai kshiti jal pavak gagan samira. panch rachit yah adham sharira.. upar varnit tatvon men santulan banae rakhne ke lie bhi dev mandir jana uchit hai. bhinna-bhinn shariron men bhinna-bhin tatvon ki pradhanta raha karti hai, isilie vishesh rup se hindu sanskri ti men panch devon ko apni-apni ruchi ke anusar puja jata hai. ye dev bhi ek-ek tatva pradhanta se dharan karte hain. in panchdevon ko panchayatan ke nam se bhi jana jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


baglamukhi visheshank  March 2008

baglamukhi ka rahasya evan parichay, baglamukhi devi ka mahatmya, baglamukhi tantra mantra evan yantra ka mahatva evan upyog, baglamukhi ki upasna vidhi, baglamukhi upasna men samagriyon ka mahatva is visheshank se jana ja sakta hai.

Subscribe

Apne vichar vyakt karein

blog comments powered by Disqus
.