रत्नों का चिकित्सा में प्रयोग

ratnon ka chikitsa men prayog  

Ank ke aur Lekh | Sambandhit Lekh | Views : 430 |  
ratnon ka upyog ayurved men aushdhi ke rup men kiya jata hai aur jyotish shastra men inhen dharn karne ki vidhi par vistar se prakash dala gaya hai. kintu bina soche-samjhe inka vyavhar karna hanikarak ho sakta hai. jyotish shastra ne ratn dharan karne ke niyam banae hain. in niyamon ko samjh kar ratn dharan karne se nuksan nahin hota. bina samjhe ratn dharan karne par hani pahunch jati hai; jaise ki yadi janm patrika men surya uchch ka baitha ho aur jatak manikya dharan kare to parinam hanikarak hoga. ratn chikitsakon ke anusar ratnon ke gun dharm sankshep men nimnanusar hain. jivniya va shaktiprad ushn shitl hira manikya moti shvet pukhraj praval panna nilm kuch vidvanon ne ratnon ka chikitsa men prayog homiyopaithi vidhi se kiya hai. in parikshakon men dae. vinytosh bhattacharya oriyental instityut (barora) ke bhutpurva adhyaksh, vishesh anubhvi the. unke matanusar anya aushdhiyon ki apeksha ratnon ke satvark ka prayog vishesh safltaprad hota hai. yahan unke anubhav anusar ratnon ke gun ka vishleshan prastut hai. jyotish shastra men vibhinn grahon ke svad prithak prithak darshae gae hain. grahon ka svad hi grah ratnon ka svad mana jata hai. jyotish shastra men manikya katu, moti kashay, praval tikt, shvet pukhraj madhur, hira amla, nilam lavan, panna sarvasvad yukt ratn mane gae hain. ayurved shastra ke anusar: madhur, amla aur lavan ras vayushamak hain. madhur, tikt aur kashay ras pittashamak hanai. katu, tikt aur kashay ras kafshamak hain. ayurved shastranusar gun: manikya katu hone se kafshamak hota hai, moti kashay rasatmak hone se pitt aur kaf donon ko shant karta hai. praval tikt hone se pitt aur kaf donon ka shaman karta hai. panna chahon svad yukt hone se vat, pitt, kaf tinon ka shamak hai. shvet pukhraj madhur hota hai, islie vat aur pitt ko shant karta hai. hira amliya hone se vat shamak hai. nilam lavan rasatmak hone se vat shamak hai. ratnon ki kirnon ke gun dharma: jyotish shastra ke anusar vatnari sansthan ka adhipti shanaishchar hai. vahi nariyon ki kriya ko adhikar men rakhta hai. majja dhatu ka adhipti mangal hai. vah pitt aur rinatmaka shaktiyukt hai. jyotish shastra men ras aur rakt sansthan men vibhed nahin mana gaya hai. un donon ke upar chandra ka adhikar hai jo dhanatmak shakti yukta aur shital gun dharm yukt hai. vividh rang pradhan ratn kirnon ka rakt, mans adi sansthanon par bhinn bhinna prabhav parta hai. jaise û ras-rakt sansthan narangi rang ke adhikar men hai. û mans sansthan par hare rang ki kirnon ka adhikar hai. û med sansthan aur sab granthiyon par asmani rang pradhan kirnon ka adhikar hai. û asthi sansthan par rakt varn ki kirnon ka adhipatya hai. û majja pit varn ki kirnon se tatha vat sansthan baingni kirnon se pushta hote hain. û shukra sansthan nil varn ki kirnon se pusht hota hai. is vivechan se nimnalikhit nishkarsha niklta hai. û baingni varn ka hras hone par vat nariyan pirit hoti hain. û nil varn ki nyunta hone se shukra vikrit hota hai. û asmani varn ki kami hone se granthiyan shithil ho jati hain. û hare rang ki nyunta hone se mans sansthan prabhavit hota hai. û pit varn ki nyunta hone par majja dhatu dushit hoti hai. û narangi rang ke kam hone par rakt men vikriti ati hai. û rakt varn ke hras hone se asthi sansthan men vikar utpann hota hai. surya ke tap, vividh bhojan, pey, vishuddha vayu adi se jivon ko niyamit varna prapt hote hain, kintu jab nausargik rog nirodhak shakti nirbal ho jae ya kitanu ya vish ka deh men pravesh ho jae, tab jivon ki un varnon ki kirnon ki grahan shakti shithil ho jati hai. aisi paristhiti men ratn athva anya aushdhi, rog shamak athva ahar vihar dvara rog nivaran aur svasthya sanrakshan kar lena chahie. ayurved aur yunani chikitsa paddhati men ratnon ka upyog pishti aur bhasma ke rup men hota hai. lekin isse ratnon ka nash hota hai jabki jyotish shastra men ratnon ke dharan karne se rog nivarn aur svasthya raksha ki bat kahi gai hai jisse ratn nasht nahin hote. ratnon se rog nivaran aur svasthya raksha ki ek aur vidhi hai jo homiyopaithi men kam ati hai. yah vidhi dae. bhattacharya dvara apnai gai vidhi hai. yah is prakar hai. ek dram vishuddh surasar ya vishuddha madyasar ko bhali prakar saf ki hui ek botal men bharen. usmen adhe se ek ratti arthat 1/96 tola hira, manikya, panna, pukhraj, nilam, mukta, praval ya sfatik dalen. yadi moti dalen to ek dalen. isi prakar praval shakha ka ek tukra dalen. fir naya dat lagakar shishi ko band kar peti ke bhitar 2 saptah rakh den. fir shishi ko bahar nikal kar kuch samay tak hilaen. uske pashchat ratn ko bahr nikal len. fir usmen homiyopaithi vidhi se bani hui nan. 20 ki dugdha sharkara ki goliyan dalakar upar niche ghumakar goliyon ko bhigo den. kuch ghanton pashchat in goliyon ko svachcha shvet kagaj par sukha den, aur fir shishi men bhar kar lebal laga len. is prakar goliyan varn pradhan ratn ke anurup gun dharm vali ban jati hain tatha ratn jaisa tha vaisa hi rah jata hai. ekadhik varn ka hras hone par ratna mishran ka prayog kiya jata hai. islie hira, nilam, shvet pukhraj aur panna charon ko milakar surasar taiyar kiya jata hai. isi tarah ukta saton ratn milakar bhi surasar bana liya jata hai. nilam, hira, shvet pukhraj aur panna pradhan varn dravya men un sabka gun ata hai jo jirn miyadi bukhar aur vividh prakar ke nutan tivra jvar men apna chamatkar darshata hai. is tarh sapt ratnon ke gun dharm vale surasar yukt goliyan ati jirn aur ghatk rogon men vyavhrit hoti hain.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.