- shanigrah ki pira se shanti ke lie: shanivar ke din sandhya ko kale kutte ko tel ki chupri hui roti khilani chahie. yadi kutta roti kha le to avashya shani grah dvara mil rahi pira shant hoti hai. yadi kutta roti nahin khae to shani ko ashubh manna chahie. kale kutte ko ghar ke dvar par nahin lana chahie, apitu pas jakr sarak par hi roti khilani chahie. - grihaklesh ki shanti ke lie ah kali ganuja ke gyarah dane lekr ghar ke sabhi sadasyon ke upar se utarne ke bad unhen dakshin disha men nirjana sthan par gar den. yah upay shanivar ya amavasya ko karen. - dhanarjan ke pashchat bhi dhan ka n tikna: yadi dhan kamane ke bavjud bhi barakat nahin hai to ek rupae ka sikka aur kali ganuja ka ek bij lekar jamin men kuch gahrai men daba den. yah upay ap shukla paksha ke pratham budhvar ya shukravar ko karen, pratah sarhe gyarah baje se barah baje ke bich. abhutpurva saflta paenge. vishesh dhyan rakhen ki koi apko toke nahin. - jhuthe vivad evan mukdme men fansne par: kai bar insan jhuthe mukdme evan vivad men ulajh jata hai jisse man-pratishtha ki bhi hani hoti hai. us ghar men dhan ki barbadi aur kalah ka vatavaran rahta hai. yadi batae gae upay sahi shraddha aur dhang se kie jaen to saflta nishchit hoti hai. mukdme men jate samay chandi ka tukra pile vastra men bandhakar avashya apni jeb men rakhen. chandi ka chairas tukra hamesha pas rakhen. ratri men kisi se jhagra n karen, apashabd n kahen. ghar ke dakshin darvaje se ana-jana n rakhen. varsha ke jal ko ghar men sanbhal kar rakhen aur purnima ko use ful dvara sare ghar men chirken. - hanikarak vriksha: ghar aur karyasthal par jivan sankat utpanna karne vale vriksh nahin lagaen. ye vriksha is prakar hain: motiya, chanpa, kevra, anvle ka vriksh. grih ke samip ashuabh falkari chanpa, rat ki rani jaise atyadhik sugandhit aur thandak pradan karne vale paudhon ke niche jahrile sanp aur kire akar ratri ko vishram karte hain, atah ye shubh faldayi nahin hain. grihasvami ke jivan par sankat a sakta hai. - shani grah evan vastu dosh dur karne ke lie: lohe men shani grah ka vas hota hai, atah ap apne ghar ke mukhya dvar par kale ghore ki ghisi hui nal lagaen. jo nal apne ap ghore ke pair se ghis kar tuti ho us nal ka atyant mahatva hai. isse shani dev prasann hote hain, ghar men sukh-shanti aur samriddhi bani rahegi. - makan ki ninv rakhte samy: chandi ka sarpa-sarpani ka jora bhumi pujan karke makan ki ninv men dalna chahie. ek patra ya shishi men shahad bhi rakhen. isse makan ki ninv majbut hoti hai. bhukanp bhi ae to bhi makan surakshit rahta hai, divaron par dararen nahin parti, unmen kabhi sanp-bichchu nahin niklte hain. û ghar men lakshmi ka vas rahne ke lie: pratidin apne pujagrih men fulon ki ek mala apne ishtadev ko charhaen, bhog lagaen tatha garib ko dan men kuch avashya den. bure dinon men yah punya kam ata hai. chota sa upay hai, fal anant hain. - kanya ke jaldi vivah ke lie: kanya ki nak avashya chidvaen aur usmen chota pila pukhraj ya pila nag dalvaen. badha dur hogi aur vivah shighra hoga. - nind ane ke lie: bure svapna n aen aur sundar nind ae iske lie sone se purva ishvar ka smaran kar tin bar nimn mantra ko bolen. sukhd nind aegi aur bure svapn bhi nahin aenge. mantra: achyutan keshvan vishnun harin soman jandinam. hansan naraynan krishnan japed dussvapnaprashantey..
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.