इंजिनियर बनने के ग्रह योग

injiniyar banne ke grah yog  

Ank ke aur Lekh | Sambandhit Lekh | Views : 3868 |  
injiniyar banne ke grah yog jay niranjan yadi kisi jatak ki kundli men injiniyar banne ke do ya do se adhik achche yog hon to jatak injiniyaring ki shiksha prapt kar takniki kshetra men kairiyar prapt karta hai. jyotish men injiniyar banne ke nimnalikhit yog pae jate hain. dasham bhav ya dashmesh par mangal ya shani ka prabhav ho. chaturth bhav ya chaturthesh par mangal ya shani ka prabhav ho. dasham bhav ya dashmesh athva chaturth bhav ya chaturthesh par rahu ka prabhav ho. kendra ya trikon men mangl-shani ki yuti ya saptam drishti sanbandh ho tatha navmesh-dashmesh ki yuti ya drishti sanbandh se dharmakarmadhipti yog ban raha ho. mangal karmesh hokar labh bhav men budh se yuti kar raha ho. mangal aur parakramesh ki yuti ho tatha mangl-shani ka drishti sanbandh ho. dashmesh par mangl-shani evan labhesh ka shubh prabhav ho. uparyukt yogon men se koi do ya do se adhik yog chandra ya navansh kundli men bhi hon. in grah yogon ko nimnalikhit udahrnon men dekhna samichin hoga. prastut kundli bhart-ratn mahan injiniyar do. em. vishveshraiya ki hai. inki kundli men injiniyar banne ke nimnalikhit yog hai- navam bhav men mangl-shani (parakramesh) ki yuti lagnesh v chaturthesh guru se hai tatha dasham bhav men dashmesh budh aur navmesh surya ki yuti se shubh dharm karmadhipti yog nirmit hai. navam bhav sthit mangal v shani aur chaturthesh guru par rahu ki navam drishti hai. chandra kundli ke chaturthesh mangal ki parakramesh guru tatha lagnesh shani ke sath yuti hai. chandra kundli ke dashmesh shukra par shani ki drishti hai. prastut janmakundli ek sevanivritt sivil injiniyar ki hai jo vartaman men ek bari nirman kanpni men 1 lakh pratimah vetan par karyarat hain. inki kundli men injiniyar banne ke nimn yog hai- parakramesh shani ki mangal evan rahu se saptam bhav men yuti hai. mangal ki dasham bhav par tatha shani ki chaturth bhav par tatha rahu ki chaturthesh guru par drishti hai. parakram bhav men navmesh surya tatha dashmesh budh ki yuti se dharm karmadhipti yog nirmit hai jis par rahu ki navam drishti hai. chandra kundli ka dashmesh shukra, parakramesh bhi hai tatha rahu se drisht hai. chandra kundli ka chaturthesh mangal, shani-rahu se yuti kar raha hai.
Kya aapko lekh pasand aaya? Subscribe

Kya aapko lekh pasand aaya? Subscribe


punarjanm visheshank  September 2011

punarjanm ki avdharna aur uski prachinta ka itihaspunarjanm ke bare men vividh dharm granthon ke vichar punarjanm ki vastavikta v siddhant paramamovigyan ki bhumikapunarjanm ki pushti karne vali bharat tatha videshon men ghati satya ghatnaen pitridosh ki sthiti evan punarjanm, shradakarm tatha punarjanm ka parasparik sanbandh

Subscribe

Apne vichar vyakt karein

blog comments powered by Disqus
.