मानव अस्वस्थता का कारण नकारात्मक ऊर्जाएं

manav asvasthata ka karan nakaratmak urjaen  

Ank ke aur Lekh | Sambandhit Lekh | Views : 4145 |  
manav asvasthata ka karan nakaratmak urjaen gita mainnam abha mandal ya urja kshetra us urja ka kshetra hai jo hamesha har kisi ke sath hota hai. brahmand men pratyek sajiv aur nirjiv vastu ka apna abha mandal hota hai. pratyek sajiv v nirjiv vastu ka abha mandal ek dusre se bhinn hota hai tatha ek dusre ko prabhavit karta hai. manushya ka abha mandal uske sharirik angon ke karyon men sahayak hota hai. kisi bhi manushya ke abha mandal ko pahchanakar ham uske sharirik, mansik v adhyatmik avastha ke bare men bata sakte hain kyonki manushya ka abha mandal uske chakron ki sthiti, uski karyashaili v uske jivan ke prati uske vichar kaise hain is par nirbhar karta hai. atharvaved ke 11ven adhyay men bhi abha mandal ke bare men charcha ki gayi hai jise divya kanti valay kaha gaya hai. abha mandal men indra dhanush ke sat rang, rahu-ketu ki kanpan shakti ko milakar nau rangon ki kanpan shaktiyan hoti hain. vigyan ki itni unnati ke bad bhi ham svasth nahin hain- manav sharir men sat pramukh chakra hote hain jo hamare sharir ki vibhinn granthiyon ko niyantrit karte hain. jaise hi hamare kisi chakra ki kanpan shakti men vighn utpann hota hai to usse sanbandhit granthiyan prabhavit hoti hain aur sharirik v mansik svasthya par nakaratmak prabhav dalti hain. jab koi granthi evan ang apni samanya kanpan shakti ko chorakar anya urja ke sath kanpan karne lagte hain to us sthan par asantulan utpann hota hai. ye pramukh sat chakra hamare sharir ke urja kendra hain jo hamare sharir ko gati pradan karte hain. sabse pahla chakra hai muladhar jo hamare sthul sharir (mans peshiyan v haddiyon) ko urja pradan karta hai. dusra chakra hai svadhishthan jo hamare prajanan angon v yurenri sistam (mutrashy) ko urja pradan karta hai. tisra chakra hai manipura jo hamari bhavnatmak urja ka kendra bhi hai, yah hamare yakrit, agnashay v tilli ko urja pradan karta hai. chaitha chakra hai anhata jo hamare hriday ko urja pradan karta hai. panchva chakra hai vishuddhi jo hamare gale ko urja pradan karta hai. chatha chakra hai agya chakra, yah chakra sharir ke pratyek chakra ko karya karne ka nirdeshan deta hai tatha kisi bhi nirnay ko lene men hamari sahayta karta hai. satvan chakra hai saharsharara jo hamari adhyatmik avastha ko darshata hai. ye sat chakra niche muladhar se upar saharsharara tak 400bhra se 700bhra ki kanpanashakti men kanpan karte hain jis kanpanashakti men indradhnushiya rang kanpan karte hain in chakron ki kanpan shakti men asantulan hone par hamari sharirik v mansik avastha men bhi asantulan utpann ho jata hai. vigyan ke dvara itni unnati karne ke bad bhi ajakal rog barh rahe hain kyonki aisi koi sukshm urja jisko ham mahsus nahin kar pate hain in kanpan shaktiyon men badlav la rahi hai inke tin-char karan hain- hamen yah jankari honi chahie ki aisi kaunsi urja hai jo in kanpan shaktiyon men badlav la rahi hai ye urja hai- jiyopaithik steªs nigetiv altra vaylet (ketu) nigetiv infrared (rahu) vichar jiyopaithik stres: hamari prithvi ke andar se kuch aisi nakaratmak tarangen nikal rahi hain jo hamari sharirik v mansik avastha ko nuksan pahuncha rahi hai jise jiyopaithik stres kahte hain. ‘jiyo’ ka arth hai ‘bhumi’ tatha ‘pathos’ ka arth hai ‘pareshani’ arthat bhumi se milne vali pareshaniyan. prithvi ke andar pani chattanon ke bich se patli-patli lainon se hokar teji se bahta hai. is pani ke andar bahut si jahrili gais, dhatu v khanij lavan adi mile rahte hain jab yah pani ka bahav prithvi ki megnetik lain ko katta hai to ek tarang utpann hoti hai jo ek spayaral ke rup men upar ki taraf jati hai jisse bahut hanikarak tarangen niklti hain. jiyapaithik stres puri tarah prithvi par ek jal ki tarah faila hua hai. iski lain har 3 mitar se 10 mitar ki duri par har disha men faili hui hain. yadi koi manushya 24 ghanton men 6 se 8 ghante is lain par vyatit karta hai to vahan se niklne vali tarangen manushya ki sharirik v mansik avastha ko nuksan pahunchati hain kyonki in nakaratmak tarangon se manushya ke urja kshetra men suksham rup se kam karti hai jisse manushya ke mdamatahal bmadajatame arthat chakron ki kanpan shakti men badlav at hai jisse unka sharirik v mansik asantulan utpann hota hai. adhikatar manushya ko kainsar, asthama, hriday rog, madhumeh tatha jitne bhi lailaj rog hain isi jagah par baithne ya sone se hote hain. aurton ke dvara garbhadharan n karna, bachchon men sharirik v mansik apangta hona ya bachchon ko atyadhik uÿojit hona bhi in nakaratmak tarangon ke karan hota hai. atmahatya tatha hatya jaisi ghatnaen bhi inhin kshetron men rahne vale logon men adhik payi jati hanai kyonki tarangon ki kanpan shakti 200 bhra se bhi jyada hoti hai jabki hamari prithvi ki kanpan shakti keval 7.5 bhra hai. nigetiv altra vaylet rediyeshan (ketu): ajakal nigetiv altra vaylet rediyeshan (jise purvajon ne ketu ka nam diya hai) tarangon ka bhi kshetra barh raha hai. iski kanpan shakti barhne ke karan manushyon ke gale v sir se sanbandhit samasyaen adhik utpann ho rahi hain. yah urja vidyutiya upakaran se niklti hai jaise kampyutar, ti.visvich bord adi. jahan transfarmar v vidyut sab steshan lage rahte hain vahan iski kanpan shakti bahut jyada matra men barh jati hai. isse mirgi ka daura, bren tyumar hona mansik santulan bigrna adi samasyaen utpann hoti hain. nigetiv infrared rediyeshan (rahu): ajakal nigetiv infrared, (jise purvajon ne rahu ka nam diya hai) tarangon ka bhi kshetra barh raha hai. kabhi-kabhi iska kshetra jiyopaithik stres men bhi paya jata hai. kabhi iska ek apna kshetra hota hai. kabhi-kabhi yah urja dhatu aur chamra men bhi payi jati hai. yadi apke dvara yah rojamarra pahnne vale abhushan, belt men yah nigetiv infrared rediyeshan (rahu) hoti hai to vah apke sharir ki urja khichne lagti hai aur is sthan par svasthya se sanbandhit pareshani utpann hone lagti hai. vichar: manushya ke svasthya par uske vicharon ka bhi bahut gahra prabhav parta hai kyonki ek vichar ka bhi apna kshetra v kanpan shakti hoti hai. jis prakar ke vichar hote hain, usi prakar ka urja kshetra ek manushya ka hota hai. ek-ek nakaratmak vichar hamari sharirik urja kshetra men badha utpann karte hain jo kisi sharirik rog ke rup men bahar ate hain. udaharan ke lie yadi koi manushya lagatar paise ke bare men jyada chinta karta hai ya pareshan rahta hai to vah ridh ki haddi ke nichle hisse ke dard ki samasya se pirit ho jata hai. yunivarsal tharmo skainr: yah ek aisa yantra hai jismen ham kuch saimpal ka prayog karke kisi bhi nakaratmak urja ka pata laga sakte hain. yah ek kanpan shakti par karya karta hai. jis kanpan shakti ka prayog skainar men saimpal ke rup men karte hain, us kanpan shakti ki choti-choti jankari ki skainar dvara prapt ki ja sakti hai. skainar dvara kisi bhi manushya ke sharir ki janch karke pata lagaya ja sakta hai ki uske sharir men ye kis tarah ki aur kitne pratishat nakaratmak urja a chuki hai. isi prakar ghar ki bhi sakaratmak aur nakaratmak urja ka pata lagaya ja sakta hai. iski sahayta se manushya ke sharirik angon men a chuki aur ane vali bimariyon ka pata lagaya ja sakta hai kyonki manushya ke sharir men koi bhi bimari pahle uske urja kshetra ko prabhavit karti hai fir vah sharirik kshetra tak pahunchti hai. yadi koi bimari manushya ke urja kshetra men hai lekin sharirik kshetra men nahin pahunchti hai to skainar ke dvara us bimari ki pahchan kar li jati hai. kramash...
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.