सफल व्यापारी योग

safal vyapari yog  

Ank ke aur Lekh | Sambandhit Lekh | Views : 5757 |  
safal vyapari banne ke lie kundli men shreshth dhan yog ke sath-sath vyapar, vyavsay bhav ke karak budh grah ki shreshth sthiti vanchit hai. budh ko kushal prabandhan v arthik prabandhan ka karak hone se iske bali hone ki sthiti men dhan ke sroton ka dohan karne men shreshthastariya saflta prapt hoti hai. ek vyaparik sansthan ki ninv sthapit karne ke lie kushal prabandhan ke atirikt jatak ke mehnti hone ki bhi avashyakta rahti hai jiske lie mangal v tritiya bhav ka bali hona jaruri hai. sath hi chathe bhav ke shreshth hone se bajar ke pratidvandvi ko pacharne ki kshamata prapt hogi iske atirikt vyapar men sthirta tatha achchi yojnaon ki parikalpana hetu iske karak shani ka balvan hona bhi utna hi avashyak hai. vyapar men sahi samay par sahi nirnay lene ki kshamata ke lie lagn v lagnesh ke bal ki nap tol bhi karni hogi. bhagya bhav ka sahyog prapt karne hetu bhagya bhav ke karak guru v saubhagya ke pratik shukra ke atirikt navam se navam arthat pancham bhav adi sabhi ke bal se nirvighn karya sanpann hone ki garanti milti hai. saptam bhav ko vyapar ka karak bhav mana jata hai islie shreshth v bali saptam bhav bhi shreshthatam vyaparik yogyata sanpann karta hai. dasham bhav se jatak ki saflta ke star aur man samman, sanpann vyavsay ka nirdharan to hota hi hai islie dasham bhav bhi bali hona chahie. shreshth vyapari yogon men dhanesh v labhesh ka sthan parivartan yog sarvopri hai. lagn men surya chandra ki yuti akhand lakshmi yog ka pratik mani gai hai. lagnesh, dhanesh v labhesh ki kendra men yuti ho aur inmen se ek grah uchch rashisth ho to shreshth vyapari hota hai. kendra v trikon ke svamiyon ka sthan parivartan yog bhi vyapariyon ke labhdayak hote hue dekha gaya hai. -lagn men shukra, bhagyesh v dashmesh ki budh ke sath yuti ho to safal vyapari bane. dekhen ratan tata ki is kundli men uprokt yog hone ke atirikt tritiya bhav, mangal v shani bhi bali hai. -lagn men surya, chandra ki yuti ho, dhan bhav, tritiya bhav v dasham bhav bali ho to shreshthatam vyapari bane. dekhen dhirubhai anbani ki kundli- -shukra ki lagn men dashmesh v budh ke sath yuti ho, dvitiyesh bali ho tatha chaturthesh v panchmesh ka sthan parivartan yog banta ho to kushal vyapari bane. dekhen ted tarnar ki -budh, dhanesh v saptamesh bali hon v rahu ekadashasth ho to safalatam vyapari ho. -lagn, dvitiya, tritiya, saptam, navam, dasham v ekadash sabhi bhav bali hon to safalatam vyapari banne men sandeh nahin. -saptamesh, dashmesh v bhagyesh ki kendra men yuti ho, dhanesh v labhesh ka drishti ya yuti sanbandh ho tatha tritiya bhav, guru v surya bali hon v saptam bhav shubhakartari men ho to uchch stariya vyaparik saflta prapt ho. -yadi dhanesh labhesh ki kendra men yuti ho aur guru ki us kendra ke svami aur in grahon se yuti v drishti sanbandh ho. iske atirikt tritiya, pancham, saptam, navam v dasham bhav bhi bali hon to vyaparik kshetra men shreshth saflta prapt hoti h -rahu ketu ko chorakar anya sabhi grah dvitiya, navam, dasham v labh bhav men hon to kushal vyapari banne men shreshthatam saflta prapt hoti hai. dekhen ar.pi. goenka ki kundli uprokt kundliyon ke vishleshan se yah spasht hai ki kushal vyapari banne hetu dvitiya, pancham, navam v ekadash bhav ke karak guru ki shreshth sthiti bhi sahayak ho sakti hai kyonki vyapar men saflta hetu in sabhi bhavon ki shreshth sthiti atyant avashyak hoti hai. guru ke atirikt tritiya v saptam bhav tatha budh, shani v mangal ka bali hona shubh rahega.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.