अद्भुत समानता- सगे सम्बन्धियों की कुण्डली में

adbhut samanta- sage sambandhiyon ki kundali men  

Ank ke aur Lekh | Sambandhit Lekh | Views : 1087 |  
bhartiya jyotish v uske rachyitaon ki jitni bhi prashansa ki jaye vah kam hogi. kyonki keval bhartiya jyotish hi bata sakta hai ki ek hi parivar ki vibhinn pirhiyon ke sadasyon ki janm kundliyon men ek adbhut samanta hoti hai jo yah siddh karti hai ki sabhi sadasya purva janmon se hi ek dusre se jure rahte hain. ham unhin parivaron men janm lete hain jinse hamara purva janmon men bhi sanbandh tha. ye sab kaise hota hai - ye keval ishvar hi janta hai ya fir hamara bhartiya jyotish. aj ham jyotish ke madhyam se ye janne ki koshish karte hain ki ye samanta vibhinn sadasyon ki janm kundliyon men kis prakar ki hoti hai. iske liye ham ek parivar (rani ahuja ka parivar) ke tin pirhiyon (kul 12 jatk) ki kundliyon ka adhyayan karte hain jismen rani ke do bhai sarvesh v om prakash tatha bahan rajjo hain. rani v uske donon bhaiyon ke do-do bachche hain. iske atirikt parivar men rani ke pati ramesh ahuja v man rameshvari devi hain. in kundliyon men ham payengen ki kis prakar unki kundliyan ye siddh karti hain ki ve sabhi ek hi parivar ke sadasya hain. 1. rani ahuja (27.03.1945, 22ah30, faridabad), unke bade bhai sarvesh (08.11.1937) aur unki mata rameshvari devi (05.05.1909, 01ah20, ropd) ki janm kundliyon men samanta dekhiye. rani ahuja ka tula lagn hai to unki mata rameshvari ki tula rashi hai. donon ki kundliyon men surya v chandra ka drishti sanbandh hai. sarvesh v rameshvari devi ki kundliyon men makar rashi ka uchch ka mangal hai. sarvesh v rameshvari ki kundliyon men surya v shukra ki yuti hai. rani ke matri bhav ki rashi makar hi rameshvari devi ka lagn hai. donon ka hi shukra mesh rashi men hai. donon ka guru sinh rashi men hai. rani v sarvesh donon ke matri bhav ka svami grah shani hai. 2. mata rameshvari, unki beti rani v rani ki beti ruchika (26.03.1970, 05ah40, faridabad) ki kundliyon men dekhen to pate hain ki rani ka lagn tula hai aur ruchika v uski nani ki chandra rashi tula hai. rani v ruchika ka mangl-guru ek dusre ko dekh rahe hain. rani v uske donane bachchon ruchika v rajiv (28.03.1971, 18ah50, faridabad) ka surya bhi min rashi men hai. mata rameshvari ke pancham santan bhav men shukra ki rashi hai to uski beti rani ke lagn men bhi shukra ki rashi ai. rani ke pancham santan bhav men shani ki rashi hai to uski beti ruchika ke lagn men bhi shani ki rashi ai. 3. pati ramesh ahuja (21.08.1943, 20ah00, faridabad) aur unki putri ruchika donon ki janm kundli men kunbh lagn hai. donon ki kundliyon men surya v shukra ki yuti hai. donon ki kundliyon men gajkesri yog hai. pati ramesh ahuja aur unke putra rajiv dono ki janm kundli men chandra rashi mesh hai. dono ke chaturth bhav men mangal virajman hai. donon ke hi saptam bhav men surya dev hain. ramesh ka lagnesh shani hai to rajiv ke lagnesh ka sanbandh shani se hai. bahan ruchika v bhai rajiv ki kundliyon mane shani mesh rashi men hain. ruchika ki kundli men guru mangal amne samne hain aur rajiv ki kundli men donon grah ek dusre ki rashi men baithe hain. donon ke surya min rashi men hain. 4. rani v uske bete rajiv ki kundliyon men pancham bhav men shani ki rashi hai. rajiv ka kanya lagn hai to rani ki kanya rashi hai. donon ka budh mesh rashi ka hai. rani ka shani-rahu ek sath hain to rajiv ke rahu par shani ki drishti hai. 5. bhai sarvesh v unke beta sanjiv (02.01.1972, 05ah00, dilli) aur unki beti sarika (24.10. 1968, 03ah15, dilli) ki kundliyon ko dekhen to pate hain ki sarvanesh v sanjiv ki kundliyon men vrishchik lagn hai. donon ke pancham bhav par rahu-ketu ka prabhav hai. dono ke guru chandra paraspar yog bana rahe hain. sarvesh ka vrishchik lagn hai to sarika ki vrishchik rashi hai. in donon ke shani-guru ka drishti sanbandh hai. donon bhai bahan ke chandra-shukra v rahu-shani ka drishti sanbandh bhi hai. 6. rani ahuja aur unki bahan rajjo (01.09. 1935) donon ki chandra rashi kanya hai. in donane v unke chote bhai om prakash (19.12.1948) ki kundliyon men guru mangal ka paraspar sanbandh hai. shani v guru ka bhi paraspar sanbandh hai. donon bahnon ke matri bhav ka svami grah shani hai. 7. rani ahuja aur unke bhatije anekar (02.03. 1976, 22ah35, noeda) ki kundliyon men dono ka tula lagn hai aur budh-shukra ki yuti bhi hai. shani ki guru par drishti hai. guru v ketu ka bhi sanbandh hai. is prakar tin pirhiyon ki janmakundliyon ka hamne adhyayan kiya. in sabhi kundliyon men paraspar koi n koi samanta hai jisse is tathya ki pushti hoti hai ki hamara janm unhin parivaron men hota hai jinse ham janm janmantar se bandhe hote hain.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2014

Apne vichar vyakt karein

blog comments powered by Disqus
.