शयन एवं स्वप्नः एक वैज्ञानिक मीमांसा

shayan evan svapnah ek vaigyanik mimansa  

Ank ke aur Lekh | Sambandhit Lekh | Views : 6004 |  
svapn kya hain? ye kyon ate hain? inka hamare bhavishya se kya sanbandh hai? isko samjhne ke lie sabse pahle samjhte hain nind ko. nind kya hai? yah kyon ati hai? nind ki kya-kya avasthaen hain aur nind ki kis avastha men svapn ate hain? vaigyanikon ne isko samjhne ke lie shayan prayogshalaen banayi hain, jinmen shayan kaksh ke sath nirikshan kaksh rahta hai evan pratyek kaksh men mastishk ki vidyut gatividhi ke lie i i ji (eeg), manspeshiyon ki gatividhi ke lie i em ji (emg) evan ankhon ki gatividhi ko napne ke lie i o ji (eog) adi yantra lage hote hain. shayan ke dauran i i ji (eeg) ke dvara liye gaye gatividhi graf ko dekhte hain. jaise hi manushya sone ke lie jate hain, jagrat avastha ki kam volt evan uchch frikvensi (14-30 hz) ki bita tarangane kuch kam frikvensi (8-12 hz) evan adhik voltej ki alfa tarangon men badal jati hain (avastha-1) jaise hi kuch nind aur ati hai, voltej barhti jati hai evan frikvensi kam hoti jati hai. uske bad nind ke jhatke ane lagte hain (avastha - 2 evan 3) jo ek minat men 2 se 5 bar dikhai dete hain. iske bad jaise-jaise nind gahri hoti hai (avastha -4), tarangon ki unchai bahut adhik barh jati hai evan frikvensi 3-4 prati seeekend se kam ho jati hai. svapn kal lagabhag 1½ ghante pashchat shuru hota hai. iske dauran ankhane ki gatividhi atyadhik barh jati hai. dimag ki vidyut gatividhi badal kar jagrat avastha jaisi ho jati hai. is samay ankhon ka hilna svapn ke anusar hota hai. yah svapn kal dobara se gahri nind men badal jata hai aur gahri nind (avastha) fir svapn kal men badal jati hai. subah hote-hote svapn kal lanba hota jata hai. pahla svapn kal keval 5 se 10 minat ka hota hai, jabki pratah kal iski avdhi ½ ghante se bhi adhik ho jati hai. jitna lanba svapn kal hota hai, utna hi svapn yad rahne ki sanbhavna adhik hoti hain. yahi karan hai ki pratah kal ke svapn hi adhikatar yad rahte hain. nind n ane ki bimari umra ke sath barhti nazar ati hai, jabki nind n ane ke bare men shikayat karne vale log shayad sote utna hi hain, jitna aur log. gahri nind n ana nind ki bimari ka karan hota hai. gahri nind ke lie kuch upay kiye ja sakte hain: - sone se pahle kuch parhen, ya dimag ka karya karen. - sone se pahle garm pani se nahaen. - din men n soen. - pratyek din ek samay par hi soen. - rat ko chay-kaefi adi n len, ya dhurampan n karen. - lete hue kisi mantra ka jap karen. garm pani se nahane se, ya dimagi karya karne se, ya mantra ka jap karne se mastishk andar se garm ho jata hai. isse mastishk ki kriya barh jati hai evan kriya ke bad thak kar vah vishram avastha men chala jata hai. is prakar gahri nind a jati hai. nind manushya ke jivan ka ek avashyak ang hai. jo kuch bhi vah din men dekhta hai, sunta hai, ya sikhta hai, vah rat ko nind men mastishk men surakshit rahta hai. sadharan vyakti ke lie 6-7 ghante ki nind kafi hoti hai. yadi manushya ko sone n diya jae, to uski smriti kshamata kamjor ho jati hai. uparyukt vivechan se yah saf hai ki pratyek vyakti svapn dekhta hai; usko yad rahe, ya n rahe. svapn avastha men yadi kisi vyakti ko chera ya nocha jae, to usko lagta hai ki svapn men use kisi ne kata hai; arthat svapn men bahri prabhav aur adhik ubhar kar mahsus hote hain. ek prayog men svapnavastha men logon ke upar pani ki fuhar dali gayi. lagabhag sabhi ne uthne ke bad bataya ki unhonne sapne men pani dekha. vigyan men svapn ko matra sote hue mastishk ki betrtib tantriya kriya bataya gaya hai. svapn kisi bhavishya ki suchna deta hai, is tathya ko keval kalpana mana hai. lekin vaidik vigyan men svapn ki purn mimansa hai. jisko vigyan ne betrtib tantriya kriya mana hai, vah gatividhi bhi to manav mastishk ki hai aur uske mastishk men vahi sab kuch hai, jise usne dekha, suna, ya mahsus kiya hai. atah svapn avashya manushya se sanbandhit hain. svapn men kai bar bhavishya saf-saf dikhai deta hai. aisa kyon aur kaise ? vigyan abhi iski khoj men hai. lekin vaigyanikon ke alava is tathya ko koi bhi sadharan vyakti nahin nakarega ki uski jindgi ka koi n koi svapn avashya hi bhavishya men sach hua. svapn kuch mahatvapurn tathya 1. kutte, billi aur anya sabhi janavar jaise- sanp, chuhe aur machliyan adi bhi svapn dekhte hain. jo janm se andhe hain ve bhi svapn dekhte hain. 2. jo log kahte hain ki hamen svapn nahin ate unhen keval svapn yad nahin rahte. svapn sabhi ko ate hain. 3. svapn men keval vahi dekhte hain jo hamne pahle dekha ya mahsus kiya hota hai, usi ka ek parivartit rup hi hamare svapn men ata hai. 4. adhikatar svapn daravne, udasinta bhare ya duahkh dard ke hote hain. 5. lagabhag pratyek ratri men ek vyakti char se sat bar svapn dekh sakta hai. svapn pratyek ratri men ek se do ghante rahte hain. 6. purushon ke svapnon men 70% purushon ya purush sanbandhi hi svapn ate hain jabki mahilaon ke svapnon men 50 pratishat purush v 50 pratishat mahilaen hoti hain. 7. svapnavastha men hamara mastishk daimithailatriptamin namak rasayan utpann karta hai. isi rasayan ki dava khane se prachur matra men svapan ate hain. 8. kai mahatvapurn avishkaron ka karan svapn raha hai jaise silai mashin, periodic table, altaraneting karant janretar aur gugal par lairi pej adi. 9. nidravastha men hamara mastishk bahri prabhavon, spandanon aur anubhvon ko svapn men bhashantarit kar deta hai. 10. kharraton ke sath svapn nahin ate hain. 11. ek vyakti apne jivan ke ausatan chah sal svapn men vyatit kar deta hai. 12. abhyas dvara ap apne svapnon ko niyantrit kar sakte hain. sinema ki tarah ap apne svapnon ke aranbh aur ant men ichchanusar tabdili la sakte hain. ise lyusid driming (lucid dreaming) kahte hain. 13. yadi svapnavastha men vyakti ko bar-bar jagaya jae to vah gusse ka shikar ho jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.