सिंहस्थ गुरु एव कुंभ स्नान

sinhasth guru ev kunbh snan  

Ank ke aur Lekh | Sambandhit Lekh | Views : 1045 |  
prayage meshasthejye makarasth divakre.. ujjainyan ch mesharke sinhasthe ch vrihaspate. sinhasthitejya sinharke nasike gautmi tate.. (skand puran) kunbh aur mesh rashi men surya hone par haridvar men, mesh rashi men guru aur makar rashi men surya hone par prayag tatha sinh rashi men guru aur mesh rashi men surya hone par ujjain men kunbh parva hota hai. sinh rashi men guru aur sinh rashi men hi surya jab hota hai, tab nasik panchvti men sinhasth mahakunbh parva manaya jata hai. ek sthan par kunbh mela lagabhag 12 varshon bad parta hai. guru evan surya ki rashi ke anusar yah parva manaya jata hai: sthan guru ki rashi surya ki rashi purva kal men kunbh bhavishya men kunbh haridvar kunbh mesh 1986, 1998, 2010 2021, 2033 prayag vrishabh makar 1989, 2001, 2013 2025, 2037 nasik sinh sinh 1980, 1992, 2003 2015, 2027 ujjain sinh mesh 1980, 1992, 2004 2016, 2028 is prakar kunbh ka mela, ek nishchit samay ke pashchat na ho kar, lagabhag 12 varshon ke antral men punah usi sthan par manaya jata hai. guru evan surya ke rashi sancharan ke anusar kabhi nasik men pahle evan kabhi ujjain men pahle kunbh parta hai. guru is varsh 14 julai ko 6ah25 pratah kark se sinh rashi men pravesh kar rahe hain. atah sinhasth guru ke parva 14 julai se hi prarambh ho rahe hain. agast 2015 se nasika/tryanbkeshvar men kunbh parva manaya ja raha hai tatha aprail 2016 se yah parva ujjain men manaya jaega. nasik men vibhinn dinankon men nimn vishesh snan honge: 14 julai - nasik men ram kund par sinhasth guru parva 14 agast - akharon dvara dhvaja arohn 26 agast - shravan shukla ekadshi snan 29 agast - shravan purnima ko pratham shahi snan 13 sitanbar - bhadrapad amavasya ko mukhya dvitiya shahi snan 18 sitanbar - rishi panchmi ka tritiya snan 25 sitanbar - vaman dvadshi ka mukhya chaturth snan 2016 men ujjain ke sath haridvar men ardh kunbh bhi manaya jaega. 2019 men vrishchik ke guru men prayag men ardh kunbh manaya jaega. ardh kunbh keval haridvar evan prayag men manaya jata hai, ujjain evan nasik men nahin. ujjain mane kumbh ki va haridvar men arddh kumbh ki nimn tarikhen vishesh hain: ujjain 22.04.2016 purnima snan 06.05.2016 amavasya snan 09.05.2016 tij snan 11.05.2016 pachanmi snan 21.05.2016 purnima snan haridvar 14.01.2016 makar sankranti par snan 08.02.2016 mauni amavasya snan 12.02.2016 basant panchmi snan 22.02.2016 magh purnima snan 08.03.2016 mahashivratri shahi snan 07.04.2016 somvti amavasya shahi snan 15.04.2016 ramnvmi snan 22.04.2016 chaitra purnima snan 06.05.2016 amavasya snan 21.05.2016 veshakh purnima snan surya, guru evan chandra ki vividh sthitiyon ke anusar kunbh parva ke ayojan par bhinna-bhinn charon sthalon ka shahi snan hota hai. tadnusar vibhinn akharon ke mahanton ka snan hota hai. iske pashchat shankracharyon ka snan hota hai. iske bad mahamandleshvaradi ka snanadi hota hai. kunbh parva par kiye gaye dharm kritya koti guna adhik fal pradan karne vale hote hain. atah is parva par sabhi ko dharm labh lena chahie. is varsh guru evan surya ke sinh rashi men pravesh karne par kartikadi shravan mas ki amavasya, arthat 29 agasta 2015 ko nasik men ram kund men kunbh parva ke pratham shahi snan ka ayojan kiya gaya hai. vaidik vanmay ke anusar tryanbkeshvar men shaiv evan nasik men, jahan bhagvan shri ram ne apne banvas ka chaidhvan varsh vyatit kiya tha, vaishnav log snan karte hain. yah svayan men ashcharya ki bat hai ki kunbh parva men, bina kisi nimantran ke, lakhon-karoron log ek hi samy par, ek hi sthan par ekatrit ho jate hain. kunbh mahatmya mahabharat evan anya granthon ke anusar devasur men paraspar yuddha ke samay samudra manthan hua. us samay amrit kalash prapta hua, jise kunbh bhi kaha jata hai. is amrit kunbh ko le kar prayag, ujjain, nasik, haridvar adi 4 sthanon par vishram ke samay garur ji ne vahan dev pujan kiya. isi bich amrit ki kuch bundane vahan chalak parin, jis karan in 4 sthalon ki dh arti ko shuchi sangyak mana jane laga evan vahan kunbh parva manaya jane laga. hindu dharm ganrathon men kunbh parva ka atyant vistrit ullekh paya jata hai. pauranik kathaon ke anusar samast dev evan devigan kunbh par agaman kar ke anandit hote hain. kunbh parva par shraddh, yagya, dan, tap, mantra siddhi adi pramukh rup se siddh hote hain. snan vidhi ganga, yamuna, sarasvati, krishna, kaveri, brahmaputra adi kai aisi pavitra nadiyan hain, jinmane snan karte samay sarvapratham pair ka sparsh anuchit mana gaya hai. is karan snan karte samy sarvapratham thora sa jal apne hathon men le kar sir par chirkna chahie. tatpashchat sare ang ko nahlaya ja sakta hai. kya karen? kunbh parva ke samay, dharm sindhu ke anusar, 8 dan mukhya mane gaye hain tatha inki visheshtaen ati labhkari hain. ye ath dan is prakar hain: 1. til 2. loha, athva lohe se nirmit vastuen 3. kapas, athva kapas se nirmit vastuen 4. sona, athva sone se bani vastuen 5. namak 6. sapt dhanya 7. prithvi evan 8. gay. kunbh parva par bhishm ji ko tarpan dena sabhi ke lie avashyak evan punyakari mana gaya hai. kunbh parva par tanbe ke lote se surya ko aghrya dena ati labhkari hai. aghrya dene se netra dosh, nav grah dosh, pitri dosh nasht hote hain. aghrya dene ke lie suryoday ke kuch bad, lote men jal le kar, hriday ke sath laga kar, dhire-dhire jal ko atut dhar se girana chahie. nav grah shanti evan kal sarp yog shanti, vish kanya dosh adi ki shanti bhi kunbh parva par uchit mani gayi hain. saubhagya evan sukh ki prapti ke lie kunbh parva par gangadi ke kinare ki mitti se shiv ling nirmit kar ke parthiv puja karne se sukh-saubhagya ki nishchay hi prapti hoti hai. anek prakar ke bure karmon ke prayashchitasvarup, hriday tak jal men khare ho kar, shuddh rudraksh ki mala par yathashakti 24 sankhyatmak jap karne se labh hota hai. putra prapti evan putra sukh ke lie shrimadbhagavat kathamrit ka pan karna tatha vishnu evan krishn ko tulsi, athva bel patra se sahasrarchan karna nishchay hi labh dete hain. bhagyoday evan dhan labh adi ke lie brahma evan ekadash rudra ki puja-upasna ki jati hai. kamal pushp se vishnu pujan karne par kunbh parva par upasthit sabhi devtaon ko santushti milti hai tatha ve ashish pradan karte hain. punya nadi ke kisi bhi tirth men snan karne se sabhi pap nashta ho jate hain evan punya ki prapti hoti hai. kaha gaya hai ki jo punya kartik mah men hajar bar ganga snan se prapt hota hai, magh mah ke sau snan evan vaishakh men ek lakh narmada snan karne par jo punya prapt hota hai, vah punya kunbh parva men ek snan se prapt hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2015

Apne vichar vyakt karein

blog comments powered by Disqus
.