श्री राधाष्टमी व्रत

shri radhashtami vrat  

Ank ke aur Lekh | Sambandhit Lekh | Views : 5322 |  
shri radhashtami vrat . parva/vrat pan. braj kishor bharadvaj brajvasi bhadrapad mas ke shukla paksh ki ashtami shri radhashtami ke nam se prasiddh hai. shri radhaji vrishbhanu ki yagya bhumi se prakat hui thin. ved tatha puranadi men jinka ‘krishn vallabha’ kahakar gungan kiya gaya hai, ve shri vrindavneshvari radha sada shri krishn ko anand pradan karne vali sadhvi krishnapriya thin. kuch mahanubhav shri radhaji ka prakatya shri vrishbhanupuri (barsana) ya unke nanihal raval gram men pratahkal ka mante hain. kalpabhed se yah manya hai, par puranon men madhyahn ka varnan hi prapt hota hai. sadashiv ne devarshi narad ji ko is vrat ka sanpurn vrittant us samay shravan karaya tha, jab bhakti ke avtar devarshi ne bhagvan bhutbhavan ke shri charnon men sadar pranam kar pucha, ‘‘he mahabhag ! main apka das hun. batlaie, shri radhadevi lakshmi hain ya devapatni. mahalakshmi hain ya sarasvati hain? kya ve antrang vidya hain ya vaishnavi prakriti hain? kahie, ve vedakanya hain, devakanya hain athva munikanya hain?’’sh sadashiv bole - ‘‘he munivar ! anya kisi lakshmi ki bat kya kahen, koti-koti mahalakshmi unke charan kamal ki shobha ke samne tuchch kahi jati hain. he narad ji ! ek munh se main adhik kya kahun? main to shri radha ke rup, lavanya aur gun adi ka varnan karne me apne ko asamarth pata hun. unke rup adi ki mahima kahne men bhi lajjit ho raha hun. tinon lokon men koi bhi aisa samarth nahin hai jo unke rupadi ka varnan karke par pa sake. unki rupmadhuri jagat ko mohne vale shrikrishn ko bhi mohit karne vali hai. yadi anant mukh se chahun to bhi unka varnan karne ki mujhmen kshamata nahin hai.’’ nardji bole - ‘‘he prabho shri radhikaji ke janm ka mahatmya sab prakar se shreshth hai. he bhaktavatsal ! usko main sunna chahta hun.’’ he mahabhag ! sab vraton men shreshth vrat shri radhashtami ke vishay men mujhko sunaie. shri radhaji ka dhyan kaise kiya jata hai? unki puja athva stuti kis prakar hoti hai? yah sab sujhse kahie. he sadashiv! unki charya, puja vidhan tatha archan vishesh sab kuch main sunna chahta hun. ap batlane ki kripa karen.’’ shivji bole - ‘‘vrishbhanupuri ke raja vrishbhanu mahan udar the. ve mahan kul men utpann hue tatha sab shastron ke gyata the. anima-mahima adi athon prakar ki siddhiyon se yukt, shriman, dhani aur udarchetta the. ve sanymi, kulin, sadvichar se yukt tatha shri krishn ke aradhak the. unki bharya shrimti shrikirtida thin. ve rup-yauvan se sanpann thin aur mahan rajkul men utpann hui thin. mahalakshmi ke saman bhavya rup vali aur param sundri thin. ve sarvavidyaon aur gunon se yukt, krishnasvarupa tatha mahaptivrata thin. unke hi garbh men shubhda bhadrapad ki shuklashtami ko madhyahn kal men shrivrindavneshvari shri radhikaji prakat huin. he mahabhag ! ab mujhse shri radhajanma- mahotsav men jo bhajn-pujan, anushthan adi kartavya hain, unhen sunie. sada shriradhajanmashtami ke din vrat rakhakar unki puja karni chahie. shri radhakrishn ke mandir men dhvaja, pushpamalya, vastra, pataka, tornadi nana prakar ke mangal dravyon se yathavidhi puja karni chahie. stutipurvak suvasit gandh, pushp, dhupadi se sugandhit karke us mandir ke bich men panch rang ke churn se mandap banakar uske bhitar shodash dal ke akar ka kamlyantra banaen. us kamal ke madhya men divyasan par shri radhakrishn ki yuglmurti pashchimabhimukh sthapit karke dhyan, padya-aghryadi se krampurvak bhalibhanti upasna karke bhakton ke sath apni shakti ke anusar puja ki samagri lekar bhaktipurvak sada sanytchitt hokar unki puja karen. shriradha-madhv-yugal ka dhyan hemendivrkantimanjultran shrimajjaganmohnan nityabhirlalitadibhiah parivritan sannilpitambaram.nanabhushnbhushnangmdhuran kaishorrupan yugangandharvajanamavyayan sullitan nityan sharanyan bhaje.. jinki svarn aur nil kamal ke saman ati sundar kanti hai, jo jagat ko mohit karne vali shri se sanpann hain, nitya lalita adi sakhiyon se parivritt hain, sundar nil aur pit vastra dharan kie hue hain tatha jinke nana prakar ke abhushnon se abhushit angon ki kanti ati madhur hai, un avyay, sullit, yuglkishorrup shri radhakrishn ke ham nitya sharnapann hain.’ is prakar yuglmurti ka dhyan karke shalagram men athva murti men punah samyak rup se archana karen. mahaprasad -vitaran ki mahima ah bhagvan ko nivedan kie gae gandh, pushpa-malya tatha chandan adi se samagat krishn bhakton ki aradhna karen. shri radhaji ki bhakti men dattachitt hokar unke lie prastut naivedya, gandh, pushpa-malya tatha chandan adi ke dvara din men mahotsav karen. puja karke din ke ant men bhakton ke sath anandpurvak charnodak lekar mahaprasad grahan karen. fir shri radhakrishn ka smaran karte hue rat men jagaran karen. chandi aur sone ki susanskrit murti rakhakar uski puja karen. dusri koi varta n karte hue nari tatha bandhu-bandhvon ke sath puranadi se prayatnapurvak ishtadevta shri radhakrishn ke katha-kirtan ka shravan karen. jo manushya bhaktipurvak shri radhajanmashtami ka yah shubhanushthan karta hai, uske vishay men sab devtagan kahte hain ki ‘yahi manushya bhutal men radhabhakt hai.’ is ashtami ko din rat ek-ek pahar par vidhiuparvak shri radhamadhav ki puja karen. shri radhakrishn men anurakt rasikjnon ke sath alap karte hue baranbar shri radhakrishn ko yad karen. is prakar mahotsav karke param anandit hokar ant men vidhipurvak sashtang pranam karen. jo purush athva nari radhabhaktiprayan hokar shri radhajanm mahotsav karta hai, vah shri radhakrishn ke sannidhya men shrivrindavan men vas karta hai. vah radhabhaktiprayan hokar vrajvasi banta hai. shri radhajanma- mahotsav ka gun-kirtan karne se manushya bhav-bandhan se mukt ho jata hai. ‘radha’ nam ki tatha radha janmashtami-vrat ki mahima jo manushya radha-radha kahta hai tatha smaran karta hai, vah sab tirthon ke sanskar se yukt hokar sab prakar ki vidyaon men kushal banta hai. jo radha-radha kahta hai, radha-radha kahakar puja karta hai, radha-radha men jiski nishtha hai, vah mahabhag shrivrindavan men shri radha ka sahachar hota hai. is vishvabrahmand men yah prithvi dhanya hai, prithvi par vrindavnpuri dhanya hai. vrindavan men sati shri radha ji dhanya hain, jinka dhyan bare-bare munivar karte hain. jo brahma adi devtaon ki parmaradhya hain, jinki seva devta karte rahte hain, un shri radhikaji ko jo bhajta hai, main usko bhajta hun. he mahabhag ! unke uttam mantra ka jap karo aur rat-din radha-radha bolte hue nam kirtan karo. jo manushya krishn ke sath radha ka (radhekrishna) nam-kirtan karta hai, uske mahatmya ka varnan main nahin kar sakta aur n uska par pa sakta hun. radha-nam-smaran kadapi nishfal nahin jata, yah sab tirthon ka fal pradan karta hai. shri radhaji sarvatirthamayi hain tatha aishvaryamyi hain. shri radha bhakt ke ghar se kabhi lakshmi vimukh nahin hotin. he narad ! uske ghar shri radhaji ke sath shri krishn vas karte hain. shri radhakrishn jinke isht devta hain, unke lie yah shreshth vrat hai. unke ghar men shrihri deh se, man se kadapi prithak nahin hote. yah sab sunakar munishreshth nardji ne pranat hokar yathokt riti se shri radhashtami men yajn-pujan kiya! jo manushya is lok men radhajanmashtami -vrat ki yah katha shravan karta hai, vah sukhi, mani, dhani aur sarvagunsanpann ho jata hai. jo manushya bhaktipurvak shri radha ka mantra jap athva nam smaran karta hai, vah dharmarthi ho to dharm prapt karta hai, artharthi ho to dhan pata hai, kamarthi purnakami ho jata hai aur moksharthi ko moksh prapt karta hai. krishnabhakt vaishnav sarvada ananyasharan hokar jab shri radha ki bhakti prapt karta hai to sukhi, viveki aur nishkam ho jata hai. shrimad devi bhagavat men shri narayan ne narad ji ke prati ‘shri radhayai svaha’ shadakshar mantra ki ati prachin paranpra tatha vilakshan mahima ke varnan prasang men shri radha puja ki anivaryata ka nirupan karte hue kaha hai ki shri radha ki puja n ki jae to manushya shri krishn ki puja ka adhikar nahin rakhta. atah samast vaishnavon ko chahie ki ve bhagvti shri radha ki archana avashya karen. shri radha bhagvan shri krishn ke pranon ki adhishthatri devi hain, islie bhagvan inke adhin rahte hain. yah sanpurn kamnaon ka radhan (sadhn) karti hain, isi karan inhen shri radha kaha gaya hai. shri radha ji ki arti ¬ jay radhe rani, maiya jay radhe rani.. ham sab sharan tumhari, jay sab gun khani .. ¬ .. ag jag sakal bhuvan yah, tumhari sab maya. maiya.. sabka palan poshan, karti kar daya.. ¬ .. rog dosh sab sankat, kshan men har leti .. maiya .. dudh put dhan sevak, ghar men bhar deti.. ¬ .. brahma vishnu maheshvar, manat sab deva .. maiya .. vrindavan men nishidin, krishn karat seva .. ¬ .. madhav karat arti, gavat nar nari.. maiya .. radhe-radhe sumirat, pavat falchari .. ¬ .. shri radha rani ke vishesh vandna shlok mat meri shri radhika pita mere ghanashyam. in donon ke charnon men pranvaun baranbar.. radhe meri svamini main radhe kau das. janm-janam mohi dijiyo vrindavan ke vas.. shri radhe vrishbhanuja bhaktani pranadhar. vrinda vipin viharini pranvaun baranbar.. sab dvaran kun chanri kai ayau tere dvar. shri vrishbhanu ki larili meri or nihar.. radha-radha ratat hi bhav vyadha mit jay. koti janam ki apda radha nam liye so jay. radhe tu barbhagini kaun tapasya kin. tin lok taran taran so tere adhin.. radhe-radhe shyam mila de.
Kya aapko lekh pasand aaya? Subscribe

Kya aapko lekh pasand aaya? Subscribe


ank shastra visheshank  September 2008

ank shastra men prachlit vibhinn padvatiyon ka vistrit vivaran, ank shastra men mulank, namank v bhagyank ka mahatva, ank shastra men mulank, bhagyank v namank ke adhar par bhavishya kathan ki vidhi, ank shastra ke adhar par pida nivarak upay, namank parivartan ki vidhi evan prabhav

Subscribe

Apne vichar vyakt karein

blog comments powered by Disqus
.