शिव का विष अमृत विवेचन

shiv ka vish amrit vivechn  

Ank ke aur Lekh | Sambandhit Lekh | Views : 3875 |  
shiv ka vish amrit vivechan ek bar ki bat hai. drongiri par sanjivniyon ko pahunchakar hanuman ji vapas akar bhagvan ram ke dhyan men lin the. usi samay bhagvan shankar vahan padhare aur hanuman ka dhyan apni or akarshit karne ke lie ‘jay shriram’ ka udghosh kuch uchch svar se kiya. falasvarup hanuman ka dhyan bhang hua. unhonne netra khole to sammukh shivji ko smit mudra men dekha. atyant harshit hote hue vah utavli men uthe aur apne prabhu shriram ke aradhya bhagvan shiv ke charnon men sashtang pranam kiya. fir unhonne bhaktipurvak unki stuti ki. tab shivji ne prasann hokar hanuman ji ko hriday se laga liya aur kaha, ‘‘he pavnputra! tumhare madhyam se hi main apne param priya prabhu shriram ki kuch seva kar saka hun. yah durlabh avasar mujhe tumhare karan prapt hua, kyaneki shankar rup men vah svayan meri puja seva karne lagte hain. he anjney! is samay tum tin rupon men sthit hokar shriram ke karya-sanpadan men rat ho. atah main tum par atyant prasann hun. main janta hun, tumhen kisi prakar ke vardan ki kamna nahin hai aur param gyan se sanpann hone ke karan tumhen kuch janna shesh bhi nahin hai. tathapi kuch gyan-charcha ki ichcha ho to kaho. main tumhare prashn ka uÿar dene men harsh ka anubhav karunga.’’ hanuman ji hath jorakar vinit bhav se bole, ‘‘prabho! ap gyan ke sakar rup hain. jagat ka samast gyan apke gyan-sindhu ki ek bund ke saman hai. apke gyanamay svarup tak vedon ki bhi pahunch nahin hai. atah ve sadaiv apki kri pa-drishti ke ichchuk rahte hain. srishti ka nirman, palan aur sanhar apke hi sanket se hota hai. samast prakriti apse utpann hokar anttah apmen hi vilin ho jati hai. sare padarth gun-sahit ap men samahit hain. apki amritamay madhurvani ka anand prapt karne ke lie hi apse meri vinamra prarthana hai ki is samay ap vish aur amrit ka vivechan kuch vistar se karne ki kripa karane.’’ mand muskan bikherte hue shivji ne kaha, ‘‘charcha ke lie bare ganbhir vishay ka chayan kiya hai tumne. kintu vatsa! vish aur amrit ke gurh vivechan men shav ke shiv banne ka rahasya nihit hai. atah iske purva kuch anya baton ko samajh lena bahut avashyak hai.’’ shivji ne shmashan-rahasya, chinta-rahasya, jam-rahasya tatha mrityu-rahasya ka vidhivat vivaran prastut kiya. hanumanji ne pucha, ‘‘bhagavan! apka kathan to yatharth evan purnatah satya hai, kintu iska sakshatkar kya manav ke lie sanbhav hai?’’ shivji bole, ‘‘iska sakshatkar manav ke lie sanbhav tha, sanbhav hai tatha bhavishya men sanbhav rahega. achcha, ab apne mukhya vishay vish aur amrit ki bat suno. iska sanbandh samudra-manthan se hai. isike antargat vish-amrit, janma-mrityu, andhkar-prakash adi sabhi dvait ang a jate hain. iska adha bhag mujhe mahabhairvi ne bataya hai.’’ hanuman ji ko atyant savdhan hokar sunte dekhakar shankar ji ne age kahna aranbh kiya, ‘‘dekho kesri nandn! devon aur asuron ke dvara samudra-manthan ka uddeshya tha amrit ki prapti. donon dalon ne ghor parishram kiya. ve thakakar chur ho gae, kintu kuch bhi nahin nikla. unhonne sahas nahin chora aur fir manthan ke karya men lag gae. use sansar halahal ke nam se janta hai, kintu vah atyant prakhar, tivra, tejomay, shaktipunj evan mahashaktiman amrit hi tha. use grahan karne ki samathrya kisi men nahin thi. isilie usse bhaybhit hokar sab ne use vish samajh liya aur ghabrakar sab idhr-udhar bhagne lage. uske samip jane ka bhi sahas kisi ne nahin kiya. tathapi, mahan parishram ke pashchat jo padarth prapt hua, use vyarth fenka nahin ja sakta tha. atah sab ne milakar use grahan karne ki prarthana mujhse ki. vichar karne par mujhe aisa pratit hua ki yah to sakshat param satya evan shashvat shakti ka amritamay mul tatva hai. atah mainne use grahan karna svikar kar liya. kintu udarasth karne ke uddeshya se jaise hi mainne pan-patra kapal men use bhara vaise hi is vichar se main chaink gaya ki yah to vah padarth hai, jo hriday ka svami hai, tab ise udarasth kaise karun? tab mainne use hriday se upar kanth men hi sthir karne ka nishchay karke uska pan kar liya. mere nishchay ke anusar mere kanth men virajman hokar usne mujhe nil kanth bana diya. usi prabhav se anant mantaron tatha kalpon ke bitne par hriday shiv-shiv kahta rahta hai, kabhi rukta nahi. us mahashakti ki sadhna men lin hokar jab main shiv shavrup ho jata hun, tab vahi adyashakti kal bhairvi tatha chinnamasta svarup vali shiva mujh shavrupi se viprit rati karti hui mujhe chetna pradan karke shiv bana deti hain. yah sara prabhav usi kalkut, halahal, vish athva dusre shabdon men antah shaktipunj amrit ka hai. vastutah vish aur amrit donon ek hi rup hain.’’ vish aur amrit ki yah tatvik vyakhya keval hanumanji ne hi nahin, parvat ki sabhi 64 sanjivniyon ne bhi suni. ve anand se lahrane lagin. fir apne harshatirek ko rok n pane ke karan sabki sab murtiman hokar shankar ji tatha hanuman ji ke charon or jhum-jhumakar nachne lagin. yah vichitra drishya dekhakar donon ashcharya-chakit ho gae. kuch kshanon ke bad sanjivniyan donon ke shariron se lipt-lipatakar umang se jhumne lagin. shivji aur hanumanji prashn suchak bhangima se ek-dusre ki or dekhne lage, mano puch rahe hon ki ye sanjivniyan chahti kya hain. tabhi brahm vani sunai pari‘ ‘‘he sarveshvaro! yadyapi is samay tum donon ka kamna hai ki ab se sadaiv ham apne sukshm rup se apke sath hi rahen. iska parinam yah hoga ki jo bhi chikitsak apke madhyam se apne kisi rogi ki chikitsa karega, usmen hamara purn sahyog rahega. hamare gun apki shakti ke sahare hi pallavit-pushpit honge. sath hi yadi vah apke mantron ka jap karta hua aushdhi-nirman karega athva rogi apke nam ka jap ya path karke aushdhi avashya rognashak tatha prabhavshali hogi. atah asha hai, ap ham sabko apni pavan kaya men pravesh karne ki anumti avashya denge.’’ is par hanuman ji ne fir shankrji ki or drishtipat kiya. unki agya pakar unhonne sanjivniyon ko svikaratmak sanket kiya. tab sabhi 64 sanjivniyan sukshm hokar hanuman ji ke sharir men pravesh kar gain aur unka bhautik rup parvat par purvavat harsh se lahrata raha. idhar hanuman ji aur sanjivniyon ka vartalap chal raha tha, udhar brahmalok men devarshi narad apne pita brahmaji se kshir sagar ki anokhi ghatna ka varnan kar rahe the. unhonne harsh ke sath hanuman ji ka virat rup dharan karna bataya. indradi samast devtaon dvara unki stuti tatha bhagvan radhakrishn ke unke svarup men lin ki bat ve nahin jante the, anyatha vah bhi batate. kuch log narad ko apas men jhagra karane vale muniraj kahte hain. kintu aisa ve agyani jan hi kahte hain, jo narad ji ke vastavik rup ko nahin jante. devarshi nard-jaisa hari-bhakt tatha lok-upkari dusra koi nahin hai. ve jivon ka dukh dekh nahin sakte. sansar sharir prithk-prithak hai, tathapi tum donon ek hi ho aur sada ek rahoge. ab in sanjivniyon ki abhilasha purn karo.’’ yah divya vani sunakar donon ne kinchit muskarate hue ek-dusre ko dekha. fir shivji ke sanket se hanuman ji bole, ‘‘he divya aushdhiyo! apki abhilasha kya hai?’’ sabhi 64 sanjivniyon ne ek svar men uÿar diya, ‘‘he sarvashaktiman hanuman ji! lamari ke logon ka kasht dekhakar unka hriday dravit ho gaya aur tatkal baikanuth jakar unhonne bhagvan vishnu se logon ka kasht dur hone ka upay pucha. bhagvan ne shri satyanarayan ke vrat-pujan dvara kasht se mukti ki bat kahi. bas, tabhi se sansar men shri satyanarayan ka vrat-pujan prachlit hua. isi prakar bhakti devi ke gyan-vairagya adi putron ko ati durbal tatha marnasann avastha men dekhakar dayalu narad ka hriday dravit hua aur badrikashram men tap kar rahe apne charon agraj sankadi ke pas jakar unhonne upay pucha. sankadi rishiyon ne shrimadbhagavat saptah ki sammati di. tab se bhagvt-saptah ka prachar hua. narad ji ki agadh mahima ka sabse bara praman yah hai ki sarveshvar bhagvan shrikrishn nitya unki stuti ka path karte hain. skand puran men aisa prasang ata hai ki ek samay shrikrishn nitya unki stuti ka path karte hain. skand puran men aisa prasang ata hai ki ek samay shrikrishn ne mathura-naresh (kans ke pita) maharaj ugrasen se kaha, ‘‘rajan! devraj indra dvara devarshi narad ji ki stuti ka path main nitya karta hun. isse ve mujhse bahut prem karte hain. ap bhi us stotra ka path nitya kiya karen, ve dayalu muni ap par sada kripa karte honge. solah shloki stuti ke ek shlok men narad ji ke vishisht gunon ka varnan karte hue kaha gaya hai ki jo utsahpurvak sabka kalyan karte hain, jinmen pap ka lesh bhi nahin hai tatha jo paropkar karne se kabhi uktate nahin hain, un nardji ko main namaskar karta hun. aise narad ji kshir sagar men hanuman ji ka virat rup dekhakar us alaukik rup ka samachar dene ke lie brahm lok pahunche aur sab kuch ka varnan kar diya. brahma ji bole, ‘‘vatsa! tumne hanuman ji ka keval virat rup dekha hai aur kuch kshan purva siddhashram men arddhanarishvar bhagvan shankar ko hanuman ji ki kaya men pravesh karte hue bhi yahin se dekha hai. tab fir....’’ ati ashcharya, harsh tatha utsukta ke vashibhut narad ji bich men hi bol pare- ‘‘tab fir kya bhagavan?’’ brahmaji ne kaha- ‘‘main sochta hun ki jab narayan hari aur bhagvan shiv hanuman ji ke sharir men pravesh kar chuke hain, tab main hi kyon is anand se vanchit rah jaun.’’ narad ji umangit hokar bole, ‘‘apka vichar ati uÿam hai. tab to shri hanuman ji pranav rup om ho jaenge, kyonki om men brahma-vishnu-mahesh tinon ka samavesh hai - yah ved-vakya hai. meri apse yah vinay hai ki jaise bhagvan hari aur shiv apni-apni shaktiyon ke sath hanuman ji ke sharir men pravisht hue hain, vaise hi ap bhi bhagvti sharda ke sath unki kaya men pravesh karen.’’ brahmaji ne kaha, ‘‘aisa hi hoga vats.’’ hanumanji ke sharir men sabhi sanjivniyan pravesh kar gain aur shankar ji antardhan ho gae aur siddhashram men akele hanuman ji rah gae. usi samay devi sharda ke sath brahma ji ka agaman hua. hanuman ji ne bhaktipurvak karabaddh donon ko pranam kiya. brahma ji bole, ‘‘hanumat! ab ap hamen pranam n karen, kyonki ap sarvapujya aur sarvavandniya hain. shrihri tatha bhagvan shiv ap men samahit ho chuke hain aur main bhi apni shakti sahit isi uddeshya se aya hun. ab ap pranv-parabrahmasvarup ho jaenge.1’’ hanumanji ko kuch bhi bolne ka avasar n dekar brahma ji sarasvati ji sahit unke sharir me pravisht ho gae. fir hanuman ji akele khare rahe. apne kshetra men anek divya ghatnaon ko ghatit hote dekhakar siddhashram atyant garva ka anubhav kar raha tha. anttah vah harshonmad se unmat hokar murtiman ho gaya aur hanuman ji ke sammukh karabaddh khare hokar vinit bhav se bola, ‘‘he devoÿam! main siddhashram yahan sthul rup se vidyaman rahte hue yahan ki samast vanaspatiyon evan divya aushdhiyon (sanjivniyon) ki vyavastha men koi badha nahin ane dunga, parantu he brahmarup bhagvan! ab main sukshm rup se sada-sarvada ap men hi nivas karunga.’’ aisa kahakar siddhashram bhi hanuman ji ke sharir men pravesh kar gaya.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.