संतान विचार: कुंडली किसकी देखें ?

santan vichar: kundli kiski dekhen ?  

Ank ke aur Lekh | Sambandhit Lekh | Views : 792 |  
jatak ki santan ke janm samay v ling nirdharn hetu pati-patni men se kiski kundli ka tatha kaise vichar karna chahie vistar purvak varnan karen. jab kisi ghar men mahila garbhavati hoti hai, to us ghar men uske ghar valon men khushi ke sath-sath yah prashn bhi balvti hota hai ki ane vala naya mehman (santan) putra santan hoga ya putri santan hogi. aise men jatak jab yah prashn kisi jyotishi ke pas puchne jata hai. tab jyotishi ke pas yadi mahila jatak jati hai to uski kundli ke anusar, is prashn ka uttara dene ka prayas karte hain aur yadi purush jatak jata hai to uski janmakundli se prashn ka uttar dene ki koshish karte hain. ab yahan yah bat vicharniya hai ki jatak ki santan ke ling nirdharan hetu kya ek janmakundli se hi vivechan kar pana sanbhav hai? aur yadi sanbhav hai to kis jatak ki kundli se vivechn karna chahie? santan ka janm to stri aur purush donon ke sansarg se hi hoga. islie santan putra hoga ya putri, iske vivechan se bhi pahle yah prashn ahm ho jata hai ki santan ka janm kab hoga. iske lie hamen us danpatti ke yog, dasha aur gochar ka vivechn karna hota hai. iske lie panchm bhav, panchmesh aur karak grah guru par grahon ki drishti, yuti tatha sthan par vichar karna hota hai. iske lie sarvapratham hamen kundli men yog ka vichar karna hoga. yadi panchm bhav shubh grahon se yukt aur drishta hoga tatha kisi ashubh grah se yukta v drisht n ho, pancham bhav pap katrtari yog men n ho to santan hone ka yog banta hai. prayah yah dekha gaya hai ki yadi pancham bhav ka karak grah guru pancham bhav men hi sthit ho jay to jatak ko santan sanbandhi pareshani ya chinta bani rahti hai jiske karn ho sakta hai santan ho hi nahin, aur yadi ho bhi to uska svasthya thik n ho ya santan hone men samanya se adhik samay lage ya santan samy par ho bhi jay aur svasth bhi ho to sanbhav hai ki parhai aur kariyar ko lekar chinta bani rahe, agyakari santan n ho ya santan ho magar vah mata-pita se dur rahe. tatparya yah hai ki jab bhi pancham bhav ka kark grah guru pancham bhav men sthit hoga to pareshani to hogi hi. yadi santan ka yog hai, lekin panchmesh ki dasha v antardasha n chal rahi ho to bhi santan hone men deri ho sakti hai. iske sath hi yah bhi dekhna hota hai ki karak grah guru ka gochar chandra se 5, 9 ho ya pancham bhav par ho ya lagn par tab santan hone ki sanbhavna hoti hai. iske atirikt shani bhi chandra se apne shubh sthan par gochar kar raha ho to hi santan hone ka yog banta hai. santan ke janm mane prathm prayas purush jatak ka hi hota hai, islie santan ka janm kab hoga, iske lie santan utpatti hetu purush jatak ki kundli hi mahatvapurn ho jati hai kyonki yadi purush jatk ki kundli men grah sthiti anukul nahin hogi to kitne bhi prayas kar len, stri garbh dharan karne men asamartha rahegi. isliye stri ki kundli ka vichar dvitiyak ho jata hai. anubhav ke taur par dekha gaya hai ki saptamansh kundli ke kendra ya trikon men sthit grah ki dasha ho to garbh dharan ki sanbhavna banti hai. yadi purush jatak (pati) ki kundli upalabdh n ho to hi stri jatak ki kundli se vivechan karna chahie. saptamansh kundli ke adhar par kaha ja sakta hai ki yadi santan ke janm samay par purush grahon (surya, mangal, guru) ki dasha chal raha ho to putra santan ki prapti hoti hai. tatha jab stri karak grahon (chandra, budh, shukra, shani jaise grahon) ki dasha chal rahi hoti hai to putri santan ki prapti hoti hai. santan ko janm lene men garbh dharan se nau mahine ka samay lagta hai. is nau mahine ke bich dasha badal jati hai to kaun se grah ki dasha ko adhar manna chahie. stri bhale hi garbhavati 9 mahine pahle hui ho, parantu santan ko janm dene vala fal to 9 mahine pashchat hi hota hai to santan putra hoga ya putri isko dekhne ke liye santan ke janm ke samay ki dasha ko hi dekha jana chahie aur is samay stri jatak ki kundli ko hi dekha jana chahiye kyonki garbh dharan karne vali to stri hi hai. yah usi ke bhagya ya dashafl par nirbhar karega ki vah is garbh ko santan janm tak dharan kar bhi pati hai ya nahin. yadi hamne ling nirdharan ke lie purush jatak ki kundli dekhi aur mahila jatak ki kundli par dhyan nahin diya to ho sakta hai, purush jatak ki kundli putra ya putri santan hone ko darsha de lekin yadi mahila jatak ki kundli men garbha dharan kar pane ki sanbhavna hi nahin hai, aur mahila jatak ki kundli men garbhapat ke yog ban rahe hain to sanbhv hai ki hamara vivechan v faladesh galat ho jaye. atah nishkarshatah yah kaha ja sakta hai ki yadi is prashn ka uttara chahie ki santan kab hogi to hamen purush jatak ki kundli ka vichar karna chahie aur ane vali santan putra hoga ya putri arthat santan ke ling nirdharan ke lie mahila jatk ki kundli par vichar karna chahiye aur uprokt prashn ke uttar mahila jatak aur purush jatak donon ki kundli se saman ate hon to apne uttar par ap aur adhik ashvasta rahte hue aur adhik atm vishvas ke sath uttar de sakte hain. uprokt danpatti ki putra santan utpann hui. uprokt kundliyon ko dekhne par pata chalta hai ki jab purush kundli ke navam bhav karka rashi se guru gochar kar raha tha aur lagn aur pancham bhav par drishti thi aur navmesh chandra ki lagn bhav men sthit grah ki dasha thi tab santan ka janm hua. usi samay jab stri jatak ki kundli men chandra rashi min se pancham bhav kark rashi se guru gujar raha tha aur panchamasth grah rahu ki antardasha thi tab santan ka janm hua arthat stri ki kundli ki apeksha purush ki kundli adhik balvan thi tab santan ka janm hua arthat santan ke janm samay ki ganna purush kundli se hi kiya jana chahie. stri jatak ki kundli men santan ke janm samay par budh-rahu-budh ki dasha chal rahi thi. budh, stri ki saptamansh kundli men pancham bhav trikon men sthit hai. budh, mangal aur guru se drisht hai arthat purush kark grah se drishti prabhav hone ke karn budh ka apna auchitya n hone ke karan putra santan utpann hui jabki purush ki saptamansh kundli men ketu-chandra-surya ki dasha thi jismen se saptamansh kundli ke kendra men koi bhi grah nahin hai arthat ling nirdharn ke lie purush kundli nirbal sabit hoti hai. atah garbh dharan ke samay akln ke liye purush ki kundli tatha ling nirdharan ke lie stri ki kundli ka vivechan kiya jana chahie. yadi kisi danpatti ko santan sukh ki prapti hone men deri ya pareshani ho rahi ho to aisi danpatti ko kisi bhi guruvar ke din sanyukt rup se santan gopal stotra ka path karna chahie. sath hi age bhavishya men parne vali janmashtami ke din bhi isi path ko punah karna chahiye. iske atirikt santan gopal mantra ka path pratidin karna chahiye aur yadi sanbhav ho to in sabke sath hi sath shri gopal sahasranam ka path karna chahiye. putra prapti hetu santan gopal mantra- un devkisut govind vasudevajagatpate. dehi me tanyan krishn tvamhan sharnan gatah.. pratidin 108 bar haldi ki mala par purvabhimukh hokar kusha ke asn par baithakar is mantra ka jap karen.
Kya aapko lekh pasand aaya? Subscribe
Kya aapko lekh pasand aaya? Subscribe


ratn visheshank  July 2016

bhut, vartaman evan bhavishya janne ki manushya ki utkantha ne logon ko srishti ke prarambh se hi andolit kiya hai. janmakundali ke vishleshan ke samay jyotirvid vibhinn grahon ki sthiti ka akalan karte hain tatha vartaman dasha evan gochar ke adhar par yah nishkarsh nikalne ka prayas karte hain ki vartaman samay men kaun sa grah aisa hai jo apne ashubhatva ke karan saflta men badhaen evan samasyaen utpann kar raha hai. grahon ke ashubhatva ke shaman ke lie tin prakar ki paddhatiyan- tantra, mantra evan yantra vidyaman hain. pratham do paddhatiyan amjnon ko thori mushkil pratit hoti hain atah vartaman samay men tisri paddhati hi thori adhik prachlit hai. isi tisri paddhati ke antargat vibhinn grahon ke ratnon ko dharan karna hai. ye ratn dharan karne ke pashchat ashcharyajanak parinam dete hain tatha manushya ko sukh, shanti evan samriddhi se ot-prot karte hain. fyuchar samachar ke vartaman ank men ratnon se sambandhit anek utkrisht evan ullekhniya alekhon ko sammilit kiya gaya hai jo ratn se sambandhit vibhinn ayamon par prakash dalte hain.

Subscribe

Apne vichar vyakt karein

blog comments powered by Disqus
.