अग्नि तत्व राशि धनु में एकादश एवं द्वादश भाव में सूर्य

agni tatva rashi dhanu men ekadash evan dvadash bhav men surya  

Ank ke aur Lekh | Sambandhit Lekh | Views : 4785 |  
agni tatva rashi dhanu men ekadash evan dvadash bhav men suya acharya kishor dhanu rashi men surya ke ekadash bhav men hone se jatak ko bal milta hai. vah sahsi, mehnti aur paropkari hota hai. vah nyayapriya hota hai aur anyay ka daman karta hai. imandari se dhanoparjan karta hai. apni yogyata, pad ka labh pata hai. uska janm yadi ganv men bhi hua hota hai, to bhi vah shahar jakar bare logon ki sangat se yashasvi aur uchch padasin hota hai. uski santan bhi sukhi hoti hai. surya ki is sthiti se prabhavit log sansarik jivan men arth, ay, sanpatti, shakti adi ke bal par nam kamate hain, parantu adhyatmik jivan men nahin ja pate aur jate bhi hain to bahut kathinai se. yadi surya ke sath chandra ho, to jatak ke bandhu-bandhav, mitra adi uske virodhi ho jate hain. shatru mitra banakar ghat karte hain. uska svasthya pratikul ho jata hai aur ay tatha sukh men kami hoti hai. yadi mangal ka sanbandh ho, to jatak yogi hota hai aur uske karm jivan men use prashansa milti hai. uske asim bal aur kshamata ke karan raja, senapti jaise logon se uski mitrata hoti hai. yadi budh ke sath ho, to uttam santan ki prapti hoti hai ya vah nana prakar se dhanoparjan karta hai. use lekha karya evan jyotish ke kshetra men dhan tatha khyati ki prapti hoti hai. yadi guru ka sanbandh ho, to jatak dhanvan aur vidvan hota hai aur satta men uska mantriyon ke sath mel-milap hota hai. is yog ke falasvarup use khyati ki prapti hoti hai aur uski santan ki unnati hoti hai. use sukh aur dhan ki prapti bhi hoti hai aur vah pashudhan se samriddh hota hai. yadi shukra ka sath ho, to bhi bhagya men unnati, dhan-dhanya ki prapti aur striyon se labh milta hai, kintu parastri ke prati uska akarshan hota hai. uttam khadya, uttam bhavan aur sundar stri ki prapti hoti hai. yadi shani ke sath ho to uska sanbandh nich logon se hota hai. vah rogi aur kanjus hota hai aur uske dhan ka apavyay hota hai. samaj men uski ninda hoti hai. kundli san. 1 ke lie surya prakritik pap grah hai aur saptam kendra ka svami tatha markesh bhi hai. fir bhi ekadash bhav agni tatva rashi men budh ke sath labh sthan men hone ke karan jatak ko patni se atyadhik labh prapt hota hai, kyonki saptamesh surya jaya bhav ka svami hai. guru ki drishti men aur purush ki kundli men jaya karak grah shukra saptam bhav ko dekh raha hai. is lagn ke lie shukra yog karak grah hai. chandra lagn se saptamesh mangal apne bhav arthat dasham bhav ko dekh raha hai. lagnesh shani dasham bhav ko dekh raha hai. chandra lagn se shani yog karak hai. surya lagn se budh saptamesh hokar budh ke sath hai. agni tatva rashi surya saptamesh hokar ekadash bhav men aur ekadash bhav ka svami guru agni tatva rashi sinh men rashi parivartan yog bana raha hai. navansh men agni tatva rashi sinh men surya evan guru ki yuti hai aur guru vargottami hai. islie jatak ko sasural se paryapt dhan mila hai. uski patni bhi kam karti hai. parantu vartaman samay men jatak par rahu ki mahadsha prabhavi hai. dampatya sukh badhit hai, kyonki agni tatva rashi men rahu sinh rashi men saptam bhav men mangal evan guru ke sath hai. navansh men rahu mithun rashi se saptam bhav men hai. chandra lagn se saptam ka svami mangal navansh men vrish rashi men bhav 12 men hai. islie rahu ki mahadsha men ketu ki antardasha men talak hone ki naubat a gai hai. tatparya yah ki kunbh lagn ke lie surya ke agni tatva rashi sinh, saptam bhav ke svami surya ke agni tatva rashi dhanu men ekadash bhav men chandra se ashtam bhav men hone ke karan use adhik bal mil raha hai. pap grah surya janmakundli men yuvavastha men adhik krurta dikhata hai. islie rahu ki mahadsha men talak ki naubat ai, kyonki rahu ki drishti bhi surya par hai. agnitatva grah surya dhanu rashi men mitra guru ke ghar men rashi parivartan yog ka nirman kar raha hai. navansh men surya-guru ki drishti hai. bhavishya men jab rahu ki mahadsha men shukra ki antardasha aegi tab samyog ho jana chahie. anyatha guru ki dasha men sath rahenge. dvadash bhav dvadash bhavasth grah jin vastuon se sanbandh rakhta hai, unka bahut vyay karta hai. isi prakar dvadash bhav ka svami jis bhav men ho, manushya ko us bhav se arthat us bhav sanbandhi vastuon se prithak kar deta hai. atah jo grah dvadash sthan men sthit ho, vah svayan se sanbandhit baton jaise kharch, dan, tyag adi ka suchak hota hai. surya jab dvadash sthan men sthit ho, to jatak ki apni sanpatti ka vyay hota hai. vah apne sukhon ka tyag dusron ki sahayta karta hai. usmen dusron ka atithya karne ki bhavna kutkut kar bhari hoti hai. surya kyonki ankh hai aur vyay bhav kharch ka bhav hai, islie aisa vyakti ankh ka prayog avashyakta se adhik karke apni ankh ko bigar leta hai. visheshtya jabki surya par shani, rahu adi anya tyagatmak tatha rogatmak grahon ka bhi prabhav ho. chandra man ka karak grah hai. is grah ki dvadash sthan men sthiti manushya ko bhavuk bana deti hai. vah bina karan ke bhay, ashanka, shraddha adi bhavnaon ki apne andar srishti kar leta hai. mangal shakti ka karak hai. atah jin logon ki kundli men mangal dvadash bhav men hota hai, ve apni shakti ka durupyog karte hain. kundli san. 2 men agni tatva grah surya agni tatva rashi mesh men budh ke sath dvadash bhav men hai. yahan par 2, 5 tatha bhav 4 ke svami budh evan surya par guru ki drishti hai. fir bhi jatak ko koi labh nahin mila kyonki ay evan dhan donon bhavon par pap drishti hai. pap grah shani evan guru donon chitra nakshatra men sthit hain aur chitra nakshatra ka svami mangal lagn men hai. ashtamesh guru mangal ke nakshatra men hokar surya aur budh ko dekh raha hai. isilie akarak grah guru ki drishti nishfal hui. bhav 4 men pap grah rahu agni tatva rashi sinh men agnitatva grah mangal ki drishti se aur ragubudh ke bhav 5 men ast hone se adhik labh nahin mila. tatparya yah ki jatak ko labh islie nahin mila kyonki jab tak rashi nakshatra grahon ka ansh shubhatatva nahin hoga tab tak grah alg-alag fal denge. agni tatva rashi mesh ka surya yadi shubh drishti men ho, to jamin jaydad aur vahan ka labh tatha uchch pad ki prapti hoti hai. parantu jatak ko kuch samay ke lie pitri rathan se dur rahna hoga. is sthiti ke falasvarup jatak ko paryapt pitri sukh nahin milta hai. vah kabhi-kabhi dusron ka nuksan bhi kar deta hai. parantu vah apne bal se shatru ka shaman karta hai. yadi chandra surya ke sath ho, to bhai aur bahan ke bich duri paida kar deta hai. jatak ka man asthir rahta hai aur vah anyayi, atyachari, alpabuddhi hone ke sath-sath prakriti ke pratikul karya karne vala hota hai. use mata-pita ke sukh se vanchit hona parta hai. yadi surya ke sath mangal ho, to jatak anyayi, vyabhichari, ugrasvabhav, aur bhai ka shatru hota hai. is sthiti ke falasvarup vah jamin jaydad se hath dho baithta hai aur hamesha kasht men rahta hai. yadi budh ke sath sanbandh ho, to apni santan se dukhi hota hai. dattak putra rakhne se bhi usse adr-samman nahin milta. yadi guru labhasth ho, jatak gyani, dhani aur dharmaparayan hota hai. vah niahsvarth evan dani bhi hota hai, kintu uske bachche uske is svabhav ka virodh karte hain. yadi shukra sath ho, to vyakti kamasakt,, vilasi, aur fijulakharchi hota hai. uske mitra hote hain, kintu priya mitra kam hote hain. yadi shani sath ho, to jatak ko dhan to milega, uski unnati bhi hogi, parantu apavyay adhik hoga aur vah karj men duba rahega. kundli san. 3 men surya v shukra ke dvadash bhav men hone ke falasvarup jatak pita ka ghar chor kar dusre ka dattak putra ban kar chala gaya, kyonki chaithe bhav ka svami lagn se 12 ven men aur lagnesh shukra bhi lagn se 12 ven men hai. guru ki paryapt drishti bhi jatak ko nahin mili, kyonki surya aur guru donon par shani ki drishti hai. parantu mangal par guru ki drishti ke karan jatak ko apne vibhag men atyadhik saflta mili aur vah prabhavshali padadhikari bana. is lagn ke lie kendra ka svami surya uchch rashi men kendra men aur trikon ka svami shani uchch rashi men hai tatha surya aur shani par paraspar ek dusre ki drishti hai. islie jatak ne apne bal par atyadhik dhan kamaya. use santan ka vanchit sukh bhi mila. chandra lagn se chaithe bhav ke svami mangal par guru ki drishti ke falasvarup uski santan ko uchch shiksha mili. surya uchch ka hokar apne navansh men, shani bhi shubh navansh men, guru lagn kundli men apne ghar men aur vargottami chandra apne ghar men hai islie jatak par ashubh prabhav kam aur shubh prabhav adhik para. parantu agnitatva rashi mesh men agnitatva grah surya ki lagn se dvadash bhav men sthiti ne use apne ghar se alag karvaya. agnitatva dhanu rashi men dvadash bhav men surya: dhanu rashi men surya ke dvadash bhav men hone ke karan bachapan men jatak rogi hota hai aur uske man men nakaratmak vichar utpann hote hain. uska karm sthan badhit hota hai aur use shatru bhay rahta hai. parantu yadi jatak videsh men rahe ya videsh men kam kare, to ukt prabhav se mukt rahega. uska bhavishya achcha rahega. ishvar men uski bhakti aur adhyatm men ruchi rahegi. kintu vah svarthi, kamuk, mans bhakshi aur kathor hota hai. dhanu rashi ke dvisvabhav rashi hone ke karan uska man asthir rahta hai. surya ke sath yadi chandra ho, to jatak dusron ki shanti ka dhyan rakhta hai. kintu chandra ke ashtamesh hone ke karan vah kusangti ka shikar tatha asamajik hota hai. parantu surya aur chandra ek dusre se saptam men hane arthat surya ki drishti chandra par aur chandra ki drishti surya par ho, to jatak tivrabuddhi hota hai. use putra ka sukh milta hai aur vah kul ka nam roshan karne vala vidvan hota hai. yadi surya ke sath mangal ho, to jatak mata-pita aur bhrata se dukhi, nirdhan tatha sharirik rup se rogi hota hai. vah gunhin tatha dushtasvabhav hota hai. use apne pap ka dand bhogna parta hai. budh se yuti ho, to vah bhagyahin aur murkh hota hai aur dusron ka nuksan karke labh kamana chahta hai. yadi surya ke sath guru ho, to sukh-sanpatti ki prapti hoti hai aur vah achche kamon men vyay karta hai. parantu agnitatva rashi dhanu men sthit guru svaguru hai aur 12 ven bhav ka svami hai islie jatak kanjus hota hai aur apni bhavna ka purn labh nahin le pata. yadi surya ke sath shukra ho, to jatak shantipriya kintu vilasi, dusre ka dhan lene vala, kamuk aur apavyayi hota hai aur hamesha abhavagrast rahta hai. vah bar-bar naukri badlta rahta hai. use matri sukh ki kami rahti hai. surya k sath yadi shani ho, to jatak dukhi, dhanhin, nich vichar ka parantu dhairyavan hota hai. kundli san. 4 men agnitatva rashi dhanu men surya ke dvadash bhav men hone ke karan jatak pita se alag videsh men rahta hai, kyonki pitri karak grah surya ashtamesh hokar dvadash bhav men hai aur kisi shubh grah ki drishti men nahin hai. uska janm 30.12.1972 ko hua. us par shani ki mahadsha aprail 96 se prabhavi hai. lagnesh shani pancham bhav men surya se chathe bhav men aur shani se surya ashtam bhav mane hai. chandra lagn se shani ashtam men hai. vartaman samay men prabhavi shani aur mangal ki dasha disanbar 2009 tak chalegi. janm kundli men shani aur mangal paraspar ek dusre ko dekh rahe hain. disanbar 2009 se aktubar 2012 tak prabhavi shani ki mahadsha men rahu ki antardasha men 10-2012 tak chalegi. shani-rahu shadashtak hai. isilie jatak rahu ke bad guru ki antardasha men bhi pita se dur videsh men rahega. is kundli men lagnesh-dhanesh shani pancham trikon bhav men tatha panchmesh shukra labh sthan men hai. shani aur shukra ek dusre ko dekh rahe hain. isilie jatak ko shani ki mahadsha men dhan atyadhik mil raha hai. labh sthan men mangal, budh aur shukra chandra se dvitiya dhan sthan men virajman hain. islie svabhavik hai ki jatak dhanvan hai. jahan tak ashtamesh surya ki bat hai, to surya ka jo bhi durgun hai usse jatak paripurn hai. charitra vishesh thik nahin hai. parantu jatak ko mata ka sukh bharpur mil raha hai, kyonki mata karak grah chandra aur guru chaithe bhav ko dekh rahe hain. lagn ka svami shani karak evan shubh hai islie svasthya thik hai. bhagyesh budh karmesh mangal ke sath labh sthan men labhesh mangal ke sath hai islie jatak ko budh ki mahadsha men bhi labh milega. surya pita ka sukh nahin de paega. agnitatva rashi men pap grah surya rahu evan guru ast hain islie jatak par jab bhi surya evan rahu ki dasha ka prabhav parega, use nishchit rup se hani hogi. kundli san. 5 ke lie surya prakritik pap grah hai kyonki ashtamesh hai parantu dvadash bhav men agnitatva rashi dhanu men shukra evan rahu ke sath hai. shukra prakritik shubh grah hote hue rahu evan surya ke sath guru ki drishti men hai. lagn men mangal uchch rashi ka budh ke sath shani ki drishti men lagn men balvan hokar sthit hai. isilie jatak jarurat se jyada jiddi svabhav ka hai. sinh rashi men chandra ke hone karan jatak atyadhik krodhi hai aur usmen badla lene ki bhavna prabal hai. parantu chandra par bhi guru ki drishti hai. guru ki drishti ne jitna niyantran rakha mangal ki drishti ne utna hi krodhi banaya. parantu yahan par mangal ast hai, isilie jatak sanymit raha. parantu guru par bhi maganl ki drishti hai. is lagn ke lie guru evan mangal donon akarak hain. islie lagnesh shani ki drishti mangal evan guru par adhik prabhavshali hai. kyonki shani vakri hokar bhagya sthan ko, lagn ko aur guru ko arthat dasham bhav ko balvan hokar dekh raha hai, islie jatak ka vivah nahin hua. prastut lagn ke lie surya ashtamesh hokar dvadash bhav men hai aur dvadash bhav chandra rashi agnitatva rashi hai. surya evan dvadash bhav par guru ki drishti ke falasvarup jatak videsh gaya. mere vichar men guru mesh rashi men hamesha shubh hota hai, kyonki min rashi se dvitiya bhav dhanu rashi men pancham bhav men hota hai. islie jatak dhanvan evan gyani hua. surya ashtamesh hokar aur ashubh bhav ka svami akarak hokar ashubh sthan men dvadash bhav men hai, islie jatak balvan hai. iska ek karan yah bhi hai ki navansh men surya vargoÿami hai aur chandra lagn se lagnesh hokar pancham trikon bhav men guru ki drishti men hai. yah kundli mahan vyakti maharshi mahesh yogi ji ki hai. vah itne gyanvan the ki videshi bhi unke margadarshan ka anusaran karte the. lagn men uchch ka mangal panch mahapurush yog banata hai. navam men mangal mitra rashi guru ke bhav men hai aur guru chandra lagn se navam trikon sthan men hai. is jatak men grahon ki drishtiyan adhik balvan bhi hain jaise ki mangal ki drishti guru, shani, chandra ko aur shani ki drishti bhagya sthan par, lagn par (mangal env budh par) aur dasham bhav men guru par. agnitatva rashi mesh men guru dhanu rashi ko dekh raha hai aur dhanu rashi dvadash bhav hai. mangal agnitatva grah hokar agni tatva rashi sinh ko tatha chandra ashtam bhav ko dekh raha hai aur surya svayan ashtamesh hai. islie jatak ko videsh men atyadhik saflta mili. videsh men 48 deshon men unke math aur kai vishvavidyalay hain. vah apne dharm, ramayan, mahabharat aur gita ka prachar karte rahe aur dhyan, yog, jyotish tatha ayurved ke gyan ke bal par apar dhan kiya. kundli san. 6 men agni tatva mesh rashi men surya rahu ke sath mangal ki drishti men hai aur prakritik pap grah surya, rahu tatha mangal ka prabhav hai. barhven bhav men mesh rashi men jatak ko adhik se adhik taklif rahu ki mahadsha men mili. dvadash bhav ke rahu ne har prakar ki taklif di hai. surya, shani aur rahu ne bhav chalit men dvadash bhav men rahu ki mahadsha men nuksan hi nuksan karaya hai. is kundli men guru uchch ka hai, parantu akarak hai. uchch ka surya dvadash bhav men hai. svagrihi shukra ke vrish rashi men uchch ke chandra ke sath shani ki drishti men hone ke karan kark ke guru ki mahadsha bhi atyadhik kasht ka sanket deti hai, kyonki guru akarak hai. shani ki mahadsha 2013 ke bad shubh fal avashya degi, kyonki shani yogkarak hai. prastut kundli men surya uchch ka hokar 0 ansh par hai. mangal vakri hokar 9 ansh par hai. guru uchch ka hokar 1 ansh par hai. char rashi men surya, guru aur mangal men se koi balya avastha men hai to koi mrit avastha men. isilie is jatak ko adhik kam nahin mila. prakritik pap grah surya ke dvadash bhav men hone ke falasvarup jatak ko pita ka sukh mila. sath men pitri dosh se dushit rahu ne apni mahadsha men kahin ka nahin rakha. tatparya yah ki grah uchch ka ho ya svagrihi ho aur karak n ho, to agni tatva rashi men surya kuch bhi nahin kar sakta. sinh rashi men surya dvadash bhav men dvadash bhav men sinh rashi men agnitatva grah surya ke agni tatva rashi men hone ke falasvarup jatak mata-pita ka anisht karne vala hota hai. vah krodhi tatha apavyayi hota hai. uske bachche duahkhi hote hain. dusron ki striyon par buri najar ke karan vah apmanit hota hai. itne sare durgunon se grast hone ke bavjud vah tyagi aur samay par karya karne vala hota hai. use pashu tatha bhu-sanpÿia se labh milta hai. yadi surya ke sath chandra ho, to jatak buddhihin, dhanhin tatha avyavharik hota hai. vah mata-pita se shatruvat vyavhar karta hai. yadi surya ke sath mangal ho, to jatak ki bhu-sanpÿia ka nash hota hai. uske krodh ke tatha galat dhang se kam karne ke karan use dand bhi milta hai. vah bhaiyon ke sath bhi shatruta rakhta hai. parantu yadi surya ke sath budh ho, to jatak tivrabuddhi, vidya men pravin tatha jyotish gyata hota hai. uska sharir kamjor hota hai. yadi surya ke sath guru ho, to jatak shastron ka gyata, dharmaparayan tatha dan punya karne vala parantu ugrasvabhav v alsi hota hai. yadi surya ke sath shukra ho, to jatak vilasi, vyabhichari v striyon ko kasht dene vala hota hai. sath hi vah dhanhin v bhagyahin hota hai. yadi surya ke sath shani ho, to vyakti nishthur svabhav vala, apavyayi, sukh se vanchit aur rogi heta hai.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.