वास्तु दोष निवारण के उपाय

vastu dosh nivaran ke upay  

Ank ke aur Lekh | Sambandhit Lekh | Views : 3500 |  
ham jis bhavan men nivas kar rahe hain chahe ve niji ya kirae ke hon, nichle tal par ho athva kisi anya tal par, uske as-pas ke parisar men bara vrikshadi ho aur kisi bhi prakar ke vastu dosh utpanna karne vala ho to uska upay karke usi ghar ko vastu sammat banaya ja sakta hai. uttar pashchim kon ke dosh ko thik karne ke lie - pravesh dvar uttara-pashchim kon se - mukhya darvaje ke donon or un, svastik evan trishul lagaen. darvaje ke bahar piramid lagaen. uttara-purva kon ke dosh ko thik karne ke lie- uttara-purva men rasoi ghar: - rasoi ghar ke bahar ke upar ya purva ki divar par 18’’ g 18’’ ka samatal darpan lagaen. - uttara-purva kon men piramid rakhen. uttara-purva men taeylet: - chini mitti ke ek katore men samudri namak bharakar rakhen tatha har 15-20 din ke bad use badlte rahen. pahle vale namak ko pani men baha den. - taeylet ke andar eyar freshnr rakhen. - taeylet ke bahar ki uttari ya purvi divar men se jo bhi bara ho us par samatal darpan lagaen. - dakshini divar par piramid lagayen. uttara-purva ovar hed taink (pani ki tanki) - tanki ke dhakkan ko lal rang se pent kar den. - jamin ke andar kone par kam se kam 4 piramid lagaen. yadi 9 piramid laga payen to ati uttam. uttar purva bhag kata hua - uttari athva purvi divar par bara darpan lagaen. uttara-purva men stor rum - stor rum men kuch piramid rakh den tatha stor rum ko hamesha saf karte rahen. dakshin-purva bhag ko thik karne ke lie - dakshin-purva athva dakshin-pashchim men mukhya pravesh dvar hone par darvaje ke donon or un svastik evan trishul lagaen. - darvaje ke bahar piramid lagaen. - vind chaim lagayen. (5 athva 7 shed vala) - darvaje ke upar pakua mirr lagaen. - yadi hamare bhavan parisar men andr koi bara per ya vriksh hai tatha uski disha dakshin nairritya ya agney hai to uske tal men sayankal pratidin ek ate ka dipak ya agarabatti avashya jalaen. - uttar ishan ya purva men per athva bara vishal vriksh ho to ek mitti ke patra men pratidin svachch jal bharakar rakhen, dusre din usmen jo jal shesh bache use usi per ke tane men dal den. - pashchim evan vayavya disha men sthit bare per ki sukhi shakha, patte adi ki saf-safai niyamit karte rahen. use sadaiv adhikadhik hara bhara dikhlai dena chahie. - ghar ke agney kon men kuan ya tayubvel nahin hona chahie. aisa hone par ghar ki varishth mahila aur santan ko sharirik kasht ho sakta hai. isse bachne ke lie kuen se lage kamre men unchai par fitkri ka tukra rakhen. - ghar ke vastu dosh nivaran hetu mukhya dvar par lal rang ka fita bandhen tatha ghar ke bahri or ki divar ke upar pakua darpan sthapit karen. 1. purva disha ki or yadi kisi prakar ka vastu dosh utpann ho raha ho to us disha ki divar par surya yantra sthapit karen. 2. pashchim disha men utpann vastu dosh ko kam karne ke lie us disha ki divar par shani yantra sthapit karen. 3. uttar disha men utpann vastu dosh budh v kuber yantra ko sanyukt rup se sthapit karne se kam ho jate hain. 4. dakshin disha men utpann vastu dosh ko yadi kam karna ho to us disha ki divar par mangal yantra sthapit karen. 5. ishan kon men yadi jal se sanbandhit karya nahin kie ja rahe hane to us sthan par pile gilas ya dhatu ke patra men jal bhar kar rakhen tatha us kon ki divar par guru yantra sthapit karen. 6. agney kon par yadi kisi prakar ka vastu dosh utpann ho raha ho to us bhag par sarvada lal balb jalakar rakhen tatha upar divar par shukra yantra lagaen. 7. vayavya kon men utpann dosh ko kam karne ke lie is kshetra ki divar par chandra yantra sthapit karna chahie. 8. nairritya kon men prabhavit vastu dosh ko yadi kam karna hai to us bhag ke divar par rahu tatha mahamrityunjay yantra ko sanyukt rup se sthapit karen. 9. mukhya dvar ke vastu dosh ko kam karne hetu us sthan par lal ribn ko bandhen tatha divar ke upar pakua darpan lagaen. 10. bhavan men yadi kisi prakar ka bim dosh ho to bim ke donon siron par lakri ya bans ki bansuri ko latkaen. 11. bhavan men yadi shauchalay vastu siddhanton ke anurup n ho to is dosh ko kam karne ke lie kisi patra men namak rakhakar shauchalay ke andar kisi unchi jagah par rakhen tatha shauchalay ke bahri divar par pakua yantra sthapit karen. 12. ghar ke dvar ko kholte samy yadi samne sirhi ho to is dosh ko kam karne ke lie dvar par v sirhi ke bich parda latkaen. 13. purvajon ko puja sthan se hata len. iska sarvochit sthan nairritya disha men hai. ye isi sthan par tikne se ashish dete hain. sanpurn vastu dosh nivarak yantra: makan chahe vishal ho ya sadharan, dukan ho ya kanpni, dharmashala ho ya mandir ho yahan tak ki motrgariyon men bhi vastu nivas hota hai. vastu devta ko prasann evan santusht karne ke lie anek upay kiye jate hain jinmen sanpurn vastu dosh nivarak yantra saral evan upyogi upay hai. sanpurna vastu dosh nivarak yantra ko sthapit karne se vastu se sanbandhit sabhi doshon ka nivaran hota hai tatha us sthan men sukh samriddhi ka varchasva hota hai. sanpurn vastu dosh nivarak yantra ko ghar, vyavsay sthal, karyalay adi men kahin bhi sthapit kar sakte hain. is sanpurn vastu yantron men barah anya mahatvapurn yantron ki sthapna ki gai hai jisse ye yantra adhik shaktishali ban gaye hain. is yantra men gayatri yantra se ghar ke sabhi sadasyon men pavitra bhavna ka vikas, mahamrityunjy yantra se dukh bimariyon se raksha, shri kali yantra se akal mrityu se raksha, atmavishvas men vriddhi, shri vastu mahayantra se vastu dosh nivaran dvara ghar ki suraksha hoti hai. shri ketu yantra se ghatnaon ka purvabhas, shri rahu yantra se archnen dur, samanya sangharsha ke bad saflta, shri shani yantra se ghar, parivar men yash kirti, dhan aur aishvarya ki vriddhi, shri gajpti yantra se vighn badhaon se raksha, uttam vidya buddhi, baglamukhi yantra se shatruon ke shadyantron se raksha hoti hai. band piramid ka set: band piramid ka set dainik jivan men mansik shanti aur sfurti ka anubhav karata hai. iske prabhav se vyakti tanav mukt rahta hai, vyakti dhairya se karya karta hai, karya se santushti milti hai tatha vyakti ananddayak jivn vyatit karta hai aur shanti ka anubhav karta hai. pratyek vyakti ko ise apne karyasthal aur ghar men avashya rakhna chahie. yah sthul ya sukshm gatividhiyon ko sanchalit karne vale snayu ko aisa prabhavit karta hai ki ve chikitsa ka bhi karya karte hanai. vastu dosh nivaran kachua: vastu dosh nivaran kachua sharirik shakti ka vikas, dhairya, dhan pradan karta hai tatha jhagra-jhanjhat va galti se chutkara dilata hai. vastu dosh nivaran kachua ki puja sabhi ke lie shreshth mani gai hai. karyalay men man ashant evan pareshan rahne par ise mej ke upar samne rakhakar likhne-parhne adi ka karya karne se yah adhik labh deta hai. vahan men yatra ke samay jab sab khirkiyan darvaje band hote hain to brahmandiya urja ka pravesh kam ho jata hai. aisi sthiti men yah vastu dosh nivarak kachua samne rakhkr yatra karne se nirantar urja milti hai. falasvarup yatra men pareshani ki bajay anand aur sfurti ka anubhv hota hai. parad shankh: parad shankh ke vishay men manyata hai ki parad shankh ki sthapna se vastu doshon ka nirakaran hota hai. ghar parivar men parad shankh ki puja karne par ghar ke sabhi sadasyon ko bhagvan shiv ka ashirvad prapta hota hai. sip kachua: aj-kal adhiktr log ghar ke vastu ko lekar pareshan rahte hain kyonki ghar men vastu dosh ho to ghar ki samriddhi nahin ho pati hai. kalah bimariyan v larai-jhagre adi men dhan ka vyay hota hai. sip kachue ko ghar men rakhne se ghar parivar men sukh-sauhard barhta hai. paraspara tal-mel men vriddhi hoti hai. parivar ke sadasyon men parivar ki suraksha ki bhavna viksit hoti hai. ise apne vyavsay sthal par faiktri, karyaly adi men rakhne se karya vyavsay men vriddhi hoti hai aur buri najar adi se bachav hota hai. vyapar men ane vali vighna-badhaen dur hoti hanai. ise ghar men athva vyavsay sthal men rakhne se vastu dosh ki shanti hoti hai. sip kachue ko apne ghar men rakhne se parivar men sukh-samriddhi barhti hai. sip kachua ghar ke dakshin-purva disha men rakhne se ghar ke vastu sanbandhi dosh dur hote hanai. sfatik piramid: piramid ka upyog urja vriddhi ke lie kiya jata hai. sfatik piramid ko vastu shastra men vishesh mahatva diya jata hai. vastu shastra ke anusar piramid nakaratmak urja ko samapt kar sakaratmak urja ka srijan karta hai. vastavik rup se sfatik va piramid donon hi yah karya karte hanai. sfatik piramid ka nitya pujn karne se lakshmi ji shighra prasann hoti hanai tatha ghar, vyavsayik sthal men shubh urja ka vas bana rahta hai tatha sabhi prakar ki nakaratmaka shaktiyon ka nash hokar vastu dosh ka nivaran hota hai. sunhri machli: sunhri machli fengshui upay hai. isse n kevl ghar ki sundrta men vriddhi hoti hai apitu yah ghar ke vastu doshon ko bhi dur karti hai. fengshui ke anusar ise ghar men rakhne se sukh-samriddhi men vriddhi hoti hai tatha sunhri machli ghar men rakhne se mansik shanti milti hai. feng shui ke anusar machli dhan ko akarshit karti hai aur ane vali kisi bhi apda ko apne upar le leti hai. tin tang vala medhk: ghar men sukh-samriddhi ke lie tin tang vala merhak darvaje ke andar is prakar lagana chahie ki merhak darvaje ke andar ata hua dikhai de. yah ghar ke arthik sankat dur karta hai. purva disha men vastu dosh ka nivarn: dosh: bhavan ki purva disha ka bhag anya dishaon ki apeksha uncha hona. - bhavan ke ti. vi. ka entina nairir tya kon men laga len jiski unchai bhavan ke purva evan uttari bhag ki divaron se adhik ho. entina ke sthan par lohe ka ek paip ya jhanda bhi lagaya ja sakta hai. - bhavan ke dakshini-pashchimi bhag men thos vastuen evan uttara-purva bhag men pili vastuen rakh deni chahie. dosh: bhavan men yadi purvi uttari bhag men bina koi rikt sthan chore ghar ka nirman ho gaya ho to- upay: dusri manjil ka nirman karate samay uttari evan purvi bhag ko khali chor den aur jab tak nirman karya nahin hota tab tak ke lie purva evan uttari bhag ka hissa bina saman ke khali chor den. dosh: mukhya dvar yadi agney men ho to- - mukhya darvaje par gahre lal rang ka pent karne tatha darvaje par lal rang ke parde lagane se is dosh ka nivaran ho jata hai. - darvaje par bahar ki or surya ka chitra laga den. - purva agney kon men sthit darvaje ko band rakhen. ishan kon men vastu dosh ka nivarn: dosh: ishanonmukh bhukhand ki uttari disha men unchi imarat ya bhavan ho to - uttar disha vali unchi imart aur bhavan ke bich ek marg bana dena chahie arthat marg ke lie khali jagah chor den. isse unchi imarat ke karan jo vedh utpann ho raha hai uske evan bhukhand ke bich marga ban jane se vastu dosh ya vedh dosh ka nivaran svatah hi ho jaega. - ishanonmukh bhukhand par purva v uttara disha ke lie nirman ka kam se kam prayog karen aur is bhag ko hamesha saf evan shuddh rakhen. iske sath hi bhukhand ke nairritya kon men upyogi evan bhari vastuon ka dher banakar rakhen. dosh: ishan kon men kura-kachra adi ka dher ho to- - ishan kon par lage dher ko saf karvakar us sthan ko svachch aur pavitra rakhen. dosh: ishan kon men rasoi ghar hona. - rasoi ghar ke andar gais chulhe ko agney kon men rakh den aur rasoi ke ishan kon men jal bharakar rakhen. dosh: ishan kon men shauchaly ho to- - shauchalay ka prayog band kar den athva shauchalay ki bahri divar par ek bara adamakad shisha laga den. - shauchalay ki divar par shikar karta hua sher ka chitra bhi lagayen. - shauchalay ke bahar aise mitti ke patra jin par katavdar alekhn adi nirmit ho ko rakhen. uttaronmukhi bhukhand ke vastu dosh ka nivarn: dosh: bhukhand par banae gaye ghar ka uttari bhag unnat hona. - dakshin bhag ko uncha karne ke lie ti. vi. ka entina, jhanda ya lohe ka raed uttari bhag se uncha laga den tatha sath hi ghar men bhari saman dakshin disha men hi rakhen. chat ke upar rakhi jane vali pani ki tanki ko bhi dakshin disha men hi rakhen. dosh: bhukhand ki purva disha men tile athva uncha makan ho to - - uttar disha men sthit in vedhon evan bhukhandon ke bich ek sarvajnik marga bana den. vayavyonmukh bhukhand ke vastu dosh nivarn dosh: yadi is bhukhand par bane ghar men mukhya dvar uttar disha men ho tatha dakshin aur pashchim disha men darvaje hon to- - vayavya kon v agney kon men vistar ki bhumi ko an upyogi chor den. - dakshin darvaje ka prayog turant band kar den. pashchimonmukh bhukhand ke vastu dosh ka nivarn dosh: is bhukhand ke pashchim disha ke darvaje ka mukh nairritya kon men hone se. - darvaje par kale rang ka pent karva dane tatha darvaje ke samaksh ek adamakad aina is prakar lagvaen ki pravesh karne vale vyakti ko uska pratibinb avashya dikhai de. nairrityonmukh bhukhand ke vastu dosh ka nivarn dosh: yadi is bhukhand men banaye gaye bhavn-kakshane v baramdon men thos, v bhari vastuen hon, nairritya kon ka nicha hona. - in kamron ke andar v baramdon men thos bhari vastuen rakhen. - kakshon ko dhote samay jal ko nairritya se ishan ki or laen evan purva, uttar athva ishan ki or sthit darvaje se bahar nikalen. dosh: nairritya kon men khirki hona upay: is disha men khirki ko band kar uske upar gahre hare rang ka parda dal dena chahie. dakshinonmukh bhukhand ke vastu dosh ka nivarn dosh: is bhukhand ke sammukh bhag men kuan ho to- - kuen ko band kar dena chahie athva kuen par moti evan bhari slaib dalakar use upar se band kar dena chahie. agneyonmukh bhukhand ke vastu dosh evan unke nivaran ke upay. dosh: agney kon men mukhya dvar hone par - is darvaje ko adhikatar band hi rakhna chahie. - darvaje par gahre lal rang ka pent karva dene se vastu dosh samapt ho jata hai. dosh: is prakar ke bhukhand men dakshin agney men get hone par upay: is darvaje ko adhiktr band rakhen tatha darvaje par kale rang ka pent kara dena chahie. feng shui ka vastu dosh nivarn men upyog v labh: feng shui men panch tatva akritiyan 1. lakri -purva-aytakar 2. dhatu- pashchim - golakar, belnakar 3. jal-uttara-tarang 4. agni-dakshin tir ki akriti 5. prithvi-nairritya-vargakar uparyukt panch tatvon ka upyog hamare charon taraf ki ‘chi’ urja ko sakaratmak banakar ek khushnuma, svasth aur samriddh jivan jine ke liye kiya jay, yahi fengshui ka siddhant hai. iska samanya artha-vayu aur jal hai. yah ‘tao’ siddhant par adharit hai. prithvi par ek adrishya shakti vidyaman hai, jiska varnan adhunik vigyan men gurutvakarshan evan vidyut chanubkiya balon ke rup men kiya jata hai. is adrishya shakti ke karan urja sadaiv sabhi jagah kalpanik bal rekhaon ke rup men bahti rahti hai. is urja ko chini bhasha men ‘chi’ kahte hain. iske nimn do bhag hote hain. 1. yin- rinatmak ;.amaddha 2. yang - dhanatmak ye donon ek dusre ki purak hain parantu viprit prakriti ke bal hain. pratyek vastu ke sath ye donon bal jure feng shui vastushastranusar kisi bhavan ya anya sanrchna ko bina tor-for ke prakriti ke anurup kar sakte hain. fengshui vastuon ka upyog evan labh - avivahit, danpatya jivan men klesh: in samasyaon ko dur karne hetu fengshui men - ‘‘dohri khushi ka sanketik chihna’’ shayan kaksh men nairritya disha men lagane se vaivahik badha dur hokar jivn sukhamay, madhur banta hai. sath hi yah vivah badha bhi dur karta hai. avivahiton ke kamre men is chihn ke prayog se vivah shighra hota hai. - avivahit kanya ke vivah ke liye shayanakaksh ke nairritya disha men ‘‘piyoniya’’ pushp ki tasvir lagane se achche rishte se vivah ki sanbhavna barhti hai. - avivahit yuvak ke vivah hetu shayan kaksh ki nairritya disha (dakshin-pashchim) men ek lav-bards, murti ya postar laga dene se yogya kanya se vivah ki sanbhavna barhti hai. - navvivahiton ka vaivahik jivn madhur karne hetu bhent svarup prapta ‘‘menderiyan dak’ ka jora, jinki chonchen mili hane, rakhen ya kharid kar rakhen. ye kanya ke chayan men bhi sahayak hote hain. ye pinjre men band hane to n khariden. - ‘‘daelfin machliyan’’ apne jivnsathi (vaivahik) aur vyavsay men sajhidar ko bhent dene se vaivahik v vyavsayik sanbandhon men madhurta evan sadbhav ki vriddhi hoti hai. ise purva ya pashchim men rakhna shubh rahta hai. - mistik naet, lav naet ya prem ganth, jadui ganth adi ka n hi koi adi hai aur n hi koi ant . bina chor vali hone ke karan yah ek ‘‘rahasyamyi ganth’’ kahlati hai. is pratik ka upyog karne valon ko koi juda nahin kar sakta hai. - ‘‘lav evan romans pratik’’ pati-patni ke bich madhur sanbandh, vivah yogya vyaktiyon hetu achcha jivan sathi prapt karne hetu, ghar men parivarik sadasyon men prem adi ke lie shayanakaksh ya hael men surakshit sthan par lagayen. - ghar ya karyalay men samanjasya, talmel , maitri, ekmtta hetu ‘‘harmoni rileshnship pratik’’ lagana chahie. samanya upay - bhartiya hindu dharm, sanskriti/vaidik vastu men bhagvan shri ganesh ka jis prakar sari vighn badhaon ko dur karne se upyog hota hai usi prakar fengshui men bhagya sanbandhi badhaon ko dur karne men hathi ki ki tasvir adi pratik rup men purva disha men sthapit karne se samriddhi ka marga prashast hota hai. - bhagya badha v santan badha dur karne hetu mukhyadvar ke bahar v andr hathiyon ka jora tasvir/foto ke rup men lagana chahie. - bhagya badha, lanbi ayu v achche svasthya hetu bans ke paudhe ka chitra lagana chahie. - saflta, arthik samriddhi, khushhali, svasth jivan, sthayitva, samriddhi adi fengshui ko dur karne hetu hanste hue buddha/lafing buddha ko ghar men sthapit karen. fengshui men ise shrignesh ji bhagvan ke sthan par parivartit kiya gaya hai. - ashriri balaon, chahunmukhi vikas hetu mukh dvar ke donon or 3-4 fut ki unrchai par ‘un’, svastik trishul ke pavitra pratikon ko lagana chahie. yah nakaratmak shaktiyon ko dur karta hai. - durbhagya ko dur karne hetu 9 machli vala fish ekveriyam ghar men uttara disha men rakhna chahie. vayavya men ise rakhne par dhan men vriddhi tatha agney men rakhne par vyavsay men vriddhi hoti hai. ise ishan men rakhna bhi shubh mana jata hai. - apni or ate hue jal jahaj ki foto ya pratik ko ghar ya dukan/karyalay men purva, uttar ya agney men lagane se vyaparik badha dur karta hai tatha saubhagya, saflta v samriddhi dilata hai. dhyan rakhen dubte hue jahaj/nav ki foto/ pratik ghar men n lagayen. - bhagvan shrikrishn ka chitra, hath men bansuri liye huye radhaji, mor, gopiyon ke sath ras karte hue lagana sakaratmak urja viksit kar vibhinn samasyaen dur karta hai. - durbhagya dur kar saubhagya men vriddhi hetu ghar ke vayavya disha men chah charon vali dhatu ki pavan ghanti lagani chahie. santan badha dur karne hetu sat charon vali pavan ghanti pashchim disha men lagayen. - prasiddhi evan saubhagya men vriddhi hetu nachte hue mor baithak men dahini or lagane par rinatmak urja ka hras hokar dhanatmak ‘chi’ urja barhne lagti hai. - chini devta luk-fuk-sau jo kramshah prathm-prabhutva ke, dvitiya madhyavarti, samriddhi ke lanbe vale va tritiya-agni, lanbi umra ke devta hanai. tinon murtiyon ko ek sath makan, dukan, karyalay, sansthan men rakhne par uprokt tinane pareshani dur hokr shubh prabhav dete hain. - dhan vriddhi hetu madhya ched vale tin bhagyashali sikkon ko lal riban men pirokar mukhya dvar ke bhitar haindil men bandhna shubh rahta hai. inhen tijori, kaish, pars ya paise vali jeb men bhi rakh sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


hanumat aradhna evan shani visheshank  June 2016

fyuchar samachar ke jun mah ke hanumat aradhna evan shani visheshank men ati vishisht v rochak jyotishiya v adhyatmik lekh die gaye hain. kuch lekh jo iske antargat hain- shri ram bhakt hanuman evan shani dev, prem ki jit, shani dev ka anukul karne ke 17 karagar upay, vatsaep aur jyotish, shani grah ka gochar vichar adi. inke atirikt sthayi stambh men jo lekh prakashit hote ae hain. sthayi stambh men bhi purva ki bhanti hi lekh sammilit hain.

Subscribe

Apne vichar vyakt karein

blog comments powered by Disqus
.