मांगलिक दोष परिहार

manglik dosh parihar  

Ank ke aur Lekh | Sambandhit Lekh | Views : 3247 |  
manglik dosh parihar vikram mavi yah satya hai ki grahon-nakshatron ki vishesh sthitiyon ke karan kuch duryog nirmit hote hain jo jatak ki kanudli men drishti gochar hote hain, parantu aisa hone par bhi avashyak nahin ki ye duryog jatak ko prabhavit karen. anya grahon ki sthiti, drishti-yuti athva karak grah ki sthiti ke prabhavavash aise yog nishprabhavi v kshin bhi ho sakte hain. atah kundli ka sukshmata se vishleshan karna chahie. yahan mangal dosh se yukt ek kundli ka vishleshan prastut hai jisse spasht hota hai ki kundli men vidyaman anya yogon ke falasvarup yah dosh nishprabhavi hai. prastut kundli ek mahila ki hai. lagn vrish hai, atah shukra, budh v shani karak grah hain. shani svayan yogkarak hokar saptam bhavasth hai. anshon ke adhar par 090ah37’ah03’’ par shani apne nakshatra anuradha men sthit hai. iski tritiya drishti navam svarashi par shubh hai aur saptam v dasham drishti lagn v lagnesh par hai. svayan shani par kisi grah ki drishti nahin hai. ashtamasth mangal v dvadash bhav mesh rashi par drishti anukul hai. shodh se pata chala hai ki chandra ke ansh ke adhar par sarhe sati kal men shani ka prabhav age v piche ki rashiyon par rahta hai. isi adhar par janm kundli par shani ke prabhav ka akalan karna uÿam rahega. mangal 200ah07’ah27’’, lagnesh shukra ke nakshatra purvasharha men hai. jyotish ke siddhant ke anusar dvadshesh hone se ashtam men sthit hokar grah viprit rajyog karak ho jata hai. shukra lagnesh shatru surya ki rashi men hai, parantu anshon ke adhar par shubh hai, svanakshatri hai lagnesh chaturth men sthit hai. mitra shani kundli men dvitiya, pancham, saptam, navam v ekadash ka sthir karak brihaspati 290ah04’ah51’’ svanakshatri hai (purva bhadrapd), atah shubh hai. saumya grah kendra men hai. vaise, shukra-guru ki paraspar drishti-sanbandh thik nahin, parantu yahan yah tathya manya nahin kyonki svanakshatri hone ke karan donon hi grah shubh faldayak hain. vakri hone ke karan guru shubhta men vriddhikarak hoga. guru ekadshesh bhi hai. iski pancham drishti dhan bhav par v navam drishti shashth bhav shukra ki rashi par hai. chathe men ketu v dvadash men rahu sthit hokar viprit rajyog karak mangal ki paridhi men 010ah18’ah18’’ chitra nakshatra dosh nivarak ho sakte hain. papi grah duahsthanon men sthit hokar ashubh fal pradan nahin karte. kendre ch saumya yadi prishthabhajah papah kalatre ch manushya rashau. ragyai bhavet stri bahukoshyukta nityan prashanta ch suputrini ch.. uparyukt shlok ke anusar, kendra men saumya grah guru aur shukra sthit hain. tisre men surya v dvadash tatha shashth men rahu-ketu ki sthiti hai. yadi 1-4-7-8-12 bhav men mangal, chandra ya guru se yukt ho athva shani ki drishti mangal par par rahi ho to kanudli men mangal dosh ka parihar ho jata hai. sahi vishleshan hetu nirayan bhav chalit ke vishisht tathyon ko dhyan men rakhna avashyak hai. mangal dosh hone par bhi trikon (1-5-9) athva kendra (1-4-7-10) men guru athva kendra (1-4-7-10) men chandra ho athva chathe ya gyarhven bhav men rahu ho to mangal dosh vicharniya nahin hota. prastut kanudli men nirayan bhav chalit men rahu ekadash sthan men sthit hai. atah varnit tathyanusar mangal dosh vicharniya nahin hai. mangal ki sthiti guru se ekadash hai, islie ganna guru se ki jaegi. chandra se mangal dvadash bhav men hai. jyotishacharyon ka mat hai ki mangal vakri ho to mangal dosh nahin lagta. is tarah spasht hai ki kuyog ke drishtigochar hone ke bavjud vishesh gannaon v grahon ki sthiti aur yuti-drishti sanbandh tatha lagn v nirayan bhav chalit adi ke kuch vishisht tathyon ke adhar par kanudli ko manglik dosh mukt ghoshit kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.