भविष्य जानने की प्राचीन विद्या रमल

bhavishya janne ki prachin vidya raml  

Ank ke aur Lekh | Sambandhit Lekh | Views : 15458 |  
ramal bhut, bhavishya, vartaman, rup, gun, ayu tatha mrityu har prakar ke shubhashubh fal gyat karne ki prachin vidya hai. bhartiya vidvanon ke matanusar jyotish ke anya angon ki bhanti ‘raml’ vidya bhi multah bharat ki hi den hai jo kalantar men agle vanshon men fali fuli. yah karan hai ki ‘raml’ ke vartaman svarup par arbi ka jabaradast prabhav hai. bhartiya matanusar jyotish ke 18 mukhya pranetaon men pavnacharya bhi hai. pavnacharya pavan jatak ke pravartak evan ramal vidya ke janak kahe jate hain. ‘rayl’ shabd ko bhi sanskrit pustak men is prakar kiya gaya hai. ramuriidarth dhatoshch tasyaday vidyanta. ona ditvadlan prapparamaleti prathan gat.. arthat rayu kridarthak dhatu men dal pratyay lagakar ramal shabd bana hai. ramal vidya se sanbandhit sanskrit granthon men is vidya ki utpatti ke sanbandh men kuch kathaen bhi milti hai. pathkon ki jankari ke lie ham unhen vahan uddhrit kar rahe hain. ramal ki utpatti aur prastar ka gahra sanbandh hai. iska varnan yahan prastut hai. ek bar bhagvan shiv evan bhagvti parvati kailash shikhar par baithe hue amod-pramod men magn the. tabhi bhagvti bhavani khel hi khel men achanak hi adrishya ho gai. bhagvti ko is prakar antadhryan hua dekhakar shivji atyant ashcharyachkit evan duahkhi hue ve unhen sahastron varshon tak dhundhte rahe parantu koi saflta nahin mili. yah dekhakar bhagvti ke manas putra shrimhabharat jo bhagvan sadashiv ke hi ek anya rup hai, prakat hue aur unhonne bhagvan shiv ke samip hi ek sthan par apni char ungliyon se char bindu chinh (ahah) bana diye. shivji un bindu chinh ka koi arth nahin samajh saken. tab mahabhairav ne un bindu chinhon ke samip hi char bindu chinh (ahah) aur banate hue shivji se kaha- ‘‘bhagavan ap in chinhon ka ashay samajh gaye aur unhin ke adhar par ganna karke ve yah gyat karne men bhi safal ho gaye ki unki priyatma bhagvti tara sundri ke rup men is samay satven akash men bihar kar rahi hai. tatpashchat shivji ne satven akash men pahunch kar bhagvti ko prapt kar liya. is prakar chinh arthat ramal vidya ka praktikaran sarvapratham yahan bhairav dvara hua tatha bhagvan sadashiv ne usse sarvapratham labh uthaya. tatpashchat bhagvan shiv ke anugrah se yah vidya anya rishi-muniyon ko bhi prapt hui. anek prakar ke lata-vrikshon se samanvit vividh bhanti ke pakshiyon ke kalarav se gunjaygan evan anek prakar ke mani-ratnon se sushobhit sfatik ke saman shubhra varn kalash parvat ke suramya shikhar par baithi hui bhagvti parvati ji ne ek samay daelo pujit bhagvan ashutosh shankar ko prasann mukh-mudra men dekhakar is prakar prarthana ki hai ‘devadhi dev aj ap mujhe kisi aisi vidya ke vishay men bataiye, jo bhut, bhavishya, evan vartaman trilok ka gyan karane vali tatha prachchak ke sabhi prashnon ka sarlta purvak uttar dene vali hon.’ bhagvti parvatiji ke mukh se nikle hue in vachnon ko sunakar shivji ko atyant harsh hua. thik usi samay unke lalat par sushobhit chandrama se amrit ki char bundane sravit hui. un banudon ke niche girte hi amrit prapti ki lalsa se (1) agni (2) vayu (3) jal (4) prithvi ye charon tatva unke charon or ghir ae. purva disha men agni, pashchim disha men jal, uttar disha men vayu tatha dakshin disha men prithvi tattva sthit hue. tadanantar amrit-prapti disha men prithvi tatva sthit hue. tadanantar amrit prapti ki lalsa se hi anya grah bhi un sudha binduon ke charon or upasthit hue. yah dekhakar shivji ne parvati durlabh ji se kaha - he priya. ab tum muniyon ke bhi param durlabh gyan ko suno. yah sanpurn brahmand panch tatvon se nirmit hai. (1) agni (2) vayu (3) jal (4) prithvi (5) akash. inmen pratham char tatva sthul hai tatha panchva akash tatva sukshm rup se sarvatra vidyaman rahta hai. atah use charon tatvon ka dharak samjhna chahie. agni, vauya, jal aur prithvi in charon tatvon ke pratik hi ye charon bindu hai. inhin ko chaturanan brahma ‘‘samjhna chahie, kyonki inhin tatvon ke dvara sanpurn srishti utpann hoti hai. jab ye bindu do-do khandon men vibhakt hokar adva ki sankhya grahan kar lete hain. tab inhen ‘‘ashtavasu’’ ke nam abhihit kiya jata hai. ye athon basu vishva brahmand ke dharak mane jate hain. in vinduon ke char-char khandon men vibhakt ho jane, arthat sankhya 16 ho jane par ye solah tithiyon tatha purnima aur amavasya is prakar kul solah tithiyan kahi gai hai. inhin ko chandrama ki ‘‘kala’ bhi kaha jata hai. ye bindu paraspar milakar vibhinn prakar ke rup grahan karte hain. inke kis rup se kis tithi aur unke svayi ka bodh hota hai samjhna chahie. ye bindu paraspar milakar vibhinn prakar ke rup (shaklon) ko grah karte hain. inke in rupon kisi tithi aur unke svami ka bodh hota hai. samast grah rashiyon aur lagn bhi inhin vinduon se sanbandhit hai. panse (pashk) ki madad se in vinduon ke rahasya ko samajhakar bhut, vartaman evan bhavishya ki ghatnaon ko jankari evan prashnon ke uttar jane ja sakte hain. ramal vidya men panse ka bara mahatva hai. ye panse asht dhatu ka prayog grahon se samanjasya banane ke lie kiya jata hai. in dhatuon ka grahon se sanbandh nimnanusar hai. surya-sona, chandra chandi, mangl-loha, shani-sisa, brihaspati -pital, shukra-tanba, budh-jasta evan para akashiya tatva hai. kyonki vah urnshil hai. panson ki sankhya ath rahti hai. jo char-char ke rup men ek tar men piroe hue rahte hanai. panson ki padikaon par bindu ankit rahte hain. pahli par 4, dusri par 3, tisri par 2, chaithi par 5 bindu ankit utkirn rahte hain. panson ke fainke jane par solah sthitiyan banti hai. jo ganna karne par prashn ka uttar darshati hai. sahi falit hasil karne ke lie panson men pas pratishtha mandir murti ki tarah vaidik riti se karna chahie. pran pratishtha ko uchit samay evan ramal ka prayog karte samay maumas ka khyal rakhna jaruri hai. varsha ritu men badal ho tatha ghata vikhri ho us samay ka taratamya grahon se satik nahin baithta hai. jisse uttar bhi satik nahin niklta hai. muk prashn ki bajay mukh prashn ka uttar satik niklta hai. uttar janne ke lie mantrochcharan ke pase jab fenke jate hain. tab unko hatheli ke baggi (lahiyan) sthiti men rakha jata hai tatha nimn siddh mantra ka uchcharan karne ke bad pase fenke jate hain. mantra: ¬ namo bhagvti devi kushyandini sarva karya prasadhini sarva nimit prakashini enhiyahi tvar tvar varan dehi lihi lihi matdigni satyan bhuhi bhuhi svaha.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2011

Apne vichar vyakt karein

blog comments powered by Disqus
.