ग्रह और वकालत

grah aur vakalt  

Views : 4851 | May 2014

ek achcha vakil banne ke lie jatak ki kundali men kabhi n khatm hone vali mansik urja, tivra buddhi, shighra nirnay lene ki kshamata evan vakpatuta ke karak guru v budh ka balvan hona avashyak hai. iske atirikt grah mandal men guru grah ko nyay ka karak mana gaya hai isilie guru grah se prabhavit jatak nyayadhishadi jaise uchch padon par asin hote hain. grahamandal men shani ko majistret ya dandadhikari ke rup men jana jata hai.

atah vakalat ke kshetra men saflta hetu kundali men guru, budh v shani ke bal ki nap-taul karni hogi. vyavharik rup men dekha gaya hai ki jin jatkon ki kundali men shukra ki sthiti shreshth hoti hai ve bhi dhani evan safal vakil bante hain. aisa islie hota hai kyonki shukra grah se prabhavit jatkon men sansarikta ki bahut achchi samajh hoti hai jiske falasvarup ve sach ko jhuth aur jhuth ko sach banane men mahir hote hain. rahu grah ka vishesh prabhav- kai bar aisa dekha gaya hai ki vakil log mukaddame men vijay hasil karne ke lie jhuthe bayan dete hain aur kutnitipurn vyavhar karte hain. rahu is prakar ke karyon ka karak hota hai.


apni kundli men rajyogon ki jankari paen brihat kundli riport men


yadi rahu uprokt vakalat karya ke karak bhavon v grahon se sambandh banae to jatak ke kushal vakil banne ki sambhavnaen barh jati hain. bahas karne ke lie vakil ko sahsi bhi hona chahie aur mangal grah ke bali hone se jatak sahsi hota hai. uprokt vishleshan se ham yah man sakte hain ki is vyavsay men age barhne ke lie guru, budh v shani ke atirikt shukra evan mangal ke mahatva ko bhi najrandaj nahin kiya ja sakta. kundali ke chathe bhav se korta-kachahari, kanun v mukaddame adi vishyon ke bare men vichar kiya jata hai. kanun ka sambandh nyay v nyaypalika se hai tatha navam bhav se nyay ka vichar kiya jata hai. ek achche vakil men satya ko sansar ke samne lane ki yogyata hoti hai aur ve beksur ko dandit hone se bacha lete hain.

parantu aj kal vakil log satya se cher-char karke saflta v dhan prapt karne ki prakriya men tallin rahte hain. donon hi prakar ke vakilon ko prabhavshali aur ojasvi vani ki avashyakta hoti hai. kundali ke dvitiya bhav se vakpatuta, pancham bhav se buddhi tatha dasham bhav se vyavsay ka vichar kiya jata hai. islie dvitiya, pancham, shashth, navam bhav, inke svami v karak bali hokar dasham bhav se sambandh sthapit karne ki sthiti men jatak ko safal vakil banane men mahatvapurn bhumika ada karte hain.

yadi dvitiya bhav ka svami uchch rashisth hokar kendra men vani ke karak budh v anya shubh grahon se yukt ho tatha guru bhi uchch rashisth hokar kendra men virajman ho to jatak sarvashreshth vakil hota hai.


jivan ki sabhi samasyaon se mukti prapt karne ke lie yahan klik karen !


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe


.