पंचपक्षी: नक्षत्र एवं प्रश्न विचार

panchapakshi: nakshatra evan prashn vichar  

Views : 2589 | September 2015

sarvavidit hai ki jyotish men 27 nakshatra hote hain tatha pratyek din ka koi n koi vishesh nakshatra hota hai. panch pakshi ke adhar par kisi prekshak ke prashnon ke uttar dene hetu sarvapratham us din ke nakshatra ke anusar pakshi ka nirdharan kiya jata hai. purva ke ankon men varnit kiya ja chuka hai ki shukla paksh evan krishn paksh ke ek hi nakshatra ke do alag pakshi hote hain. atah panch pakshi shastri ko savdhani purvak nakshatra ka pata karke yah gyat karna avashyak hai ki vartaman men shukla paksh chal raha hai ya krishn paksh. inhin mandandon ko adharbhut manakar panchapakshi ka nirdharan kiya jana avashyak hai. prashn puche jane vale din yadi pakshi naisargik rup se achchi gatividhiyon arthat shasan karne athva khane ki gatividhi men sanlagn ho to prekshak ke dvara puche gaye prashn ka uttar sakaratmak hoga. yadi pakshi ghumne ki gatividhi men sanlagn hai to uttar n to purn rup se sakaratmak aur n hi purn rup se nakaratmak hoga. iska tatparya yah hai ki prekshak dvara puche gaye prashn ka hal kuch vilanb evan avrodhon ke bad mushkil se ho paega.

yadi pakshi sone athva marne ki gatividhi men sanlagn hai to prashn ka uttar purnarup se nakaratmak hoga. udaharan ke lie man lijie ki jab prekshak prashn puchne ke lie panch pakshi shastri ke pas aya us din ashvini nakshatra tha tatha shukla paksh chal raha tha. atah is drishtikon se pakshi giddh hua. yadi krishn paksh chal raha hota to pakshi mayur hota. ab prekshak yah prashn puchta hai ki kya uske vyavsay men unnati hogi? us samay ka pakshi giddh yadi shasan karne athva khane ki gatividhi men sanlagn hai to panchapakshi shastri ko yah javab dena chahie ki han nishchit rup se uska vyavsay fale-fulega aur usmen ashatit tarakki hogi. pakshi us samay kis gatividhi men sanlagn hai yah janne ke lie us din kaun sa var hai yah janna avashyak hoga. iska varnan pichle ankon men vistarpurvak kiya ja chuka hai ki kis din, kis samay pakshi kis prakar ki gatividhi men sanlagn hoga. nakshatra ke anusar panch pakshi shastri ko pahle hi yah abhas ho jana chahie ki prekshak kis prakar ke prashn puchne vala hai.

man lijie ki prashn puchne ke samay shatbhisha nakshatra chal raha hai to iska tatparya yah mamjha ja sakta hai ki prekshak kisi hari vastu ke sanbandh men prashn puch sakta hai. yah hari vastu koi fasal ho sakti hai athva kisi prakar ki vyaparik vastu. is samay yadi pakshi shasan karne ki gatividhi men hai to niahsandeh uske prashn ka uttar han hoga. vah chahe kisi bhi vyavsay men sanlagn ho, uska vyavsay unnati karega tatha use munafa hoga. yahi prashn agar aise pakshi ke sandarbh men ho jo ki us samay marne ki gatividhi men sanlagn hai to nishchit rup se yah kaha ja sakta hai ki uska vyavsay kabhi safal nahin hoga. kintu usi din evan usi nakshatra men prashnakarta yadi aise samay men prashn puchta hai jab vahi pakshi shasan karne v khane ki gatividhi men ho to uttar puri tarah se badal jaega. atah prashn puchne ka samay kafi mahatvapurn hai tatha yah bhi prekshak ke bhagya athva durbhagya ka dyotak hai. yahan ek bat aur dhyan dena avashyak hai. prashn kal ke pakshi ke sath-sath prekshak ka janm pakshi bhi utna hi mahatvapurn hai.

yadi prashn karne ke samay ka pakshi aur prekshak ka janm pakshi donon ek hi hain aur uttar yadi han men hai to uttar men aur adhik drirhta a jayegi. tatparya yah hai ki yadi prashn puchne ke samay evan din ka pakshi ek hi hai aur yadi vah shasan karne evan khane jaisi achchi gatividhiyon men sanlagn hai to nishchit rup se uske prashn safal honge. iske viprit yadi donon pakshi alg-alag hain tatha apas men shatru hain to uttar han hone ke bavjud bhi prashn ke fal ko pura hone men sandeh paida hoga. ho sakta hai ki fal mile kintu iske lie atyadhik bhagdaur, pareshaniyon evan vilanb ka samna karna par sakta hai. yadi donon pakshi apas men mitra hain to vaisi sthiti men sakaratmak athva nakaratmak jaisa bhi uttar ho usmen drirhta laenge.

nakshatra sanbandhit prashn karya pura hone ki avdhi ashvini ghar ae atithiyon ke sanbandh men, pile rang se sanbandhit 8 din

bharni kale athva lal rang ke sanbandh men 10 din

kritika kale vastu ke sanbandh men 10 din

rohini safed vastu ke sanbandh men 7 din

mrigshira kale vastu ke sanbandh men 10 din

adrra nile vastu ke sanbandh men 20 din

punarvasu lal vastu ke sanbandh men 20 din

pushya safed evan kale vastu ke sanbandh men 5 din

ashlesha safed vastu ke sanbandh men anishchit magha vividh prashn 10 din

purva falguni hare vastu ke sanbandh men 30 din

uttara falguni kala evan lal vastu ke sanbandh men 15 din

hast bahurangi vastu ke sanbandh men 35 din

chitra lal, safed athva pile vastu ke sanbandh men 40 din

svati sunhle rang ki vastu ke sanbandh men 10 din

vishakha karve vastu ke sanbandh men 20 din

anuradha safed vastu ke sanbandh men 30 din

jyeshtha kanse se bane vastu ke sanbandh men 8 din

mul prithvi athva jal srot ke nikat ki vastu ke sanbandh men 5 din

purvasharha int evan gare ke sanbandh men 48 din

uttarasharha anishchit prashn anishchit shravan ghas athva dhan ke sanbandh men 22 din

dhanishtha chamkile vastu ke sanbadh men dhire-dhire saflta shatbhisha fasal evan ghas ke sanbandh men 35 din

purvabhadrapad rengne vale jiv ke sanbandh men 30 din

uttarabhadrapad hare rang ki vastu ke sanbandh men 40 din

revti moti athva isi ke saman kisi vastu ke sanbandh men 18 din

not: uparyukt prashn vartaman sandarbh men tarkik pratit nahin ho sakte hain kintu ise aj ke pariprekshya men thora parivartit kar dekhe jane ki avashyakta hai. hamare shastron ki rachna hajaron varsh purva hui jis samay krishi ki pradhanta thi tatha yahi arthavyavastha ka pramukh adhar tha sath hi jivan shaili bhi gramin thi atah nishchit rup se us samay ke prashn us kal ke anurup hi ki jati thi. jyotish evan saman vidhaaon men desh, kal evan paristhiti ka vichar karna avashyak hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

lal kitab visheshank  September 2015

lal kitab jyotishiya faladesh ki anyanya paddhatiyon men se sarvottam evan vishvasniya paddhati hai. bharat men lal kitab ka agaman 1930 ke dashak men ek bhartiya british adhikari pan. rup chand joshi ke prayason ke falasvarup mana jata hai. pan. rup chand joshi ne falakathan ki prachin vidha ki khoj kar ise punasrthapit kiya. lalkitab ke mahan gyataon ke dvara yah anubhvsiddh hai ki lal kitab ke dvara anushansit upay ashubh grahon ke ashubhatva ko samapt kar shubh faldayi parinam dete hain. yahi nahin iske alava har karya ke lie bhi satik evan upyukt upayon ki charcha lal kitab men ki gairra hai jaise vivah, santan ityadi. fyuchar samachar ke is visheshank men anek vishyon par vidvan jyotishiyon ke alekh uddhrit hain. fyuchar samachar ke is visheshank men samavisht kuch ati mahatvapurn alekh hain: lal kitab ek parichay, lal kitab ke vishesh niyam, pitri rin, matri rin adi ki vyakhya evan faladesh, lal kitab ke upayon ke prakar, rin evan unke upay, lal kitab upay- janmakundali ke bina bhi maddgar, dan, makan evan dharm sthal sanbandhi niyam, gharon ke anusar grahon ka prabhav adi. dusre anya mahatvapurn evan prashansniya alekhon men shamil hain- isha ka nanha vibhor, di ful, panch pakshi ityadi.

Subscribe


.