पंचपक्षी एवं प्रश्न शास्त्र (भाग-1)

panchapakshi evan prashn shastra (bhag-1)  

Ank ke aur Lekh | Sambandhit Lekh | Views : 911 |  
dainik jivan men pratyek manushya ko har din saikron pareshaniyon se jujhna parta hai, har kam ke lie bhag-daur karni parti hai. atah svabhavik rup se sabko yah janne ki jigyasa man men uthti hai ki ve kaise janen ki unka amuk kam safal hoga athva nahin ya unhen samasyaon se kab evan kaise mukti milegi. prachin tamil santon ne is prakar ke prashnon ke uttara ke lie panchapakshi shastra ka kafi safltapurvak upyog kiya. prashna koi bhi, kaisa bhi ho sakta hai, jaise- 1. kya main pariksha men uttirn ho paunga? 2. kya meri bahu garbhavati hai? yadi hai to larka hoga ya larki? 3. kya mera udhar diya hua paisa vapas milega? 4. kya main naya ghar kharid paunga? ityadi. ye sare aise am prashn hain jinka uttar janne ki abhilasha har kisi ke man men hoti hai. upar varnit prashn kuch udaharan matra hain. iske itar bhi hajaron prashn man men janma le sakte hain jinka uttar janne ki svabhavik abhilasha hoti hai. prachin tamil santon ne panchapakshi ke madhyam se in prashnon ke uttar janne ki kuch vidhiyan batlai hain jo kafi prabhavpurn hain tatha inse prashnon ke bilkul satik evan sahi uttara milte hain. vidhi p prashnakarta ke munh se jo bhi prashna nikle, uske munh se nikle pahle shabd ka pahla svar varn dekhen. us svar varn ke adhar par pakshi ka nirdharan karen. pakshi ka nirdharn karne ke uprant yah dekhen ki vah pakshi us samay kis prakar ki gatividhi men sanlagn hai. yadi us samay vah pakshi shasan men shasan, shasan men khana, khana men shasn athva khana men khana ki gatividhi men sanlagn ho to prashn ka uttar han men hoga tatha prashnakarta ka vah karya nishchay hi siddh hoga. pathkon ki suvidha ke lie svar varn se pakshi ke nirdharan ke lie ek sarni niche di ja rahi hai: pratham svar varn se pakshi ka nirdharn shukla paksha pratham svar varna krishna paksha giddh a, a, ai, au murga ullu i, i giddha kaua u, u ullu murga e mayur mayur o kaua vidhi pp jis samay prashn kiya ja raha hai, us samay kaun sa nakshatra hai, yah pata karen. us nakshatra ke anusar panchapakshi ka nirdharan karen. fir pata karen ki vah pakshi us samay kis gatividhi men sanlagn hai. panchapakshi ki gatividhi men sanlagnata ke adhar par prashn ke uttar den. vidhi p men jis prakar se pakshi ki gatividhiyon men sanlagnata ke adhar par uttar dene ka tarika batlaya gaya usi ka anusaran karen. vidhi ppp kisi bhi prashn ka uttar prashnakarta ke janmapakshi ke adhar par bhi diya ja sakta hai. prashnakarta ka janmapakshi gyat karen tatha uska janmapakshi us samay jis gatividhi men sanlagn hai, usi adhar par prashnon ke uttar den. iska vivaran vidhi-p men bataya gaya, usi ka anusaran karen. yadi prashnakarta ka janm nakshatra gyat nahin hai to uske pratham nam ke pratham svar varn ke adhar par uske pakshi ka nirdharan karen tatha iske uprant faladesh karen. yahan ek bat ka dhyan rakhna avashyak hai ki shukla paksh tatha krishn paksh men pakshi alg-alag honge. uparyukt tinon vidhiyan mukhya evan mahattvapurn hain tatha inhin tarikon se faladesh kiya jata hai jo kafi sahi evan satik hota hai. kya hoga jab prashn shukla paksh men puche jaenge 1. yadi prashn puche jane ke samay pakshi shasan karne ki gatividhi men sanlagna ho to prashnakarta ke sabhi karya safl honge. dhan men vriddhi hogi, bahut sare uphar evan dan prapt honge. sanchit dhan men kami nahin ayegi tatha amdni kharch ki tulna men adhik hogi. jatak ki sthiti kafi shaktishali hogi. use sarkar se sahayta milegi tatha arthik labh bhi hoga. dhum-dham se kafi achcha vivah hoga. garbhavastha ki sthiti men bachche ka janm asani se ho jayega tatha bachche ka ling pakshi ke anusar hoga. anek sroton se dhanagmn hoga. bimari thik ho jayegi, pad evan pratishtha men vriddhi hogi. vahan evan jevrat kharide ja sakte hain. kul milakar yah sarvashreshth samay hai. 2. yadi prashn puchne ke dauran pakshi khana khane ki gatividhi men sanlagna ho to jatak ko sukh prapt hoga. sanpatti arjit hogi, vyavsay men unnati hogi tatha achcha jivnsathi prapt hoga. jo log yatra par gaye hue hain ve log surakshit laut aenge. chori hua saman vaps mil jayega. fasal achchi hogi. dimag men yadi kisi larki ki bat aye to uska vivah ho jayega. bimari se mukti mil jayegi. yadi garbhavastha hai to kanya ka janma hoga. kintu in sari safltaon ke bavjud bhi kisi bhi tarah ki bimari ho sakti hai tatha man ki shanti bhang ho sakti hai. 3. yadi prashn puchne ke samay pakshi ghumne ki gatividhi men sanlagn ho to jatak ke man-samman ki hani hogi. fasal sukh jayenge tatha barbad ho jaenge. yadi vivah honi hai to vah ruk jayega athva usmen avrodh utpann hoga. jivn men nirasha vyapt hogi. yadi kisi pratiyogita pariksha men bhag liya hai to parinam nakaratmak honge. 4. yadi prashn puchne ke samay pakshi sone ki gatividhi men sanlagn ho to bimari ka prahar hoga. shatruta barhegi. har taraf se nirasha evan duahkh ka vatavaran banega. kanya ka vivah ruk jayega. har prayas asafal sabit honge. yatra ka lakshya pura nahin ho payega tatha jo yatra par gaye hain ve asani se nahin laut paenge. kariyar evan vyavsay men bhi mar khani paregi. jatak ke upar akaran iljam lag sakte hain. yah samay bilkul bachakar rahne ka hai. is samay yadi ap kisi vi. ai. pi. se milne jate hain to vah apse nahin milega. 5. yadi prashn puchte samay pakshi marne ki gatividhi men sanlagn ho to har or se duahkh bhare samachar sunne ko milenge tatha anavashyak kharch honge. jivan ke har kshetra men dhokha evan nirasha vyapt hogi. yatra par gaye log shayad hi laut paenge. raste men unhen kafi dukh jhelni paregi tatha iske sath unki mrityu tak ho sakti hai. har karya men asflta hath lagegi tatha sanchit dhan barbad hoga. kya hoga jab prashn krishna paksh men puche jaenge 1. yadi prashn puchte samay pakshi shasn karne ki gatividhi men sanlagn ho to bhay, jhagre evan bimariyon ka samna jatak ko karna parega tatha bimari se mukt hona atyant dushkar sabit hoga. yadyapi ki shasan karne ki gatividhi men har karya safal hote hain kintu krishn paksh men shasan karne ki gatividhi thori kamjor ho jati hai. halanki fir bhi iske kuch parinam achche hote hain. jaise- is kal men sarkari sahayta prapt hogi, dhumdham se vivah hoga. yadi prashna garbh ke sandarbh men hai to bachche ka janma asani se ho jayega tatha bachche ka ling pakshi ke anusar hoga. kai sroton se dhan ka agaman hoga. 2. yadi prashn puchte samay pakshi khane ki gatividhi mane sanlagn ho to varsha nahin hogi. mahila hone ki sthiti men use anek dukh evan kathinaiyan jhelni parengi. choti-moti bimari ho sakti hai. shatruta men vriddhi hogi. gharelu jivan sukhi rahega. kintu is samay yatra purnatah varjit hai. krishna paksh hone ke karan saflta ka pratishat kam rahega. 3. yadi prashn puchne ke samay pakshi ghumne ki gatividhi men sanlagn ho to har prayas safal honge. vivahadi shubh karya sanpann honge. labh men vriddhi hogi. pahle se chali a rahi bimari thik hogi. apki kahi hui baton ki log kadra karenge tatha apke adesh ka palan karenge. gharelu jivan men sukh-shanti rahegi. is samay kisi bhi tarah ki pareshani ka anubhav nahin hoga. achchi varsha hogi. jo log yatra par gae hain ve surakshit laut aenge. 4. yadi prashn puchte samay pakshi sone ki gatividhi men sanlagn ho to jatk ko anek prakar ki bimariyon ka samna karna parega. dhan hani hogi, jhagre honge tatha jivan men dukh evan nirasha vyapt ho jayegi. jo koi bhi karya shuru kiya gaya hai ve sabhi asafal siddh honge. jo yatra par gaye hain unhen kafi pareshani hogi tatha unka lautna thora mushkil hai. lanbe samay se chali a rahi bimariyan kabhi thik nahin hongi. yadi ap kisi vi. ai. pi. se milne ja rahe hain to mulakat bilkul asafal sabit hogi. 5. yadi prashn puchne ke samay pakshi marne ki gatividhi men sanlagn ho to mrityutulya kasht hoga. bimariyan ghatak ho jaengi. log apke bare men tarh-tarah ki baten banayenge tatha apke man ki shanti bhang ho jayegi. dusron ke sath shatruta men vriddhi hogi. apke ghar chori ho sakti hai. apko charon or se dukh evan pareshaniyon ka samna karna parega. jo log yatra par gaye hain unke lautne ki sanbhavna n ke barabr hai. yadi is avdhi men koi yatra karta hai to yatra ke dauran use apni jan bhi ganvani par sakti hai. kisi bhi tarah ka koi lakshya pura nahin hoga.
Kya aapko lekh pasand aaya? Subscribe
Kya aapko lekh pasand aaya? Subscribe


mangal dosh visheshank  July 2015

fyuchar samachar ke is visheshank men mangal dosh ki vistrit charcha ki gai hai. kundali men yadi lagn, chaturth, saptam, ashtam bhav evan dvadash bhav men yadi mangal ho to aise jatak ko manglik kaha jata hai. vivah ek aisi pavitra sanstha jiske dvara purush evan stri ko ek sath rahne ki samajik manyata prapt hoti hai taki srishti ki nirantarata bani rahe tatha donon milakar parivarik evan samajik dayitva ka nirvahan kar saken. vivah sukhi evan safal ho iske lie hamare desh men var evan kanya ke kundali milan ki pratha rahi hai. kundali milan men var athva kanya men se kisi ek ko mangal dosh nahin hona chahie. yadi donon ko dosh hain to adhikansh paristhitiyon men vivah ko manyata pradan ki gai hai. is visheshank men mangal dosh se juri har sambhav pahlu par charcha ki gai hai. iske atirikt sthayi stambh men bhi vibhinn vishyon ko samavisht kar achchi samagri dene ki koshish ki gai hai.

Subscribe

Apne vichar vyakt karein

blog comments powered by Disqus
.