पंच पर्व दीपावली

panch parva dipavli  

Ank ke aur Lekh | Sambandhit Lekh | Views : 1755 |  
dhanters is bar 9 navanbar 2015 ko dhanatrayodshi ya dhanteras ka parva manaya jaega. kartik krishnapaksha trayodshi ko dhanvantari jayanti aur dhanatrayodshi donon hi manane ka vidhan hai. is din ghar men nai vastu khasakar baratan, sona-chandi kharid kar lane ka vidhan evan paranpra hai. is din dhan ka apavyay nahin kiya jata tatha kisi ko udhar bhi nahin diya jata. islie kuch log khasakar vyapar men len-den karne se bhi bachte hain. aisi manyata hai ki dhanteras ke din dhan ka apavyay rokne se agle varsh dhan ka sanchy hota hai. is din pradoshkal men ghar ke bahar yam ke lie dipdan karna chahie. aisa karne se ghar ke sadasyon ko akalmrityu ka bhay nahin rahta hai. ayurved ke pravartaka dhanvantari ki jayanti bhi pramukhta se manai jati hai. narak chaturdashi 10 navanbar 2015, kartik krishnapaksha chaturdashi ko narak chaturdashi ya narak chaidas ke rup men manane ki paranpra hai. kuch jaghon par ise choti dipavli ke rup men tatha adhikansh sthanon par hanuman jayanti ke rup en manate hain. is din kuber ki bhi puja ki jati hai. is tithi ko rup chaidas ke rup men bhi manane ki paranpra hai. pratahkal suryoday se pahle uthakar tunbi (lauki) ko sir par se ghumane ke bad snan karne se rup aur saundarya bana rahta hai tatha log narkgami hone se bhi bach jate hain. yah bhi manyata hai ki bhagvan ne isi din vaman ke rup men avtar liya tha. is din dan karne se lakshmi ki kripa prapt hoti hai. is din nishamukhi vela men dipdan bhi karna chahie. dipavli is varsh dipavli 11 navanbar 2015 ko manai jaegi. hinduon ke lie is parva ka atyadhik mahatva hai. vaise pure bharat varsh men aur anya deshon men bhi jahan bhartiya mul ke log hanai, yah parva sabhi sanpradayon evan dharmon ko manne valon ke dvara harsh evan ullas ke sath manaya jata hai. is din log bari shraddha aur vishvas ke sath lakshmi evan ganesh ka pujan karte hain. dipavli ki ratri ko mahanishith kal ki sangya di gai hai. tantra ki sadhna, lakshmi puja evan kali puja ke lie is ratri se barhakar koi bhi samay nahin hota. atah sadhak evan bhakt log is ratri ki pratiksha men rahte hain evan iski puja evan upasna men pure manoyog se sammilit hote hain. is din sabhi gharon, dukanon evan vyaparik pratishthanon men mahalakshmi ka pujan avashya hota hai. vyapari log khata-bahi, tijori evan tula ki puja bhi karte hain. pratyek sthan ko dip jalakar prakashit kiya jata hai kyonki yah prakashaparva bhi hai. is din mithaiyan evan upharon ko bantne ki paranpra bhi hai. dipavli ke din lakshmi ki puja karne se unki kripa avashya prapt hoti hai aur bhakton evan sadhkon ke dhan tatha samriddhi ki vriddhi hoti hai. lakshmi ki puja ke lie sayankal men vrishabh evan nishith kal men sinh lagn adhik prashast mana gaya hai kyonki shastrakaron ke anusar lakshmi ki puja ke lie sthir lagn hi faldayi mana gaya hai. govardhan puja 12 navanbar 2015, kartik shuklapaksha pratipda govardhan puja tatha annakut ka parva manaya jaega. is din braj men govardhan puja evan parikrama ka vidhan hai. log apne godhan ki puja karte hain evan govansh ke sanvardhana ka pran lete hain. yah din vishvakarma jayanti ke rup men bhi manaya jata hai. chitragupt ji ki puja bhi isi din ki jati hai. bhaiduj dinank 13 navanbar 2015 kartik shukla paksh dvitiya ko bhratridvitiya ya yamadvitiya ke rup men manane ka rivaj hai. ise bhai duj bhi kaha jata hai. is din yamuna men snan, dipdan adi ka mahatva hai. is din bahnen, bhaiyon ke dirghajivan ke lie yam ki puja karti hain aur vrat rakhti hain. jo bhai is din apni bahan se sneh aur prasannata se milta hai, uske ghar bhojan karta hai, use yam ke bhay se mukti milti hai. bhaiyon ka bahan ke ghar bhojn karne ka bahut mahatmya hai.
Kya aapko lekh pasand aaya? Subscribe
Kya aapko lekh pasand aaya? Subscribe


lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe

Apne vichar vyakt karein

blog comments powered by Disqus
.