हस्तरेखा शास्त्र

hastarekha shastra  

Ank ke aur Lekh | Sambandhit Lekh | Views : 13133 |  
hastarekha shastra samudrik shastra ko hastarekha shastra ya vigyan bhi kahte hain. iski rachna samudra rishi ne ki thi, isi karan ise samudrik shastra kaha jata hai. samudrik shastra ke siddhanton ke adh aar par rekhaon ka sukshm rup se adhyayan kar bhavishya bataya jata hai. manyataon ke anusar donon hathon ki rekhaon men samanta nahin hoti hai, kyonki bayen hath ki rekhaen vyakti ke purva janm ke aur dayen hath ki rekhaen is janm ke karmon ke anusar banti-bigrti hain. islie donon hi hathon ka saman rup se adhyayan karne par jor diya jata hai. hamare yahan karm ka mahatva jyada hai, atah jo vyakti jis hath se karm karta hai, uske usi hath ko jyada mahatva dena chahie. kisi vyakti ke bhavishya ka fal kathan karte samay uski hatheli men vidyaman vibhinn rekhaon, yavon, chihnon adi ka ganbhirtapurvak vichar kiya jana chahie. iske lie jin pramukh aur mahatvapurn tathyon ka vishleshan avashyak hota hai unka sankshipt vivaran yahan prastut hai. û hath ki banavat. û hath ke prakar jaise darshanik hath, samkon hath, adarshavadi hath, kalakar ya vyavsayik hath, sam, visham, mishrit athva chamsakar hath adi. û ungliyon, unke poron tatha un par vidyaman shankh, chakra adi ki sthiti. û grahon ki sthiti. û hatheliyon ki pramukh, sahayak aur gaun rekhaon ki sthiti. û hatheli men vidyaman chihnon jaise kon, tribhuj, samkon, gunak, nakshatra jal, dvip, dag adi ki sthiti. û karatal men vidyaman vibhinn akritiyon jaise kamal, nakshatra, surya, chandra, hasti, ashva, dhvaja, rath, parvat, kankan adi ki sthiti. û ungliyon ke poron men sthit ari aur khari rekhaon ki sthiti. û nakhunon ki banavat aur unmen pae jane vale safed, kale aur nile dagon ki sthiti. û hath men vidyaman mahatvapurn yog. shodhon se siddh ho chuka hai ki hatheliyon ki rekhaon men kuch rahasya chipe hote hanai. ye rekhaen manushya ki antrik sthiti aur bhavishya men ghatit hone vali ghatnaon ki sachitra lipi hoti hain jinhen parhakar jatak se sanbandhit bahut-si baton ka pata lagaya ja sakta hai. fal kathan kisi ek rekha, chihn ya akriti matra ko dekhakar nahin, balki hath men vidyaman sabhi rekhaon, chihnon, akritiyon adi ko dekhakar karna chahie. jinka hath komal hota hai ve thore se kasht se hi vyakul ho jate hain aur jara-si khushi milne par fule nahin samate. aise log aramatalab, dhanvan, chanchal chiÿa, madhurbhashie, kabhi milnsar, kabhi durav rakhne vale hote hain. kathor ya kare hath vale duradarshi, mehnti, sahspurn kadam uthane vale, pakke mitron vale v lagnshil hote hain. aise log ya to purn parmarthi hote hain athva pakke svarthi. hathon ke prakar: hath mukhyatah sat prakar ke hote hain - nimn shreni ka hath, vargakar hath, chamsakar hath, darshanik hath, kalapurn hath, adarsh hath aur mishrit hath. hathon ke prakar ke anurup falkthn: û hast rekha vigyan men samkonik athva chaikor hath ko sarvoÿam mana gaya hai. jinke hath is akar ke hote hain, ve dayalu, svachchatapremi, satyanishth, sachcharitra aur svabhimani hote hain. ve dhir, vir, ganbhir hote hain. û chamsakar hath vale log adarshavadi, karyakushal aur khyatilabdh hote hain, kintu ve logon ko labh nahin pahuncha pate aur unhen bhi logon se apne karya men sahayta nahin mil pati. kalai ke pas jo hatheli adhik chairi hoti hai use chamsakar hath kahte hain. û lanba, gathila kintu madhya men kuch jhuka hua hath, jiski ungliyon ke jor ubhre hue aur nakhun lanbe hon, darshanik hath kahlata hai. aise hath vale logon ki vivekashakti sadharan logon ki tulna men bahut unchi hoti hai. darshanik hath vale jis jatak ki ungliyan drirh ya kasi hui hon, vah apni rachnatmakata se logon ko prabhavit karta hai. aise logon ke man ki thah lagana kathin hota hai. û bedaul banavat vala hath nikrisht mana gaya hai. yah jarurat se jyada chota, mota, bhara aur bhari hota hai. angutha hath ke samanya anupat men bahut chota hota hai. nikrisht hath vala jatak kabhi shreshth purush nahin ho sakta. in logon ka duniyadari se bahut kam vasta hota hai aur ve bhojan, vastra aur avas tak hi simit rahte han.ai û nukili, patli, niche halki aur upar bhari ungliyon vala mulayam, chikna tatha lanba hath adarshavadi hath kahlata hai. jinke hath is akar ke hote hain, ve sapnon ki duniya men khoe rahne vale hote hain. û mamuli lanbai chairai vala hath, jismen ungliyon ka upri hissa patla aur nichla mota sa ho, kalakar ya vyavsayik hath ki shreni men ata hai. is prakar ke hath vale log dusron ki baton men athva bhulave men shighra a jate hain. kisi bhi karya ko aranbh kar use bich men hi adhura chor dena inki adat hoti hai. aise hath men yadi ungliyan bari ya sakht hon to vyakti kalatmak karyon men mahir hota hai aur vyaparik karobar se dhan kamata hai. vyapari, gayak, chitrakar, murtikar, kalakar adi ke hath is shreni men ate hain. is akar ke hath vale jis jatak ki ungliyan patli, parantu pili ainthan vali hon, vah ishryalu, chali tatha prapanchi hota hai. yadi aisa hath jyada naram ho, to vyakti laprvah hota hai. mishrit lakshanon vale hath ki koi shreni nahin hoti. is hath ki ungliyon ke lakshan vibhinn tatha mishrit hote hain. koi ungli chamsakar hoti hai to koi vargakar, koi nukili to koi darshanik. mishrit hath men vidyaman vibhinn hathon ke lakshanon ka achchi tarah vichar kar hi falakathan karna chahie. hatheliyon ka vishleshn: û satat parishram karte rahne valon ki hatheliyan bari hoti hain. utsahi aur karÿavyaprayan log bari hatheli vale hote hain, parantu lagan ke sath kam n karne valon ki hatheliyan choti hoti hain. û chairi hatheli vale bhale, udar aur dusron ki bhalai karne vale hote hain. û bhari hatheli vale vyakti vishyi ya kamasakt hote hain. û naram aur lanbi hatheli vale jatak talmtol karne vale, aramatalab, kamchor aur pramadi hua karte hain. û jinki hatheliyan patli, sukhi aur kari hon, ve bhiru aur nirutsah hote hain. û lanbi, chairi aur gol hatheli samanyatah parashrayi logon ki hoti hai. aise log mithyachari hote hanai. û svajnon ya atmiyajnon ki sahanubhuti se vanchit logon ki hatheli ke madhya bhag men gaddha sa hota hai jiski gahrai itni jyada hoti hai ki usmen viprit hath ke anguthe ka upri por pure ka pura sama sakta hai. jis jatak ki hatheli is akar ki hoti hai, vah udvign, asvasth evan grih-klesh se pirit rahta hai. anutha angutha: komal aur jhuka hua angutha vyakti ki chanchal manahsthiti ka sanket deta hai. aise log dusron ki baton men jaldi a jate hain jabki lanba, sidha v sudrirh angutha nirankushta aur svachchandata ka dyotak hai. aise anguthe vale vicharon ke pakke hote hain. anguthe ko tin bhagon men vibhakt karte hue fal kathan kiya jata hai. angutha ichcha-shakti, vichar-shakti aur prem-shakti ka dyotak hai. iske nakhun ki or ka por ichcha-shakti, madhya ka vichar-shakti aur niche ki or ka por prem-shakti ka parichay deta hai. in bhagon ki bhaddi sthiti vyakti ki kamjori ko darshati hai. jis jatak ke anguthe ki jar vala arthat prem-shakti vala por sidha ya bhara hua hota hai, vah svarthi aur chal se prem karne vala hota hai. yadi yah bhag ubr-khabar ho to jatak kabhi khush aur kabhi naraj rahta hai. uski kisi se sachchi mitrata nahin hoti. lanbe aur sam anguthe vale log buddhihin aur jyada nonkdar anguthe vale uthle vicharon ke hote hain. chunki hastarekha vigyan samudrik shastra ka hi ek ang hai, islie iske adhar par falakathan karte samay hath ke akar-prakar, ungliyon, anguthon, hatheliyon adi ki banavat, grah-parva, manibandh ki rekhaon, pramukh hasta-rekhaon ke samip sthit tilon tatha anya chihnon ka sukshmatapurvak adhyayan karna chahie, taki falakathan sahi ho. anguthe se vyakti ke svasthya, tarjani se prakriti, madhyama se gyan, anamika se aishvarya arthat vaibhav ya dhan sanpÿia aur kanishthika se purva sanchit susanskaron ya kusanskaron ka pata chalta hai. ungliyon ki sundrta, sudaulta, kurupta, bedhangapan adi ke sukshm parikshan se sahi falakathan kiya ja sakta hai. hatheli men sthit rashiyana, grah, nakshatra, tithi, mahine: û tarjani men sthit rashiyan aur grah: sabhi ungliyon men tin parva hote hain. inhen upar se kramshah pratham, dvitiya evan tritiya parva kaha jata hai. tarjani ke pratham parva men mesh, dvitiya men vrish tatha tritiya men mithun rashi hoti hai. is prakar, hath ki charon ungliyon ke barah parva barah rashiyon ko darshate hain. tarjani ke thik niche mul men brihaspati parvat hota hai. ise brihaspati ki ungli bhi kahte hain. yah brihaspati se sanbandh rakhti hai. tarjani ke pas vali sabse bari ungli ko madhyama kahte hain. iske pratham parva men makar, dvitiya mane kunbh tatha tritiya men min rashi hoti hai. ise shani ki ungli bhi kahte hain. iske thik niche mul men shani parvat hota hai. yah shani grah se sanbandh rakhti hai. anamika ka sthan madhyama evan kanishthika ke madhya hai. ise surya ki ungli aur angreji men ‘ring fingr’ ya ‘fingar aef apolo’ bhi kahte hain. iske pratham parva men kark, dvitiya men sinh tatha tritiya men kanya rashi hoti hai. iske mul men surya parvat hota hai. iska sanbandh surya grah se hota hai. hath ki sabse choti ungli ko kanishthika kahte hain. angreji men ise ‘litli fingr’ ya ‘fingar aef markari’ (budh ki ungli) bhi kahte hain. iske thik niche mul men budh parvat ka sthan hota hai. yah budh grah se sanbandh rakhti hai. iske pratham parva men tula, dvitiya men vrishchik tatha tritiya men dhanu rashi hoti hai. hriday rekha ke udgam ke samip pratham mangal tatha mastak rekha ke udgam ke samip dvitiya mangal rahta hai. hatheli ke bayin taraf budh parvat ke niche chandra parvat tatha anguthe ke niche shukra parvat hota hai. isi prakar bhagya rekha ke udgam ke samip ketu parvat aur mastak evan hriday rekhaon ke udgam ke samip rahu parvat hota hai. hath mane sthit nakshatra: pauranik shastron ke anusar hath men atthais (27$1 abhijit) nakshatra hote hain. falakathan karte samay in nakshatron, grahon aur rashiyon ka vishleshan karna chahie. prashn kundli ki bhanti hi hath ke vishleshan se bhi prashnakarta ke prashn ka uÿar diya ja sakta hai. iske lie hath men nakshatra chakra ki sthapna karni parti hai. jis nakshatra men hath ka vishleshan kiya ja raha ho, use chitra men darshae gae ashvini nakshatra ke sthan par rakhen aur shesh nakshatron men kramabaddh parivartan kar len. prashnakarta ke prashn ka uÿar dene ke lie uske nam ka nakshatra jis sthan par hota hai, us sthan ki rekhaon v nakshatron ke adhar par fal ki vivechna ki jati hai. yadi us samay ka nakshatra hatheli ke madhya ungliyon ke tisre parva par evan dakshin pashchim disha men ho to karya hona sanbhav hota hai aur shesh sthanon par karya siddhi ka dyotak hai. upar chitrit hatheli men nakshatra chakra (unke svami grah) janmapatri men mahadshaon (grahon) ke chakra ke anusar hi hota hai arthat ketu, shukra, surya, chandra, mangal, rahu, guru, shani, budh. û hath ki ungliyon men sthit mahine ah ungliyon ke 12 parvon men 12 mahine hote hain. tarjani ke pratham nakshatra vale parva men march, dvitiya men aprail evan tritiya men mai mah hota hai. isi prakar madhyama ke pratham parva men disanbar, dvitiya men janvri evan tritiya men farvri, anamika ke pratham parva men jun, dvitiya men julai evan tritiya men agast tatha kanishthika ke pratham parva men sitanbar, dvitiya men aktubar evan tritiya mane navanbar mah ka sthan hota hai. inhen nimn chitra se asani se samajh sakte hain. û hath ki ungliyon men sthit tithi ah kanishthika ke parvon men nanda tithiyon arthat pratipda, shashthi evan ekadshi (1,6,11) ka sthan hota hai. anamika ke parvon men bhadra arthat dvitiya, saptami evan dvadshi (2,7,12), madhyama men jaya arthat tritiya, ashtami evan trayodshi (3,8,13), tarjani men rikta arthat chaturthi, navmi evan chaturdashi (4,9,14) tatha angushth men purna arthat panchmi, dashmi evan amavasya ya purnima (5,10,15 ya 30) tithi ka sthan hota hai. krishn paksh ho to anguthe ke akhiri parva men amavasya aur shukla paksh ho to purnima hoti hai. upar varnit tithiyan pratyek ungli men kramanusar pratham parva se hi sthapit hoti hain. inhen niche die gae chitra se bhi samajh sakte hain. is prakar, pratyek rashi, nakshatra, tithi, mah aur grah hatheli men apna vishisht sthan rakhta hai. hath manushya ke karm ka darpan hai. manushya yadi chahe to apne durbhagya, apni vipÿiayon, piraon, kashton adi par vijay prapt kar apna saubhagya jaga sakta hai. janm kundli ki tarah hi hath ko dekhakar kisi ghatna ka samay ‘kal nirnaya’ niyam ke anusar bataya ja sakta hai. prasiddh hastarekha shastri kiro ne kal nirnay ke lie saptavarshiya niyam ki avdharna di. vyavhar evan anubhav ke adhar par kiro dvara pratipadit saptavarshiya kal ganna pramanik hai. saptavarshiya kal ganna men jivan rekha par samay akalan ke lie shukra parvat ke kendra bindu ko adhar banakar, kendra bindu se manibandh ki pahli rekha tak ek rekha ankit karte hain. yah rekha jis jagah jivan rekha ko chuti hai, vah kal ganna ke anusar jigyasu ki jivan rekha ka 63van varsh hota hai. jis sthan par yah shani rekha ko sparsh karti hai, shani rekha par 21van varsh ankit karti hai. kal ganna ke lie chitra ka sahara le sakte hain. chunki is ganna men kalkhand 7 varsh ka hota hai, islie ise saptavarshiya ganna kahte hain. pramukh hastarekhaen aur unka fal-vichar û jivn-rekha: ise ayu rekha ke nam se jana jata hai. yah pitri rekha bhi kahlati hai. yah rekha tarjani aur anguthe ke madhya se hokar shukra sthan ko gherti hui manibandh tak jati hai. jivan rekha se umra ka vichar karte hain. iska lanba, saf v spasht hona jatak ke achche svasthya aur lanbi ayu ko darshata hai. jivan rekha tuti-futi ho, ruk-ruk kar chalti ho ya khandit ho to jatak bar-bar bimar parta hai. is rekha ka chota hona alpayu ka suchak hai. jivan rekha n ho to jatak ki asvabhavik maut hoti hai. û mastishk rekha: yah hatheli ke madhya bhag men hoti hai. ise matri rekha bhi kahte hain. yah buddhibal ki parichayak hoti hai. yadi bahut si rekhaen mastishk rekha se nikal kar hriday rekha ki taraf jati hon to jatak milnsar aur lagnshil hota hai. lahrdar mastishk rekha vale arddhavikshipt jaisa acharan karne vale aur janjir jaisi mastishk rekha vale kalah karne vale hote hain. dohri mastishk rekha vale log vilakshan buddhi ke hote hain. chandra aur mangal ke parvaton ko gherti hui mastishk rekha tivra buddhi, spasht vichar aur nirbhikta ki parichayak hoti hai. û hriday rekha: anand, adarsh, sneh, prem, sachchai aur vafadari ka gyan karane vali rekha ko hriday rekha athva antahkaran rekha kahte hain jo mastishk rekha ke upar v samanantar sthit hoti hai. jatak ke lakshya ya uddeshya, uski vivekashakti, sadhuta, paropkar adi ka pata lagane ke lie hriday rekha ka vichar karte hain. yadi hriday rekha tarjani ke niche samapt ho to perami ya premika, mitra-bandhu athva svajnon se bar-bar nirasha milti hai. satvik vichardhara vale jatak ki hriday rekha guru parvat ke nikat do shakhaon men bant jati hai. jiske hath men aisi rekha ho, vah guru v vriddh janon ki seva karne vala hota hai. tuti-futi hriday rekha vale matlbi hote hain. ungliyon se jitna jyada antar ya duri hriday rekha ki hogi, jatak men utni hi jyada vafadari aur satyata, sthirta, neh niyam, dayaluta, paropkar aur mitrata ki bhavna rahegi. û bhagya rekha: manibandh ke pas se nikli aur udhrvamukhi hokar shani parvat tak jane vali rekha ko bhagyarekha kahte hain. is rekha se vyakti ke prarabdh ki jankari milti hai. bhagya rekha se vihin hath duahkh, daridrata aur nirdhanata ka bodhak hota hai. spasht aur saf, bina tut-fut ya bikhrav vali bhagya rekha uÿam fal deti hai. manibandh se shani sthan tak ane vali doshhin bhagya rekha sukh samriddhi, buddhimÿaa aur saubhagya ka karak hoti hai. shani parvat ki or jhuka hua iska upri sira jatak ko hamesha sukhi banae rakhta hai. nichla sira mura ho to dhanik bhi pareshan rahta hai. yadi bhagya rekha kanishthika ki jar ki taraf jae to jatak ko pratishtha aur dhan ki prapti hoti hai. is rekha ki utpatti shukra sthan se ho to jatak ko akasmat dhan athva paitrik sanpÿia prapt hoti hai, lekin fir bhi jatak parashrit hota hai. û surya rekha: anamika ke mul se chalne vali rekha surya rekha kahlati hai. is rekha se vidya, yash, samman adi ki jankari milti hai. jiske hath men saf, spasht aur lanbi surya rekha hoti hai vah bara bhagyashali v pratibhasanpann hota hai. yah rekha jis parvat ko chuti hai, uske grah ke bal men vriddhi karti hai. û svasthya rekha: budh kshetra se hatheli ke adhobhag ki or tirchi hokar chalne vali rekha svasthya rekha kahlati hai. kiro ke anusar svasthya rekha tandurusti ka tharmamitar hai. vaise yah rekha har kisi ke hath men nahin pai jati. manyata hai ki ismen jitni vichar goshthi shakhaen ya prashakhaen hoti hain, utne hi prakar ke rog jatak ko pirit karte hain. bimari ki halat men yah rekha gahri ho jati hai evan rog samapti ke samay dhundhli hone lagti hai. û vivah rekha: budh parvat ke nichle bhag se nikal kar hriday rekha ke udgam sthal tak ane vali rekha vivah rekha kahlati hai. yah rekha choti aur gahri hoti hai. bina tut-fut vali vivah rekha sthayi vivah aur sukhamay grihasthi ka sanket deti hai. kintu yadi yah khandit ho to talak ya patni se sanbandh vichched ya patni ki mrityu tak ho sakti hai. yadi surya rekha ko yah rekha sparsh kare to jatak ka vivah dhanadhya parivar men hone ki sanbhavna rahti hai. asht chihn vichar: û hath men kai prakar ke chihn pae jate hain. unka vichar bhi hastarekha ka vishleshan karte samay karna chahie. dag, gunan chihn aur jal ashubh mane jate hain. ye chihn jis rekha ke pas ya jis rekha ke bich men hote hain, uske fal ko prabhavit karte hain. û kon, samkon, tribhuj aur dvip ke chihn shubh mane jate hain. inmen se jo chihn jis rekha ke samip hoga, vah us rekha ke shubhatva men vriddhi karega. agar bhagya, mastishk aur svasthya rekhaon se tribhuj ka chihn bane to jatak gurh vidyaon ya rahasyon ka jankar hota hai. û yadi kisi stri ki tarjani ke dusre por men nakshatra ka chihn ho tatha uske donon taraf ek-ek khari rekha bhi ho to vah pativrata hoti hai. hatheli ya rekhaon par til: û bhagya rekha par til bhagyoday men vilanb aur sangharshapurn jivan ka suchak hai. û surya rekha par kala til dhan ki hani aur karyon men asflta ka dyotak hai. û jivan rekha par kala til hone se aghat lagne aur mathe par chot ki sanbhavna rahti hai. û shukra parvat par kala til vyakti ko bhogi banata hai. û jiske hath men guru parvat par kala til hota hai, uske vivah mane badhaen ati hain. û shani parvat par kala til pranay sanbandhon men darar ka suchak hota hai. û hriday rekha par chatak kala til ho to hridyaghat ki sanbhavna rahti hai. û chandra parvat par kala til jal men dubne ke khatre v prem men chal ka sanket deta hai. manibandh rekha vichar: hatheli ke ant men kalai par lagabhag tin silvten dikhai deti hain, jinhen manibandh ki rekhaen kahte hain. samudrik shastra ke anusar pratham rekha se dhan, dvitiya se vidya aur tritiya se svabhav evan prem vyavhar ki jankari milti hai. in manibandh rekhaon se ayu ka anuman bhi lagaya ja sakta hai. pratyek rekha tis varsh ki ayu ka prabhav darshati hai. jiski kalai men dhai rekhaen hoti hain uski ayu lagabhag 75 varsh hoti hai. tinon rekhaen spasht aur purn hone par jatak ki ayu 90 varsh ya usse bhi adhik ho sakti hai. hastarekha shastra men saf-suthri v sidhi rekhaen shubh mani gai hain. tuti-futi rekhaon ka fal achcha nahin hota hai. ek dusre ko paraspar katti hui choti-choti rekhaon vala hath bhi achcha nahin hota hai. janjirnuma, gahri aur lahrdar rekhaen ashubh aur doshpurn mani jati hain. terhi-merhi rekhaen dukh aur daridrata suchak hoti hain. is prakar, hatheli ki vibhinn rekhaon, chihnon, parvon adi ka adhyayan karke kisi jatak ke jivan ke vibhinn pahluon ki jankari prapt ki ja sakti hai.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.