हस्तरेखा और मंगल दोष

hastarekha aur mangal dosh  

Ank ke aur Lekh | Sambandhit Lekh | Views : 2840 |  
hastarekha aur mangal dosh kaluram parmar manav srishti ke praranbh se hi apne bhut, vartaman evan bhavishya ke bare men jankari prapt karne hetu prayasarat raha hai. vartaman men is hetu jyotish ki anek vidhaen hain jinmen hast rekha shastra atyant prachlit hai. yah ek aisi paddhati hai jismen kisi bhi atirikt sadhan ki avashyakta nahin hoti. iski sahayta se suvidhanusar kisi bhi samay apna bhut, vartaman aur bhavishya jan sakte hanai. par iske lie hast rekha shastri ko hath ki rekhaon, yavon, chihnon, tilon, dhabbon tatha sharir par anyatra vidyaman anya chihnon adi ka gahan gyan hona jaruri hai. har vyakti apni samasyaon se mukti pane evan apne jivan sathi se samanjasya baithane ki har sanbhav koshish karta hai lekin fir bhi jane-anjane tanav ho hi jata hai. is tanav ka jyotish men sarvapratham karan mangal dosh mana jata hai. yahan hath men sthit mangal ki vibhinn sthitiyon ke doshon ka vivaran prastut hai. chitra men mangal parvat ko hatheli men do sthanon par chihnit kiya gaya hai- ek upar aur dusra niche. upar ke mangal ka jyada unnat aur ubhra hona vyakti men akramkta evan sahas ko barhava deta hai kyaneki vah senapti hai, kisi se har svikar nahin karta. faltah aise vyakti ko jab apne jivan sathi se koi halki si bhi ulahna milti hai to vah use apne prachand veg se prahar kar use nuksan pahunchata hai arthat use har svakir karne ko badhya karta hai. isse sathi men ek prakar ki hinbhavna panpti hai aur lagav kam hota jata hai. aise men talak bhi ho sakta hai. yadi is sthan par kraes ya sitara ho to talak ki sanbhavna ganbhir ho jati hai. upar ke mangal ka daba hua hona bhi ek ashubh lakshan hai. yadi yah parvat apeksha se adhik daba hua ho to shayya sukh men kami rahti hai. parvat ki is sthiti se vyakti men seks ke prati asakti ya virakti dekhi jati hai. is sthan par kisi vritt, dag ya til ka hona ise aur jyada pusht karta hai. is sthiti men vyakti ko netra rog, parivar men kalah, bare bhaiyon se vidvesh, jivan sathi ki akasmik mrityu adi ki sanbhavna rahti hai. use durghatana dvara chot bhi lag sakti hai aur uska koi ang bhang ho sakta hai. upar ka mangal yadi budh parvat ki or khiska ho to jatak ka svabhav ugra hota hai. vah hamesha apne ko ek kushal yoddha samjhta hai aur har ko pacha nahin pata. use halka sa apman bhi bardasht nahin hota. is sthiti ka mangal rahu ki taraf khiska ho to jatak kutniti evan shadyantra karne vala hota hai. faltah vah nit navin pareshaniyon evan uljhnon se ghira rahta hai. mangal ka anek rekhaon se daba hona aur us sthan par jal ka chihn rakt pravah ko asamanya karta hai. faltah jatak ke fora fanusi evan bren hemrej ke shikar hone ki sanbhavna rahti hai. niche ka mangal kshetra bhi isi prakar se unnat hone par jatak ati atm vishvas se yukt hota hai. vah kisi bhi karya ko chunauti dekar svikar karta hai jisse kabhi-kabhi vyarth hi uljhnon men fans jata hai. aise jatak har darje ka dikhava karte hain. yah dikhava jab unke jivnsathi ko pata lagta hai to uska moh bhang ho jata hai. faltah dampatya jivan men kalah hona shuru ho jata hai. yah parvat aviksit ho to jatak hin bhavnaon se ghir jata hai. vah apne sathi ki kahi kisi bhi bat ko apne anusar dekhta hai. faltah takrav ki sthiti ban jati hai. is sthiti ko prabhavi banane men koi ashubh chihn ek utprerak ki bhanti karya is sthiti ke falasvarup vyakti ko arthik musibton aur parivarik samasyaon ka samna karna parta hai aur uski vani prabhavit hoti hai. anavashyak kharch bhi barh jata hai. yadi niche ka mangal shukra ki or jhuka hua ho to shukra aur mangal se prabhavit hone ke falasvarup vah ugra svabhav ka ho jata hai. is sthiti men usmen kam ke prati asakti bani rahti hai aur vah kam pipasa ko shant karne hetu kisi bhi had tak ja sakta hai. yadi in donon parvaton par dvip ya kras ka nishan mile to jatak ko uska pyar n mile to vah dukhi hokar atmahatya tak kar sakta hai. mangal parvat hamesha ashubh hi nahin hota. yadi yah unnat ho to ek sachcha sahayak bhi ho sakta hai. us par kisi grah ka shubh chihn udhrva rekhaen ya koi anya shubh chihn ho to yah bahut hi yogkarak grah ban kar vyakti ko saflta ke shikhar par pahanucha deta hai. iski sthiti, shubhashubh chihnon ki pratikriya, anya parvaton se samanjasya evan hath ke akar prakar, ungliyon ki banavat aur un par sthit chihnon ko bhi iske sath jor kar sahi sthiti ka pata lagaya ja sakta hai tatha samasyaon ka samadhan kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  July 2008

shani ka khagoliya, jyotishiya evan pauranik svarup, shani ki sadhesati, dhaiyya evan dasha ke prabhav, shani ke dushprabhavon se bachne evan unki kripa prapti hetu upay, shani pradhan jatkon ke gun evan dosh, shani shatru nahin mitra bhi, ek sandarbh men vivechna

Subscribe

Apne vichar vyakt karein

blog comments powered by Disqus
.