ब्रह्मांड की उत्पत्ति

brahmand ki utpatti  

Ank ke aur Lekh | Sambandhit Lekh | Views : 7047 |  
vishnu puran men kaha gaya hai- avyaktadvyaktayah sarvaah prabhavantyahragme. ratryagme praliyante tatraivavyaktasangyake.. sanpurn charachar bhutagan brahma ke din ke praveshkal men avyakt se arthat brahma ke sukshm sharir se utpann hote hain aur brahma ki ratri ke praveshkal men us avyakt namak brahma ke sukshm sharir men lin ho jate hain. jis prakar samudra men bulbule har kshan paida hote rahte hain aur usi men vilay hote rahte hain isi prakar brahmand men akashiya pind utpann hokar, samapt hote rahte hain. jab ve utpann hote hain to ve kisi pind se janm nahin le rahe hain aur n hi ve kisi pind men vilay kar rahe hain. balki shunya se koi pind utpann hota hai aur karoron-arbon salon tak rahakar shunya men vilay ho jata hai. yahi hai hindu shastra darshan. vaigyanikon men srishti ki utpaÿia aj bhi ek rahasya hai. srishti ke pahle kya tha iski rachna kisne, kab aur kyon ki? aisa kya hua jisse is srishti ka nirman hua. 1929 men edvin habbal ne ek ashcharyajanak khoj ki. unhonne paya ki antriksh men akash gangayen aur anya akashiya pind teji se ek-dusre se dur ho rahe hain. dusre shabdon men brahmand ka vistar ho raha hai. iska matalab yah hai ki itihas men brahmand ke sabhi padarth aj ki tulna men ek-dusre se aur bhi pas rahe honge. ek samay aisa raha hoga jab sabhi akashiya pind ek hi sthan par rahe honge. shayad das se bis kharab sal purva brahmand ke sabhi kan ek-dusre se ekadam pas-pas the. ve itne pas-pas the ki ve sabhi ek hi jagah the, ek hi bindu par. sara brahmand ek bindu ki shakla men tha. yah bindu atyadhik ghanatva ka atyant chota bindu tha. brahmand ka yah bind-rup apne atyadhik ghanatva ke karan atyant garm raha hoga. is sthiti men kisi agyat karan se achanak brahmand ka vistar hona shuru hua. ek maha visfot ke sath brahmand ka janm hua aur brahmand men padarth ne ek-dusre se dur jana shuru kar diya. û maha visfot ke 10-43 saikind ke bad keval atyadhik urja ka fotan kanon ke rup men hi astitva tha. û 10-34 sainkind ke pashchat kvark aur enti kvark jaise mulbhut kanon ka nirman hua. is samay brahmand ka akar ek santre ke akar ka tha. û 10-10 saikind ke pashchat enti kvark, kvark se takrakar purn rup se khatm ho chuke the. is takrav se proton aur nyutraen ka nirman hua. û 1 sekend ke pashchat jab tapman 10 kharab digri selsiyas tha, brahmand ne akar lena shuru kiya. us samay proton aur nyutraen ne ek dusre ke sath milakar tatvon ka kendra banana shuru kiya jise haidrojan, hiliyam adi ke nam se jante hain. û tin minat pashchat tapman girakar 1 kharab digri selsiyas ho chuka tha. tatva aur brahmandiya vikiran ka nirman ho chuka tha. yah vikiran aj bhi maujud hai, ise mahsus kiya ja sakta hai. û 3 lakh varsh pashchat vistar karta hua brahmand abhi bhi aj ke brahmand se mel nahin khata tha. tatva aur vikiran ek dusre se alag hona shuru ho chuke the. isi samay ilektraen, kendrak ke sath men milakar parmanu ka nirman kar rahe the aur parmanu milakar anu bana rahe the. û ek kharab varsh pashchat brahmand ka ek nishchit akar banna shuru hua tha. isi samay kvasar protoglaiksi (akash ganga ka praranbhik rup) taron ka janm hone laga tha. tare haidrojan jalakar bhari tatvon ka nirman kar rahe the. û aj maha visfot ke lagabhag 15 kharab sal pashchat taron ke sath unka saur mandal ban chuka hai,­ parmanu milakar kathin anu bana chuke hain jismen kuch kathin anu jivan ke mulbhut kan hain. brahmand ka abhi bhi vistar ho raha hai. akashgangaon aur akashiya pindon ka samuh antriksh men ek dusre se dur jane ki gati pahle se kam hai. bhavishya men akashiya pindon ka gurutvakarshan is vistar ki gati par rok lagane men saksham ho jayega. isi samay viprit prakriya ka pranrabh hoga arthat sankuchan ka. sabhi akashiya pind ek-dusre ke aur najdik ate jayenge aur ant men ek bindu ke rup men sankuchit ho jayenge. taduprant ek aur maha visfot hoga aur ek naya brahmand banega. vistar ki prakriya ek bar aur praranbh hogi.yah prakriya anadi kal se chal rahi hai. hamara brahmand is vistar aur sankuchan ki prakriya men bane anekon brahmandon men se ek hai. brahmand ke sankuchit hokar ek bindu men ban jane ki prakriya ko maha-sankuchan ke nam se jana jata hai. hamara brahmand bhi ek aise hi maha sankuchan men nasht ho jaega. jo ek mahavisfot ke dvara nae brahmand ko janm dega. yah sankuchan ki prakriya aj se 1 kharab 50 arab varsh pashchat praranbh hogi. vaigyanikon ne yah to jan liya ki srishti ka nirman maha visfot se praranbh hua. brahmand men padarth ki sanrchna kaise hui? iske bare men unhonne stendard maedal pesh kiya jismen 12 farmiyan v 12 boson hote hain. ek boson jise higs boson kahte hain, sabhi anuon ko bhar pradan karta hai. ye 24 partikal adhar hain ilektraen, proton, nyutron banane ke jinse anu (etm) banta hai aur in anuon se padarth banta hai. higs boson ki parikalpana 1964 men kar di gai thi lekin ise kisi ne dekha nahin tha. kyonki yah matra 3ga10-25 saikind hi rah pata tha. isko utpann karne ke lie bahut uchch urja ki avashyakta hoti hai. atah is boson ko dekhne ke lie svitjaralaind aur frans ki sima par jamin se 300 fut niche 27 ki.mi. lanbi surangnuma prayogshala men larj hedron kolaidar (el.ech.si) men asim urja sahit nyutronon ki jordar takkar karayi gayi jisse higs boson paida hue evan unko pahli bar 4 julai 2012 ko is prayogshala men dekha gaya. is prayog men lagabhag vaisi hi sthiti paida ki gayi jo maha visfot ke samay thi aur jisse srishti ki utpaÿia hui kyonki higs boson ke karan hi padarth men bhar paida hua, atah yah kan srishti rachna men mahatvapurn bhumika ada karta hai. kan-kan men bhagvan ki manyata sanatan hai ise svikar karte hue vaigyanikon ne ise ‘‘ishvariya kan’’ arthat gaud partikal ka nam pradan kiya. is kan ko jan lene ke bad vaigyanikon ko padarth arthat srishti ki utpaÿia ke bare men pata chal gaya hai aur dhire-dhire vaigyanik usi mat ki or agrasar ho rahe hain jise hamare rishi hajaron sal pahle bata chuke hain ki srishti shunya se utpann hui hai aur shunya men hi sama jayegi.
Kya aapko lekh pasand aaya? Subscribe
Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.