संसद सत्र में मुहूर्त

sansad satra men muhurt  

Ank ke aur Lekh | Sambandhit Lekh | Views : 459 |  
muhurt kisi bhi karya ko shuru karne ke lie achche samy ka chayan karna hota hai. manvmatra ki yah ichcha hoti hai ki kisi bhi karya ka shubharanbh shubh samy ya ghari men kiya jae taki us karya ka parinam sukhad ho. kisi mahatvapurn karya ko aranbh karne se purva shubh samay ka vichar avashyak hai. karyaranbh ke lie shubh samay ke shodhn ko hi muhurt nirnay kahte hain. prachin bhartiya rishiyon evan maharshiyon ne vibhinna karyon ko aranbh karne ke lie upyukta muhurt ke chayan hetu muhurt chintamni, muhurt martand, dharmasindhu ityadi granthon ki rachna ki. in shastron men pratipadit siddhanton ka vartaman pariprekshya men prayog kar labh uthaya ja sakta hai. sansd evan vidhansbha satra shuru karne hetu uttam muhurt ka chayan bhi avashyak hai taki hajaron varsh purani is vidya se pura desh labhanvit ho sake. abhi hal men samapt sansad ka shitkalin satra 23 navanbar ko ashlesha nakshatra men shuru hua. us din budhvar, saptami tithi, indra yog, mrityu evan vab karan tha. yah sari sthiti karya ki apurnata ki or sanket karti hai. ashlesha nakshatra tikshn nakshatra hai aur aise mahatvapurn evan shubh karyon men vishesh rup se tyajya hai. krishn paksh ki saptami bhi galagrah tithi hone ki vajah se shubh karya men tyajya hai. parantu vaidik evan uttar vaidik kal men panchang n ho kar dvayang tithi evan nakshatra hi muhurt ka adhar hua karte the. is drishtikon se ukt muhurt nimna star ka hua. punah satra ki shuruat dhanu (dvisvabhav) lagn men hui tatha ashtamesh chandrama ashtam bhav men shani ke sath avasthit tha. dashmesh budh dvadash bhav men shatru rashi vrishchik men sthit hone ki vajah se raj-kaj men badha darshata hai. ashtamesh chandrama ke dvitiyesh shani ke sath hone evan rahu ki pancham drishti hone ki vajah se is satra ko bam ki afvah ka bhi samna karna para. yadi is satra ka shubharanbh 18 navanbar, 2005 ko dopahar 12 bajakar 22 mint par kiya jata to thik rahta kyonki us din panchang ke panchon ang shubh avastha men the. din shukravar, tithi krishn tritiya (shakti prada), nakshatra mrigshira (mitra sangyaka), siddh yog evan vanij karan yah sari sthiti shubh thi. us din manas yog bhi tha jo karya ki purnata ki or sanket karta hai. sansad satra men gati banae rakhne ke lie char lagn ka muhurt adhik shubh hai. dilli ke lie us din char lagna makar subah 11ah04 se dopahar 12ah47 tak tha. us samay lagnesh shani saptam men sthan bali hokar lagn ko dekh raha tha. yadyapi ek achche muhurt men krur grahon ko tisre, chathe ya 11ven bhav men hona chahie parantu yahan shani lagnesh hone ki vajh se shubh hai tatha mangal bhi ruchak yog nirmit kar raha hai. janm lagn, navansh evan dashmansh tinon char lagn men hain. yadyapi dashmesh dvadash bhav men hai parantu yahan dvadash evan dasham ka parivartana yog ban raha hai tatha dasham sthan ka guru satta paksh ke lie ek raksha kavch pradan kar raha hai. is lagn men adhik shubhta vale navansh evan dashmansh ko liya gaya hai. is muhurt men itna nishchit hai ki vipaksh ka sadan se bar-bar bahirgaman kar sadan ki karyavahi men gatirodh paida karna bahut kam ya naganya hota.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  March 2006

totke dhan agaman men rukavat kyon apke vichar mandir ke pas ghar ka nishedh kyon mahakaleshvar: vishva men anokhi hai mahakal ki arti

Subscribe

Apne vichar vyakt karein

blog comments powered by Disqus
.