मदर टेरेसा

madar teresa  

Ank ke aur Lekh | Sambandhit Lekh | Views : 3409 |  
madar tereesa pan. sharad tripathi maikedoniya ka ek chota sa khubsurat kasba hai. jiski abadi lagabhag 100 sal pahle matra kuch hajar thi. yahin 26 agast 1910 ko 14 bajakar 25 minat par nikolas bojaskyu aur drenfail danpti ke ghar unki sabse choti putri ka janm hua aur uska nam rakha gaya egnesboja bojiskyu. tab inki bari bahan chah sal ki aur bara bhai larjan 3 sal ka tha. egnes jab matra 8 varsh ki thi, tabhi uske pita ka nidhan ho gaya. bachapan man ke anachal ke saye men gujra aur apni man ko dekhakar hi uske jivan men adhyatm ka samavesh hota gaya. aise vatavaran ke prabhav se hi egnes (madar teresa) 8 varsh ki nanhi si umra men nan banne ka sapna dekhne lagi. uske praranbhik jivan par fadar jeberakovik ka kafi adhyatmik prabhav tha jo mishnrij ki ek sanstha solidairiti se jure the. egnes ko mishnrij ki baten bahut prerna deti thin. 18 varsh ki umra tak pahanuchte-pahunchte uski dharan drirh ho gai. duahkhi ya rogagrast logon ko dekhakar hi vah (madar teresa) ro parti thi. apne andar hi andar vah saval kartin ki akhir mere jivan ka uddeshya kya hai. aur ek din unhen apne saval ka javab mil gaya. unhonne tay kar liya ki din duahkhiyon ki seva men hi apna jivan hom karna hai. fir egnes apne jivan ke uddeshya ko purn karne ke lie ayrlaind ke rajfarhaim ke sistars aef loreto mishan ke sath jur gain. yahin par unhonne angreji ki shiksha prapt ki. yahin unhen seva bhav aur sangathan ka praranbhik prashikshan mila, jo bad men mishnrij aef chairiti ki sthapna ke samay unke behad kam aya. vah yahan ki nan ke sevabhav ko dekhakar dang rah gain. yahan kafi samay tak unka prashikshan chala. fir unhen bharat bhejne ka faisla kiya gaya. loreto mukhyalay se shiksha purn kar vah san 1929 men kolkata pahanuch gain. bad men punah prashikshan ke lie darjiling men rahin. vahan do varsh tak unhonne naitikta, angla bhasha, bangali bhasha adi ki shiksha prapt ki. san 1931 men mahan sant teresa se prabhavit hokar apna nam teresa rakh liya. prashikshan ke uprant unhen kolkata ke sent mairi skul men bheja gaya. vahan vah 17 varsh tak bhugol, itihas, dharm adi parhati rahin. vahan skul ke bad bachchane ko nahlati-dhulati aur parhai karvati rahin. san 1944 men skul ki prinsipal ki jagah teresa ko di gai, tab se vah madar kahi jane lagin. aie is ghatna kal ko jyotishiya drishti se dekhte hain. ham sabse pahle vishleshan karte hain ki yah egnes itni mahan sant kaise bani. jab kisi vyakti ko bina kisi svarth ke seva karni hoti hai to uske lie sarvapratham nishchal man ke sath sevabhav ka hona bahut jaruri hota hai. jyotish men man ka karak grah chand hai aur sevabhav ka karak shani hai. chand aur shani ke sath pachanm bhav ka sanyog ho to jatak ka man ek bachche ki tarah nirmal bhavnaon se bhara hota hai. prastut kundli men pachanm bhav men chandra aur shani ek sath mesh rashi men sthit hain. mesh men shani nich ka hota hai, islie madar teresa ki seva bhavna garibon din-dukhiyon rogiyon adi ke lie thi. is ek mahan yog ne unhen mahan sevi sant banaya. san 1917 se 1927 tak madar ki chandra ki mahadsha rahi. chandra inke pita ke bhav (navam bhav) se dvadash ka svami hai arthat navam ke vyayesh chandra-chandra ki dasha men pita ka nidhan hua. par, isi ashtamesh chandra ne inhane itne ganbhir nirnay (nan banne) ke lie perarit kiya. san 1927 se 1934 tak inki mangal ki mahadsha chali. is mangal ne, jo panchmesh hokar apne se pachanm arthat navam bhav men navmesh shukra ke sath sthit hai, inhane uchch shiksha ke prati prerit kiya. san 1929 men mangal men guru chal raha tha. mangal panchmesh hone ke sath-sath dvadash bhav ka bhi svami hai, islie vah videsh yatraen bhi karti rahin aur islie vah anttah madar bharat varsh ke kolkata shahar a gain. mishnrij aef chairiti ki sthapna ke piche ki kahani bhi kafi alag hai. ek bar madar ko adhyayan kal men hi darjiling jana para. yah san 1946 ki bat hai. unhen safar ke dauran tren men aisa laga, mano koi unhen pukar-pukar kar kah raha ho ki apne jivan ka uddeshya pura karo, din-dukhiyon ki seva karo. is ghatna ke bad unhen chain nahin mila aur lautte hi vah fadar eksem se milin aur apna anubhav bataya. fadar ne loreto mukhyalay se bat ki aur 1948 men madar loreto se mukt kar di gain. yahin se unhonne purn rup se bhartiya paridhan apna liya aur nili kinari ki safed sari dharan karne lagin. 9 disanbar 1948 ko madar kolakata lautin, lekin ab ek nai samasya se unka samna hua. vah kaise apna kam shuru karen, kyonki tatkal dhan ki koi vyavastha nahin thi. astu, vah motijhil ki garib basti men bachchon ko parhane lagin. praranbh men 5 bachchon ke sath per ke niche kaksha lagai gai. fir dhire-dhire dhan ki vyavastha hone par bachchon ki sankhya bhi barhne lagi aur 56 tak pahunch gai. ab madar ka atmavishvas barhne laga. adhyapan ke sath-sath hi ve garib marijon ki seva bhi karti thin. skul ke baramde men hi ek choti si dispanesri bana di gai thi. ab is kal ka jyotishiya vishleshan karte hain. san 1934 se 1952 tak rahu ki mahadsha rahi. rahu chathe bhav men aur surya ke nakshatra men hai. rahu aur surya men paraspar shatruta bhi hai, islie is mahadsha ke 18 varshon ke dauran rahu ne inse kathin shram v sangharsh karvaya, par isi rahu ne prasiddhi bhi dilvai. san 1948 men rahu men shukra ka antar chal raha tha. shukra ashtam men kark rashi men sthit hai tatha shashthesh aur labhesh bhi hai, islie inhen apne mukhyalay se prithak kiya gaya, kyonki rahu prithktavadi grah hai. prithak hone ke bad labh bhi mila kyonki shukra labhesh bhi hai. san 1949 men madar ko kolkata myunisipal bord ne dakshineshvar kali mandir ke pas ek jagah de di, jahan ve rogiyon ki seva kar sakti thin. vahan par mandir ke pujariyon ne iska kara virodh kiya. lekin jab logon ne inhen ek man ashayon, garibon ki seva ki tarah karte dekha to pujariyon ka virodh naram parne laga. 17 aktubar 1950 ko vetikan ki anumti se ek mahan mishan ki shuruat hui, jise ‘mishnrij aef chairiti’ ka nam diya gaya. vishva manvta ke ek pramukh kendra ke rup men 54 e, loar sakurlar rod, kolkata ka pramukh sthan hai. ise bhale hi mishnrij aef chairiti ka kendra kaha jata ho, par am log ise ‘madar haus’ hi kahte hain. aj 131 deshon men iske 700 se jyada kendra hain aur 4500 se adhik sistars seva karya men lagi hain. madar ke seva bhav ke adhar par bharat sarkar ne unhen 1962 men padmashri samman pradan kiya. iske bad san 1979 mane svidan ke stakhom men unhen vishva ke sabse pratishthit puraskar ‘nobel puraskar’ se navaja gaya. vaise, unhen ‘sant’ ki upadhi milne men kafi samay lag gaya. madar kab bharat ain, kab yahan ki mitti men rach-bas gain, logon ko pata hi nahin chala. ve bhale bharat men nahin janmin, par yahan ke din-dukhiyon men unki atma basti hai. ise sari ghatnaon ab ham jyotish ki drishti se dekhte hain. shukra ke shashthesh hone ke karan rahu-shukra ke antar men madar ko kolkata men pujariyon ke virodh ka samna karna para, lekin march 1949 ke bad jaise hi rahu-surya arthat bhagyesh surya ka antar praranbh hua, vaise hi virodh samapt hone laga, logon ka sahyog milne laga tatha ‘mishnrij aef chairiti’ ka shubharanbh hua. 26 janvri 1962 ko inka guru ka antar chal raha tha aur us samay guru makar rashi par bhraman kar raha tha, islie inka janmakalin lagnesh v guru ka apas men navam aur pancham drishti sanbandh ban raha tha. is samay guru ki mahadsha aur pratyantar ke sath-sath labhesh shukra ki antardasha thi. is tarah mahadsha aur gochar ke yog ne rashtrapti se inhen padmashri samman dilaya. san 1979 se unka shani-surya ka antar chal raha tha. usi varsh bhagyesh surya ne inhen ‘nobal shanti puraskar’ dilaya. shani aur surya men pita putra ka sanbandh hai aur donon hi pancham v navam arthat trikon men sthit hanai. dhire-dhire is karuna ki murti par desh ne bhi apna pyar nyochavar kiya aur unhen bharat varsh ka sarvochch puraskar ‘bharat ratna’ pradan kiya gaya. ye pahli gair bhartiya thin, jinhen yah puraskar diya gaya. madar ne ek bar kaha tha, ‘mujhe hamesha sapne men dikhai deta hai ki main svarg ke dvar par khari hun aur sent pitar dvar par hi khare hokar kah rahe hain ki vapas jao. yahan garibon, ashayon ki koi basti nahin hai.’ madar 58 varshon tak seva karya men juti rahin. san 1989 men inhen pesmekar lagaya gaya aur daektaron ne unhen kam kam karne ki salah di, par ve apne karyon men lagi rahin. unka kahna tha ki ishvar hamare dil men hai, muskarahton men hai. garibon, dukhiyon ko jivan men yahi muskarat bantti hui, dinank 5 sitanbar 1997 ko vah chir nidra men lin ho gain. aiye is janm patrika ke kuch aur jyotishiya karan janen. upar varnit karnon ke alava anya kai grahon ki sthitiyan is kanudli men pari hain jinhonne madar ko khyati ke shikhar par pahunchaya. jaise dasham bhav men budh guru sthit hanai arthatlagnesh guru aur dashmesh budh uchch ka hai. budh 6 ansh ka hone ke karan surya ke nakshatra men hai. surya bhagyesh hai. lagnesh guru chandra ke nakshatra men hai. jyotish men surya aur chandra pita aur mata ke sthir karak hain, atah is yog ke falasvarup is jatka ne apne karya kshetra men mata aur pita ki bhanti sare karya sanpadit kie. vaise bhi guru dan ka karak hai. guru jis bhav men hota hai vyakti usi ke anurup dan karta hai. guru inke dasham bhav men hai, islie inhonne apne karya kshetra ko hi seva bhav ka dan pradan kiya. 8 farvri 1997 se inki budh-rahu ki antardasha praranbh ho gai thi. budh vakri hokar markesh bhi hai. san 1997 men lagnesh guru makar rashi arthat dvitiya bhav (marak sthan) men chal raha tha. rahu sinh rashi men chal raha tha aur apni pachanm drishti se lagn sthan ko dekh raha tha. faltah inki mrityu hui. sharirik rup se yah mahan sant bhale hi din-dukhiyon ke bich ab nahin rahin, lekin unka sthan sabke dilon men barkrar hai. manav seva ke itihas men unka nam amar rahega.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.