मां त्रिपुर सुंदरी का चमत्कारी शक्तिपीठ

man tripur sundri ka chamatkari shaktipith  

Ank ke aur Lekh | Sambandhit Lekh | Views : 3575 |  
man tripur sandri ka chamatkari shaktipith rajasthan ke bansvada jile men ata hai, bansvada jila mukhyalay bhi hai. yahan se pashchim disha men ek sadak jati hai. 17-18 ki.mi. jane par yah sadak pauranik kal ke ‘vagvar’ pradesh men jati hai. yahan anek prachin mandir hain, lekin in sabhi se alag chunbkiya akarshana-sa, har darshak ko khinchne vala chamatkari shaktipith hai- man tripur sundri devi ka. man tripur sandri ke chamatkar dur-dur tak lok men prasiddh hain. jo bhi bhakt sachche man se unki aradhna karta hai, man uski sarvakamna avashya puri karti hain. man tripur sundri ka yah mandir umrai ganv ke talvada kshetra men hari-bhari upatyakaon ke madhya sthit hai. man tripura mata ki jay- multah umrai (talvada) panchal brahmanon ka ek chota kintu charchit ganv hai, jismen mahamaya tripur sundri ke mandir ka bhavya evan vishal dvar sabhi bhakton ka svagat karta hai. vanvasi parivar usmen pravesh karte hi jamin par baithakar ‘navajugshe nandan mata. traitashjug ne tartai mata’ git pure manoyog se gane lagte hain. yahan ke panchal chadidar tirth yatriyon ke purohit ka karya puri astha ke sath karte hain. devi-mandir parisar men vishal stupakar mandap aur yagyavediyan hain. yagyavedi ke us par bhairv-mandir hai aur uske age kalika aur sarasvati devi ki manohari pratimaen hain. age ke dalanon ko par karne ke pashchat mahamaya chamatkari man tripur sundri ke darbar ki sidhiyan hain. donon pashani khanbhon par devi-devtaon ki murtiyan utkirn hain. thik samne 18 bhujaon vali chamatkari shaktipith ki mul adhishthatri mahamaya tripur sundri ki ati sundar pratima pratishthit hai. yah pratima shastrokt vidhi se damkte aur jivit vashikaran karte kale rang ki hai. pratima ka avlokan karte hi man tripur sundri ka saundarya man ko abhibhut kar deta hai. pratima ke nakh-shikh shilpakala jagat ki anupam thati hai. yahi karan hai ki shankracharya ne anand lahri aur saundarya lahri jaise kavya ki rachna men man tripur sundri ke mukh-mandal, adhar, nayan, vaksh, nabhi, hast, pad adi angon ka saundarya-varnan ati sundar aur jivit rup men kiya hai jo purn rupen lalityamay hai. man tripur sundri ki sthapna aur shaktipithon men iska sthan hone ke piche ek lanba pauranik sahitya aur prachyavidya ke praman ka isse juda hona hai. is pith ka sanbandh shiv aur sati se juda hai. sati dvara agni kund men dah aur shiv dvara unka shav lekar akash men vicharan evan vishnu ke chakra se sati ke ang-pratyang vibhinn sthanon par girne se hai. jahan-jahan sati ke shav ke ang pratyang gire, vahin shaktipithon ki sthapna hui. man tripur sarvamangla hain. ve manglmyi evan samast manglon ki adhishvari hain aur karuna ka avtar hain. bhagvan shiv ki adyashakti shiva hain aur durgatinashini man durga. ve sarvatramyi saÿaa hain. jagdanba mata tripur ke darshan se bhakt charon purusharth ko prapt karta hai jo satyanand svarupini hai. dhan-dhanya se uska grih paripurn rahta hai aur ‘vidyavtan, yashvtan, lakshmivtan’ putra ki prapti hoti hai. jo manushya jis bhav aur kamna se shraddha sahit man tripur sundri ke darshan aur pujan karta hai, use uski bhavna ke anukul siddhi avashya prapt hoti hai. parmar shaskon ke samay is devi ki puja-archana ki vishesh vyavastha thi. yahan par bhagvan vishnu ki kriya-paddhati ke yagya sanpann hone ke bhi praman prapt hote hain. mandir ke ‘kund-mandp’ se prapt 14vin shati ke shilalekh se yah vidit hota hai ki dur-dur ke shaskon dvara tripur sundri ke chamatkar se prabhavit hokar unki upasna ki jati thi. malva ke yashasvi samrat vikramaditya aur gujrat ke samrat siddharaj jaysinh bhi man tripur sundri ki upasna karne vale shaskon men se the. anya shilalekhon ke anusar tripur sundri mandir ka jirnoddhar lagabhag 1157 vikram sanvat men panchal jati ke patabhai-chandabhai luhar ne karvaya tha. ukt mandir ke nikat ‘fati khan’ namak ek sthal hai jahan purva men ek lohe ki vishal khadan thi aur panchal jati ke vyakti usmen se loha nikalte the. yah bat vikram sanvat 1102 ki hai. ek chamatkari ghatna ko log aj bhi pidhi-dar-pidhi yad karte a rahe hain. aisi kinvadanti hai ki ek din man tripur sundri bhikharin ka rup dharan kar bhiksha mangne khadan ke dvar par gayin, lekin panchalon ne unki or koi dhyan nahin diya, jisse ve naraj hokar chali gayin aur unke jane ke kuch hi samay bad vah khadan baith gaya aur anginat log usmen dabakar apni jan de baithe. vah khadan aj bhi hai. anttah man tripur sundri ko prasann karne ke lie patabhai- chandabhai ne mandir ka jirnoddhar karvaya tatha usmen talab ka nirman karvaya. punah ukt mandir ka jirnoddhar 16vin shatabdi men karvaya gaya. gujrat ke alava mevad, malva aur malva jaise- rajyon ke sirmaur adhipti bhi isi chamatkari man tripur sundri ke param bhakt the. solanki samrat siddharaj jaysinh ki to man tripur sundri ishtadevi hi thin. siddha- raj anekon bar upasna ke lie is mandir men aya karte the. man tripur sundri ka yah chamatkari shaktipith ‘vagvar’ arthat rajasthan ke dakshin bhag men sthit bansvada jile men hai. sabhi adivasi man tripur sundri ke bhakt hain aur pratyek ravivar ko mandir men bhari sankhya men ate hain. as-pas rahne vale hajaron adivasi apne giton ke madhyam se man tripur sundri ka stavan karte hain- ‘nav jug ne nandan mata. netran jug ne tartai mata..’ bansvada, dungrpur, udypur, chidagadh adivasi patti men bhil rajaon ke raj men hone ke karan man tripur sundri bhilon, sahriyon adi ki lok devi rahi hain. mahamantrikon, tantrikon tatha kapalikon ne man tripur sundri ke asan ke char stanbhon par sankalpana chitra ke rup men brahma, vishnu, mahesh evan rudra banaya hai. stanbh par shiv lete hain. shiv ki nabhi se prasfutit kamal pushp par 18 bhujaon vali, pure saundarya aur yauvan men man tripur sundri mantramugdha lalitya lie asin hain. is bhavya mandir men sinhpith ke upar khile kamal pushp par devi ko arudh dikhaya gaya hai. vaise to yahan pratidin hajaron ki sankhya men shraddhalu ate hain, lekin navratra ke samay yah sankhya kai guna badh jati hai. tab yahan niyamit rup se garbe hote hain. prativarsh chaitra ki navmi ko man tripur sundri ke mandir-parisar men vishal mela lagta hai jismen bharat ke anek rajyon ke shraddhalu tatha sthaniya adivasi bhil-bhilniyan apni paranpragat rang-birangi poshakon men garba nritya karte hain. is devi mandir ki vyavastha ka bhar panchal samaj ke jimme hai. navratra ke samay dur-dur se shakti-upasak evan mantrik adi sadhna ke lie man ke samaksh yagya karte hain. mandir tak pahunchne ke anekon marg hain. udypur ke dabok havai adde se yah sthal 200 ki.mi. hai. ahmdabad, dungrpur, indaur adi sthanon se yah bas seva dvara juda hua hai. ratlam relve steshan dilli-munbai rel lain par sthit hai. man tripur sundri ka mandir yahan se karib 100 kilomitar hai. yahan se bansvada pahunchne ke lie bas evan taiksi upalabdh rahti hai
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2012

fyuchar samachar patrika ke vastu visheshank men vastushastra ke siddhant - vartaman samay men upyogita, jyotish, vastu evan ankshastra ke sanyukt kriyanvayan ki ruprekha, vastushastra evan fengshui- samrupta evan vibhinnata, vastu purush ka prardubhav evan pujan vidhi, vastu shastra ka vaigyanik drishtikon, bhukhand chayan ki ganitiya vidhi, grih nirman evan sukh samriddhi ka vastu, vastu evan fengshui, vastu dosh karan v nivaran, vastu evan bagvani, vrikshon v paudhon se vastu labh kaise len, vastu mantra, vastu shastra evan dharm, vastushastra men shakun evan apshkun, labhdayak vastu samagri, kristal ki upyogita, faladesh men ankshastra ki bhumika, paithagoriyan ank jyotish, vastu ke anusar shekshanik sansthan, havan pradushan men kami lata hai, man tripur sundri ka chamatkari shaktipith, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.