कुंडली मिलान सफल गृहस्थ जीवन की कुंजी

kundli milan safal grihasth jivan ki kunji  

Ank ke aur Lekh | Sambandhit Lekh | Views : 525 |  
prashna: kundli milan kya hai? uttara: var-vadhu ki janmakundli men gunadharm ke paraspar milan ko kundli milan kahte hain. prashna: ashtakut kya hai? uttara: ashtakut sutra men var-vadhu ke apsi gunadharmon ko ath bhagon men banta gaya hai. yah ath gun janm rashi evan nakshatra par adharit hain. var-vadhu ki kundli men janm samay chandra jis rashi evan nakshatra men rahta hai unhen vyakti ki vyaktigat rashi evan nakshatra mana jata hai. ath gunon ko kramshah 1 se 8 ank diye gaye hain jo kul mila kar 36 hote hain. in 36 ankon men se 18 ank mil jane par milan ko thik mana jata hai. kam ankon men vivah uchit nahin mante hain. jitne ank milan men milte hain unhen ashtakut gun kahte hain, am bhasha men gun milan bhi kahte hain. prashna: ath gunon ke bare men vistar se samjhaen. uttara: varna: janmakundli anusar var-vadhu ka kya varn hai, arthat brahman, kshatriya, vaishya, shudra, uske anusar milan kiya jata hai. jatak ka janm chahe kisi bhi jati men hua ho lekin janmakundli anusar jo jati banti hai usi ka apsi milan heata hai kyonki milan men mansik milan ko prathmikta di gai hai. svavarn milan uttam mana gaya hai. vashya: vashya ka sanbandh vyaktitva se hai. vashya panch prakar ke vyaktitva darshata hai. chatushpad, kit, vanachar, dvipad aur jalachar. jis prakar machli van men nahin rah sakti ya kit kisi vanchr ke sath mel nahin kar sakta usi prakar alg-alag vashya ke var-vadhu bhi apas men mel-jol se nahin rah sakte. tara: tara ka sanbandh manushya ke bhagya se hai. janm nakshatra se lekar 27 nakshatron ko nau bhagon men bant kar nau tara banai gai hain, janm, sampat, vipat, kshem, pratyari, sadhak, vadh, mitra aur atimitra. var ke nakshatra se vadhu ke nakshatra tak aur vadhu ke nakshatra se var ke nakshatra tak tara ginne par vipat, pratyari aur vadh nahin honi chahie, shesh tara thik hoti hain. yoni: yoni ka sanbandh sidhe seks se hai. vibhinn jiv-jantuon ke adhar par terah yoniyan mani gayi hain jaise ashva, gaj, mesh, sarp, shvan, marjar, mushak, mahish, vyaghra, mrig, vanar, nakul aur sinh. har nakshatra ko ek yoni di gai hai. isi ke anusar vyakti ka mansik star banta hai. vivah men viprit ling ke prati akarshan yoni par nirbhar karta hai. sharir santushti ke lie yoni milan ka vishesh mahatva hai. rashish: rashi ka sanbandh manushya ke svabhav se hai. svabhav manushya ki rashi par nirbhar karta hai. var-vadhu ki janmakundli men donon ki paraspar rashiyon ke svamiyon ki mitrata prem bhav ko barhati hai aur jivan ko sukhamay aur tanavrhit banati hai. gan: gan ka sanbandh vyakti ki samajik sthiti ko darshata hai. grah nakshatron ke anusar gan tin prakar ke hote hain. dev, rakshas, manushya. dev pravritti ka manushya satvik, dharmik hoga, rakshasa pravritti ka manushya krodhi, tamsik hoga, manushya pravritti ka manushya mishrit pravritti ka hoga. samajik star men mel hona avashyak hai, isse apsi prem bhav barhta hai. bhakut: bhakut ka sanbandh jivan arthat ayu se hai. vivah uprant var-vadhu ki rashi ke anusar ek dusre ka sang kitna rahega, bhakut nirnay karta hai. var, vadhu ki kundliyon men rashiyon ka bhautik sanbandh jivan ko lanba karta hai, is lie bhakut avashyak mana gaya hai. nari: nari ka sanbandh santan se hai. var-vadhu ke sharirik sanbandhon se utpatti kaisi hogi, nari par nirbhar karti hai. sharir men rakt pravah aur urja ka vishesh mahatva hai jo vivah uprant adhik avashyak hai. var-vadhu ki urja ka milan nari se hota hai jo tin prakar ki mani gai hai. adi, madhya, antya. yadi var-vadhu donon ki nari ek hi hai to nari dosh mana jata hai. kyonki saman chunbkiya dhruv ek dusre ko dhakelte hain vaise hi sharir ki antrik samanta garbh dharan men uljhn paida kar sakti hai. islie nari milan ati avashyak hai. prashna: ashtakut jatak ki chandra rashi evan nakshatra par nirbhar karta hai. kya anya grahon ka kundli milan men koi yogdan nahin hai? uttara: anya grahon ka bhi kundli men yogdan hai lekin chandra ko itna mahatva islie diya jata hai kyonki yah grah prithvi ke sabse najdik hai. manav par chandra ka prabhav sabse adhik rahta hai. prashna: kya ashtakut milan var-vadhu ke vivah ke lie kafi hai ya kuch aur bhi milan karna chahie? uttara: ashtakut milan hi vivah ke lie kafi nahin hai. fir bhi ashtakut milan ka vishesh mahatva hai. ashtakut milan vivah uprant paraspar sanbandhon ko darshata hai jo mahatvapurn hain. iske atirikt kundli men mangli dosh evan paraspar anya grahon ki sthiti bhi dekhi jani chahie. saptam bhav, saptamesh, saptamabhav men baithe grah, saptama bhav aur saptamesh ko dekh rahe grah aur saptamesh ki yuti adi dekhna bahut avashyak hai. prashna: mangli dosh se kya abhipray hai? uttara: kundli men mangal ki sthiti yadi lagn aur chandra se 1, 4, 7, 8, 12 bhavon men ho to kundli ko mangli mana jata hai. yadi var evan kanya donon ek hi shreni ke mangli n hon to mangli dosh hota hai jo anisht ki sanbhavna vyakt karta hai. prashna: mangal hamesha shubhta ka chihn raha hai to kundli men mangl ki in sthitiyon se bhay kyon? uttara: mangal vastav men shubhta ka chihn hai, isse bhaybhit nahin hona chahie. mangal shubhta aur urja ka karak hai. uparyukt sthitiyon men mangl jatak ko vishesh saflta pradan karta hai. aise jatak ka buddhi-vivek bhi vishesh rahta hai. mangli milan men var-vadhu donon ki urja ka milan hota hai. yadi donon ki urja barabr hogi to jivan men paraspar sanbandh majbut banenge aur grihasth jivan safal rahega. prashna: kya mangli ka vivah mangli se hi hona chahie? uttara: yah avashyak nahin ki donon mangli hon. yadi kundli men shubh grah ki drishti ya mangal ki svagrih ya uchchadi men sthiti ke karan ya dusri kundli men anya grahon ke karan mangli dosh bhang ho raha ho to bhi yah vivaharth manya hota hai. prashna: kya mangli hona mangal ka hi dosh hai ya kisi aur grah se bhi kundli mangli ho sakti hai? uttara: kundli ke mangli hone ka sanbandh saptam bhav ki anishtata se hai. iska doshi mangal hi nahin anya grah bhi ho sakte hain. saptam bhav men akark grah ka baithna bhi kundli ko mangli bana sakta hai arthat anisht kar sakta hai. shani, surya bhi yadi saptama bhav men ashubh prabhav de rahe hon to saptam bhav ko kharab karte hain. prashna: mangli bhang yog kya hai? uttara: yadi guru ya anya shubh grah saptam bhav par drishti rakhe ya baithe to mangal dosh bhang ho jata hai. yadi mangal yogkarak ho kar in bhavon men baithe to bhi mangal dosh bhang hota hai. mangal svagrahi ya apni uchch rashi men ho ya lagn ya chandra kundli men mesh ya vrishchik rashi ho to bhi mangli dosh bhang ho jata hai. prashna: mangal dosh ka prabhav kisi khas ayu tak rahta hai ya puri jindgi? uttara: mangal ki sthiti to kundli men vaisi hi rahegi, vah nahin badal sakti. han, jatak par uska prabhav kuch kam hone lagta hai. jaise angara dhire-dhire thanda hota hai vaise hi jaise-jaise insan ki ayu barhti hai, uski sujh-bujh men bhi antar ata hai aur uska akrosh dhire-dhire kam hota chala jata hai. lekin mangal ki dasha jis jivn kal men aegi, apna prabhav dikhaegi. prashna: kya mangli dosh nishchit taur par sanbandh vichched karta hai? uttara: sanbandh vichched hoga ya nahin yah is bat par nirbhar karta hai ki mangal dosh ka prabhav kundli men kitna prabal hai. prashna: mangal dosh ka prabhav kitna hai, yah kaise janen? uttara: mangal dosh ke prabhav ko janne ke lie anya grahon ki sthitiyon ko bhi jan lena avashyak hai. mangal par shubh grahon ki drishti aur yuti mangal dosh ko kam karti hai. saptamesh ki sthiti, saptamesh par shubh grahon ki drishti aur yuti, saptam bhav par shubh grahon ki drishti evan sthiti, yah sab mangal dosh ko kam karte hanai. yadi saptamesh evan saptam bhav donon shubh grahon ke prabhav men hain aur mangl ka dosh bhi ban raha hai to aisa mangl dosh prabhavhin ho jata hai. prashna: kya nari dosh hone par vivah nahin karna chahie ya kuch paristhitiyon men kiya ja sakta hai? uttara: nari dosh ka prabhav visheshkr santan par parta hai. islie amtaur par yahi dharna hai ki nari dosh hone par vivah n karen lekin yadi nari dosh hone par nakshatra charan bhed ho ya nakshatra ke svamiyon men paraspar mitrata ho ya rashiyon ke svamiyon men paraspar mitrata ho aur kundli men in svamiyon ki sthiti shubh bhav men ho to nari dosh ka prabhav samapt ho jata hai. islie aisi sthiti yadi bane to vivah kar lena chahie. koi hani nahin hogi. nari dosh hone par var-vadhu donon ki janmakundliyon men santan yog avashya dekh len. yadi santan yog donon men uttama hai to nari dosh ka prahar nahin hoga. prashna: bhakut dosh hone par vivah kab kiya ja sakta hai? uttara: bhakut dosh ka prahar var-vadhu ke apsi sanbandhon par parta hai. bhakut dosh hone par yadi rashiyon ke svamiyon men paraspar mitrata ho to bhakut dosh praharhin ho jata hai jis se vivah uprant var-vadhu ke jivan par koi bura prabhav nahin parta. prashna: gan milan ko kitna mahatva dena chahie? uttara: gan milan ka var-vadhu ki samajik sthiti par prabhav parta hai, jiske n milne se apsi tanav bana rahta hai. islie gan ke milan ko pura mahatva dena chahie. yadi anya gun milan men 18 se adhik gun mil rahe hon aur gan dosh bhi ho to vivah kiya ja sakta hai. prashna: rashish ya grahmaitri milan ko kitna mahatva dena chahie? uttara: grah maitri arthat rashi ke svamiyon men yadi apsi maitri hai to vah kai doshon ko dur kar deti hai. islie milan men kisi bhi prakar ka dosh ho aur rashiyon ke svamiyon men paraspar mitrata ho to vivah ki anumti de deni chahie. prashna: kya yoni milan bhi mahatvapurn hai? uttara: yoni milan ka vivah men vishesh mahatva hai kyonki is ka sidha sanbandh seks se hai. kabhi-kabhi vivah uprant var-vadhu donon men sharirik tanav itna barh jata hai ki paristhitiyan talak tak pahunch jati hain. islie iska milan visheshakar hona chahie. lekin yadi yoni milan men kam ank ya shunya prapt ho to rashiyo nke svamiyon ki mitrata hone par vivah kar dena chahie, koi vishesh tanav nahin hoga. prashna: tara, vashya, aur varn dosh hone par kya vivah uprant koi vishesh hani hoti hai? uttara: tara, vashya aur varn ka milan bhi uttam ho to sone par suhage vali bat hai. lekin yadi yah milan shubh n bhi ho aur anya gun milan shubh hane to vivah uprant koi vishesh hani nahin hoti hai. prashna: kabhi-kabhi dekha gaya hai ki gun milan bhi vishesh uttama hai, mangal dosh milan bhi uttam hai, fir bhi vivah uprant tanav aur talak tak bat pahunchti hai. kyon? uttara: gun milan to var-vadhu ke chandra rashi, nakshatra se hi milaye jate hain aur mangal dosh bhi lagn aur chandra ke anurup hi hota hai. lekin kundli men anya grah bhi hain jin ko prayah gun milan ke samay nahin dekhte hain. ye grah bhi mahatvapurna hain. yadi saptam bhav men baithe anya grah, saptam bhav ko dekh rahe grah, saptamesh ke sang baithe aur saptamesh ko dekh rahe grah grihasth jivan ko uthl-puthl kar rahe hain to gun milan jitne bhi mil jaen, grihasth jivan par bura asr parta hai. islie gun milan aur mangal dosh ke atirikt anya grahon ka bhi bhalibhanti milan kar lena chahie taki kisi prakar ki hani n ho. yadi gun milan men ank kam bhi prapta hain aur kundliyon ke anya grahon ka talmel uttam hai to vivah uprant grihasth jivan anandamay rahega. prashna: kundli milan men ashubh kundli ke lie dusri bhi ashubh kundli hi kyon dekhte hain? uttara: mangli ke lie mangli v anya grahon se pirit kundli ke lie bhi vaisi hi kundli uttam mani gayi hai kyonki dev aur rakshas sath nahin rah sakte. donon ki adton v vicharon men matbhed hote hain. kundli milan dvara ham yahi koshish karte hain ki donon ki ek prakar ki prakriti ho jisse matbhed sanbandh tutne ki sthiti men nahin aen.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.