मेजर आरकाना कार्डों की चित्र व्याख्या

mejar arkana kardon ki chitra vyakhya  

Ank ke aur Lekh | Sambandhit Lekh | Views : 2392 |  
mejar arkana kardon ki chitra vyakhya jadugar (di maijishiyan): yah ek umda shakun kard hai jo nae avsron ka, nae udyam ki mahatta, drirh ichcha shakti evan har kam men umang ke samavesh hone ka pratik hai. iska pare jaisa dhulmul svabhav hai - ap svayan ka akalan kar apni jamin par rahenge aur sam-dam, dand-bhed se apna lakshya avashya prapt kar lenge. rinatmak rup se yah kard chalbaji, dhokhadhri ko rupayit kar yah chetavni deta hai ki kisi par bhi vishvas bahut soch-samajhakar karen. kabhi-kabhi iska ulta prabhav apne atma-vishvas men kami tatha anirnayatmak sthiti ka bhi dyotak hai. pujarin (di hai pristes): yah rahasyon ki marga-darshika ke rup men karda-pathan men ubhrti hai. iska ingit hai ki kisi rahasya se pardafash honevala hai ya koi rahasya ap ujagar karna chahte hain. apko samjhna hoga ki apne antrik abhas par bharosa karne ka samay a gaya hai. apni antaprragya shakti ko hi apna marga-darshan karne dijie. yah us vyakti ki taraf bhi ishara karegi jisse apko mashvira lena chahie. yadi kisi admi ke lie kard pathan ho raha hai to yah uske jivan ki sarvadhik mahatvapurn mahila ki taraf ishara karta hai. iska rinatmak paksh hai; kisi mahila ka us par galat prabhav dalna. maharani (di emprais): yah pratik hai prem, bharose, samriddhi tatha janm ki. islie jab yah prakat hoti hai to samjhie koi svagat yogya sthiti ghatne vali hai. di emprais n sirf garbh ya vastavik janm ki dyotak hai yah srijnatmakata ka gatij hane a bhi ingit karti hai ya prakriti se sanbaddh kisi nai yojna ki shuruat ka ishara karti hai. rinatmak rup se yah chetavni deti hai ki apke jivan men koi mahila apni suraksha ke lie jarurat se jyada chintit hai aur bhavnatmak blaik mel dvara apni yojna safal karna chahti hai. di emprais dhan sanbandhi chintaen tatha anchahe garbh ya anurvarta ka nirdesh deti hai. maharaja (di emparara): yah pratik hai upalabdhi evan samman ka aur kai bar purush ke adamya prabhav ka dyotak bhi hota hai jaise pita/pti/sajhedar ya apke jivan men kisi purush ya baes ka prabhav. jab yah kard sahi sthiti men prakat ho to samjhie apke prabhav aur rutbe men vriddhi hone vali hai ya apka rob logon par kayam hoga. rinatmak rup se di emparar ka prakatan nirdesh deta hai ki koi dabang ya tanashahi vyakti ap par jabaradasti, apni satta ke karan rob ganthne vala hai. anya rinatmak nirdesh asafal akanksha, pad-sthiti ki adamya lalsa aur kisi sattadhari vyakti ke karan asuraksha ki bhavna. jyotishi (di hayrofenta): yah pratik hai naitik kanun, ek chatur aur buddhi man, paramarshadata, vyavharik nidashare ak ya adhyatmik guru ka. sath hi pratik hai paranprik riti-rivajon ka jo multah dakiyanusi vichar vala hai, jo nai bhumi talashne ke hak men nahin hai. is kard ka prakatan vivah ya vivah ki kamna evan kanuni jimmedariyon aur sarkari dastavejon ki or ingit karta hai. rinatmak rup se yah un bhavnaon ka pratik hai jinko paranpra ke bojh ne kuchal diya hai kyonki apne paranpraon ka palan nahin kiya hai. anya prabhav - apki ahmiyat barhakar svayan apne niyam banane ko badhya kar sakta hai. premi (di lavarsa): di lavars prem aur katrtavya ke bich apke nirnay ko rupayit karta hai. ap yadi jokhim uthane ko taiyar hain to ap mahti anand tatha bhavnatmak santosh prapt kar sakte hain. yadi nahin to katrtavya ke bandhan men jakre ap vahin rahenge, jahan hain. is kard ka uday batata hai ki apka hriday apke mastishk par shasan karta hai tatha jivan men ek natkiya parivartan jyada khushi bhar sakta hai. rinatmak rup se di lavars pratinidhitva karte hain asafal prem sanbandh ka aur sanbandhon ke kshetra men apki anivarya mansik sthiti ka bhi. anya rinatmak pahlu hai ki ap ek jabaradast pralobhan men fansakar apne naitik mulyon se dagabaji karenge. rath (di chairiyat): yah pratik hai sangharsh ke pashchat vijay ka. yah mashvra deta hai ki prayatn jari rakho tatha vishvas rakhen ki vijay ap ki hi hogi. yah kard apratyashit shubh samachar ka, apni yogyataon tatha kshamataon par pura bharosa rakhne ka dyotak hai. yah batata hai ki jo vahan ap prapt karna chah rahe hain vah apko avashya mil jaega. rinatmak rup se yah kard batata hai ki ap svayan ya koi prabhavshali vyakti apna prabhav dikhakar ghamand v svarthipan ke sath apni bat manva raha hai. anya rinatmak prabhav vilanb ke karan man men paida hui hatasha ya apki yatra ke karyakram vaise pure nahin honge jaise ap chahte hain. shakti (straintha): is kard ka prakatan keval bhautik shakti nahin balki bhayankar dabav ki sthiti men sahjta se kam karne ki kshamata ka pratikatmak ingit hai - lekin iska ant saflta se hi hota hai. yadi svasthya ek samasya hai to is kard ka prakatan svasthya labh ingit karna hai, yadi dhumrapan ya sharab se tran pana hai to yah kard nirdesh deta hai ki shubhasya shighram. rinatmak rup se yah kard asuraksha, bhay, palayan ya har manne tatha beimani se har ka shikar banne ka parichayak hai. yah kard khoe hue avasar ko dikhata hai aur chetavni deta hai ki manjil ke karib akar ap har man gae to jivan men kuch nahin kar paenge. tapasvi (di harmit): yah kard pratikatmak rup se satark, atm vishleshan tatha shanti v ekant ki kamna ki jarurat prakat karta hai. yah chetavni deta hai ki adhirta se nirnay n lie jaen aur salah deta hai ki kisi bharosemand vyakti se uchit salah avashya le li jae aur tabhi apna nirnay len. yah nirnay svasthya vishayak ho sakte hain- jaise kitne samay tak apko bimari ke bad svasth hone ke lie aram karna chahie. rinatmak rup se yah ghamandipan evan drirhadharmita ka uday dikhata hai. apke man men sanshay hoga tatha ap koi salah nahin manenge. anya rinatmak pahlu -uttejna men galat nirnay lena aur ekakipan bhugtna. bhagya chakra (di vhil af faerachyun) ah jab yah vhil af faerachyun udit hota hai to yah jivan ke nae chakra ko ingit karta hai jiska arth hai saubhagya evan sunhri kismat. yah bhi kismat hi thi jo apko is bhav sagar men lai. ap koi apni marji se thore hi ae hain. is kard ka uday ap ki maujuda samasyaon ka ant aur vigat men kie gae prayatnon ka pratifal ya inam hai. rinatmak rup se di vhil aef faerachyun ka ulta chalna durbhagya evan pareshaniyon ka dyotak hai. lekin iska ulta chalna kshana-sthayi hi hota hai kyonki fir yah niche se upar chalne lagega. nyayadhish (jastis): yah nyay v imandari ka parichayak hate a hai tatha har mamle men santulan dikhata hai. yah sajhedari, mukdme ityadi mamlon men sabhi ke sath nyay evan imandari dikhata hai chahe vyapar ka masla ho ya vyaktigat. yah kisi sahi nirnay ke sath anyay bhi dikhata hai. ho sakta hai vigat men apke sath koi anyay hua ho ya kisi anya mamle men ap nyay pane ko prayatnashil hon. yah apke pichle prayatn ke sanbandh men behatar bhavishya dikhata hai chahe apko is bat par bharosa n ho ki apke sath nyay hoga. rinatmak rup se yah pratik hai anyay, bigre hue vyapar, galat kanuni nirnay jo apke sath hue hon, tab bhi jab ap naitik rup se bilkul sahi the. fansi (di haingd main): yah pratik hai svayan ke balidan ka chahe vah parthiv ho ya bhavnatmak tatha paristhitiyon ke anusar svayan ko dhalne ki yogyata. yah dyotak hai jivan men ek prakar ke thahrav ka, us kshan ka, jab jyada labh ke lie (balidan dvara) kam hani uthai jae. yah pratik hai bimari, dabav aur chinta ka; yah samay hai dhairya dharan karne ka, chinta karne ka nahin. chunki yah kard pariksha ki ghari batata hai islie ismen atm balidan, adhyatmik lahja bhi grahan kar leta hai. rinatmak rup se yah pratik hai kamjor ichchashakti, svarthipan, bhavnatmak blaikmel karne ki pravriti ka, khastaur par shahadat ka bana orhakar. mrityu (daith): beshak kard pathn-satra men yah kard behad bhay failata hai parantu tathya yah hai ki yah shayad hi kabhi mrityu ka pratik banta hai. jyadatar yah purane kamon ki samapti ya nae kamon ki shuruat ya jivan ke bare mulya sanbandhi koi marg ka praranbh hi rupankit karta hai. yah sankranti kal ka dyotak hai yani purane kam ka khatma aur nae kam ki shuruat. rinatmak rup se jyada fark nahin parta-bas yahi ki apke bhay ya khauf ki tivrata jyada ho jati hai jab yah kard uday hota hai yahi vah samay hai jab ap apni puri yogyata v kshamata se kam karte hain yani apna sab kuch sthiti ko behatar karne men jhonk dete hain. sanyam (taimparensa): jab yah kard uday hota hai to iska arth hai atm niyantran, jvalnshil muddon ko thande chitt se nibtana jisse ek dhanatmak parinam a sake. yah kard pratik hai rishton men samrsta ki anubhuti ka, shanti evan sukun ke sath kam karne ka aur rishton ko thande chitt se niptane ka. yah kard batata hai ek farishte jaise vyakti ka marg darshan jo apka sadaiv khyal rakhta hai. rinatmak rup se yah kard jyada bhog-vilas aur dur drishti ki kami batata hai jisse gharelu jhagre ityadi praranbh ho sakte hain. yah chetavni deta hai ki jaldabaji men koi nirnay n liya jae nahin to apki pragti kunthit ho jaegi. shaitan (di devil): yah bura kard nahin hai- yadi koi vivah pratibaddhata ya rishton ki imandari ka prashn ho to is kard ka uday kard pathan ke dauran ek pritikar pratik samjha jana chahie. lekin anya samasyaon ke sandarbh men yah koi shubh sanket nahin mana ja sakta. di devil pratik hai manslta ke pralobhnon tatha anya buraiyon ka jo nishchit hi shubh parinam nahin de sakte. rishton ke sandarbh men yah kisi dhun ka sanket dekar sthiti ki samiksha karne ka nirdesh deta hai. yah vidhvanskari parinamon ki or chetavni deta hai. rinatmak rup se yah kard apko apni kamjoriyon ko pahchanne aur apni laton se tran pane ka sanket deta hai. minar (di taevr): yah behad bhay ka sanchar karta hai. is kard ke sanbandh men koi dhanatmak paksh dhundh pana terhi khir hai. yah batata hai apratyashit sadmon ki babat aur tahs-nahas karne vali ghatnaon ke bare men lekin yah bhi ingit karta hai ki uske bad ap atyant sudrirh evan majbut hokar ubhrenge. di tavar pratinidhitva karta hai achanak ya sadma dene vale apratyashit parivartanon ke bare men tatha gharelu samasyaon ke bilanb ki or ishara karta hai. yah padarth sanbandhi ya bhavna vishayak un parivartanon ki or ishara karta hai jo is ghatnakram ke bad apke lie labhkari siddh honge. rinatmak rup se yah tavar pratik hai bevajah yantrana evam duahkh sahne ka. sitara (di star): yah ek svagat yogya kard hai jo bhavishya ke prati ek antardrishti pradan karta hai jismen ashirvad evan ummid, nishtha ka drirhikaran tatha apratyashit uphar nihit rahte hain. naye sanbandh aur naye udyam ke sandarbh men is kard ka uday behad shubh shakun hai. yah kard kai tarah se achche samay ka sanket hai. chahe vah kalatmak ya shikshan sanbandhi ho, yatra ho, svasthya ya adhyatmik jagaran ya anya vikas ke kshetra ki bat ho. rinatmak rup se yah kard svayan ke prati avishvas ya apni yogyataon par shak ke falasvarup kai khatron ke prati agah karta hai jiske karan ap kai achche avasar kho sakte hain. chandrama (di mun): yah kard ingit karta hai ki tivra bhavnatmak udvelan aur sanshay ka samay a gaya hai. apke man men kitna bhi bhay ho, yah samay hai jab chandrama ka prakash apki rah ko jagmga dega, bhale hi vah rasta durgam lage. is kard dvara diya gaya shubh shakun tab aur adhik shubh hoga jab ap kisi mamle men gupchup rup men fanse hon-nahin to is kard ka uday apko batata hai ki apka guptatam rahasya ujagar ho jaega. is kard ka pragatan apko kalatmak abhivyakti bhi de sakta hai. rinatmak rup se yah kard pragti ki kami ki or ingit karta hai kyonki apke antarman men chipe bhay aur chintaen prabhavi ho jaengi. surya (di san): yah uttam tairo kard hai. vaise yah shubh kard hai jo bahut harshadayak aur prasannatavarddhak samay ki or ingit karta hai. masti bhari chuttiyan, bachchon ke sanbandh men shubh samachar ya kisi lanbe intjar ke bad paida hue bachche ka pratik hai. yah kard parivar v mitron ke sath mauj-maja, priya sathijan aur sauhardapurn sanbandhon ka pratik hai. yah sari rinatmak sthitiyon ko hatakar sukhdayi bhor ke agaman ka parichayak hota hai. rinatmak rup se yah sanket hai apki yojnaon aur upalabdhiyon men vilanb ka parantu sath hi yah ghamand tatha barhe hue aham ke karan galat samayojan karane ke khatre ki or bhi sachet karta hai. nyay (jajmenta): yah vartaman purnata evan vigat ke prayatnon ke lie puraskar ka dyotak hai yani purane prayatnon ka tarkik samapan evan nae kamon ki shuruat. yadi svasthya kharab chal raha ho to yah svasthya labh evan jivan ke prati nae utsah ka pratik banta hai. jajment us mauke ki taraf ishara karta hai jisko khona nahin chahie kyonki naya kam ya pariyojna apke pure jivan ko badal sakti hai. is kard ka prakatan prayah jivan men ghat rahi ghatnaon men teji la sakta hai. rinatmak rup men yah kard apke nae parivartan ko atmasat kar age n barhne ki cheshta ko rupayit karta hai jiska karan apki hathadharmita hi hai. vishva (di valrda): di valrd kard ka uday apki hardik ichcha ki sanpurti ka dyotak hai chahe jo bhi ho. yani upalabdhi ka samay, manyata tatha saflta pane ki ghari aur vijay shri ki upalabdhi. yah kard anand upbhog, chuttiyon ka maja, priyajnon ka sath, ek santoshkari sanbandh ki sanbhavit prapti ka ishara karta hai jinka ap samna kar, jit prapt karke shuddh anand ka upbhog kar sakte hain. yani abhi prayatn chalu rakhen kyonki abhi apki pari khatm nahin hui. apne darshana-kshetra ko sankuchit n karen, n asurakshit mahsus karen kyonki vijay ya saflta apki hi hogi. murkh (di ful): yah kard udit ho to apratyashit ghatna ya khabar ki asha karna chahie, ek aise prabhav ki jo natkiya rup se apke nirnay ko badal de. yah kard nai shuruat ka, anjan jagah ke lie yatra-jismen bahut maja ae-suchak hai. raste men hue anubhav yatri ko adhik tajurbekar aur buddhiman bana denge. lekin yadi pathan satra men pahli bar ye hi uday ho jae to samjhna chahie ek duahsahsik bevkufi hogi ya pucha hua saval hi galat hoga ya ise puchne ka karan hi galat hoga. di ful riding men ek aise vyakti ka bhi parichayak hota hai jo anutha, lik se hat kar chalne vala, vasna se paripurn aur sanki ho sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.