क्या प्रियंका साबित होंगी तुरुप का पत्ता ?

kya priyanka sabit hongi turup ka patta ?  

Ank ke aur Lekh | Sambandhit Lekh | Views : 3646 |  
shrimti priyanka gandhi ka janm 12-1-1972 ko dilli men hua. ank jyotish ke anusar inka mulank 3 hai. yah ank guru ka ank hai. is ank ki visheshta hai ki is mulank vala jatk/jatika sahsi, karmath, karya karne men daksh apne vichar, apni bhavnaon tatha apne kathan ko bahut hi sundar aur vyavasthit dhang se prastut karne vale hote hain. apne inhin gunon ke karan ye samne vale ko akarshit karne men mahir hote hain. apne shatru ko bhi apne anukul banane men daksh hote hain, jivan men inko yash, samman sabhi kuch prapt hota hai. shrimti priyanka ka bhagyank bhi 5 hai joki inke mulank ka akarshak ank hai, isi karan se bhagya bhi inko jivan men saflta dene men sahayak rahta hai. shrimti priyanka gandhi ka namank 7 hai jo ki inke mulank ka tarangit evan chamatkari hai. is prakar mulank, bhagyank, namank sab inko jivan men shubhafal dene vale tatha jinka inke mulank, bhagyank, namank se shubh sanbandh hoga unhen inse labh prapt hoga. is prakar agami lok sabha chunav men ye jin-jin kshetron men prachar-prasar karengi vahan par khare pratyashiyon evan kshetron ka inke mulank bhagyank, namank se shubh sanbandh hoga unhen saflta milna sanbhav ho sakta hai. ank jyotish varshafal ke anusar san 2014 men inka varshafal ank 1 hoga. varshank 1 ka fal yah hai ki shrimti priyanka ke liye yah varsh atyant mahatvapurn rahega aur ye dhire-dhire unnati ke path par agrasar hongi. yadi is varsh men ye yojnabaddh tarike se karya karengi to inhen saflta prapt hogi, is avdhi men jin-jin logon se inka sanpark hoga unko inse labh hoga. surya men chandra ki antardasha bhi inke liye labhdayak rahegi. mangal ki antardasha men inhen saflta prapt hogi parantu 24-3-2014 se 18-5-2014 tak rahu ki antardasha tatasth rahegi aisi sanbhavna pratit hoti hai. uprokt ki pushti masafal se bhi hoti hai kyonki masafal ke anusar janvri ka ank 3 hai farvri ka ank 1 tatha march ka ank 2 hai punah aprail ka ank 3 hai tatha mai ka ank 4 hai. ye ank kramshah shrimti priyanka ke akarshit evan tarangit, chamatkari tatha tatasth ank hain. 2014 men hone vale lok sabha chunav men kuch vishisht vyakti jo ki inke bhai aur man hain tatha kangres parti ke sanbandh men akalan karte hain. 1. rahul gandhi - inka janm 19-6-1970 ko hua hai. is prakar inka mulank 1 evan bhagyank 6 tatha namank 4 hota hai. ismen mulank shrimti gandhi ka mitra ank evan bhagyank akarshan ank hai tatha namank sambhavi hai. is sthiti ke karan rahul gandhi ko priyanka gandhi ke prachar-prasar karne se labh hoga. priyanka gandhi jahan-jahan par rahul gandhi ka nam lekar prachar karengi vahan par simit labh hone ki sanbhavna hai. 2. shrimti soniya gandhi: inka janm 9-12-1946 ko hua hai. is prakar inka mulank 9 evan bhagyank 5 tatha namank 9 hai. ye ank shrimti priyanka gandhi ke akarshak tarangit ank hanai. is karan se shrimti soniya gandhi ko priyanka ke chunav prachar se labh hota pratit hota hai. kangres parti - kangres ka janm 11-11-69 ko hua hai. is prakar kangres ka mulank 2 hai tatha bhagyank bhi 2 hai evan namank 2 hai jo ki kramshah shrimti priyanka ke mulank, bhagyank, namank ke tatasth, pratikarshan tatha akarshan ank hain. is prakar kangres parti ko shrimti priyanka dvara kangres ke nam par vot mangne par labh ho sakta hai. parantu adhikanshtah sthiti tatasth rahne ki sanbhavna hai.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.