कैलाश-मानसरोवर: विराट आनंद से साक्षात

kailash-mansrovr: virat anand se sakshat  

Future Point
Views : 2380 | June 2006

kailash ka nam ate hi himalay parvat par baithe gangadhar shiv ki murti ankhon ke samne sakar hone lagti hai. kaha jata hai ki kisi samay rakshasaraj ravan ne yahin khare hokar devadhidev bhagvan shiv ki tapasya ki thi aur unhen apni kathin tapasya se prasann kar munhmanga vardan prapt kiya tha. yah sthan devta, siddh tatha mahatmaon ka nivas sthal kaha jata hai. mansrovar ki is pavitra bhumi par hi sati ke dahine hath ki hatheli giri thi, yahan par sarvasiddhipradayi bhagvti ‘dakshayni’ evan bhairav ‘amr’ virajman hain. mansrovar ki utpatti ke vishay men kai manyataen hain. ek katha ke anusar jab rakshas tarkasur devtaon evan manvon ko atyant dukh dene laga, tab uska vadh karne ke lie devtaon ne bhagvan shankar se mahaprakrami putra utpann karne hetu prarthana ki. shiv ne unki prarthana sun li. usi din jab parvati mansrovar ke tat par bhraman karne ke lie gain to unhonne dekha ki chah striyan (krittikaen) kamalapatra ke dron men mansrovar ka pavitratam jal bharakar le ja rahi thin. parvati ne unse pucha ki ve kaun hain aur kis prayojan ke lie jal le ja rahi hain. unhonne bataya ki aj ke shubh din men jo bhi pativrata nari is jal ka pan karegi, uske udar se devsena nayak jaisa mahaprakrami putra utpann hoga.

yah sunakar parvati ne us dron men bhara jal pine ki ichcha vyakt ki. un krittikaon ne kaha ki ham yah pavitratam jal apko avashya dengi lekin is jal ke prabhav se utpann hone vale putra ka nam hamare nam par hi hoga aur uska lalan palan bhi ham hi karengi. parvati ne unka prastav svikar kar us divya jal ka pan kiya. iske falasvarup kartikey ka janm hua. yuddh men devsenanayak banakar unhonne tarkasur ka vadh kiya. ek anya katha ke anusar ek bar lankapti ravan kailash mansrovar ki yatra par aya tha. shakti upasak ravan ne mahashaktipith mansrovar men snan karna chaha, kintu devtaon ne use snan karne se roka. yah dekhakar mahabli ravan ne apni samathrya se mansrovar ke pas hi ek bare sarovar ka nirman kiya aur usmen snan kiya. us sarovar ka nam ravanahad para. himalay ki parvatiya yatraon men mansrovr-kailash ki yatra sabse kathin hai. is yatra men yatriyon ko lagabhag tin saptah tak tibbat men hi rahna parta hai. keval yahi ek yatra hai jismen yatriyon ko himalay ko pura par karna hota hai. dusri yatraon men himalay ka kuch hi bhag dikhai deta hai.

mansrovr: pure himalay ko par karne ke bad tibbati pathar men lagabhag 30 mil jane par parvaton se ghire do mahan sarovar milte hain. manushya ke do netron ke saman sthit in sarovron ke madhya nasika ke saman uthi hui parvatiya bhumi hai, jo donon ko prithak karti hai. inmen ek rakshasatal hai, dusra hai mansrovar. rakshasatal bara hai, vah gol v chaikor nahin hai. uski bhujaen milon dur tak terhi-merhi hokar parvaton tak faili hain. mansrovar golakar evan andakar hai. ismen hanson ki bahutayat hai. ye hans akar men batkhon se bahut milte hain. mansrovar ke aspas ya kailash par kahin koi vriksh, ful adi bhi nahin hain. ek fut ki ghas aur sava fut ki kantili jhariyan avashya dikhai deti hain. islie yahan kai logon ko sans lene men pareshani ho sakti hai. iske lie aksijan sath le jana avashyak hai.

kailash: mansrovar se kailash lagabhag 20 mil dur hai. kailash ke darshan mansrovar pahunchne se purva hi hone lagte hain. yadi asman men badal n hon to kungrivingri choti par pahunchte hi bhagvan shankar ke divya dham kailash ke darshan ho jate hain. pure kailash ki akriti ek virat shivling jaisi hai, jo parvaton se bane ek shodashadal kamal ke madhya rakha hua pratit hota hai. kailash aspas ke shikhron se uncha hai. yah parvat kale pattharon ka hai aur upar se niche tak barf se dhaka rahta hai. lekin iske aspas ki kamlakar pahariyan kachche lal matmaile rang ki hain. kailash ki parikrama 32 mil ki hai, jise yatrai prayah tin dinon men pura karte hain. yah parikrama kailash ke charon or ghire kamlakar shikhron ke sath heati hai.

yatra ke lie avedn: kailash-mansrovar jane ke lie 4-5 mahine purva avedan karna parta hai. is yatra ka ayojan bharat sarkar aur chin sarkar donon milakar karte hain. yatriyon ke lie avashyak hai ki unke pas kam se kam 9 mahine ki vaidhta avdhi vala pasport hona chahie. yatra ka mausam jun se praranbh hota hai aur agasta-sitanbar tak chalta hai. jinke avedan svikar kie jate hain unhen agrim suchna de di jati hai. jinhen ek bar yatra ki anumti nahin mil pati unhen nirash nahin hona chahie. agle varsh fir avedan karna chahie.

kaise jaen kahan thahren: kailash-mansrovar ki yatra samanyatya tin margon se ki jati hai. pahla marg purvottar relve ke tankpur steshan se bas dvara pithauragarh jakar vahan se paidal yatra karte hue ‘lipu’ namak darra par karke jata hai. dusra marg purvottar relve ke kathgodam steshan se bas dvara kapkot (almora) jakar fir paidal yatra karte hue ‘uta’, ‘jayanti’ tatha ‘kungrivingri’ ghatiyon ko par karke jane vala marg hai. tisra marg uttar relve ke rishikesh steshan se bas dvara joshimath jakar vahan se paidal yatra karte hue ‘niti’ ghati ko par kar paidal jane vala marg hai. in tinon hi margon men yatriyon ko bhartiya sima ka antim bajar milta hai. vahan tak unhen thahrne ka sthan, bhojan ka saman, bhojan banane ke bartan adi suvidhapurvak mil jate hain. joshimath vale marg se jane vale yatri haridvar, rishikesh, devaprayag tatha badrinath ke marg ke anya tirthon ki yatra ka labh bhi utha sakte hain. is marg ko chorakar shesh do margon men kuli adi puri yatra ke lie nahin milte, raste men badlne parte hain. bhartiya sima ke antim bajar ke bad vahan se tibbati bhasha ka jankar ek gaid sath men avashya lena chahie kyonki tibbat men hindi ya angreji janne vale nahin milte. tibbat men rahne ke lie bhojan, masale adi sabhi bhartiya antim bajar se lene parte hanai.

savdhaniyan: charon taraf barf hone ke karan yahan chalte samay pura sharir garm kapron se to dhaka hona hi chahie. sath hi subah aur sham chehre evan hathon par vaislin achchi tarah lagate rahni chahie anyatha hath fatne lagenge aur nak men ghav bhi ho sakte hain. barf men n fislne vale aur pahari marg par chalne vale jute pahan kar jane men suvidha rahti hai. is yatra men lagabhag derh-do mahine ka samay lagta hai. lagabhag sarhe char sau mil paidal, ghore ya yak adi ki pith par chalna parta hai. chote bachchon evan vriddhon ko yatra nahin karni chahie. yadi yahan samuh men jaen to yatra kam kharch aur anand-ullas ke sath sanpann hogi.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe


.