jyatish shastra men anek prakar ke yogon ka varnan hai jo grahon ki vibhinn sthitiyon se bante hain aur jatak ke jivan ko apne anurup prabhavit karte hain. aisa hi ek yog hai jiska nam hai kal sarp yog. pichle lagabhag 15 varshon se yah yog vishesh charcha men hai aur iske dushprabhavon ko dur karne ke lie anek prakar ke upay bhi nirantar kie ja rahe hain. isi yog se sanbandhit kuch tathya prashnottar ke rup men yahan prastut hai.
prashna: kal sarp yog kya hai aur yah kaise banta hai?
uttara: anya yogon ki tarah kal sarp yog bhi ek yog hai jo rahu se ketu ke madhya anya sabhi grahon ke a jane se banta hai. grahon ki sthiti yadi rahu ke nikat ho, to use udit aur yadi ketu ke nikat ho, to anudit kal sarp yog kaha jata hai. yadi rahu v ketu ke madhya se koi grah bahar ho to kal sarp yog nahin rahta.
prashna: kal sarp yog kitne prakar ke hote hain?
uttara: kal sarp yog kai prakar ke hote hain lekin barah mukhya hain. barah kal sarp yog kundli ke barah bhavon se hi sanbandhit hain. pratham bhav se banne vale kal sarp yog ko anant kal sarp yog kaha jata hai jo pratham bhav arthat lagn se saptam bhav tak rahu v ketu ya ketu rahu ke madhya sabhi grahon ke a jane se banta hai. dusre bhav se ashtam tak banne vale kalasarp yog ko kulik, tritiya bhav se navam bhav tak banne vale ko vasuki, chaturth se dasham tak banne vale ko shankhpal, pancham se ekadash tak padm kal, shashth se dvadash tak mahapadm, saptam se pratham tak takshak, ashtam se dvitiya tak karkotak, navam se tritiya, tak shankhchud, dasham se chaturth tak ghatak, ekadash se pancham tak vishadhar, aur dva adash se shashth tak sheshnag kal sarp yog banta hai. in barah prakar ke kal sarp yogon ke atirikt 12 rashiyon se bhi yadi sanbandhon ko dekhen to 144 prakar ke kal sarp yog hote hain.
prashna: upar varnit barah prakar ke kal sarp yogon ke kya fal hote hain?
uttara: yadi jatak ki kundli men anantkal sarp yog hai to uska vaivahik jivan sankat grast rahta hai jisse uska vyaktitva bhi prabhavit hota hai. kulik kal sarp yog se grast jatak ko dhan ka abhav rahta hai. aur uska parivarik sukh bhi prabhavit hota hai. iske atirikt use mansik kasht ka samna bhi karna parta hai. shankhpal kal sarp yog se grast jatak ko matrisukh men kami aur jamin jaydad ka abhav rahta hai. padm kal sarp yog se grast jatak ko santan sukh nahin milta hai. use shiksha men rukavton ka samna karna parta hai. mahapadm kal sarp yog se grast jatak ko rog aur shatruon ka bhay bana rahta hai. takshak kal sarp yog se grast jatak ka vaivahik jivan duahkhamay rahta hai. karkotak kal sarp yog se grast jatak ke durghatanagrast hone ki sanbhavna bani rahti hai. use bhut pret badha ka bhi samna karna parta hai. shankhchur kal sarp yog se grast jatak ko bhagyoday men rukavton ka samna karna parta hai. dharm hani bhi hoti hai. ghatak kal sarp yog se grast jatak ko vyavsay men anek rukavton ka samna karna parta hai. vishadhar kal sarp yog se grast jatak ko mehanat ka fal purnataya nahin milta. kai prakar se dhan ki hani aur santan sukh ki kami hoti hai. sheshnag kal sarp yog se grast jatak ko apne janm sthan v desh se dur rahna parta hai. iske atirikt use shatru se pareshani, anavashyak hani, netra sanbandhi rog adi ka samna bhi karna parta hai.
prashna: kya kal sarp yog hamesha anisht fal hi deta hai?
uttara: kal sarp yog ‘yog’ hai dosh nahin. yadi kal sarp yog kal sarp dosh ho jae to hanikarak hota hai. kal sarp yog vale jatak hamesha apni manjil pa lete hain bhale hi kitni hi rukavton ka samna karna pare. yun dekha jae to kis jatak ke jivan men sangharsh nahin hota. manjil ko pane ke lie to sangharsh karna hi parta hai. bahut unche padon par karyarat jatkon ki kundliyon men bhi kal sarp yog dekhne ko milte hain. aise jatak jo bahut hi nirdhan gharanon men janme lekin apni lagan aur mehanat se badhaon ka samna karte hue unhonne apni manjil pai, jivan men nam kamaya. aise jatkon ki kundli men kal sarp yog dekha gaya hai. tatparya yah ki kal sarp yog vale adhikatar jatak sangharshon ka samna karte hue apni manjil pa lete hanai. isse yahi siddh hota hai ki kal sarp yog labhkari bhi hai jo jatak men junun v himmat banae rakhta hai jiske karan jatak saflta pata hai.
prashna: kal sarp yog se grast jatak ko kitne samay tak kasht men rahna parta hai ?
uttara: kundli men grahon ki sthiti ke anurup jatak ko fal milta hai. dasha, antardasha aur gochar ke anusar use shubh-ashubh fal ki prapti hoti hai. kal sarp yog ki koi avdhi ya samay sima nahin hoti ki kisi khas varsh ya varshon men hi vah apna shubhashubh fal de. jivan bhar us ka prabhav jatak par jivan paryant rahta hai. dashantardasha ke anusar kabhi shubh kabhi ashubh fal prapt hote rahte hain.
prashna: kaha jata hai ki kal sarp yog ka varnan jyotish ke kisi bhi prachin granth men nahin hai aur yah adhunik svarthi jyotishiyon ki khoj hai?
uttara: jyotish shastra men kai prakar ke yogon ka varnan hai jo kisi ek hi kal men nahin likhe aur samjhe gae samy-samay par jyotishiyon ke anusandhanon se yog samne ae jinhen jyotish shastra men sthan prapt hua. isi tarah pichle kuch varshon se jyotish men ruchi rakhne vale vidvanon ne is yog ko samjha aur jana ki iske kya labh hain aur kya haniyan hain. yah avashyak nahin ki jo yog prachin granthon men likhe hain vahi yog hain. samy-samay par yog bante rahe hain aur bante rahenge. jyotish ke gyan ko aur ujagar karne vale apne anusandhan karte rahenge. ismen kisi ka koi svarth nahin hai, koi bhi khoj svarth ke lie nahin balki gyan ke lie ki jati hai aur gyan agyanta ke andhere ko dur karta hai. prachin granthon men kal sarp yog ka varnan ho ya n ho isse koi fark nahin parta. aj iska prabhav sarvavidit hai.
prashna: kal sarp yog kitne varshon men banta hai?
uttara: jaisa ki upar bataya ja chuka hai, kal sarp yog rahu se ketu ke madhya anya sabhi grahon ke a jane se banta hai. jab sabhi grahon ke sath guru aur shani bhi ek or a jaen kyonki guru v shani dhimi gati ke grah hain aur inka rahu ketu ke ek taraf a jana kal sarp yog banne ka pramukh karan hota hai. surya, budh aur shukra to prayah ek sath hi rahte hain. chandra shighragami hai. surya ek varsh men sabhi rashiyon men bhraman kar leta hai. isi ki gati ke karan kal sarp yog kabhi bhi chah mah se adhik samay tak nahin rahta. in chah mahinon men chandrama ki gati ke anusar mah men do saptah kal sarp yog rahta hai aur do saptah nahin rahta kyonki chandra ek mah men barah rashiyon ka bhraman kar leta hai. kal sarp yog kabhi kabhi kuch varshon ke antral men hi banta hai- 10 varshon men 2 ya 3 bar. usmen bhi kabhi udit aur kabhi anudit rup se banta hai.
prashna: jis jatak ki kun. dali kal sarp yog rahit hoti hai kya vah sada sukhi rahta hai ?
uttara: aisa nahin hai. sukh duahkh to har insan ke jivan men rahte hain. aisa jaruri nahin ki kal sarp yog valon ka jivan hi kashtamay hota ho. kal sarp rahit jatkon ko bhi kasht hote hain kyonki fal anya grahon par bhi nirbhar karta hai. kal sarp yog vala jatak ka jivan bhi sukhamay hota hai, yadi anya grahon ki sthiti shubh ho.
prashna: kya kal sarp yog anshik bhi hota hai?
uttara: koi bhi sabhi yog ya to hota hai ya nahin hota. usi tarah kal sarp yog bhi hota ya nahin hota. anshik kal sarp yog bhramatmak hi hai.
prashna: kal sarp yog kab shubh hota hai aur kab ashubh hai?
uttara: kal sarp yog men jab rahu ya ketu kisi shubh faldayak grah se yukt ho ya rahu jis rashi men ho uska svami shubh faldayak ho to jatak ko kalasarp yog hote hue bhi bahut labh hota hai. visheshakar jab shubh faldayak grahon ki dashaen ati hain tab shubh fal prapt hota hai. trishday bhavon men sthit rahu bhi shubh faldayak hota hai. ashtam sthit rahu v ketu kashtakari aur ashubh faldayi hote hain.
prashna: kalasarp yog ke prahar se bachne ke lie kya upay karne chahie?
uttara: kal sarp yog ke dushprabhav ko dur karne ke anek upay hain. yadi upay vidhivat kiya jae to jatak ko uska labh ho sakta hai. samanyatah bhagya ko koi nahin badal sakta lekin upayon se kasht ko kuch kam avashya kiya ja sakta hai. kuch upay yahan prastut hai.
1. rudraksh ki mala se mahamrityunjay mantra ka ek mala jap pratidin karen.
2. mahashivratri, nag panchmi, grahan adi ke din shiv mandir men chandi ka nag-nagin ka jora arpit karen.
3. sarp pakre mor ya garur ka chitra apne ghar men puja sthan men lagaen aur nav nag stotra ka jap karen.
4. kal sarp yog yantra ki puja aur darshan karen.
5. batuk bhairav mantra ka sava lakh jap karen.
6. ¬ namah shivay ka jap karen.
7. kal sarp ki asht dhatu nirmit anguthi dharan karen.
8. shiv ke pratik ek mukhi rudraksh sahit rudraksh ki mala dharan karen.
9. pakshiyon ko anaj dalane ya anaj pani men bahaen.
10. chini taya ne ka e ata, shakkar ya base n bhunakar dalen.
11. ghar men mor pankh rakhen.
12. nitya niyamit rup se gayatri mantra ka jap karen.
13. kauon aur kale kutton ko roti dalen.
14. bure karm, madyapan, mansahar adi ka tyag karen.
15. budhvar ko kale urad kapre men bandhakar bhikhari ko den.
prashna: kal sarp yog ka upay kab karna chahie?
uttara: dosh shanti ke lie upay mahashivratri, nagpanchmi, shravan mas ke somvar ya somvar ko ane vali amavasya ke din karna chahie. kartik ya chaitra mas men bhi sarp bali ka upay karvaya ja sakta hai.
prashna: kal sarp dosh ki shanti kin-2 sthanon par vidhivat ki jati hai ?
uttara: kal sarp dosh ki shanti nimn sthanon par karvani chahie:
1. tryanbkeshvar - nasik ke pas
2. triyugi narayan - kedarnath
3. kali hasti shiv mandir - tirupti
4. sangam - ilahabad
in sthanon par puja archana karakar nag nagin ke jore ki vidhivat pran pratishtha karakar arpit karen.
prashna: upar varnit upayon ke atirikt kal sarp dosh se pirit jatak aur kya karen?
uttara: in upayon ke atirikt jatak sanbandhit devi devtaon ki puja archana ya unke mantra ka jap karen.
prashna: ye devi devta kaun-kaun se hain ?
uttara: sarvapratham devta to bhagvan shiv hain kyonki sarp unhin ke gale ka har hai. unke bad vishnu ji ki puja karen kyonki unka shaynasan sarp par hi hai. fir hanuman ji ki puja karen aur hanuman chalisa v sankat mochan ka path karen. fir bhagvan krishn ke ¬ namo vasudevay mantra ka jap karen aur tab bhagvan ram ki puja archana kar sundrkand ka path karen.
prashna: kya ye sab upay karne se kalasarp yog ke dosh aur pira se jatak ko sada ke lie mukti mil jaegi?
uttara: yad rakhen, bhagya ko koi nahin badal sakta. upayon se yog ke kasht ko kam kiya ja sakta hai.
ab kahin bhi kabhi bhi bat karen fyuchar point jyotishacharyon se. abhi paramarsh karne ke liye yahan klik karen.