पं. जवाहर लाल नेहरू का जीवनवृत

pan. javahar lal nehru ka jivnvrit  

Ank ke aur Lekh | Sambandhit Lekh | Views : 7095 |  
pan. javahar lal nehru ka jivnvritt pan. sharad tripathi, kanpur pita pan. motilal ji v dada gangadhar nehru bharat ka svarg kahlane vale kashmir ke brahman parivar se the. javahar lal ji ke pita motilal nehru ne apni bi.e. tak ki parhai kanupar nagar men rahakar ki. fir ve ilahabad jakar vahin bas gae. vahin unhonne vakalat ki shiksha prapt ki aur shighra hi hai kort ke sthapit vakil ban gae. pan. motilal ji ka vivah ek kulin parivar ki kanya se hua, parantu ek varsh bad hi unki patni ka aur ek putra ka dehant ho gaya. kuch din bad unki man ne unka dusra vivah ek bahut hi sundar, sushil kanya se kiya jinka nam tha svaruprani, jinhonne 14.navanbar 1889 ko ek putra ko janm diya. svarup rani apne priya putra ko javahar kah kar pukarti thin. san 1900 men svarup rani ne ek balika ko bhi janm diya jiska nam shuru men svarup hi rakha gaya, par vivah ke samay badal kar vijayalakshmi pandit kar diya gaya. javahar lal ji ki man sanatan vichar ki sadgrihini thin. puja-path men unhen purn vishvas tha jabki pita motilal ji in anushthanon ko jyada mahatva nahin dete the. unhonne balak javahar ki parvrish angrej balkon ki bhanti ki. unhonne sent meri skul men apne putra ka dakhila karva diya, parantu chah mah men hi vapas bula liya aur ghar par hi unki shiksha ka prabandh karva diya. balak javahar ko angrej shikshak bruks ki baten jyada samajh ane lagin. bruks ne unhen rasayan vigyan ka adhyayan karvana shuru kar diya. javahar lal mugal sanskriti aur pashchatya vicharon ke prabhav men the. ve man hi man angreji bhasha ko pasand karne lage the, lekin unhen yah katai pasand nahin tha ki angrej bharat par hukumat karen. ek din javahar ne bharat ki svatantrata ke vishay men socha aur bahaduri ke karname karne ka khvab dekhne lage. unke man men ata tha ki ve hath men talvar lekar angerajon se do-do hath karen. samay ke sath ve bare hote ja rahe the. mai san 1905 men pan. motilal ji apne parivar ke sath iglaind ravana hue. vahan javahar lal ji ka dakhila prasiddh hairo pablik skul men karvaya gaya. tab ve lagabhag 15 varsh ke the. kuch had tak ve skul ki jindgi men dhal gae. par angrej sathiyon se unki nahin banti thi. isi bich chunavon men ‘libaral dal’ ki jit hui. javahar men is jit se atmavishvas ka janm hua aur ve rajniti ki or jyada dhyan dene lage jiska age chalakar bharat ke svatantrata andolan men unhen labh bhi mila. san 1907 ke shuru men javahar ne kaimbrij vishvavidyalay ke triniti kaelej men dakhila liya. yahan se parhne vale kai vidyarthi age chalakar briten ke pradhanmantri bane. yahan dakhila milne se javahar lal bahut prasann the. kaimbrij men kai bhartiya chatra the, inmen se kuch bare-bare neta bane aur kuch ne sarkari naukri kar li. javahar 1908 men kuch dinon ke lie bharat ae aur punah shiksha puri karne briten laut gae. fir san 1910 men snatak ki shiksha puri kar ve bharat laut ae. aie uparyukt tathyon ko jyotishiya drishti se samjhte hain - prastut janmang kark lagn ka hai jismen lagnesh apni hi rashi men tatha mangal parakram bhav men sthit hai. lagnesh ka lagn men aur mangal ka parakram bhav men hona vyakti ko sahsi v apne karya ke prati purn samarpit rahna batata hai. chaturthesh shukra chaturth bhav men hi sthit hai. chaturth bhav sukh tatha man ka bhav bhi hota hai, isilie inhen jivan ke praranbhik kal men athah sukh-suvidha tatha man ka purn sneh milta raha. pancham bhav men vrishchik rashi ka uday ho raha hai jismen surya bhi sthit hai tatha panchmesh mangal apne se gyarhven arthat tritiya bhav men sthit hai. grahon ki yah sthiti inke purn gyani evan parhai-likhai men nipun hone ki pratik hai. shadabal men mangal sabse bali grah hai. mangal tritiya men baithakar apni chaturth drishti se chathe bhav ko tatha athvin drishti se dasham bhav ko dekh raha hai. mangal ki sthiti v drishti yah batati hai ki yah vyakti apne shatruon par tatha apne karya kshetra men purn rup se vijay prapt karne men saksham hoga. mangal kanya rashi men 90-58’ ka hai arthat surya ke nakshatra men hai. nehru ji ko shatruon par vijay, karya kshetra men saflta aur prasiddhi satat mili kyonki surya nam v prasiddhi dene vala grah hai. janm kundli men videsh jane ka yog dekhne ke lie navam v dvadash bhav ka vishleshan karte hain. rahu bhi videsh yatra karane men sahayak hota hai. inki kundli men navam bhav ka svami guru chathe bhav men tatha mithun (uchcha) rashi ka rahu dvadash bhav men sthit hai. rahu ki tatha navmesh guru ki ek dusre par purn drishti hai. barhvane bhav men budh ki rashi men sthit rahu ki dvadshesh budh par pancham drishti hai. isi mahavidesh yatra yog ke karan nehru ji ne kai bar videsh yatraen kin. san 1912 i. ke akhir men rajnaitik drishti se ajadi ki larai halki par rahi thi. tilak jel men the. garam dal vale daba die gae the athva kisi prabhavshali neta ke n hone se ve khamosh pare hue the. bang-bhang dur hone se bangal men shanti ho gai thi. san 1912 men bare dinon ki chutti men javahar lal ji deligets ki haisiyat se bankipuram ki kangres men shamil hue. gokhle ji, jo hal hi mane afrika se lautakar ae the, bhi usmen upasthit the. us adhiveshan ke pramukh vyakti vahi the. javahar lal par unka kafi achcha prabhav para. is bich samay ne karavat badli. agast 1914 i. men pahla vishvayuddh shuru ho gaya. is yuddh men briten aur jarmani apne parosi deshon se lar rahe the. is yuddh se bharat ka koi lena dena nahin tha, par jabaran bharat ko bhi usmen ghasit liya gaya. un dinon nehruji mahatma gandhi ji ke akarshak vyaktitva se ati prabhavit hue. 8 farvri san 1916 ko basant panchmi ke din javahar lal nehru ka vivah dilli men kamla kaul se hua. us samay javahar lal ji 27 varsh aur kamla ji unse 10 varsh choti thin. kamla ji mridu svabhav ki yuvti thin v kashmir men pali-badhi thin. unki shiksha to adhik nahin thi, par ve ek paripakva mahila thin. us samay ajadi ka sangharsh joron par tha. nehru ji apni patni ko samy-samay par apni gatividhiyon se avagat karate rahte the. 19 navanbar san 1917 i. ko kamla nehru ne ek putri ko janm diya jiska nam indira priyadarshani rakha gaya. is balika ko pyar se sab indu pukarte the. 10 aprail 1919 ko baishakhi ke din amritasar ke jaliyanvala bag men vibhats goli kand hua aur panjab men marshal lae lagu kar diya gaya. javahar lal ji ne gandhi ji ke sath ghatna sthal ka daura kiya. unhonne ghatna ki gair sarkari janch islie unhen sabhi adhikar prapt hone lage. isi samay ajadi bhi prapt hui, aur pan. javahrlal ji ka nam v khyati dur-dur tak faili. akhir vah din bhi a gaya jiska sabhi ko intjar tha. 15 agast 1947 ko bharat varsh ajad kar diya gaya. angrejon ne bharat ke do bhag karva die- hindustan aur pakistan. pan. javahar lal nehru ajad hindustan ke pratham pradhanmantri bane. us samay unki umra 58 varsh thi, parantu kuch hi samay bad 30 janvri san 1948 ko mahatma gandhi ki hatya kar di gai. pan. nehru isse atyadhik vyathit ho gae. dhire-dhire samay bit raha tha. 26 janvri 1950 ko bharat desh mane naya sanvidhan lagu kar diya gaya. pan. javahrlal ji din men 15-16 ghante tak kam karte the. unka nara tha ‘aram-haram hai’. 1950 men hi yojna ayog ki sthapna hui jo desh ke vikas ke lie panch varsh ki yojnaen banane ke uddeshya se banaya gaya tha. pan. nehru ne pahli tin yojnaon ke banne men bari madad ki. ve svayan yojna ayog ke adhyaksh bane. san 1962 men ve bimar par gae, kintu unhonne kam band nahin kiya. unhen to bas har dasha men janta ki seva ka uÿardayitva nibhana tha. san 1963 men ve bhuvneshvar gae jahan akhil bhartiya kangeras kameti ka adhiveshan tha. vahan unhen lakve ka daura para, iske bavjud ve karya men jute rahe. mai 1964 men ve 2-4 din ki chutti men helikaptar se dehradun gae. vahan par bhi unhonne kuch failen nibtain aur doston se mile. 26 mai 1964 ko vapas dilli a gae. 27 mai ko jab bistar se uthe to kuch kamjori mahsus hui. unhonne ek pustak li aur use parhna chaha, par man nahin laga to rakh di. iske kuch hi palon ke bad yah yogi purush karoron deshvasiyon ko bilkhta chor duniya se vida ho gaya. unki vasiyat ke anusar unki asthiyan ganga nadi men tatha bharat ke vibhinn hisson men bikher di gain . san 1948 se 1955 tak in par mangal ki mahadsha prabhavi rahi jo is kundli men dashmesh hokar parakram bhav men sthit hai tatha dasham bhav ko purn drishti se dekh raha hai. mangal 90-58’ ka hokar surya ke nakshatra men sthit hai. isi karan mangal ki mahadsha men unhonne apne karya kshetra men purn utsah v lagan ke sath ganv-ganv ja kar desh ke vikas ka marg prashast kiya. san 1955 se nehru ji par rahu ki mahadsha praranbh hui. 1964 mane rahu men budh ka antar chal raha tha. budh vyay bhav ka svami hai tatha rahu vyay bhav men sthit hai. markesh shani un dinon kunbh rashi men tatha 1964 ke mai mah men rahu ke nakshatra men gochar kar raha tha. atah is dasha v gochar ke karan yah samay unke jivan ka antim samay sabit hua. nehru ji ki kundli men ek vishesh yog bhi tha. kaha gaya hai ki yadi janm patrika men janm ke samay tin ya adhik grah apne uchch ya mul trikon athva svarashi men sthit hon to vyakti rajkul men janm leta hai ya raja ke saman hota hai. nehruji ki kundli men chandra, guru, shukra, rahu aur ketu panch aise grah hain jo is tathya ko sahi sabit karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.