फलित ज्योतिष में प्रश्न कुंडली का योगदान

falit jyotish men prashn kundli ka yogdan  

Ank ke aur Lekh | Sambandhit Lekh | Views : 1267 |  
prashn shastra men prashnakatrta ki jigyasa, utsukta, utkantha, ichcha, shanka, chinta adi prashnon ka samadhan janmapatri ki lanbi chairi ganitiya prakriya ke bina kiya jata hai. tatkalik prashnon ka fal batlane men yah shastra apna ek alag mahatva rakhta hai. jinke pas apni janmapatri nahin hoti unki samasyaon ka hal bhi prashn jyotish se sanbhav hai. pra shnakundli men karyasiddhi, chori, kray-vikray sanbandhi, jay - parajay, khoye-paye, vivah sanbandhi, labh-hani, garbhini stri tatha rogi ka prashn adi ke uttar die ja sakte hain. ek jatak jo apne karyalay se gayab ho gaya tha uske bare men prashn kundli ke madhyam se charcha prastut hai. dinank 9-11-2009 samay 8.35 pratah kisi vyakti ka fon aya ki uska bhai jo ki ek pulis inspektar hai 4.11.2009 se gayab hai. us samay ki jo prashn kundli taiyar hui vo is prakar se hai. lagn men vrishchik rashi hai aur tritiya bhav arthat makar rashi men guru aur rahu sthit hain. navam bhav arthat kark rashi men mangal, chandra aur ketu sthit hain. ekadash bhav arthat kanya rashi men shani virajman hain, barhven bhav arthat tula rashi men surya, shukra aur budh sthit hain. is kundli men yah bataya gaya ki apka bhai jivit hai kintu kisi kapti sadhu ke changul men fansa ho sakta hai. vah kisi dharmasthal men ho sakta hai jo pani ke kinare sthit pratit hota hai. us sthan ki disha dehradun se pashchim dakshin ke bich men hai. aisa pratit hota hai vah sthan haridvar ho sakta hai. is kundli men lagnesh mangal nich ka hokar navam bhav men chandrama ke sath sthit hai. kyonki navam bhav ek shubh bhav hai evan chandrama mangal ka nich bhang kar raha hai, atah isse yah pratit hota hai ki vyakti jivit hai. kyonki lagn men vrishchik rashi sthit hai jiska svami mangal hai jo navam bhav men baitha hai. man ka karak chandrama bhi navam bhav men sthit hai. navam bhav (dharm ka bhav) arthat dharm sthal. vyakti ke sharir v man ka navam bhav men sthit hona yah darshata hai ki vyakti dharm sthal men ho sakta hai. ab kyonki navam bhav men jal tatva rashi (kark rashi) sthit hai evan lagn men bhi jal tatva rashi hai, atah isse yah sanket milta hai ki vyakti dharma-sthal men hai jo ki pani ke pas ho sakta hai. jyotish ke anusar kundli ka pratham bhav purva disha ko darshata hai. dasham bhav dakshin disha ko. saptam bhav pashchim disha ko evan chaturth bhav uttar disha ko darshata hai. kyonki navam bhav pashchim v dakshin disha ke bich men parta hai, dehradun se haridvar lagabhag isi disha men parta hai atah yah sthan haridvar ho sakta hai. navam bhav men kark rashi sthit hai jiske charnakshar ‘ha’ v ‘da’ bante hain. ‘da’ akshar se aisa koi sthan nahin hai jo dharm sthali ho aur vah dharmasthali pani ke kinare sthit ho, atah ‘ha’ akshar se hi haridvar banta hai jo dharmasthali bhi hai aur pani ke kinare bhi sthit hai. uprokt tathyon ke adhar par yah siddh ho jata hai ki vah sthan haridvar hi hai. ab prashn yah uthta tha ki vah vyakti ghar kab lautega? hamne paya ki 1 navanbar 2009 ko rahu makar rashi se dhanu rashi men pravesh karega. jyotish siddhant ke anusar jab rahu rashi parivartan karta hai to koi n koi badlav avashya ata hai. rahu tritiya bhav se dusre bhav men aega islie vah vyakti aega to avashya parantu 17 navanbar ke bad. vah khoya hua vyakti dinank 20 navanbar 2009 ko haridvar men pratah das baje ganga ke kinare prapt hua parantu us samay uski mansik sthiti thik nahin thi, vah kuch dara-sahma sa tha. tatpashchat usko haridvar se dehradun laya gaya. uske gale men ajib se kale rang ke dhage dale hue the. prashn kundli men tritiya bhav men nich ka brihaspati rahu ke sath baithakar chandal yog bana raha hai jiski purn drishti navam bhav par par rahi hai jahan par lagnesh mangal ketu ke sath sthit hai. isse yah pratit hota hai ki vyakti kisi kapti sadhu ke changul men fansa hua tha aur uski mansik sthiti thik nahin thi jiska karan kisi madak padarth ka khilaya jana pratit ho raha tha kyonki ketu madak padarthon ka karak hai jo lagnesh mangal ke sath sthit hai.
Kya aapko lekh pasand aaya? Subscribe
Kya aapko lekh pasand aaya? Subscribe


shri vidya evam dipavli visheshank  November 2010

shrividya v dipavli visheshank fyuchar samachar patrika ka anutha visheshank hai jismen ap rahasyami shrividya, shriyantra v mahalakshmi pujan ki durlabh vidhiyon ke sath-sath is avasar par is mahapuja ki prishthabhumi ke adharbhut sangyan se parichit hokar labhanvit honge.

Subscribe

Apne vichar vyakt karein

blog comments powered by Disqus
.