सफलता में दिशाओं का महत्व

saflta men dishaon ka mahatva  

Ank ke aur Lekh | Sambandhit Lekh | Views : 739 |  
kuch choti-choti baten hain jinke anupalan se tatha usi ke anurup grih sanyojan se bhagya akarshit hote hain, jivan se nirasha, andhkar evan durbhagya ka shaman hota hai. yadi apka ghar, karyalay athva pratishthan hi nakaratmak urja se ot-prot hoga athva bimar hoga, to ap kaise sukhi rah sakte hain. jab ap kashton se ghir gae hain, asahaj mahsus kar rahe hain athva apka socha hua kam nahin ho pa raha hai to ho sakta hai ki iska ek karan ghar men nakaratmak urja ka samavesh ho. atah thori savdhani bartne se tatha achche vastu, feng shui visheshagya se salah lekar unka anupalan karne se apke kasht dur ho sakte hain tatha jivan men bahar a sakti hai. dishaen kul ath hoti hain jismen char pramukh dishaen - purva, pashchim, uttar, dakshin tatha char vidishaen uttara-purva, dakshin-purva, dakshin-pashchim tatha uttara-pashchim shamil hain. in athon dishaon ke alava ghar ke kendriya hisse ka bhi mahattva hai. in sabhi dishaon ka hamare jivan ke mahatvapurn mamlon se gahra sanbandh hai. yadi ham jivan ke kisi bhi paksh se asantusht hain tatha yadi hamen aisa lagta hai ki hamare jivan men us avayav ki pradhanta honi chahie athva aur adhik matra men hamare jivan men uska samavesh hona chahie to ham us avayav se sanbandhit disha ko mahattva pradan kar tatha apni us avayav se sanbandhit gatividhiyon ko usi disha men sanchalit kar achchi saflta prapt kar sakte hain. ghar ke in nau sektaron ki pahchan bagua ashtakon ki sahayta se achchi tarah se ki ja sakti hai. in nau sektaron evan unse juri jivan ki gatividhiyon ka vivaran tatha us disha ko unnat karne ke upay ka varnan niche kiya ja raha hai: dakshin disha: kariyar dakshin sektar ka sanbandh kariyar se hai. yah sektar apke jivan ke mahattvapurn pahluon kariyar athva apki jivnvritti se sanbandhit hai. yah apke vikas evan tarakki ka dyotak hai. yadi apke ghar athva aefis ka yah sektar thik hai to ap uttarottar pragti karenge, yadi yah sektar doshpurn hai to apke kariyar evan vikas men badhaen upasthit hongi. upay 1. is sektar men lal rang karvaen. ise saf suthra rakhen. 2. ek 100 vat ke balb ko apne aefis athva ghar men udhrvamukhi holdar men fiks karen. dakshin-pashchim disha: kushlta evan gyan dakshin-pashchim disha ka sanbandh jivan ke ati mahatvapurn pahlu kushlta, buddhimatta evan gyan se hai. sath hi yah har prakar ke adhyayan evan shiksha, sadhna tatha antajrnyan evan atmabodh se bhi sanbandhit kshetra hai. atah is kshetra ka sahi tarike se upyog utthan evan unnati ka marg prashast karta hai. upay 1. is sektar men tain, braun evan yelo kalar karvaen. kshetra ko saf-suthra rakhen. 2. ek 100 vat ke balb ko udhrvamukhi apne ghar athva aefis men lagaen. pashchim disha: parivar pashchim disha najdiki parivar evan parivarik sanbandhon ka pratinidhitva karta hai. parivar se sanbandhit bhut, vartaman evan bhavishya har prakar ke avashyak avyvon ka adhar ghar ka pashchimi sektar hai. atah ghar men sauhardapurn vatavaran evan samanjasyapurn sanbandhon ki sthapna ke lie is sektar par dhyan dena avashyak hai. upay 1. is kshetra men golden, silvar, hvait athva branj kalar karvaen. kshetra ko saf suthra rakhen. 2. do kristal bael is sektar men lagaen. uttara-pashchim disha: samriddhi uttara-pashchim disha ka sanbandh apki samriddhi, dhan tatha inhen prapt karne karne ki apki yogyata se hai. atah aj ke bhautikvadi yug men is sektar ka mahatva apke lie sarvadhik hai kyonki dhan evan samriddhi sukhi evan vilasitapurn jivan ka adhar hai jiski kamna har kisi ko hoti hai. upay 1. is kshetra men golden, silvar, hvait athva branj kalar karaen. kshetra ko saf-suthra rakhen. 2. is disha men velth ship rakhen. uttar disha: yash evan samman apke ghar athva vatavaran ka pratyaksh sanbandh uttar disha se hai. is disha ke prabhav se hi pata chalta hai ki log apke bare men kya sochte hain, apko kis najar se dekhte hain tatha kis prakar ka samman apke lie unke man men hai. man, yash, kirti evan samman hi is jivan ki asli kamai hai. atah, ise to har koi arjit karna chahta hi hai. yah sektar apki mahatvakanksha ko bhi darshata hai. upay 1. is sektar men dark grin kalar karvaen. 2. ghar ke is sektar men hath upar kie hue athva dhan ki tokri lie hue lafing buddha ki murti rakhen. uttara-purva disha: sanbandh, prem evan vivah is disha ka sanbandh apsi rishtedari, prem evan vivah se hai. yahan sanbandh ka tatparya apke pati/patni, sajhedar, parivar ke logon evan doston ke sath apsi sanbandhon se hai. atah yah sektar bhi apne ap men kafi mahatvapurn hai kyonki safal sanbandhon ke bagair jivan ki gari chal hi nahin sakti. upay 1. is sektar men bez evan yelo kalar karvaen. kshetra ko saf-suthra rakhen. 2. is sektar men ekveriyam lagaen. 3. is sektar men lav badars athva menderin daks rakhen. purva dishaah krietiviti evan bachche apke ghar ki purva disha athva sektar apke bachchon ke sath antarsanbandh, apke rachnatmak karyon evan karya-nishpadan ki apki yogyata se sanbandh rakhta hai. bachche apke jivan ke abhinn ang hain tatha unki tatha apki krietiviti apki saflta ke lie avashyak hai. atah is disha ko ektivet karna avashyak hai. upay 1. is sektar men skai evan parpal kalar karvaen. 2. is sektar men ekveriyam lagaen. dakshin-purva disha: sahayak log evan yatra is disha athva sektar ka sanbandh apke jivan ke un mahatvapurn logon se hai jo sadaiv apke sath khara rahte hain tatha har kam men apki sahayta karte hain. sath hi is sektar ka sanbandh yatra se bhi hai. atah yadi ap chahte hain ki log apki sahayta karen athva ap desh/videsh ki yatra par jaen to is sektar ko avashya ektivet karen. is sektar ka sanbandh un sabhi logon se hai jo apki samasya hal karne men apki sahayta karte hain, apki yatra ka prabandh karte hain. upay 1. is sektar ke lie pradhan rang hain kala evan lal. atah inka samanjasyapurn prayog karen. 2. is sektar men holistik lainp jalaen. kendra athva madhya sektara: svasthya achcha svasthya hi kriyashilta evan har prakar ki gatividhiyon ka adhar hai. kaha bhi gaya hai helth ij velth. atah achcha svasthya jivan ki sarvadhik pramukh avashyakta hai. is sektar ka sanbandh jivan ke kisi ek avayav se nahin hai balki samast avyvon ki saflta is sektar par nirbhar karti hai kyonki svasthya hamare sanpurn gatividhiyon ko prabhavit karti hai. atah uttam svasthya ke lie is sektar ko ektivet karna avashyak hai. upay 1. is sektar men halka krim rang karvaen. 2. is sektar ko saman adi se yathasanbhav mukt rakhen. 3. is sektar men fuk luk sau evan chi lin rakhen.
Kya aapko lekh pasand aaya? Subscribe
Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.