ज्योतिष के आधार पर इच्छित संतान कैसे प्राप्त करें ?

jyotish ke adhar par ichchit santan kaise prapt karen ?  

Ank ke aur Lekh | Sambandhit Lekh | Views : 1561 |  
jyotish siddhant se janmapatrika men upalabdh grahon, nakshatron evan gochar grah v dashantar ka gahan adhyayan kar nishkarsh tak pahuncha ja sakta hai. jyotish siddhant ke kuch niyam jinse ichchit santan prapti men madad mil sakti hai. sansar ke pratyek pati-patni ki yahi bhavna hoti hai ki meri santan aise samay par janm leve jo sanskarit ho, uchch shikshit ho, nirogi kaya ho, vaibhvshali bane, parivar, samaj v ghar ka kuldipak bane, rajnaitik v samajik kshetra men apni aham bhumika rahe, jaise gunon se paripurn ho. sath hi ichchit santan ke bare men pati-patni ke alava bhartiyon men pratham larka hone ki bhi ichcha rahti hai taki unka vansh age barh sake. inhin sabhi prashnon ko dhyan men rakhte hue jyotish siddhant men batae gae niyamon ka palan karne par kuch had tak apni ichchit kamnaon ke anusar aisi santan ko janm dene men saflta prapt ki ja sakti hai. vaise to yahi pradhanta rahi hai ki vidhata ne apne hathon men janma-maran, paran (vivah), labh, hani ko rakha hai fir bhi jyotish siddhant se janmapatrika men upalabdh grahon, nakshatron evan gochar grah v dashantar ka gahan adhyayan kar nishkarsh tak pahuncha ja sakta hai. aie jante hain jyotish siddhant ke kuch niyam jinse ichchit santan prapti men madad mil sakti hai. û sarvapratham pati-patni ke janmakalin grahon men chandra v surya bal ko dekhen ki jis samay ve rati kriya men pravesh karenge us samay gochar men donon grahon ki kya sthiti hai. kyonki chandrama se man v surya se atma ki sthiti jani jayegi ki us vakt yadi chandrama ya surya nirbal honge to donon atmaon ka milan vastavikta se dur rahega. yadi donon grah balvan honge to purnata ki or agrasar hokar anand ki prapti hogi. û solah sanskar men se garbhadhan sanskar ke anusar rikta, shashthi, ashtami, dvadshi, amavasya, purnima, gandmul nakshatron ko chorakar ritukal ki char ratriyon ko tyagakar visham v sam dinon ke sath hi shukla paksh ko dhyan men rakhakar ratikriya karne par bhi ichchit santan ke sath hi putra ya putri prapt ki ja sakti hai. û ichchit santan prapti ke lie garbhadharan ke samay se lekar santan janm lene tak nau mah gyarah dinon men gochar grahon v dashantar ki sthiti ko dekhte hue grahon ki shanti v labh lene hetu sanbandhit rang v ratn dharan karvana bhi ek jyotishi ke lie avashyak hota hai. û garbhadharan karte samay mangl-shani v shukra grahon ki sthiti bhi kundli men dekhna avashyak hai kyonki mangal v shukra se virya evan shani se sparshata ati hai jiske karan garbhadharan karne men sugmta hoti hai. û garbhadhan kal se lekar bachche ke janm ke samay tak ke bare men kahavat hai jaisa khaoge ann vaisa hoga man aur jaisa piyoge pani vaisi hogi vani, jaisa dekhoge vaisi hogi santan arthat yadi achcha bhojan hoga to vichar achche honge achcha sochenge v bolenge tatha achcha vyavhar rahega jisse ane vali santan men bhi vaise hi gun dikhenge. û janmakal ke samay lagn, pancham, saptam, navam, dasham bhav ke svami ki sthiti evan unki drishtiyan, nakshatra ke svami v unki lagn v navansh, dashmansh kundliyon men shubh sthitiyan ichchit santan prapti men sahyogi ban sakte hain anyatha papi grahon ki yuti v drishtiyan ichchit santan prapti men badhak ban sakti hai inka bhi vishesh dhyan rakhna avashyak hai. û santan janm lete samay guru ki lagn men upasthiti ho taki pancham, saptam v navam bhav par shubh drishti hone par grah ke naisargik gun ka labh lekar santan shikshit, dharmik, sanskarit banne men madad ho. û santan ka janm aise samay ho jab gandmul nakshatra gochar men nahin rahe jisse santan ko apni saflta men kam kathinai ae. û santan ka janm aise samay par ho jab patrika men manglik n ho kyonki aisi dharna hai ki manglik jatkon ke karyon men bhi arachan jyada ati hai kintu anek patrikaon men aisa dekha gaya hai ki manglik jatak apne kshetra men saflta jarur pata hai. û santan ka janm aise samay ho jab lagn ka svami apne se shashtam, ashtam, dvadash men nahin rahe sath hi lagn kundli men grah uchch ka ho aur navansh men nich ka ho to bhi santan ko apne kshetra men unnati kam milti hai. gyanvan hetu guru, dhanvan hetu shukra v mangal tatha videsh yatra ke lie shani grahon ki drishtiyan, bhav men upasthiti bhi ichchit santan prapti men sahayak v avrodh ban sakti hai. û sadharan prasav ki tulna men shalya kriya dvara santan hone par ek nishchit lagn v grahon ki sthiti ko dhyan men rakhakar apne samyanusar ichchit santan prapt ki ja sakti hai. û iske sath hi santan ko daektar banane ke lie shani, budh, mangal grahon injiniyar banane ke lie mangal, budh, guru, shukra tatha shani ki bhav sthiti v drishti tatha profesar ke lie guru, budh ki pradhanta, sarkari naukri ke lie surya, budh v mangal ki sthiti, rajneta banne ke lie rahu, ketu, mangal, shani ke sath hi shukra bal ko dekhakar hi uchit samay par garbh dharan karvane evan sahi samay par santan janm lene par ichchit santan prapti ke yog jyotish siddhant ka purnataya palan karne par ban sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2012

Apne vichar vyakt karein

blog comments powered by Disqus
.