चक्र कितने प्रकार के होते हैं?

chakra kitne prakar ke hote hain?  

Ank ke aur Lekh | Sambandhit Lekh | Views : 1658 |  
vividh chakron ke adhar par bhavishya faladarshan ki paripati prachin samay se aj tak chali a rahi hai. janm samy prashn, samay gochar varsh fal, vividh prakar ke muhurt ityadi ke samay jyotish shastra sammat athva jyotish shastra varnit vividh prakar ke chakron ka upyog, faladesh ke lie karna, prachalan men hai. sudarshan chakra: sudarshan chakra paddhati men janmakalik lagn, chandra lagn evan surya lagn ka ek sath utpann arthat sanbhut, santulit prabhav ka akalan kiya jata hai. janm kalik lagn, chandra v surya in tinon ke balabal par dhyan die bina grahon ke shubhashubhatva ka vichar purn rup se nahin kiya ja sakta. surya atm karak, chandrama man ka adhipti aur janm lagn sharir rup hai. ye tinon jatak ke shubhashubhatva ke adharbhut hain. inke balhin hone se suyogon vali kundli bhi ashubh hi rahegi. is vidhi se faladesh ka jo nishkarsha niklega vah tinon lagnon ka mishrit nishchayatmak fal hoga. is paddhati men grahon ki vastavik samsamyik sthiti hi darshai jati hai. jis bhav ka faladesh karna ho use lagna manakar sammilit rup men vichar karna chahie. aise bhav men jo grah sthit hote hain unke adhar par faladesh kiya jata hai. grah vihin bhav ka shubhashubhatva drishtikarak grahon ke adhar par karte hain. drishti karak ekaki grah sva-balanusar falapradata mana gaya hai jabki bhav par vibhinn grahon ki drishti rahne par sarvaprabal grah tadnusar falapradata rahega. sudarshan paddhati men vichar karte samay jitne jyada shubh grahon ki abhisht bhav par drishti hogi, uska fal utna hi jyada shubh aur jitne jyada papagrahon ki drishti hogi utna hi jyada anishtakar hoga. kisi bhi grah ki drishti n hone par bhavesh ke anusar faladesh karna chahie. sudarshan chakra se falakathan ke samanya siddhant: - shubh grah jis bhav men virajman hote hain us sthan ki sadaiv vriddhi karte hain. - is paddhati men chakra ke jis bhav se kendra, trikon, shashtham, ashtam ya dvadash bhav men shubh grah virajman hon us bhav ki vriddhi karte hain. - kisi bhav se kendra, trikon, (panchm-navm) athva athven sthan men papagrah sthit hone par us bhav ko bigar dete hain, us bhav ki shubhta ko nasht kar dete hain. is sanbandh men yah hal rahu ka bhi hai. - isi prakar jis bhav men rahu virajman hoga us bhav ki vriddhi avruddh kar use nasht kar dega. - anya papagrah bhi jis bhav men virajman hote hain ve bhi us bhav ya sthan ki hani karte hain. - apni svochcha-rashi, svarashi athva mul-trikon rashi men baithe hue ashubh grah ashubh fal nahin dete. - sva-rashi, svochcha-rashi ya apni mul-trikon rashi men baithe hue kisi bhi shubhashubh grah ka sathi banakar baitha rahu bhav-nashi nahin hota. is paddhati men surya-kundli ke lagn bhav sthit surya ko papi nahin kahte. faladesh karte samay sapt varga/ashtak varg ka dhyan rakhte hue bhi vichar karna chahie. saptavarganusar shubh evan ashubh vargon ka nishchay kar drishti, yog, svamitva adi dekhkr kisi bhi abhisht bhav ka fal kathan karna chahie. shubh vargadhikya hone se ashubh grah bhi shubh ho jate hain aur ashubh vargadhikya hone se shubh grah bhi anisht falkari ho jate hain. di. 1.7.2006 ko tula lagn men janm lene vale jatk ki sudarshan chakra kundli ki namuna kriti kramank - 3. jyotish shastranusar shubh vargon men shubh grah hone par ati shubh evan pap vargon men pap grah hone par ati papi ho jate hain. jyotish ke katipay manishiyon ne sudarshan chakra ke pratyek bhav ko das-das varsh mante hue vinshottari paddhati se sudarshan chakra ayurday ki rachna kar dashafal adi ka nishchay karte hue fal kathan karne ka sanket diya hai. sudarshan chakra se varshik dasha/varshafal ka vichar kar sakte hain. - sudarshan chakra se kisi bhi jatak ki barhmasi dasha yani salana dasha gyat karne ke lie lagn chakra se vichar kiya jata hai. pratyek bhav ki dasha ek sal mani jati hai. is varshik dasha men pratyek bhav ki antardasha ek-ek mahine ki hoti hai. jis bhav se sanbandhit dasha gyat karni ho, us bhav men sthit grahon ke bhavpti hi, drishti rakhne vale grahon, vargon adi ka vichar karke falakathan karna chahie. - sudarshan chakra se fal dekhte samay surya se atma, chandrama se man evan lagn se sharir ka vichar karte hain. jivan ke kisi bhi varsh ka fal gyat karna ho to lagn ko prathm varsh, dusre bhav ko dvitiya varsh, dasham bhav ko dasvan varsh, aur dvadash bhav ko barhvan varsh samjhna chahie. pahli avritti men barah varsh, dusri men chaibis varsh tisri men chattis varsh, chaithi men artalis varsh, pancham men sath varsha ityadi isi kramanusar ganna karte hain. har bar sammilit rup se tinon lagnon ka, bhavon ka vichar karte hain. jis ayu varsh ka faladesh janna ho usi varsh sankhya tak sudarshan chakra kundli se gin len aur prapt bhav ko lagna manakar usi se kendra, trikon, ashtamadi bhavon ka vichar purva niyamanusar kar shubhashubhatva ka fal samjhna chahie. jaise- 45 van varsh 9ven bhav ko prapt hoga (36$9), atah navam bhav ko lagn manakar vichar karna parega. sudarshan chakra mahamantra: papagrahon ke kufal prabhav janit ghor piraon aur akasmat badhaon ke utpann ho jane par unke nirakaran ke uddeshya se jagat ke palnhar bhagvan vishnu ki sharan lekar unka dhyan karte vishnu bhagvan ke saptakshar mantra jo mahan shaktishli hai evan sudarshan chakra mahamantra ke nam se jana jata hai, jap karna chahie. shri vishnu bhagvan ka yah sudarshan mantra sharnagat jatak ki grah-janit piraon/badhaon ko ghas-fus ki tarah kat dalta hai. mantra: ‘‘sahasrar hun fat’’ bhagvan vishnu ki pratima ya chitra ke samaksh purvabhimukh hokar tulsi ki mala se kam se kam ek mala jap nitya pratah karna chahie. sadhna ya jap kal men ghrit-dip prajvalit rahna chahie. naivedya men tulsi avashya ho. nar ya purushakar chakra - gramya nar chakra: yadi kisi vyakti ki abhilasha kisi gram, pur, basti ya shahar men nivas karne ki ho to vah sthala uske lie shubh rahega ya nahin yah janne ke lie vigyajana gramya nar chakra ke madhyam se vichar karte hain. iski vidhi yah hai ki sarvapratham ek purushakriti taiyar kiya jata hai fir horachakradi ki sahayta se nagar ya gram ka nakshatra dekhakar us nakshatra se aranbh karte hue purushakriti ke sir par sat nakshatra, uski pith par sat nakshatra uske hriday sthala par sat aur uske pairon ke samip shesh sat nakshatra likh jate hain. abhijit sahit sabhi nakshatron ko likhne ka kram sadaiv yahi rahta hai. iske uprant apne vaiyaktik nam ke nakshatranusar ichchit sthan men basne ka fal jana jata hai. yadi apna nakshatra nar chakra ya gramya purush ke sir par ho to aise sthan men avashya vas karen kyonki vahan man-samman to milega hi, vanshvriddhi bhi hogi aur dhan sanpatti bhi prapta hogi. yadi apne nam ka nakshatra gram purush ki pith par ho to aise sthan par bhulakar bhi n rahen anyatha hani uthani paregi. yadi svanam nakshatra narakar chakra ke hridayasthal par a jae to vanchit sthan milega aur sukhsanpda ki prapti hogi. yadi nam ka nakshatra nar-chakra ke pairon ke samip likhe gae nakshatron men sammilit hua to yayavar jivan bitana hoga. ‘‘mastake ch dhani manyah prishthe hanishch nirdhanam. hridayasthale sukh sampattiah ch pade paryatanam bhavet..’’ matra udaharan ke lie dilli nagri men kisi vyapar adi ke uddeshya se char mitra virman, hiraman, rupchand aur khubsing basna chahte hain. ab yadi unhen gramya nar chakra ke purveabhadrapad nakshatra se aranbh kar abhijit sahit sat-sat nakshatra chakra ke kramshah sir, pith, hriday v pairon par sthapit karen to paenge ki virman namak vyakti ka rohini nakshatra shirobhag men parne se is jagah men rahne se vah dhani banega, hiraman ka nakshatra pushya pith vale nakshatron men ane se use shri sanpatti ki prapti hogi evan shravan nakshatra vale khubsing ko us ka nakshatra gramya nar chakra ke pairon par hone se vyarth bhramn ka hi fal prapt hoga. is chakra se visheshakar chote sthanon gram, kasve adi ka fal nikalna chahie. - shani gatyatmak nar chakra: shani grah ke shubhashubhatva sanbandhi prashn ki jankari hasil karne ke lie shani gatyatmak narakriti chakra banaya jata hai. manav sharir ke ankon men shani ki gati ka pravah hota rahta hai. rashi pravesh ke samay shani ki gati mukh par rahti hai. jis nakshatra par aise shani rahte hain us nakshatra ko purushakar chakra ke mukh par darshate hain. mukh par ek nakshatra rahne se ank 1 likh dete hain. manav sharir ke jis ang par jitne nakshatron men shani ka silsila hoga utni sankhya sanbandhit ang men likh dete hain. munh se guha sthan, guha sthan se netra, netron se mastishk, mastishk se bamahast, punah hriday, hriday se pairon par aur pairon se dahine hath par shani ate hain. shani devta ka is prakar unke rashi parivartan ke samay se ve jis nakshatra men virajman rahte hain usse bhinn nakshatron, manav ke angon, rashiyon men bhramn evan utar-charhav hota rahta hai jiske anusar unka achcha ya bura prabhav logon par parne se ve sukh dukh ke bhagi hote hain. mukhachcharati guho ch guhadayti lochanam, lochnanmastakam ayti mastakat vamahastam. vamahastadhridayam hridyachcharanam dvayam, charnabhyam dakshinahastan ch shani chakram vicharyet.. nar chakra se shani ka fal: is shani gatyatmak nar chakra men apne janm nakshatra ke adhar par shubhashubh fal is prakar samjhna chahie. - pairon par apna janm nakshatra vyarth ka bhatkav karata hai. - guptasthal men janm nakshatra hone se mrityu ke saman bhishan kashta hota hai. - munh men jatak ya prichchak ka janm nakshatra ho to haniyan hongi. - baen hath men yadi janm nakshatra hoga to rogon se jujhna parega. - nar chakra ke dahine hath men apna janm nakshatra labh deta hai. - hriday men apna janm nakshatra hona vibhinn sroton se ay bardhak hai. - netron ka janm nakshatra sukh sanpannata ki vriddhi karta hai. - mastishk men janm nakshatra ki sthiti rajkiya seva/shayta deti hai. trinari-saptanari chakra: is chakra ke madhyam se varsha ka vichar karne ke lie abhijit sahit 28 nakshatron ko pratyek nari men 4 nakshatra ke mapdand se 7 shreniyon men nimn prakar se banta gaya hai. 1. nirjal nari chanda nari: krittika, anuradha, vishakha v bharni nakshatra, nari svami shani. samira nari: rohini, jyeshtha, svati v ashvini nakshatra, nari svami guru. dahna nari: mrigshira, mul, chitra v revti nakshatra, nari svami bhaum. 2. samanya nari saumya nari: adrra, purvasharha, hast v uttarabhadrapd nakshatra, nari svami surya. 3. sajal nari nira nari: punarvasu, uttarasharha, uttarafalguni, purvabhadrapad, nari svami shukra. jala nari: pushya, abhijit purvafalguni va shatbhisha nakshatra, nari svami budh. amrita nari: ashlesha, shravan, magha aur dhanishtha nakshatra, nari svami chandra. shubhashubh fal kathan hetu panchang se grah kis nakshatra men hai ise gyat kar nari chakra banakar sanbandhit nakshatra men grah ka nam not kar den fir varsha ke sanbandh men puche gae prashn ka uttara nimn baton ko dhyan men rakhte hue sunishchit karen. - vibhinn nariyon men jab suryadi grah sthit hon to jis nari men jitne adhik grah hon ya jitne adhik bali grah hon us nari ka fal vishesh rup men hoga. - grahon ki sankhya evan bal saman hone par jis nari men chandra yuti hogi usmen sthit grahanusar varsha ka fal prapta hoga. - vrishti karak grahon men balvan grah se sanbandhit disha, pradesh tatha desh men vishesh varsha hone ka anuman lagaya jata hai. - papagrahon ki yuti se sajal nariyan (nira, jala, amrita) jalhin ho jati hai. - nirjal nariyan yani chanda, samira aur dahna shubh grahon ke sanyog se jaliya ho jati hai. - nirjal nariyan papagrahon ki yuti se sukhakarak banti hai jabki shubh grahon ki yuti se sajal nariyan vishisht varsha karak ho jati hain. - sva-nari vala grah nari ke svabhav ke anurup vrishti/avrishti karak hota hai. - mangal grah ka vrishti prabhav vaisheshik hota hai. mangal amrita nari nakshatron men ati vrishti, dahna nari nakshatron men anadrishti (garmi) aur shesh nakshatron men nari ke svabhav ke anurup fal pradan karne men samarth hota hai. - vrishti vichar men yadi chanda nari nakshatron men do ya adhik grah hon to vikat vayu, samira nari nakshatron men hane to sadharn hava ka bahav, dahna men hon to bhishan garmi, saumya nari nakshatron men sadharan garmi v samanya vrishti bhi hogi aisa purvanuman lagana chahie. isi prakar do/adhik grahon ka yog nira nari men meghachchadan, jala men vrishti evan amrita men ati vrishti ka sanket deta hai. - chandrama ki yuti anek sanyukt grahon ke sath nira, jala, amrita nariyon men hone par bahut adhik varshakarak hoti hai. is tarah se saptanari chakra ke adhar par evan jaliya rashi kark, vrishchik, makar aur min ki prashn lagn sthiti evan chandra shukra ki sthiti se varshanuman karte hain. rog trinari chakra: yatra ke samay prasthan ke purva, rogi ke ganbhir sthiti men rugn hone par athva dvandva hone ke samy is chakra ko dekhen. yadi apna janm nakshatra, surya nakshatra aur din nakshatra ye tinon ek hi nari men milen to bahut ashubh hona janna chahie. 1. adyanari - adrra., pu.fa., u.fa., anu., jye., dhani., shat, bhar., kritti. 2. madhyanari - pun., magha, hast., vi., mu., shrav., pu.bha., ashvi, rohi, 3. antya nari-pushya, ashle., chi., sva., pu.a. u.a. u.bha, revti mrig, vrish chakra (vastu): grih nirman ke suavasar par grih-svami ke lie grih-vas ka shubhashubhatva gyat karne ke lie sanr ke akar ka chakra. jise vrish chakra (vastu) ke nam se jana jata hai, banate hain. iski vidhi yah hai ki prashn vichar ke samay panchang se surya nakshatra dekhakar surya ke nakshatra se 3 nakshatra vrishakriti ke sir par sthapit karte hain. yadi aise tin nakshatron men ghar banana shuru kiya jae to agni durghatana ki ashanka rahegi. uske bad ke 4 nakshatra bail ke age ke pairon men sthapit karte hain. yadi inmen grih-nirman aranbh kiya gaya to ghar sada suna-suna sa lagega. uske bad kramshah 4 nakshatra vrishakriti ke pichle pairon men sthapit karte hain, jinmen nirman karne se ghar men sthayitva rahta hai. punah agrim 3 nakshatra vrishakriti ki pith par likhte hain, jinmen bhavn-nirman karne se lakshmi ki prapti hoti hai. iske uprant bail ke pet ki dahini or likhe jane vale 4 nakshatron men grih aranbh karna labhaprad hota hai. tadnantar vrishakriti ki punch men age ke kramshah 3 nakshatra sthapit karte hain. yadi punch vale nakshatron men nirman karya aranbh kiya jae to avashyamev grih svami vinash ko prapt hoga. punah 4 nakshatra vrishakriti ke pet ki bayin or sthapit kie jate hain, jinmen grih nirman karyaranbh karna nirdhanata ko nimantran dene ke saman hota hai. shesh antim 3 nakshatron ka vas sthan vrish-mukh par rahta hai. jinmen grih nirman karya shuru karna utpirak, bhayotpadk evan rogotpadak hota hai. is chakra men abhijit sahit 28 nakshatron ki ganna ki jati hai. ise shiv-vahn-vastu-chakra bhi kah sakte hain. navtara chakra: navtara nirupan kram- janm tara janma nakshatra hota hai arthat janmakalik chandra jis nakshatra men hota hai. 1. janm 2. sanpat 3. vipat 4. kshem 5. pratyari 6. sadhk 7. vadh 8. mitra 9. atimitra isi prakar punah dasham tara janma tara hogi. ekadash tara ka nam sanpat tara ityadi. udahrn-dae. rajendra prasad ka janm nakshatra mrigshira hai. arthat nakshatra san. 5. ise is prakar sthit kiya jaega. navtara chakra: is prakar tin-tin nakshatra ek-ek ghar men avasthit kie jate hain. navtara chakra fal: sanpat, kshem, sadhak, mitra evan atimitra tara samuh ya nakshatra samuh, jatk-jatka ke janmakalin shubh fal pradan karte hain. vipat, pratyari, vadh tara ko ashubh tara kaha jata hai. atah in tin taron ke adhipti grah ka fal dasha-antardasha ke samay ati kashtadayak, marak bhi ho sakta hai. shannari chakra: janm nakshatra janm nari ko kaha jata hai. ganna men ise 1 manakar dasham nakshatra ko karm nari, shodsh nakshatra ko sanghatik nari, ashthadash nakshatra ko samuday nari, trayovinda nakshatra ko vinash nari, panchvinsh nakshatra ko mansh nari kaha jata hai. udahrn: dae. rajendra prasad ka janm nakshatra mrigshira arthat nakshatra san. 5. hai. ise prakar ankit kiya jaega. shannari chakra men gochar vichar kar asthayi fal dekha jata hai. shubh grah shannari chakra men sthit kisi nakshatra men hone par shubh fal deta hai, pap grah hone par ashubh fal milega. vichar kalin jis grah ki dasha-antardasha chal rahi ho usi ke anusar tatkal fal ka nirnay kiya jata hai. 1. janm nari men pap grah sthit hone par jatk-jatka ke parakram, svasthya tatha arth ki hani hoti hai. 2. karm nari men pap grah hone par jatk-jatka ke karma men badha aur hani tatha karm sthan men ashanti hoti hai. 3. manash nari men pap grah hone par jatak us samy mansik pira bhog karta hai. 4. sanghatik nari men pap grah hone par sharir, arth aur svajan bandhuon ki kshati ya hani hoti hai. 5. samuday nari men papagrah hone par jatak ya jatka santap grast hote han ai, unke arth, naukar tatha mitra ki hani hoti hai. 6. vinash nari men papagrah hone par sharir, arth tatha sanpatti ka nash hota hai. tripap chakra: yah chakra ketu pataki, ketu kundli evan guru kundli ke grahon ko ekatra kar sthapit kiya jata hai. tripap chakra men tin grah ek hi prakar se rahte hain, arthat janm ke pratham varsh yadi tripap chakra men budh, mangal aur shani rahane to 37 varsh men vahi kram samjhna hoga. ketu pataki chakra uparyukt chakra men jatak ka janm nakshatra jis ghar men hoga, tripap chakra men pratham varsh ka adhipti usi ghar ka grah hoga, paravarti grah paryay kram se paravarti varsh samuh ka adhipti hoga. udahrn-yadi kisi jatak ya jatka ka janm nakshatra hast hai to hast nakshatra san.-13 hast nakshatra men vyakti ke prathm varsh ka adhipti chandra hoga, paryay kram se dvitiya mangal, tritiya budh, chaturth shani, pancham guru, saptam, ashtam ketu, navam shukra, dasham ravi, ekadash chandra ityadi varshadhipti honge. ketu kundli chakra ketu kundli chakra men ravi, budh, mangal, guru, chandra, shukra, rahu evan shani grahon ko paryay kram se avasthit kiya jata hai. lekin ravi tatha budh grahon ke bich ketu, mangal tatha guru ke madhya ketu, chandra tatha shukra ke madhya ketu, rahu evan shani ke madhya ketu ko avasthit kiya jaega. nimnalikhit ketu kundli chakra men jatak ka janm nakshatra dekhane. janm nakshatra yadi pap grah ke ghar men hai to ashubh tatha shubh grah ke nakshatra men hai to shubh fal mane jate hain. pratham varshadhipti vah grah hoga jiske ghar men janm nakshatra sthit hai. udahrn: yadi kisi jatak ya jatka ka janm nakshatra hast 3 hai to 13 sankhyak nakshatra chandra ke ghar men hai, ukt jatk ya jatka ki pratham ki pratham varshadhipti chandra paryay ketu, shukra, rahu, ketu, shani, ravi, ketu, budh, mangal ketu guru chandra ityadi honge. guru kundli chakra janm nakshatra jis grah ke ghar men hoga, vah grah guru kundli chakranusar pratham varshadhipti hoga, paryay kram se parvtin grah samuh paravarti varshon samuh ke adhipti honge. purvokt prakar se janm nakshatra shubh ghar men hone par shubh fal tatha ashubh ghar men hone par ashubh fal prapt hoga. hast 3 nakshatra ke vyakti ka pratham varshadhipti guru, dvitiya shukra, tritiya shani, chaturth rahu, pancham ravi, shashth mangal, ityadi paryay kram se hoga. trapap chakra men varshadhipti vibhinn grah ke avasthan par falafal ka vistrit vivaran jyotish granthon men diya gaya hai. kuch anya chakra jat chakra pratyek mahine bangla panchang ke pratham prishth par diya jata hai. fanishvar chakra yah hamare dharm sahityon men brahmand ki adharshila (kil) ka bhi matatanr batata hai. avkhra chakra yah jyotishiya vishay men panchang men diya jata hai, jismen pratham nakshatra aur uske charan aksharon dvara darshae gae hanai. fir varn, vashya, gan, nari ka bhi vivechashan diya gaya hai, iske atirikt yukta (yunja) v hansak ka sthan bhi mahatvapurn hai. janmang chakra is chakra ki upyogita lagabhag har koi janta hai. aur ise lagn ka madhyam man kar grah ankit karke fir jivn ke har kshetra ki jankari li ja sakti hai. indu-chakra jis rashi par chandra ho, use pratham sthan ginakar fir jivn ghatna chakra ki jankari ki upyogita ka chakra hai. nali chakra yah hamare sharir ki nason ka mul sthan hai, jo vedon tatha vaidik shastron men pratham pure sharir ki nasane ke udvagmyan se hota hai. age chalakar viksit hota hai. shishumar chakra yah khagol men aya hua hai aur ismen tara mandal ki anek niharikaen ai hui hanai jinka varnan dharm sahityon va jyotish shastra men anek sthanon par ata hai. gomti chakra yah chakra prakritik rup se patthar par surya ke ankar ki tarah ki ek akriti hoti hai. yah patthar ki akriti jyadatar sajal nadiyon v nalon men pai jati hai. yah ek maha pujniya pratik hai. sahityon men kai prakar ki vyakhyaen ati hain, yah hamare lie sukshm shaktiyon ki vibhuti hai. sarvatobhadra chakra yah jyotish ka mukhya bindu hai. ismen 36 koshthak hote hain. ismen dishaon rashiyon aur nakshatron ko ankit kiya jata hai. grah-nakshatron ki amne-samne drishti, vam bhag aur dahini drishti ka sanbodhan diya gaya hai. aur iska praman mediniya shastra men, varsh prabodh, jyotishsar, meghmala grathon men paya jata hai. vrishabhachakra (kachchap chakra) yah nirman yani grih nirman, shilanyas, kup khanan, vay, talab khanan adi karyon men iska sthan atyant upyogita ati mahatvapurn mani gai hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  July 2006

parivarik kalah : karan evan nivaran arakshan par prabhavi hai shani sone-chandi men teji la rahe hai guru aur shukra kalah kyon hoti hai

Subscribe

Apne vichar vyakt karein

blog comments powered by Disqus
.