गुरुदेव श्री श्री रविशंकर

gurudev shri shri ravishankr  

Ank ke aur Lekh | Sambandhit Lekh | Views : 2333 |  
gurudev shri shri ravishankar pan. nandkishor nanuram sharma bha ratiya yog darshan aur adhyatmik kshetra men aj shri ramdev ji maharaj, shri sudhanshu maharaj, shri yut shri sani baba evan murari bapu ka nam sarvavidit hai. in santon ke anuyayiyon ka jal bharat hi nahin videsh men bhi faila hai. jine ki kala sikhane vale shri shri ravishankar ka dhyan yog evan sudarshan kriya ne sadharan jan se lekar uchch shikshit, prashaskiya aur abhijatya varg ko prabhavit kiya hai. manav jivan ko tanav mukt karna unke darshan ki atma hai. adhyatmik evan yogi mahasant hone ke liye grahon ki kripa bhi avashyak hai vahin, bhagya ka shaktishali hona bhi jaruri hai. yog ke kshetra ko hi len, is kshetra men bhi bi. ke. esay ngar ka yogdan vishvavyapi hai, lekin bhagya ne svami ramdev ki andhi chala di hai. sab grahon ka khel hai. dekhen shri shri ravishankar ji ke sitare kya sanket dete hain. 13 mai 1956 ko mesh lagn ke dhanu navansh men janm lene vale tamilnadu ke shri shri ravishankar ji ki kundli men tin kendra sthan uchch rashi men sthit grahon tatha do panchmhapurush yog se susajjit hai. dasham bhav men lagn ka svami mangal uchch rashi men sthit hai tatha panchmhapurush ke ruchak yog ke sath kul dipak yog ka karak hai. lagn par mangal ka manglkari prabhav hai. yah unke akarshak aur chamatkari chehre ka pramukh karan hai. adhyatm jyotish men lagn yam sthan kahlata hai. chaturth bhav ko pranayam sthan bhi kahte hain. is bhav men bhagya, dharm evan moksh sthan ka svami guru apni uchch rashi men sthit hai. yahan panchmhapurush ka hans yog bhi nirmit ho raha hain lagn svami mangal par bhi brihaspati ka prabhav hai. sudarshan kriya, dhyan tatha adhyatmik kshetra men yash isi yog ke karan hai. lagn men uchch rashi ka ravi sthit hai. ek uttam netritvakarta ya margadarshak ke liye ravi ki bhumika atyant mahatvapurn heati hai. shri shri ravishankar ji ki kundli men ravi pancham bhav ka svami hai. yah pratyahar tatha buddhi ka sthan hai. yog-sadhna, buddhi, gyan aur margadarshak hone men uchch ke ravi ki bhumika atyant mahatvapurn hai. ravi-guru evan mangal ki kendrabhavon men sthiti tatha ruchak aur hansyog unki khyati aur adhyatmik shakti ka karan hai. is kundli men ek shaktishali trikon bhi ban raha hai. lagn pancham evan navam bhav trikon bhav hai. in tinon bhavon ke svami apni uchch rashi tatha kendra sthan men sthit hai. yah kundli ka sarvadhik vilakshan bhag hai. ashtang yog men athvan bhag samadhi hai tatha adhyatm jyotish men ashtam bhav samadhi ka hai. samadhi bhav men vairagya ka karak shani tatha moksh evan vairagya men sahyogi rahu sthit hai. rahu evan shani ki ashtm bhav men sthiti unhen uchch shreni ka sant aur sadhak banata hai. aisa jatak man se logon ke kalyan ke bare men sochta hai tatha janmanas ka sachcha hitaishi aur shubhchintak hota hai. shani aur rahu sadharan janta ke karak bhi hain. parakram arthat tritiya bhav men shukra-chandra ki sthiti bhi unhen yash aur khyati deti hai. yah bhav sanchar tatha midiya ka bhav bhi hai. yah yog unhen midiya ke madhyam se sarvasadharan tak pahanchane ka yog bhi banata hain yah parashriya rajyog bhi hain dharmabhav par iska prabhav bhi hai jo unhen adhyatmik kshetra men charchit banata hai. chandrama man ka tatha shukra sangit ka karak hai. bhajan aur sangitamay dhyan isi shukra aur chandrama ke prabhav ke karan hai. budh vani ka karak hai. budh dvitiya bhav men ketu ke sath sthit hai. sudarshan kriya, dhyan, jine ki kala tatha uchch shreni ke vicharon ke bad bhi shri shri ravishankar ki avaj itni prabhavi nahin hai jitna unka vyaktitva hai. iska rahasya budh ketu ki yuti men chipa hai. navansh kundli men budh-ketu aur rahu vargottam hai tatha guru min rashi men hansyog nirmit kar unhen uchch shreni ka sadhak bana rahi hai. moksh aur uchch shreni ki sadhna ke karak rahu-shani anuradha nakshatra men sthit hai jo svayan shani ka nakshatra hai. guru ki kripa drishti aur mahadsha ka prabhav agast 1976 se 1992 tak raha. unke anuyayiyon ki sankhya nirantar barhti rahi. 1986 men isi mahadsha men bharat ke rashtrapti ne unhen yog shiromni upadhi se sammanit kiya tatha iske purva 1982 men ‘‘art aef living’’ mahaabhiyan aranbh hua. abhi 2011 tak ve shani ki mahadsha ke sarvottam prabhav men hain. is avdhi men rashtriya evan antarrashtriya star par unke gyan aur mahaabhiyan ka divya prakash manvta ka margadarshan karta rahega. shri ravishankar ji ke shvet vastron par shukra evan chandrama ka tatha divya muskarahat par ravi-guru tatha mangal ki kripa ka divya prabhav hai. prasannata aur chintamukt jivan ke liye art aef living mahaabhiyan shani-rahu se prabhavit hai.
Kya aapko lekh pasand aaya? Subscribe

Kya aapko lekh pasand aaya? Subscribe


vidyadayini sarasvati visheshank  February 2008

vidya prapti hetu man sarasvati ki upasna vidhi evan mahima, kundli men vidya prapti ke yog, vidya prapti ke anubhut upay, vidya prapti hetu tantra-mantra evan yantra ka upyog, vidya prapti hetu vastu evan vastu evan feng shui vastuon ka prayog kis prakar labh deta hai. is ank se jana ja sakta hai.

Subscribe

Apne vichar vyakt karein

blog comments powered by Disqus
.