कालसर्प दोष से मुक्ति के लिए लाल किताब के अचूक उपाय

kalasarp dosh se mukti ke lie lal kitab ke achuk upay  

Ank ke aur Lekh | Sambandhit Lekh | Views : 4410 |  
kalasarp dosh se mukti ke lie lal kitab ke achuk upay chanda jain kalasarp ka sanbandh pitri dosh se hai. is yog se prabhavit vyakti ka jivan tanavpurn aur sangharshamay rahta hai. uske karyon men badhaen ati rahti hain. uske vivah aur vivahit hone ki sthiti men santanotpatti men vilanb hota hai. iske atirikt shiksha men badha, dampatya jivan kalah, mansik ashanti, rog, dhanabhav, pragti men rukavat adi ki sanbhavna rahti hai. kundli ke jis bhav se kalasarp ki srishti hoti hai, us bhav se sanbandhit kashton ki prabal sanbhavna rahti hai. jyotish ki anya vidhaon ki bhanti lal kitab men bhi kalasarp dosh ke shaman ke kuch upay batae gae hain jinka bhavanusar sankshipt vivaran yahan prastut hai. pratham bhav men rahu aur saptam bhav men ketu ho to- apne vajan ke barabar jau ya gehun athva koi anya khadyanna bahte jal men pravahit karen. kisi bhi prakar ka rajkiya kop hone par apne vajan ke barabar koyla bahte jal mane men pravahit karen. bimar hone ki sthiti men masur ki dal aur ek sikka 3 din tak pratidin bhangi ko den. dhan ki prapti ke lie billi ki jer kapre mane bandhakar ghar men rakhen. chandi ki chen dharan karen. bahte pani men nariyal pravahit karen. dvitiya men rahu aur ashtam men ketu ho to- chandi ki dibiya men sone ya chandi ki thos goli kesar ke sath sadaiv apne pas rakhen. hathi ke pairon ki mitti kuen men giraen. dharmik sthan men kesar aur chandan dan karen. sath hi pratyek dharm sthal men yathasamay yatha yogya seva archana karte rahen. kanon men sona pahnen. tritiya bhav men rahu aur navam bhav men ketu ho to- ghar men hathi ka dant aur sone ka tukra rakhen. buddhijivi varg ka sadaiv adar karen. kuÿaa palen. yadi vah mar jae ya bhag jae to dusra le aen. chaturth bhav men rahu aur dasham bhav men kitu ho to- ghar men chandi ki dibiya men shahad bharakar rakhna chahie. chandi dharan karen. koi naya karya ya ruka para karya sanpann karne se pahle 400 gram sabut dhaniya evan 400 gram badam bahte jal men pravahit karen. makan ki keval chat kabhi n badlen. badlna ho, to pura ghar punah banvaen. pancham men rahu aur ekadash men ketu ho to- chandi ka hathi banakar ghar men rakhen. sharab aur mans se dur rahen. rat ke samay patni ke sirahne men panch muliyan rakhen aur pratah uthakar unhen mandir men dan karen. kisi karya hetu ghar se niklne se purva sone ko garm kar dudh men bujhaen aur usmen kesar milakar pien. kesar ka tilak karen. shashth men rahu aur dvadash bhav men ketu ho to- man sarasvati ki murti ghar men rakhen aur us par nitya nile rang ke ful charhaen (kam se kam chah din niyamit). hamesha kuÿaa palen. yadi mar jae ya bhag jae, to dusra palen. bahte pani men mung pravahit karen. saptam men rahu aur lagn men ketu ho to- chandi ki int banvakar ghar men rakhen. shanivar ko 105 badam ya 7 nariyal bahte jal men pravahit karen. sanyam barten, vivahetar sanbandh se bachen. ashtam men rahu aur dvitiya men ketu ho to- chandi ka chaikor tukra hamesha apni jeb men rakhen. vyapar thap hone ki sthiti men 43 din tak khote sikke bahte pani men bahaen . pratidin ghar se niklte samay kesar ya haldi ka tilak karen. navam men rahu aur tritiya men ketu ho to- kuÿaa palen. ghar ka mukhiya n banen. sir par choti rakhen aur tilak lagaen. bahte pani men chaval evan gur pravahit kiya karen. bhaiyon se vivad n karen. dasham men rahu aur chaturth men ketu ho to- nile, kale rang ki topi ya pagri pahnen. masur ki dal ya gur bahte jal men pravahit karen. pratikul ghatnaon se bachne ke lie bahte pani men ninbu pravahit karen. dudh men garm sona bujhakar pine se labh hoga. kanon men sona dharan karen. ekadash men rahu aur pancham men ketu ho to- brahmanon ko sona v pile vastra dan karen aur svayan tilak karen. gur, chaval, dudh adi bahte pani men pravahit karen. chandi ke gilas men pani piya karen. guruvar ko pile kapre men chane ya chane ki dal bandhakar dan karen tatha us din lahsun aur pyaj ka sevan n karen. dvadash men rahu aur shashth men ketu ho to- yogasan karte rahen. rat ko sote samay lal kapre men saunf aur mishri bandhakar sirhane men rakhen. bhojan rasoi ghar men baithakar karen. sone ki anguthi dharan karen. dudh men kesar milakar ya sona bujhakar pien. dhyatavya hai ki kundli men jis bhav se purn ya anshik kalasarp yog ban raha ho usi ke anurup ukt upay karne chahie.
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp visheshank  April 2009

kalasarp yog visheshank men kalasarp yog ke sabhi pahluon par prakash dala gaya hai. is visheshank men kalasarp yog kya hai, karyasarp nivaran ke vibhinn upay, kalasarp yog se prabhavit vishisht kundliyon ka vishleshan tatha kalasarp yog kise sarvadhik prabhavit karta hai. adi vishyon ka vishleshan kiya gaya hai.

Subscribe

Apne vichar vyakt karein

blog comments powered by Disqus
.