भारतीय ज्योतिष पर इस्लामी विद्वानों का प्रभाव

bhartiya jyotish par islami vidvanon ka prabhav  

Ank ke aur Lekh | Sambandhit Lekh | Views : 488 |  
bhartiya jyotish ek mahasagar hai. iske itihas par yadi drishti dalen to ham paenge ki ismen anya dharmon ke vidvanon ne bhi apna bharpur yogdan dekr ise samriddh kiya hai. inmen islam dh arm ke vidvanon ka yogdan mukhya raha jinhen yavan vidvanon ki shreni men rakha gaya. purva madhyakal (san 501 i. se 1 hajar i. tak) men sabse pahle san 753 se 774 ke bich jab sindh par bagdad ke khalifa ka shasan tha tab usne ek dut ke sath bharat ke anek jyotishiyon aur vaidyon ko bagdad bheja. bad men khalifa harun rashid ne san 786 se 806 i. ke bich anek jyotish aur vaidyak granthon ka vidvanon ke sahyog se arbi men anuvad karaya. isse prerna pakar anya bhartiya jyeatish aur tantra ki pustaken bhi arbi, farsi aur urdu men likhi gain. inke pramukh yavan lekhak the- alfjari, yakvbin tarik aur abu al hasan adi. bhartiya jyotish ke falit paksh ko samriddh karne men kuch yavan acharyon ka nam varahmihir ne apni ‘vrihatsanhita’ aur ‘vrihajjatk’ men bare samman ke sath liya hai. in yavn vidvanon ko arbi evan farsi bhashaon ke sath sanskrit ka bhi achcha gyan tha. in yavan vidvanon ne ‘vrihadyavn jatk’ aur ‘laghu yavan jatk’ granthon ki rachna ki. inke jyotish gyan ke karan inhen rishi tulya samman mila. us samay ke bhartiya jyotishiyon men bhattotpal, kalyan varma, vaidyanath, brahmagupt, manujal, mahaviracharya, chandrasen, shripti, shridhr aur bhattavosri ne in yavan vidvanon ke prati kritagyata prakat ki. san 1016 men albruni aur ijva 1031 ke bich mohammad gajnvi ke sath bhart ae aur san 1031 tak yahan rahkr bhartiya jyotish ka gahan adhyayn kiya. albruni ne jyotish ke ganit paksh ke jyotish siddhant aur us samay ke pramukh bhartiya jyotishiyon ka vistar se ullekh kiya. yah uska yogdan tha. madhyakal men bhi anek muslim jyotirvid hue jinhonne arbi, farsi aur sanskrit bhashaon men jyotish granthon ki rachna ki. inmen kuch hastalikhit sahitya to aj bhi hain sangrahalyon men upalabdh hain. inmen mukhya hain abulahasan, shekh piru aur jamalshah ke jatak, tantrik aur prashn jyotish sanbandhi ganrath. arbi jyeatishiyon men saiyad olishahbukhari, moiddin magrvi ‘andesha’, abuvkar binbhshi ki likhi jyotish pustaken kramshah asir-ul-alam, munati-ul- mustafik, sir-e-marunan pramukh hain. muslim jyotishiyon ne bhartiya jyotish men kundli banane ki tajik paddhati men 16 yogon ka anveshan karke mahatvapurna yogdan diya. kuch yogon ke nam hain- ikbal, indbar, musrif, ityashal adi. bharat men sarvaprathm hillaj namak yavan jyotishi ne inhen prachlit kiya. badshah shahjhan ke samkalik jyotishi pandit balabhadra ne inhen ‘hillatantra’ men grahan kiya. bad men pandit nilkanth ne ‘tajikni kanthi’ men inka varnan vistar se kiya. yavan vidvanon men sabse pramukh nam abdul rahim khankhana ka hai. yah ek achche kavi bhi the. inhonne hindi aur brajbhashaon men apni rachnaen kin. inke do jyotishiya granth ‘khet kautukm’ aur kshatrishadyagavli’ falit jyotish men mahatvapurn sthan rakhte hain. khet kautukam men pratyek grah, uske sthan aur falon ka bahut hi satik aur sundar varnan kiya gaya hai. yah ganrath sanskrit aur farsi ka sangam hai. ek anya kavi jyotishi shekh navi ne bhi saral hindi aur urdu men dvadsh bhav fal par ek kavya likha. ismen unhonne saral v sidhe chand aur sidhi baten falit rup men bade sundar dhang se likhin jaise lagn men surya ka fal adi jise jatak granthon men bhi isi prakar likha gaya. sath hi shekh navi ne inmen apne anubhav bhi jor die. unke yah anubhav prachin granthon men bhi nahin milte. unka mukhya adhar ganrath sanskrit ka ‘chamatkar chintamni’ tha. is prakar ham dekhte hain ki bhartiya jyotish shastra ke vikas aur unnati men keval hindu jyotishyon evan rishi-muniyon ka hi yogdan nahin, varan muslim vidvanon ka bhi bharpur yogdan hai. isi prakar ‘svapn jyotish’ ko bhi muslim jyotishiyon ne ‘ravvabnama tamir’ nam se samriddh kiya.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.