कान : श्रवण शक्ति के स्त्रोत

kan : shravan shakti ke strot  

Ank ke aur Lekh | Sambandhit Lekh | Views : 9707 |  
kan shravan shakti ke strot acharya avinash sinh karn (kan) sharir ka vah prakritik yantra hai, jisse hamari sunne ki kriya sanpann hoti hai. kan un panch gyanendriyane men se ek hai, jo hamen sansar ke sath sanpark men rakhte hue vibhinn sansarik chijon ke bare men jankari deti hai. shravan shakti pradan karne vali karnendriya sucharu rup se kam karti ho, to uski or vyakti jyada dhyan nahin deta. lekin is indriya men koi kharabi a jane par uske bahut ganbhir parinam hote hain. ayurved men karn rogon ke lie mukhyatah manushya ko doshi thahraya hai. anuchit env ahitkarak dhvani ko sunne ki adat se manav ki karnendriya buri tarah prabhavit hoti hai. dhire-dhire uski shravan shakti kam hoti hui nasht ho jati hai. karn rogon men mukhyatah (1) karnasrav, (2) bahrapan (badhirta), (3) karnashul (kan ka darda) hain. karnasrav karnasrav ka arth hai kan ka bahna. vastav men yah kafi purana rog hai. ayurved granthon men is rog ke vishay men paryapt jankari di gayi hai. ayurved men karnasrav tin prakar ke hote hanai. pahal e pakra ar m ne vat vikar k e karan karnasrav men patla evan safed srav hota hai. dusre prakar ka karnasrav pitt vikar ke karan hota hai. ismen lal-pile rang ka drav sravit hota hai. tisre prakar ka karnasrav kaf vikar ke karan hota hai. ismen srav garha, safed tatha khujli yukt hota hai. karnasrav ke anya kai karan hote hai, jaise sir par chot lagna, kan men pani chala jana, kan men fore-funsiyan hona, kan ke parde men chidra ya sujan ho jana, kan men kainsar hona. khasra, kali khansi adi sankramak rogon se bhi yah rog hota hai. vaise to yah rog kisi bhi umra men ho sakta hai, magar balyavastha men yaha rog adhik dekhne ko milta hai. bahrapan bahrapan (badhirta) shravan shakti khona, arthat sunne ki shakti kam hona, ya puri tarah kho dena hai. yah dosh mukhyatah tin prakar ke hote hainah janmajat, bachapan men utpann hona evan burhape men utpann hona. janmajat karnon men bachchon ka samay purva paida hona, prasav ke samay chot ya koi anuvanshik karan hain. janmajat badhiron ko jivan men har star par kathinaiyon ka samna karna parta hai. aise marijon ka samanya gyan evan mansik star bhi samanya ki apeksha kam hote hain. bachapan men hone vali badhirta ke karnon men sankraman hain, jaise ah vayaral, sifilis, tapedik, dimag men tyumar adi. aise men rogi hin bhavna se grast ho jata hai, jisse uske mansik evan sharirik vikas ruk jate hain. burhape ki badhirta men umra barhne ke sath-sath vyakti ke shravan tantu sukh jate hain aur badhirta a jati hai. aise men marij ko apni bat kahne evan samjhane men koi kathinai nahin hoti. par dusron ki bat ko samjhna inke lie dushkar hota hai. achanak ayi badhirta se vyakti ko mansik pareshani evan nirasha adhik hoti hai. anya karnon men bar-bar sardi-jukam hona, kan se mavad bahna, kuch davaiyon ke adhik istemal, jaise kloroksin, dard nashak esprin, entibaytik, jaise kloromaisetin, jentamaisin adi. kan ka dard ayurved ke anusar kan ka dard vayu vikar se utpann hota hai. kanon ki shirao men dushit vayu apna sthan bana leti hai, jisse kanon men vibhinn prakar ki dhvani utpann hoti hai aur dard bhi hota hai. kan ke dard ke anya karan tansil ki sujan, sardi-jukam, shrutisuranga nali men sujan ya avrodh, kanon men mail jam jana ya, pani chala jana, jor se aghat lagna, maleriya, taifaid jaise rogon men tej bukhar bhi hain. upchar bahrepan ke upay: ri ek chutki asli hing, stri ke dudh men ghis kar, kan men dalne se bahrapan dur hota hai. ri ak ke pile patte, jinmen ched n ho, ag par garam kar ke, unhen masal kar ras nikalen aur is ras ko kan men do-do bund dalne se bahrepan aur karnasrav men bhi aram milta hai. ri muli ka ras, shahad, sarson ka tel, barabar matra men mila kar, do-tin bund kan men subh-sham dalne se bahrepan men aram ata hai. karnapira ke upay: ri tulsi ke patton ka ras gunguna kar do-do bund pratah-sayan dalne se kan ke dard men rahat milti hai aur bahrapan bhi thik hota hai. ri adarak ke ras men namak evan shahad mila kar, gunguna kar, kanon men dalne se kan ke dard men aram ata hai. ri pyaj ka gunguna ras kan men dalne se kan ke dard men aram milta hai. isse bahrepan evan karnasrav men bhi labh hota hai. karnasrav (kan bahne) ke upay: ri kan ko saf kar do-do bund spirit tin char din kan men dalne se kan ka bahna thik hota hai. ri sarson ka tel evan ratnjot 10ah1 anupat men mila kar paka kar kan men dalne se karnasrav men aram hota hai. yah kan ke dard evan bahrepan men bhi labhkari hai. ri stri ke dudh men rasaut evan shahad mila kar kan men dalne se karnasrav sthai rup se ruk jata hai. ri do-do bund chune ke pani ko kan men dalne se bachchon ke karnasrav men aram milta hai. jyotishiya karan jyotish ke anusar tritiya evan ekadash bhav kundli men kramshah dayen evan bayen kan ka netritva karte hain. grahon men budh grah shravan shakti aur vak shakti ka pratik hai. kisi bhi janmakundli men jab budh, tritiya evan ekadash bhav shubh grahon se prabhavit rahte hain, to vyakti ki shravan shakti ko barhate hain aur iske viprit jab ye pap evan ashubh grahon se prabhavit ho kar pirit ho jate hain, to shravan shakti ko kam karte hai. agar ye buri tarah se prabhavit hon, to jatak janmajat arthat janm se hi bahra hota hai. janmajat bahra vyakti bolne men bhi asamarth rahta hai, kyonki jab jatak ne shabdon ko suna hi n ho, to vah bolega kaise? isi lie budh vak shakti ka bhi pratik mana gaya hai. sunne aur bolne se jatak ek dusre se sanpark banaye rakhta hai aur samaj men use vishesh sthan prapt hota hai. vibhinn lagnon men jyotishiya yog: mesh lagn ki kundli men budh kisi bhi bhav men mangal ke sath ho aur us par shani ki drishti ho, to jatak ke kanon men rog utpann kar use bahra banata hai. vrish lagn ki kundli men chandra chathe bhav men budh se yukt ho, mangal tritiya sthan par ho aur shani navam sthan men ho, to jatak ko karnasrav se bahra bana deta hai. agar janm samay guru-mangal ki dasha rahe, to jatak janm se hi bahra hota hai. mithun lagn ki kundli men guru tritiya sthan par ho, budh-shukra chathe sthan par ho, mangal dvadash bhav men ho, shani navam ho, to jatak kan ke rog se pirit rahta hai. kark lagn ki kundli men budh dvadash bhav men ho, surya ekadash, shani chathe bhav men ho, mangal athven ho aur chandra saptam bhav men rahu-ketu se prabhavit ho, to jatak karn ke rog se pirit rahta hain. sinh lagn ki kundli men budh chathe, shukra panchven ho, shani lagn men ho aur mangal athven sthan par ho, to jatak kan ke rog se pirit hota hai. kanya lagn ki kundli men mangal athven sthan men, surya pancham sthan men, budh-shani chathe sthan par, guru ekadash sthan par ho, to jatak bahra hota hai. tula lagn ki kundli men guru-budh dasham bhav men hon, mangal athven, shani chaturth bhav men, rahu tritiya ho aur shukra dvadash bhav men hone se kan ka rog hota hai. vrishchik lagn ki kundli men budh-shani chathe bhav men ho, aur mangal athven ho, shukra pancham bhav men hone se jatak karn rog se pirit hota hai. dhanu lagn ki kundli men shani panchven, shukra-budh satven hon, mangal barhven bhav men hon, to jatak bahra hota hai. makar lagn ki kundli men chandra-guru chathe, budh tritiya, mangal navam, shani lagn men, surya dvitiya bhav men ho, to jatak ko karnasrav hota hai. kunbh lagn ki kundli men mangal chathe bhav men ho, budh pancham bhav men, shani tritiya bhav men, chandra ekadash men ho, to jatak ko karnasrav karnapira evan bahrapan hota hai. min lagn ki kundli men shukra lagn men budh ke sath ho aur shani ekadash men ho, guru pancham bhav men aur mangal athven sthan par ho, to jatak ko kan ke rog se pirit rakhta hai. uparyukt sabhi yog chatil kundli ke adhar par likhen gae hai. grahon ki dasha, antardasha evan gochar sthiti ke anusar rog utpann karte hain. prastut kundli ek balak ki hai jo janm se hi bahra hai. jatak ka janm mesh lagn men hua hai. janm samay lagnesh mangal pancham bhav men surya se ast hai tatha ashmesh ho kar tritiyesh budh ko prabhavit kar raha hai. shani ashtam bhav men sthit ho kar budh par purn drishti lagaye hai. budh ast bhi hai. shani chalit men naven bhav men chale jata hai. jis se vah tritiya aur ekadash bhav par bhi drishti lagta hai kyonki yah bhav dahine aur bayen kan ka netritva karte hai, shani se prabhavit hai. is kundli men hamne dekha ki budh, tritiya bhav, ekadash bhav evan lagnesh sabhi shani ke dushit prabhav men hai. isi karan jatak janm se hi bahra hai.
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.