देव गुरु बृहस्पति एक वरदान

dev guru brihaspati ek vardan  

Ank ke aur Lekh | Sambandhit Lekh | Views : 11380 |  
rishi muniyon ne brihaspati ki kalpana aise purush ke rup men ki hai jo brihdkay, vidvan, satvik evan mishthanapriya hai. brihaspati dev ki kripa ke bina kisi bhi jatak ka jivan sukhi evan santusht hona asanbhav hai. janmakundli men brihaspati kark, dhanu, min rashiyon tatha kendra 1,4,7,10 ya trikon 5,9 bhavon men sthit hone par shubh fal dene vala aur yogkarak kaha gaya hai. aie jante hain ki kis prakar janm v chandra kundli men shubh prabhav men sthit dev guru brihaspati jatak ko vidyavan, dhanvan, sadcharitravan evan pratishthit vyakti banata hai. saurmandal ke kendra, surya ke bad vishal akar men brihaspati ka sthan ata hai. yah surya ke atirikt shesh sabhi grahon se vishalkay grah hai. rishi mahatma ne brihaspati ki kalpana aise purush ke rup men ki jo brihadkay vidvan satvik evan mishthanapriya hai. bina brihaspati ki kripa drishti ke kisi bhi jatak ka jivan sukhi aur santusht hona asanbhav hai. bhagvan vishnu ne inhen lok kalyan ke jo karya saunpe hain unke anusar yah grah lok ko ek darshanik, adhyatmik marg ka nirdeshan deta hai aur logon men dharm, maryada, samajik kala, pitri bhakti, guru bhakti aur dev bhakti ki adhyatmik bhavna jagrit karta hai. kisi jatak ki kundli men shubh bali evan dushprabhavon se mukt hokar baitha brihaspati unke lie vardan hai. is rup men brihaspati buddhi, sadavyavhar, samman, dhan sanpatti, putra prapti, naitikta aur uchch tarkik kshamata adi ka data karak evan sanchalak hota hai. faldipika men mantreshvar maharaj ne kaha hai brihaspati lagn va chandra lagn se dusre, panchven, nauven, dasven v gyarhven bhavon ka karak bhi hota hai. sabse vishesh bat yah hai ki brihaspati multah satvik grah hone ke karan jatak ko yah grah bhautik sukh samriddhi ka virodh nahin karta hai. han, albta yah puri tarah bhautikta men dube vyakti ko dharm aur apni maryadaon ka ahsas jarur karva deta hai. uprokt sthiti ke viprit yadi brihaspati kundli men balhin aur dushprabhavit hokar baitha ho to sanbandhit jatak ke lie abhishap hota hain aisi sthiti men jatak manviya aur dharmik bhavnaon se vanchit ho jata hai aur apna vivek kho deta hai aur uski antratma gungi ho jati hai. janmakundli men brihaspati kark, dhanu, min rashiyon tatha kendra (1, 4, 7, 10) ya trikon (5, 9) bhavon men sthit hone par shubh fal dene vala aur yog karak kaha gaya hai. brihaspati ki kendrasth sthiti ki mahatta itni adhik hai ki uttar kalamrit men kalidas ne likha hai ki ”kin kurvati sarvegraha yashya kendre brihaspati“ arthat sab pratikul grah milakar bhi jatak ka kya bigar lenge jiske kendra men brihaspati ho. ukt sthitiyon men yadi brihaspati chandrama ya shukra ya donon ke sath ho ya unki shubh drishti men ho athva chandrama se kendra men ho to atyant prabhavshali yog bantata hai. kuch jyotirvidon ne kendra bhav ke svami hone par brihaspati ko ashubh mana hai aur vah yadi sva rashi men kendra men sthit ho to marak mana hai. un vidvanon ka mat hai ki brihaspati ki yah marak sthiti apni rashi men lagn se dasven bhav men sthit hone par sarvadhik ghatak hoti hai. lekin ham isse sahamat nahin hai aur iske viprit kendra men svarashi men sthit brihaspati hans yog banata hai jo jatak ko dirghayu svasth sukhi aur pratishthit tatha sanpann banata hai. isi prakar brihaspati yadi chathe bhav men sthit ho to jatak ke lie shatrunashak hota hain ashtam bhav men baitha brihaspati yadyapi jatak ko dirghayu banata hai lekin kuch vidvanon ke matanusar brihaspati dhan sanpatti ka nash karke jatak ko garibi ki or dhakel deta hai. yahan bhi ham sahamat nahin hai ashtam bhav men baitha brihaspati jatak ko dhanvan, buddhiman evan pratishthit vyakti banata hai kyonki ashtam bhav men sthit brihaspati dvitiya evan chaturth sthan ko dekhakar un bhavon ko pusht karta hai tatha shashth se dvadash evan dvitiya sthan ko drishtipat karke lagn ko ‘shribh madhyattava’ ka labh pahunchata hai jisse lagn bhav ko bal milta hai. lagn balshali hone se manushya ke jivan men mulya ki prapti hoti hai jo use svasthya, buddhiman, dhanvan, sadchritravan evan pratishthit vyakti banata hai. iske atirikt dvitiya sthan ka shasan se ghanisht sanbandh hai aur dvitiyesh ka kendradi men sthit hokar balvan hona rajya ki prapti karvata hai. aie jante hain ki kis prakar janm v chandra kundli men shubh prabhav men sthit dev guru brihaspati vyakti ko vidyavan, dhanvan sadchritravan evan pratishthit vyakti banata hai. is bat ko nimn kundliyon se spasht karte hain. kundli 1 men guru ashtam bhav men chandrama se dasham kendra kanya rashi men apni dhanu rashi se dasham evan min rashi se saptam (kendra) men sthit hokar gajkesri yog ka sundar srijan kar rahe hain, dvitiyansh brihaspati panchmesh budh ki kanya rashi men sthit hokar rashi mithun ko bal de rahe hain jisse pancham evan dvitiya bhav ko purn bal mila hai. ab jara chandra kundli par vichar kijiye yahan brihaspati lagnesh chaturthesh hokar pramukh kendra dasham men sthit hokar dasham bhav tatha lagn bhav donon ko prabhavit evan labhanvit kar raha hai. atah dasham tatha lagn pradisht gun khyati dhan adi ki srishti kar raha hai. yasya janmasamaye shashilagnat sdagriho yadi ch karmani sansthah. tasya kirtirmla bhuvi tishthedaah yushotmvinashnsanpt arthat jis manushya ke janam samay men chandra lagn se dasham bhav men shubh grah ho uski kirti nirmal hokar ayu paryant rahti hai aur vah manushya sthayi sanpatti vala hota hai. yahan to dasham bhav men guru svayan virajman hai. iske parinamasvarup jatak dasvin v barhvin men uchch pratham shreni ai.ai.ti. men varishth profesar ke pad par karyarat hai. jatak ki yogyata sadgi evan imandari ek misal hai. aisi hai dev guru brihaspati ki kripa. kundli 2 min lagn ki hai. yah jatak ai.ai.ti. dilli se bi. tek evan ahmdabad se em.bi.e. hai evan bahut hi uchch pad par asin hai aur apne svayan ka vyavsay karne ki bhi soch rahe hain. yahan brihaspati punah kanya rashi men saptam bhav (kendra) men apni rashi dhanu evan min se dasham evan chaturth sthit hai. panchmesh chandrama se kendra men sthit hokar gajkesri yog ka srijan kar rahe hain min rashi ke shukra se dvipat sanbandh sthapit ho raha hai. chandrama evan shukra se purn sanbandh hone se ek bahut hi utkrisht yog ka srijan hua hai aur isi karan jatak tejasvi dhan-dhan se yukt medhavi evan rajapriya hai. kundli 3 ek mukhya injiniyar evan atirikt sanyukt sachiv ki hai. jisne karib pandrah varshon tak vibhagiya adhyaksh ke pad par karya kiya aur apne karya kshetra men yash evan man samman prapt kiya. yahan bhi dekhie dev guru brihaspati lagnesh hokar saptam kendra men sthit hai. brihaspati punah kanya rashi men chandrama se kendra men virajman hokar pramukh kesri yog ka srijan kar rahe hain. brihaspati ki chandra se kendra men sthiti ke karan panchmesh chandrama par prabhav parne se chandrama ke gun aur bhi barh gaye hain chunki chandra lagnavat hai atah guru ke prabhav ke karan jatak tejasvi dhan-dhanya se yukt rajya (sarkar) se labh uthane vala hua hai. yahan yah bat dhyan rakhne ki hai ki chandrama man hai, man men guru ki megha shakti ka sanchar hone se anya shubh gunon ki prapti bhi hui hai aur to aur guru rajya kripa ka karak hai atah nij ko rajya kripa ki prapti hui. kundli 4 men brihaspati panchmesh evan dvitiyesh hota hua apni dhanu evan min rashiyon se kramshah saptam evan chaturth sthan men vidyaman hai. panchmesh chandra se chaturth kendra men guru sthit hokar uttam gajkesri yog ka srijan kar rahe hain sath hi brihaspati ka chandra par shubh prabhav parne ke karan chandrama ke gun aur bhi barh gaye hain. chunki chandrama lagn vrit hai evan brihaspati ho gaya hai, guru mithun rashi men sthit hokar shukra evan dvitiya bhav ka drishtipat kar dhan aur vidya ki ativ briddhi kar raha hai. vidya ki drishti se dekhen to jatak ai ai ti uchch pratham shreni men, em.bi.e. ahmdabad se uchch pratham shreni ki yogyata se tatha bhartiya prashasnik seva men bharat men athvan sthan prapt kar ek kirtiman sthapit kiya hai, isse aur adhik dev guru brihaspati ki kya kripa ho sakti hai. kundli 5 men brihaspati evan chandrama chaturth kendra men punah budh ke kanya rashi men sthit hai ham purva men bhi kah chuke hain ki yadi shubh brihaspati kanya mithun rashi men sthit hai. shubh brihaspati kanya mithun rashi ka hota hua shubh chandrama se kendra men sthit ho to jatak bahut buddhiman evan uchch shikshit hota hai. yahan jatak em.e. uchch pratham shreni men uttirn kar bhartiya pulis seva men uchch raink pane men safal hue. matra 45-46 varsh ki ayu men ai.ji. ke pad par padonnat hue the evan vartaman men atirikt mahanideshak pulis ke pad par karyarat hai. sankshep men ham kah sakte hain ki yadi kisi jatak ki janm lagn v chandra lagn ki kundli men brihaspati yog karak hota hua kanya/mithun rashi men shubh chandrama se kendra men ho to nishchay hi jatak bahut buddhiman, uchch shaikshanik evan uchcha/sarvochch pad par imandari se karya karne vala hota hai evan logon men adar ki drishti se dekha jata hai jatak dhanvan bhi hoga lekin jahan tak sanbhav ho galat niti athva bhrasht tarikon se dhan sangrahit nahin karega.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.