दरिद्रा कहाँ-कहाँ रहती है ?

daridra kahan-kahan rahti hai ?  

Ank ke aur Lekh | Sambandhit Lekh | Views : 2285 |  
samudra-manthan ke samay halahal ke niklne ke pashchat daridra ki, tatpashchat lakshmi ji ki utpatti hui. isliye daridra ko jyeshtha bhi kahte hain. jyeshtha ka vivah duahsah brahman ke sath hua. vivah ke bad duahsah muni apni patni ke sath vicharan karne lage. jis desh men bhagvan ka udghosh hota, hom hota, vedpath hota, bhasm lagaye log hote-vahan se jyeshtha donon kan band kar dur bhag jati. yah dekhakar duahsah muni udvign ho gaye. un dinon sab jagah dharm ki charcha aur punya kritya hua hi karte the. atah daridra bhagte-bhagte thak gayi, tab use duahsah muni nirjan van men le gaye. jyeshtha dar rahi thi ki mere pati mujhe chodakar kisi anya kanya se vivah n kar len. duahsah muni ne yah pratigya kar ki ‘main kisi anya kanya se vivah nahin karunga’ patni ko ashvast kar diya. age badhne par duahsah muni ne maharshi markandey ko ate hue dekha. unhonne maharshi ko sashtang pranam kiya aur pucha ki ‘is bharya ke sath main kahan rahan ?’ markandey muni ne pahle un sthanon ko batana arambh kiya, jahan daridra ko pravesh nahin karna chahie- ‘jahan rudra ke bhakt hane aur bhasm lagane vale log hon, vahan tum log pravesh n karna. jahan narayan, govind, mahadev, adi bhagvan ke nam ka kirtan hota ho, vahan tum donan ko nahin jana chahiye; kyonki ag uglta hua vishnu ka chakra un logon ke ashubh ko nash karta rahta hai. jis ghar men svaha, vashatkar aur ved ka ghosh hota ho, jahan ke log nitya karm men lage hue bhagvan ki puja men lage hue hon, us ghar ko dur se hi tyag dena. jis ghar men bhagvan ki murti ho, gayen hon, bhakt hon, us ghar men tum donon mat ghusna.’ tab duahsah muni ne pucha-‘maharshe! ab ap hamen yah batayan ki hamare pravesh ke sthan kaun-kaun se hain ?’ maharshi markandey ji ne kaha- ‘jahan pati-patni paraspar jhagda karte hon, us ghar men tum donon nirbhay hokar ghus jao. jahan bhagvan ke nam nahin liye jate hon, us ghar men ghus jao. jo log bachchon ko n dekar svayan kha lete hon, us ghar men tum donon ghus jao. jis ghar men kantedar, dudhvale, palash ke vriksh aur nimb ke vriksh hon, jis ghar men dophriya, tagar, aprajita ke ful ka ped ho, ve ghar tum donon ke rahne yogya hain, vahan avashya jao. jis ghar men kela, tad tamal, bhallatak (bhilav), imli, kadamb, khair ke ped hon, vahan tum daridra ke sath ghus jaya karo. jo snan adi mangal kritya n karte hon, dant-mukh saf nahin karte, gande kapde pahnte, sandhyakal men sote ya khate hon, jua khelte hon, brahman ke dhan ka haran karte hon, dusre ki stri se sambandh rakhte hon, hath-pair n dhote hon, un gharon men daridra ke sath tum raho.’ markandey rishi ke chale jane ke bad duahsah ne apni patni daridra se kaha- jyeshthe! tum is pipal ke vriksh ke niche baith jao. main rasatal jakar rahne ke sthan ka pata lagata han.’ daridra ne pucha- ‘nath-! tab main khaungi kya ? mujhe kaun bhojan dega ?’ duahsah ne kaha- ‘pravesh ke sthan to tujhe malum hi ho gaye hain, vahan ghusakar kha-pi lena. han, yah yad rakhna ki jo stri pushp, dhup adi se tumhari puja karti ho, uske ghar men mat ghusna.’ itna kahakar duahsah rasatal men chale gaye. jyeshtha vahin baithi thi ki lakshmi ji ke sath bhagvan vishnu vahan a gaye. jyeshtha ne bhagvan vishnu se kaha- ‘mere pati rasatal chale gaye hain, main ab anath ho gayi han, meri jivika ka prabandh kar dijiye.’ bhagvan vishnu ne kaha ‘jyeshthe! jo mata parvati, shankar aur mere bhakton ki ninda karte hain, unke sare dhan par tumhara adhikar hai. unka tum achchi tarah upbhog karo. jo log bhagvan shankar ki ninda kar meri puja karte hain, aise bhakt abhage hote hain, unke dhan par tumhara hi adhikar hai.’ is prakar jyeshtha ko ashvasan dekar bhagvan vishnu lakshmi-sahit apne nivas sthan baikunth ko chale gaye. (ling puran)
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.