शनि मंगल व गुरु राहु युति

shani mangal v guru rahu yuti  

Ank ke aur Lekh | Sambandhit Lekh | Views : 3494 |  
shani mangal ki yuti hinsa aur upadrav ka karan banakar am janta ko duahkh de sakti hai. iska arth hai ki ane vala samay kafi kashtapurn ho sakta hai. shani-mangal, donon grah vrishchik men 20 farvri se 18 sitanbar tak apna kahar barpate rahenge. yah bhi kaha ja raha hai ki in do grahon ka milan duniya ki pashchim disha men ek bhayanak yuddh ka sanket bhi ho sakta hai. yah grah yuti satta ki kursi par baithe logon ko chain se nahin sone degi. kurm chakra paddhati ke anusar bharat ki pashchimi sima yani pakistan ke bordar aur bharat se pashchim men madhya-eshiya men atanki gatividhiyon men vriddhi ke sanket mil rahe hain. iske atirikt is avdhi men is yuti ke alava guru-rahu ka bhi sinh rashi men yuti sanbandh ban raha hai. ek or jahan guru grah dharm, dhan-sampada aur naitik mulyon ke karak mane gae hain, dusri or rahu ek rakshas grah hai. ye donon grah milakar guru-chandal-yog banate hain, jo samaj men naitik mulyon ke patan aur rajniti men paramparaon aur maryadaon ke chinna-bhinn hone ka yog hai. guru aur rahu ki is yuti par shani ki drishti par rahi hai jo ane vale kuch dinon men vaishvik teji, rajnaitik utha-patak aur yuddh ke mahaul se bharat sahit vishva ke kai deshon men abhupurva uthl-puthal paida kar sakti hai. dusri or pashchimi deshon ki bat karen to amerika ki kundli sinh lagn ki hai, jis par atanki hamlon ka saya mandrane laga hai. ane vale samay men pashchimi desh apat kal jaise halaton se gujar sakte hain, jo ki 9/11 ki yad taja kar denge. iske sath hi koriyai deshon men apas men takrav apne charam par pahunch sakta hai. isis ko niyantrit karne ke lie vishva ke pramukh desh dohri bhumika ka palan kar sakte hain. is avdhi men amerika, saudi arab, siriya aur rus men tanatni bhi pashchim eshiya men yuddh jaise halat paida kar degi. sath hi is avdhi men prachand garmi ke karan sukhe ke halat ban sakte hai. kaha bhi gaya hai ki - mangal shani vakrai hui, jagat pir sab thai. alp meh dukh raja ko, ghani chalat jag bai.. arthat jyotish granth bhavishyafal bhaskar ke anusar mangal aur shani ek sath vakri hon tab yuddh, akal aur kam varsha se manushya aur pashuon donon ko bhari kasht hota hai. sanyog se is varsh mangal aur shani donon vrishchik rashi men garmi ke pure mausam ke dauran vakri avastha men rahenge. uprokt grahasthiti ke karan is varsh 26 jun 2016 ko bhumadhya rekha par v 16 aktubar 2016 ko uttari golarddh men bhukanp ki sanbhavna banegi lekin yah riktar skel par 7.0 tivrata tak ka hi hoga. is varsh shukra 2 mai se 1 julai tak ast rahenge. iske karan 30 aprail se 4 julai tak shubh muhurton ka abhav rahega. shukra is varsh ka raja bhi hai. atah uske ast hone ke karan janta pareshan rahegi v arajkta failegi. vibhinn rashiyon par grah yog ka fal mesh- shani-mangal ki yuti ashtam bhav men hone ke karan mesh rashi ke jatkon ke svasthya par asar hoga, jiske karan apke svabhav men krodh evan chirchirapan barhega. dhan ke vishyon men dhokha ho sakta hai. ap gupt shaktiyon ko janne ke lie utsuk rahenge. bante hue karyon men achanak se vyarth ki badhaen a sakti hain. shaikshik kshetra men asha ke viprit parinam a sakte hain evan santan se vaicharik matbhed ki sthiti ban sakti hai. vrishbh: is avdhi men apke shatru havi ho sakte hain. bhagya men achanak rukavat mahsus ho sakti hai. yatraon ke vyay vyarth ho sakte hain. aspatal aur nyayalay ke darshan hone ki bhi sanbhavna hai. kamar men dard ki shikayat ho sakti hai. dhan ke sambandh men savdhan rahne ki avashyakta hai aur karj lene ki sthiti ban sakti hai. jivnsathi se sambandh bigar sakte hain. vaivahik jivan men tanav aur krodh ki sthiti ban sakti hai. mithun: shani mangal ka yog apke lie shubh rahega. apko svasthya, karobar, naukri aur har kshetra men khushi milegi, keval satarkata banae rakhni hogi. yadi ap naukri karte hain to manonukul naukri men parivartan ho sakta hai. nai evan achchi naukri milne ke sanket bane hue hain. vidya men unnati hogi. vyapar men dhokha mil sakta hai. man ki ichchaen purn hongi. apke lie yah gochar kuch had tak behatar rahne vala hai. karka: apki rashi ke lie bhumi, bhavan ko lekar tivra vivad ki prabal sanbhavnaen ban rahi hain. santan paksh se bhi nirasha prapt hone ke yog hain. parivarik sthiti men aur adhik bikhrav ho sakta hai. apko vahnon ke karan ghutnon men chot lag sakti hai. sans lene men rukavat ho sakti hai. karm kshetra men kami ke yog ban rahe hain. is avdhi men apko svayan ko shant rakhna hoga. apka manobal kamjor bana hua hai. sinh: is avdhi men apki sukh shanti prabhavit ho sakti hai. apka svasthya kamjor rahega islie apna khyal rakhen. dhan sanpatti ke vishyon ko lekar satark rahen. bara len den karte samay savdhani rakhna hitkari rahega. bahut jyada vishvas karne se bachen. ati atmavishvas karna hani ka karan ban sakta hai. is samay apko kuch visham paristhitiyon ka samna karna par sakta hai jiske lie man thora kunthit bhi ho sakta hai. mata ke svasthya ka vishesh dhyan rakhna hoga. kanya: apke lie mangal shani ki vrishchik men yuti shubh fal pradan karegi. is samay men apke apne mitron, bandhuon aur sage sanbandhiyon se sanbandh pragarh rahenge. apke sajhedar ka svasthya kharab ho sakta hai. kuch purane vivadon ki vajah se rishton men kuch tanav a sakta hai. vyarth ke vyay ho sakte hain. barhte hue vyay apki chinta ka karan ban sakta hai. yah apke sanchit dhan men kami kar sakti hai. vidya men saflta milegi. tula: apki rashi ke lie shani-mangal ka milan mila-jula rahega. apke lie choti-moti pareshaniyan bani rahengi, lekin is dauran sanyam banae rakhen. achanak arthik labh milne ke sanket ban rahe hain. apko yah shanie-mangal yog atiutsahi aur akramak banaega, islie sanyam se kam len. karyakshetra men ap age se age barhakar pradarshan karenge. apki samajik pratishtha barhegi. man-samman men vriddhi hogi. vrishchik: is avdhi men apke svasthya sukh men kami hogi. apke ati-atmavishvas ke karan log apse dur bhi ja sakte hain. jyada jokhim lene aur hathi svabhav ke karan ap apne doston ka vishvas kho sakte hain. samjhdari purvak karya kar ap vivadon se bach sakte hain. halanki yah yuti apke ajivika kshetra men uttam parinam degi. apke dainik vyay barhenge. is avdhi men videsh yatra ke bhi yog ban rahe hain. dhanu: shanie-mangal ka yog apke man evan svasthya par asar karega. svayan par yathasanbhav niyantran banae rakhen. is avdhi men apka bhagya sath nahin de raha hai. shubh karya bhi badhit ho rahe hain. bante karyon men vighn ane se tanav ki sthiti ban sakti hai. pure bal se prayas karne par apki ichchaon ki purti hogi. labh ke avasar banenge. bhaiyon se anaban hogi. is yog men ap dur ki yatraon par ja sakte hain. makr: yah samay sanpattiyon ka vistar karne aur unse labh kamane ke lie anukul hai. is yog ke dauran ap bhumi vishyon se labh prapt kar sakte hain. apne lie navin bhavan le sakte hain. sahakarmiyon aur baron se sanbandh madhur bana rahega. parivar ke logon ke sath vichar bantne ke avasar banenge. bhagya apke sath hai, islie iska bharpur labh uthaen. rajniti men saflta milegi. uchch padvi ke yog hain. kumbha: mangal shani ka milna kunbh rashi ke lie shubh sabit rahega. apki arthik mamlon men pragti hogi tatha man-samman prapt hoga. bhagya men unnati hogi. videsh se labh hoga. paitrik sanpatti men nuksan ke yog hain. is samay apke atmavishvas men vriddhi hogi jisse apka ane vala kal behatar hoga. apne karyon ka anand len aur apna shat-pratishat dene ke lie prayasarat rahen. karyasthal par karyabhar barhne ke karan vaivahik jivan men kuch tanav ho sakta hai. min: is avdhi men apke lie sehat thora chinta ka vishay ho sakta hai. dhan, parivar, santan paksh, naukri tatha labh men avrodh utpann hoga. parivarik sthiti men bahut sanbhal kar chalne ki avashyakta hogi tatha choti choti baton ko mahatva dene se bachna hoga. santan ke svasthya par pratikul prabhav rahega. dhanagaman badhit hoga. yatra men hani uthani par sakti hai. pet ke rog, danton men dard ki samasya evan dayin ankh men achanak chot lag sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


reki evan pranik hiling  May 2016

mai mah ke fyuchar samachar vaikalpik evan adhyatmik chikitsa paddhati ka samarpit ek visheshank hai. ye chikitsa paddhatiyan sharir ke pirit ang ko thik karne men ashcharyajanak rup se kam karti hain. in chikitsa paddhatiyon ka sharir par koi nakaratmak prabhav bhi nahin parta athva inka koi said ifaikt nahin hota. is visheshank ke mahatvapurn alekhon men sammilit hainah pranik hilingah arth, chikitsa evan itihas, reki upchar:anokhi anubhuti hai, reki: ek adbhut divya chikitsa, chunbkiya jal evan labh, mantrochchar dvara - goli, injekshan aur dava ke bina ilaj, sangit se upchar, ekyupankchar v ekyupreshar paddhati adi. inke atirikt sthayi stambhon men bahut se labhdayak v rochak alekh bhi purva ki bhanti sammilit kie gaye hain.

Subscribe

Apne vichar vyakt karein

blog comments powered by Disqus
.