पिरामिड द्वारा वास्तु दोष निवारण

piramid dvara vastu dosh nivarn  

Ank ke aur Lekh | Sambandhit Lekh | Views : 6155 |  
vastu ke sath piramid ka bahut najdik sanbandh hai. vastu ka hi ek abhinn ang hai- piramid. vastu doshon ke nivaran ke lie piramid ka prayog kiya jana atyant labhkari siddh hota hai. ‘urja pravah ke dvara vastu-doshon ka sudhar karne ka yah naya aur adhik vyavharik tarika hai. vastu ke chote-chote doshon ko dhundh kar unmen sudhar karne ki apeksha ghar ya karyasthal ko urja pravah se paripurit kar den to uske ashcharyajanak parinam dekhne ko milte hain. aj ke is mashini yug men hamare pas samay ka abhav hai, isilie ham apni samasyaane ka shighra tatha vaigyanik hal chahte hain. vastu doshon ke nivaran ki anya vidhiyon men ap keval apne sakaratmak vicharon ki shakti ka, dhan ka tatha samay ka upyog karte hain. jabki piramid shakti asim shaktiyon ka bhandar hai. uski akriti aur brahmandiya rekhagnit vyakti ki lakshya prapti men sahayta karte hain aur vyakti ki vichardhara ko bhi upyukt disha pradan karti hai. iska yah mukhya labh hai ki is yantra ko ek bar sthapit karne ke pashchat yah svayan karya karta hai. piramid ko vyakti ki sakaratmak urja ko barhane men apekshakrit kam samay lagta hai. jaise agni ka karya prakash aur tap dena to hota hi hai, sath hi yah parishkar bhi karti hai. agni svarn ki sari kalushta ko jala deti hai, jisse sona vishuddh kundan ka dela ban jata hai. isi prakar piraimad bhi karya karta hai piramid men bhi agni ka vas mana jata hai. iski vishesh akriti chah dishaon men kriya karti hai. yah brahmandiya urja ka sukshm sansadhak hai. piramid surya, chandra aur anya grahon ki barsti hui urja tatha prithvi ki udhrvagami urja se sara kam karta hai. isi asimit shakti ke karan yah doshon ke nivaran men jaldi parinam deta hai. isilie ham anekon vaigyanik adhyaynon v prayogon ke adhar par yah kah sakte hain ki piramid vastu doshon ke nivaran men saksham hai. piramid ke dvara vastu doshon ka nivaran karke vyakti sukhi v sampann rah sakte hain. piramid ki sthapna ka arth hai- sabhi prakar ke vastu doshon se purnataya mukti. piramid ek nai v adhunik taknik ke rup men anya taknikon v sadhnon ke sath vastu ke doshon ko dur karne men atyant prabhavkari siddh hua hai. yah piramid dekhne men avashya misra ke piramid ke saman lagta hai, parantu iska karya karne ka siddhant bilkul alag hai aur yah kai prakar ke karyon hetu prayog men laya ja raha hai. alg-alag vastu doshon ke nivaran ke lie alg-alag tarah ke piramid yantron ka prayog hota hai. jaise- payra strip, payra engal, payra chip, payra ero, maltiyar piramid, payra vastu svastik. alg-alag samasyaon ke lie alg-alag piramid yantron ka upyog kiya jata hai. piramid ka rang safed hi adhik achcha hota hai kyonki safed rang brahmandiya star par sabhi rangon ko grah karne ki kshamata rakhta hai. vastu sudhar men piramid yantron ko divar ya chat men shirsh niche ki or karke lagaya jata hai unhen dharti ke niche bhi lagaya ja sakta hai. udaran ke lie nimn rekha chitra ko denkhen.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2012

Apne vichar vyakt karein

blog comments powered by Disqus
.