स्तन कैंसर

stan kainsr  

Views : 1539 | February 2017

ayurvedik drishtikon: manav sharir anginat koshikaon se bana hua hai, jinka karm bhinna-bhinn hai. in koshikaon ka banna-bigrna prakritik rup se hota rahta hai. lekin kabhi-kabhi ek koshika apna nirdharit karya karne ke lie atirikt ahar men se adhik poshak tatva grahan kar leti hai aur apne jaisi anya koshikaen utpann kar deti hai. ye vikrit koshikaen nasht nahin hotin aur ganth ka rup dharan kar leti hain

jise kainsar kahte hain. kainsar ki ganthon ko apne vikas ke lie aeksijan tatha sabhi poshak tatvon ki avashyakta hoti hai. yah sharir men rakt ke madhyam se puri hoti hai. yadi kisi karan se poshak tatva rakt dvara n mile, to ganth kali par jati hai aur dhire-dhire sikur kar nasht ho jati hai. sharir ke jis ang men kainsar ki ganth hoti hai use vaise hi nam se jana jata hai. jaise rakt kainsar, tvacha kainsar, mukh kainsar, gurda kainsar, amashay kainsar adi. aise hi stan kainsar hai. yah purushon men bhi ho sakta hai lekin hajaron men ek. stan kainsar ke lakshana: stan kainsar adhikatar 30 varsh se adhik ayu ki mahilaon ko hota hai. jo mahilaen avivahit, talakshuda ya vidhva hoti hai unmen stan kainsar adhik paya jata hai.


apni kundli men rajyogon ki jankari paen brihat kundli riport men


iske atirikt stan kainsar un mahilaon men paya jata hai jinhonne garbh dharan nahin kiya ya kisi karan se apne bachche ko stanapan n kara pai ho. stan par bar-bar aghat hona, sujan ki avastha bani rahna, tang vastron ka upyog karna adi bhi stan kainsar ki sanbhavnaon ko barhate hain. islie kisi bhi asamanya badlav jaise stanon men dard, sujan, khinchav adi par dhyan dekar uski puri janch partal karvani chahie, taki samay par uchit upchar kiya ja sake.

mahilaon ko nimn batane ka dhyan rakhna chahie:

- stanon men ganth ka mahsus hona sath hi bagal men bhi prabhav dikhai dena.

- ganth barhne se halki vedna aur kari sujan malum hona.

- sujan ke sthan par ghav ho jana aur bad men rakt srav hona.

- ganth ka stan ke upri aur bahri bhag par hona.

stan chuchuk se srav hona. kabhi-kabhi is srav men rakt bhi mil jata hai. ganth sparsh karne par kathor mahsus hona adi chikitsa: shalya chikitsa: kainsar grast bhag ko samay par kat kar bachaya ja sakta hai. yadi stan kainsar barh chuka ho to pura stan kat kar nikal diya jata hai.

kimotherepi: rasaynon ki sahayta se kainsar grast koshikaon ko nasht kiya jata hai. isse kainsar ki ganth sikurne lagti hai aur dhire-dhire nasht ho jati hai.

vikiran chikitsa: sakriya rediyo kirnon ki sahayta se kainsaragrast bhag ki koshikaon ko nasht kar diya jata hai jisse kainsar ki ganth dhire-dhire choti hokar nasht ho jati hai.

harmon therepi: harmon ki uchit khurak dekar kainsar ki ganth ko nasht kiya jata hai. harmon therepi ke madhyam se stan kainsar ka upchar bahut asan hota hai. jyotishiya drishtikon: chaturth bhav kal purush ki kundli men stanon ka hota hai. kainsar rog dhire-dhire sharir men failta hai aur shani-rahu purani bimari aur dhire-dhire failne vale rogon ke karak hote hain. surya, chandra, lagn, lagnesh, kark rashi, chaturth bhav aur chaturthesh jab dushit prabhavon men rahte hain to stan kainsar jaisa rog hota hai.


jivan ki sabhi samasyaon se mukti prapt karne ke lie yahan klik karen !


vibhinn lagnon men stan kainsr:

mesh lagna: akarak budh chaturth bhav men, shani dasham, saptam, dvitiya ya chaturth bhav men, chandra, surya par shani ya rahu ki drishti ho, lagnesh trik bhavon men dushprabhavon men ho to jatika ko stan kainsar ho sakta hai.

vrish lagna: chaturthesh ashtam bhav men guru se drisht ya yukt ho, chandra chaturth bhav men shani se drisht ya yukt ho, lagnesh shashth bhav men rahu se yukt ho to stan kainsar ho sakta hai.

mithun lagna: chaturthesh akarak mangal se yukt ya drisht ho. chaturth bhav aur chandra badhak guru se drisht ya yukt ho, chaturth bhav aur chandra badhak guru se drisht ya yukt ho, chaturth bhav men shani, rahu ya ketu ki drishti ho to jatika ko stan kainsar ho sakta hai.

kark lagna: chaturthesh shukra surya se ast aur lagnesh chaturth bhav men rahu se yukt ho aur shani se drisht ho, budh lagn men ho to jatika ko stan kainsar ho sakta hai.

sinh lagna: lagnesh rahu-ketu se yukt ya drisht hokar lagn ya chaturth bhav men ho, chandra par shani ki drishti ho, chaturthesh aur ashtamesh trik bhavon men ho to stan kainsar jaisa rog hota hai.

kanya lagna: chaturthesh ast ho aur shani se drisht ho, shani chaturth bhav men ho, chandra par shani ki drishti ho, chaturthesh aur ashtamesh trik bhavon men ho to stan kainsar jaisa rog hota hai.

kanya lagna: chaturthesh ast ho aur shani se drisht ho, shani chaturth bhav men chandra se yukt ya drisht ho, guru ki chaturth bhav par drishti ho aur rahu ya ketu se yukt ya drisht ho, to stan kainsar hota hai.

tula lagna: guru chaturth bhav men chandra se yukt aur shani se drisht ho, lagnesh ketu se yukt ashtam ya dvadash bhav men ho, surya dasham bhav men ho to stan kainsar ho sakta hai.

vrishchik: lagnesh tritiya bhav men surya se ast ho, budh chaturth bhav men chandra se yukt aur shani se drisht ho, rahu trik bhavon men ho to stan kainsar hota hai.

dhanu lagna: chaturth bhav men shukra, chandra se yukt ho, shani se drisht ho, chaturthesh shashth bhav men ho aur rahu-ketu se drisht ya yukt ho to stan kainsar hota hai.

makar lagna: chaturthesh lagn men ho, guru chandra chaturth bhav men shani se drisht ho, guru surya ashtam bhav men budh se yukt ho aur budh ast n ho, ketu se yukt ho to stan kainsar hota hai.

kunbh lagna: shashthesh chaturth bhav men shani se drisht aur mangal se yukt ho, rahu ya ketu lagnesh se yukt ho, guru ashtam bhav ya dvadash bhav men chandra ke nakshatra men ho to stan kainsar ho sakta hai.

min lagna: surya chaturth bhav men aur budh tritiya bhav men ast ho, chandra kendra men ho, shani chaturth bhav aur chandra par drishti de, guru rahu-ketu se yukt ya drisht hokar ashtam ya dvadash bhav men ho to stan kainsar ho sakta hai.

not: uparyukt sabhi yog rog sanbandhit grahon ki dashantardasha aur gochar ke pratikul hone se hota hai. jab tak grah prabhavit rahte hain, rog dete hain uprant rog se rahat mil jati hai.


book online 9 day durga saptashati path with hawan


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani visheshank  February 2017

sarvashreshth jyotishiya patrika fyuchar samachar ka shani visheshank pathkon men vishesh lokapriya hai. gat 1 dashak men iski vishesh mang barhi hai. islie ise har varsh prakashit kiya jata hai. is visheshank men shani grah se sambandhit anek gyanavardhak lekh shamil kie gaye hain, jinmen shani ek parichay, sannyas ka karak shani, shani ki sarhesati v dhaiyya ka prabhav, surya shani yuti, shukra-shani ka vichitra sambandh tatha rog ka karak shani ityadi lekh samavisht hain. iske atirikt samyik charcha ke antargat panch rajyon ke agami vidhansbha chunavon par jyotishiya paricharcha vishesh akarshan ka kendra hai. is visheshank men virat kohli v anushka ke prem sambandh tatha vailentain de ke atirikt sthayi stambhon men shamil kie gaye lekh v panchang se sambandhit jankari bhi pathkon ke lie upayogi rahegi.

Subscribe


.