ब्राह्मी: बुद्धिवर्द्धक औषधि

brahmi: buddhivarddhak aushdhi  

Ank ke aur Lekh | Sambandhit Lekh | Views : 5676 |  
brahmi visheshtah himalay ki tarai, bihar, uttarapradesh adi men nadi nalon, nahron ke kinare pai jati hai arthat yah silan bhari bhumi (jalasann bhumi) men bahutayt ugti hai. ganga ke kinare pure varsha bhar men yah hari bhari pai jati hai. brahmi ka paudha failne vala hota hai. iski pattiyan chikni tatha narm hoti hain jinki lanbai jyada se jyada 1 inch tatha chairai samanyatah 1 se. mi. hoti hai. ismen garmiyon ke mausam men nile, safed ya halke gulabi rang ke ful ate hain jinmen se chote-chote bij niklte hain. brahmi men elkelaid tatha sevonin namak do mukhya jaiv sakriya padartha pae jate hain. ismen pae jane vale do mukhya elkelaid brahmin tatha harpestin hai jabki bekosaid ‘e’ tatha ‘bi’ mukhya seponin hai. gunon ki drishti se brahmi kuchla men pae jane vale elkelaid striknin ke saman hai parantu yah uski tarh vishakt nahin hoti. iske atirikta brahmi men bohlik amla, di menitael, stigma stenael, bita saitostirael tatha tenin adi bhi pae jate hain. hare patton men prayah elkelaid tatha urnshil tel pae jate hain jabki sukhe paudhon men sentoik esid tatha sentelink esid bhi pae jate hain. aushdhiya gun: brahmi ke paudhe ke sabhi bhag upyogi hote hain. jahan tak ho sake brahmi ko taja hi prayog karna chahie. parantu jahan yah utpann nahin hoti vahan iska chaya men sukhaya hua pachang hi prayog karna chahie. sukha kar rakhe pachang ke churn ko ek varsh tak prayog kiya ja sakta hai. brahmi ka prabhav mukhyatah mastishk par parta hai. yah mastishk ke lie ek paushtik taenik to hai hi sath hi yah mastishk ko shanti bhi deta hai. lagatar mansik karya karne se thakan ke karan jab vyakti ki kshamata kam ho jati hai to brahmi ka ashcharyajanak asar hota hai. brahmi snayukoshon ka poshan kar unhen uttejit kar deti hai aur ham punah sfurti ka anubhav karne lagte hain. mirgi tatha unmad men bhi yah bahut labhkari hoti hai. mirgi ke dauron mane yah vidyut sfuran ke lie uttaradayi kendra ko shant karti hai. isse snayukoshon ki uttejna kam hoti hai tatha daure dhire-dhire kam hone lagte hain, lagabhag bilkul samapta ho jate hain. unmad men bhi yah isi prakar kam karti hai. udasi, nirash bhav tatha adhik bolne se hone vale svar bhang men bhi brahmi bari gunkari aushdhi hai. yadi koi bachcha janm se hi tutlata ho to uska upchar bhi brahmi dvara safltapurvak kiya ja sakta hai. anidra ke upchar ke lie brahmi churn ki ek chammach gay ke dudh ke sath rogi ko diya jae to labh hota hai. yadi taja patte upalabdh hon to iske 20-25 patton ko achchi tarah saf karke adha kilo gay ke dudh men ghot chankr lagabhag sat dinon tak diya ja sakta hai. isse varshon purana anidra ka rog dur ho jata hai. mirgi ke dauron men brahmi ka ras adha chammacha shahad ke sath diya jata hai. yadi ras upalabdh n ho to churna ko shahad ke sath prayog kiya ja sakta hai. shuru men churn keval do dhai gram hi dena chahie. parantu labh n ho to duguna tak diya ja sakta hai. brahmi ke tel ki malish se mastishk ki durbalata tatha khushki dur hoti hai tatha buddhi barhti hai, tel banane ke lie ek litar nariyal ke tel men lagabhag 200 gram brahmi ka ras ubal len. yah tel sir dard, chakkar, bharipan, chinta adi se bhi rahat dilata hai. histiriya jaise rogon men yah turant prabhavi hota hai jisse sabhi lakshan turant nasht ho jate hain. chinta tatha tanav men thandai ke rup men bhi iska prayog kiya jata hai. iske atirikt kisi jvar ya anya bimari ke karn ai nirbalata ke nivaran ke lie bhi iska prayog kiya jata hai. kushth tatha anya charm rogon men bhi yah upyogi hai. bachchon ki khansi ya choti umra men kshay rog hone par chati par iska garm lep karna chahie. khansi tatha gala baithne par iske ras ka sevan kali mirch tatha shahad ke sath karna chahie. mand agni, rakta vikar tatha samanya shoth men bhi yah labhkari hai. aushdhiya upyog mukhya rup se yah mastishk ki karya kshamata ko barhati hai, mastishka ki koshikaon ki kshamata men vriddhi karti hai jisse dharan shakti evan smaran shakti ki pushti hoti hai. ayurvedanusar yah mastishk tarjaka kaf (soribrospainal flud) ki pushti karti hai jisse smriti daurbalya dur hota hai. sushrut sanhita ke anusar brahmi ka upyog mastishk vikriti, nari daurbalya, apasmar, unmad v smriti nash men kiya jata hai. yah buddhi barhane vala rasayan hai. brahmi pachang ka sukha churn rogiyon ko dene se mansik kamjori, tanav, ghabrahat evan avsad ki pravritti men labh hota hai. -pagalapan tatha mirgi ke lie brahmi ki pattiyon ka svaras ghi men ubalakar dene se labh hota hai. - histiriya men bhi brahmi asrkark hai. - siradard, chakkar, bharipan tatha chinta men brahmi tel ka prayog labhdayak hai. - brahmi ki mukhya kriya mastishka aur majja tantuon par hoti hai. mastishk ko shanti dene ke atirikta yah ek paushtik taenik bhi hai. -svar bhang tatha tutlane vale bachchon ke lie brahmi ramban hai. - mastishk ki thakan aur karyakshamata kam hone par brahmi ke ghatak snayukoshon ka poshan kar uttejit karte hain jisse tajgi va sfurti ati hai. - mirgi ke rogon men brahmi vishesh labhkari aushdhi hai. iske sevan se snayukoshon ki uttejna kam hoti hai. dhire-dhire mirgi ke daure kam ho jate hain lagabhag samapt ho jate hain. aushdhipchar men brahmi svaras, churn, sirap taiblet, kaipsul, brahmi tel adi ke rup men prayukt hoti hai. mirgi evan histiriya jaise rogon men brahmi turant prabhavshali hai. smaran shakti barhane men atyuttam hai- ‘brahmi’.
Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.