ब्रह्म सृष्टि विज्ञान

brahm srishti vigyan  

Ank ke aur Lekh | Sambandhit Lekh | Views : 7302 |  
vishva brahmand ka rahasya kautuhal ka vishay hai. aj ka vigyan in rahasyon ko ujagar karne men prayatnashil hai. srishti ka pradurbhav and visfot se hone ki jankari aj ke vaigyanikon ko san 1926-27 men hui, jise big baig ki sangya dekar unhonne mana ki unhen srishti ke praranbh ka rahasya gyat ho chuka hai. ve is visfot ke pashchat ki kalyatra ke nirdharan ka apna shodh chintan samy-samay par prastut karte hain. isse pahle pashchatya jagat ke vaigyanik ek do apvad ko chorakar, 19vin sadi ke ant tak is bhrantipurn granthi se grasit rahe ki yah vishva lagabhag 6000 varsh purva bana. bhartiya chintan men atit ke rishi pragya ke samaksh srishti ka koi bhi tatva alakshit nahin raha tha. unhonne dhyan sadhna ki prayogshala se mahakal ki sima ko langhakar srishti ke param vaigyanik rahasyon ko jana jo ved, upnishad, smriti, puran, bhagvtgita adi granthon men upalabdh hai. kintu adhunik shodhakartaon ne bhartiya tatvashastron ko maitholoji arthat gaporktha samjha. karla saegan ka lekhan pashchim ke vaigyanikon ka purvagrah pradarshit karta hai unhonne sanskrit bhasha men upalabdh bhartiya shastron ka adhyayan kiya aur unke gyan bhandar se labhanvit hue, kintu unke tathyon ko matra kalpana kahte hain. vidanbna yah ki apne desh ke bhi kuch vidvan unki baton ka samarthan karte hain. bharat ka gaurvshali atit sanskrit bhasha ke granthon men samahit hai. in granthon men atit ke rishiyon dvara sangrahit gyan ka bhandar hai. britani shasan kal men lard maikale ki sunishchit shiksha niti ke falasvarup angreji ka vyapak prasar hua aur sanskrit upekshit ho gai. ajadi ke bad bhi sanskrit ki upeksha desh ki pirhi ko apne gaurvshali atit men jhankne nahin deti tatha sanskrit granthon ke aprimit gyan se bhi vanchit rakhti hai. faltah adhikansh deshvasi aj parmukhapekshi hokar pashchimi gyan evan sabhyata ko hi anukrniya samjhne lage hain. kuch rashtra bhakt vidvan yadi sanskrit granthon men upalabdh gyan ko prastut karte bhi hain to upekshit rah jate hain. vishva ke suprasiddh brahmandshastri stifen haekins ki srishti vigyan par rachit bahucharchit pustak ‘e brif histri aef taim’ ka prakashan san 1988 men hua. bhartiya midiya men iski khub charcha hui. jabki isi vishay par iske purva 1985 men hi kolkata nivasi vidvan dae. basudev poddar rachit pustak ‘kalpurush aur itihaspurush’ ka prakashan san 1985 ke ant men ho chuka tha aur lekhak ko 1991 men rajasthan vidyapith vishvavidyalay, udypur dvara is utkrisht lekhan ke lie dilit ki manad upadhi se alankrit kiya gaya, kintu midiya inke vishay men maun raha. dae. vasudev poddar ne is pustak ke sar sankshep sahit rishi chintan par adharit dusri pustak ‘vishva ki kalyatra’ ki rachna ki jo san 2000 men prakashit hui. pustak ki drashtavya suchi men 487 granth hain aur 170 atirikt sahayak sandarbh granth hain. prastut lekh dae. vasudev poddar ki adbhut rachna par hi adharit hai. bharat ke prachin sanskrit granthon men rishi chintan pradatt gyan ka bhandar hai. rishi manisha ne srishti ke rahasyon ko jin gahraiyon men utarakar dekha vah param vaigyanik hai. unke anusar srishti ka srijan, vistar tatha sanhar kalachakra ki paridhi men bar-bar hota rahta hai. kalachakra apni sahaj gati se nirantar gatishil hai, pahle bhi tha, aj bhi hai aur age bhi rahega, jise bhut, bhavishya, aur vartaman ki sangya di gai hai. kal aur kalachakra ki gati donon hi anadi hai, anant hai, amar hai, ajar hai, ajanma hai, anavarat hai, nirantar hai. rishi pragya ke anusar vishva ka mul adhar sanatan hai, iska tatva sanatan hai. vishva chetna, gati aur gurutva, inhin tin tatvon se yukt ek sanatan mahashakti se utpann hota hai, aur usmen hi iski kal yatra sanatan bhav se sanpann hoti rahti hai. parmchetna hi anadi, anant sanatan kal hai, jo tarangavat sandolnatmak vishva ke rup men bar-bar prakat hota rahta hai. srijnatmak vikas aur sanharatmak sankoch srishti ka chandobaddh lay hai, jo anavarat srijan aur pralay ke dolayman vishva chakron men sanatan bhav se nirantar jhulti hui, ant men mahapralay ke sankuchit mahapind men pahunchakar vishrant ho jati hai. atit ke rishiyon ne yah tathya ujagar kiya ki 31 nil 10 kharab 40 arab varshon ke mahasandolan men prakriti 12000 laghu sandolnatmak vishva chakron ko janm deti hai, jiske srishti se pralay tak pratyek chakra ka kalman 25 arab 92 karor varsh hota hai. in 12000 sandolan chakron ke ant men prakriti ki sanpurn dravyamatra shakti ke rup men param sankuchit ho, itne hi kal avdhi ke param pralay ki chirnidra men vishrant rahakar punah mahashakti ke sanchetan rup men parivartit ho jati hai. is mahashakti ke vimarsh se utpann sandolnatmak vishva ka adi and, jisse barah hajar sandolan chakron ki mahakal yatra punah praranbh hoti hai, ki pratham avastha tamoling hai. yah tamoling sahasron suryon ki tarah param bhaskar hoti hui ek jyotirling ke rup men prodbhasit ho uthti hai, aur iske visfot se vishva dravya ki srishti hoti hai. is param viksit avastha ka nam hiranyagarbh hai. rigved ke nadsukt men isi hiranyagarbh ka vivaran hai. hiranyagarbhah samavartatagre bhutasya jatah patirek asit. s dadhar prithivi dyamutema kasmai devay havisha vidhem.. rigved 10.121.1 artha: srishti ke purva sarvapratham hiranyagarbh hi vidyaman tha, isse hi sabhi bhutatvon ki utpatti hui. vahi ek matra vidhata v svami hai, usi ne prithvi se gagan paryant sabhi tatvon ko adhar v astitva pradan kiya hai ham us adi dev ke atirikt kise apna havi pradan karen. vishva brahmand ke adi hiranyagarbh ke pratham mahanad ke pashchat 25 arab 92 karor varsh ke antral par sandolnatmak vishva ke hiranyagarbhon ka visfot hota rahta hai. bhartiya kalgnna ke anusar srishtikram ka 6000 chakra (pratham pararddha) pura ho chuka aur sanprati dvitiya pararddh men 6001 va sandolan chalayman hai. pratyek sandolan chakra men tin staron ka srijan aur sanhar ka kalakram hota hai- brahmakalp, paùkalp aur shvetvarah kalp, kalp avdhi ke pashchat inka pralay kal. brahmakalp men and sanrchna se lekar vishva dravya ka panch bhautik vikas hota hai. paùkal men akashganga ki paùakrit sanrchna aur shvetvarahakalp us par jaiv vikas ka samay hai. ek kalp ki avdhi 4 arab 32 karor varsh aur fir utna hi tinon ka pralykal. uprokt tinon kalpon ka kalman 12 arab 96 karor varsh aur fir utna hi tinon ka pralay kal. tadnusar srishti se pralay tak ki puri avdhi 25 arab 92 karor varsh hoti hai. pralay ke ant men vishva ki dagdh v mrit dravyarashi mahashakti ke parmsankoch se jis vishrant avastha men pahunch jati hai use mritpind kaha gaya hai. is mritpind se punah srijan ka pradurbhav brahmakalp ke praranbh men 72000 varshon ke sandhikal men hota hai. sandhikal ke ant men pind punah jivit ho uthta hai, jo is srijnatmak vikas ki pratham sthiti hoti hai. iska dvitiya vikas and ki jyotirling avastha hai, jismen sanpurn dravyarashi uddhipt ho uthti hai. vikas ka tisra star hiranyagarbh hai jismen sanpurn dravyarashi apni pramatkta men parisimit hoti hui shakti ka panchmhabhuton ki tanmatra ke rup men nirdharit kar deti hai. chaithe vikas men yah and tapashakti ke asimit vardhan dvara parmvisfotak sthiti men pahanuchakar nad visfot se apni dravyarashi ka visfot karta hai, jise hiranyagarbh ki nadand avastha kahi gai hai. and ke punarjivit avastha se nadand tak ka sampurn kal 3,62,000 varsh varnit hai. upar likha ja chuka hai ki vartaman srishti sandolnatmak vishva ka 6001van sandolan chakra hai. adhunik vigyan ka bigbaig hamare akashganga brahmand ke hiranya garbh ka antim visfot ka varnan hai jo pashchatya bahumat ke anusar 10 se 15 arab varsh pahle hua. bhartiya ganit ke anusar yah visfot aj se lagabhag 10 arab 67 karor 25 lakh varsh pahle hua tha. visfot ke pashchat akashganga ka nirman aur vikas brahmakalp aur paùkalp ko par chuka tatha shvetvarah kalp bit raha hai. brahmakalp men srishti ki adim panch bhautik dravyarashi vibhinn mandlakar vritton men nae gurutvakarshan ke mahakshetra ka nirman karti hui anek avrittiyon men badlti hai, jismen kramshah anant tarasmuhon se yukt brahmandon ka janm hota hai. paùkalp men anant brahmandon vali akash ganga ki paùkrit sanrchna hoti hai. is kalp ke praranbh men surya ka avirbhav hota hai. us samay surya ka akar vartaman avastha ki tulna men 16 guna varnit hai. kalp ke madhyakal men isse hi prithvi tatha anya grahon ka janm hota hai. adhunik surya ki ayu lagabhag 6 arab 29 karor 30 lakh varsh hai, adhunik vigyan ka akalan 6 se 7 arab varshon ke madhya ka hai. ek kalp avdhi ek hajar chaturyugon (satyut $ treta $ dvapar $ kaliyug) ke kalman ke barabar hota hai. yaturyug ko mahayug bhi kahte hain. satyug ka kalman 17 lakh 28 hajar varsh, treta 12 lakh 96 hajar, dvapar 8 lakh 64 hajar aur kaliyug 4 lakh 32 hajar saur varsh, arthat ek mahayug men 43 lakh 20 hajar varsh. islie ek hajar mahayug arthat ek kalp ka kalman 4 arab 32 karor varsh. ek kalp avdhi men surya akashganga ke kendra ki 14 parikrama puri karta hai. pratyek parikrama ka samay ek manvantar kal hota hai, jiska ausat kalman 30 karor 67 lakh 20 hajar varsh hai. kalp ke aranbh men 17 lakh 28 hajar varshon ke sandhikal ke pashchat manvantaron ka kalachakra praranbh hota hai. pratyek manvantar ke ant men bhi 17 lakh 28 hajar varshon ke sandhikal ka varnan hai. atah ek kalp men 15 sandhikal tatha 14 manvantar samavisht rahte hain. atah - ek kalp = 15 sandhikalp $ 14 manvantara = 15 g 17,28000 $ 14 g 30, 6720000 = 4 arab 32 karor varsha prithvi ki utpatti paùkalp ke madhyakal men hoti hai. iski ayu ka akalan 4 arab 13 karor 29 lakh 50 hajar ke aspas hai. janm ke pashchat iski prakritik sanrchna chalti hai tatha paùkalp avdhi men hi saur urja ke prakash ke madhyam se sukshm jivanuon ke bij ka agaman ho jata hai. puranon men use madhu kaitabh yug kaha gaya. shvetvarah kalp ka agaman lagabhag 1 arab 97 karor 29 lakh 50 hajar varsh pahle hua. is kalp men hi prithvi par vyavasthit jaiv-vikas hota hai. 4 arab 32 karor varshon ki avdhi ke 14 manvantaron men har parivartan ke sath jaiv chetna ki navin urja ka visfot hota rahta hai. shvetvarah kalp ke 14 manvantaron ki suchi is prakar hai. 1. svayambhuv, 2. svarachish, 3. uttam, 4. tamas, 5. raivat, 6. chakshush, 7. vaivasvat, 8. savarni, 9. daksha-savarni, 10. brahm savarni, 11. dharm savarni, 12. rudra savarni, 13. dev savarni tatha 14. indra savarni. kuch puranon men antim do namon men bhinnata hai. prithvi par chetna ka svarup surya ke antrik spandan se utpann svar tarangon par adharit hoti hai. jaise hi surya ke andar ka svar sangit badlta hai, vaise hi prithvi ke jaiv chetna men parivartan hota hai. is parivartan ko surya sanchalit svaron ke anusar hi manvantaron men banta gaya hai. ek manvantar kalakhand men ek hi svar surya se sanchalit rahta hai. sanpurn surya parikrama path 71 ghumavon men vibhakt hai, jismen ek manvantar ke 71 mahayugon ke kalachakra ka nirman hota hai. kal ke is lanbe pravah men svar vishesh ki 71 antraen 4ah3ah2ah1 ke prakamp par badlti hai. yahi prakamp satyug, treta, dvapar, kaliyug, ka kalmatrak hai. uprokt varnan ke anusar prithvi ka samagra jaiv aur ajaiv parivartan surya ke svar sangit se sanchalit aur niyantrit hota hai. ved ka gayatri mantra is svar sangit ke anushasnarth mahaspandan ka dandomay prakamya hai. shvetvarah kalp ka pratham manvantar svayambhuv ke praranbhik 1 karor 70 lakh 64 hajar varshon ki avdhi men prithvi par parvatadi ka nirman tatha bhujliya jivon ka vikas hota hai. iske pashchat vyavasthit jaivyug ke vikas ke kram men adimnu ke pradurbhav ke sath manav ka pratham vikas hua. tab se 6 manvantar bit chuke aur 12 karor varsh purva satvan vaivasvat manvantar praranbh hua jo abhi chalayman hai. pratyek manvantar avdhi men 71 mahayug tatha pratyek mahayug ke satyug, treta, dvapar, kaliyug ka kalman 4ah3ah2ah1 ke anupat men. manvantar ke ant men 17 lakh 28 hajar varshon ka ek dargh sandhikal hota hai. chaturyug ke pratyek yug men do sandhikal hota hai ek aranbh men ek ant men. is do sandhikalon ka kalman us yug bhag ke chathe bhag ke barabar. uprokt sandhikalon men bhi prithvi par pralay hota hai- manvantar ke ant men dirgh manvantar pralay, mahayug ke ant men mahayug ka khand pralay aur pratyek yug ke ant men laghu pralay. prithvi ke vartaman bhaugolik itihas men jis him pralay ka varnan hai vah dvapar ke sandhikal se praranbh hua tha. pavitra granth baibal men ishvar dvara sansar ke srijan ke bad jal palavan pralay ka varnan hai, jismen noha ke sath kuch punyatma manav aur anya jiv hi bach pae tatha un ke dvara punah sabhi jivon ka vikas hua. vaivasvat manvantar ke 71 mahayugon se 27 bit chuke aur abhi 28van mahayug chal raha hai. is mahayug ka satyug, treta, dvapar bit gaya aur sanvat 2065 ka navdivas chaitra shukla pratipda ko kaliyug 5110 ven yugabd men pravisht hua. hinduon ki bhagavat upasna ek vaidik mantra ke sankalp se praranbh hota hai. mantra is prakar hai:- un vishnurvishnu shrimadbhagavato mahapurushasya vishnoragyaya, pravartamanasya brahmanohin, dvitiya paraddhe shri shvetvarah kalpe, vaivasvatamanvatre, ashtavinshtitme kaliyuge kaliprathmchrne samvat... masotme mase .... pakshe .... tithau ... vasre jambudvipe bharatakhande bharatavarsh .... nagre/kshetre .... falaprayarthe. ahan parmeshvaraprityarthe pujnan karishye. (arth =vishnu mahapurush ki agya se pravart brahmand ka dusra pararddh ke shvetvarah kalp ka vaivasvatamantar ke athaisven kaliyug ke prathamacharan men jambudvip ke bharatavarsh men ..... sthan ............ vikramasamvat .......... mas ............ tithi.......... var ko main parmeshvar ko prasann karne hetu puja karta hun.) mantra ke anusar srishti ka udbhav ke pashchat pahla pararddh bit chuka hai aur dusre pararddh ka shvetvarah kalp men vaivasvatamantar ka 28ven mahayug ke kaliyug ka kalgnna men tatkalin sanvat mas tithi adi ki sthiti ka varnan hota hai. vaidik sabhyata ke praranbh se hi rishiyon dvara vyavhrit is mantra men srishti kal chakra ka gyan samahit hai. bhartiya dharmashastron men kalpayugadi ki kal ganna nakshatragti ke adhar par ki gai. surya siddhant granth ke anusar satyug ke ant men surya sahit sabhi saton grah mesh rashi par the. shrimad bhagavat tatha garg sanhita ke anusar jab sabhi saton grah maghanakshatra par the, tab kaliyug ka agaman hua. yurop ke vikhyat jyotirvid beli ne ganit dvara janne ka prayatn kiya ki kis samay saton grah ek yuti par ae the. aj ke vigyan ne brahmand ke jin rahasyon ko ujagar karne ka prayas kiya hai aur bhavishya ki jo yojnaen hain, usse vaidik rishiyon dvara pradatt suchnaen vicharniya sanbhavnaon ke dayre men a rahi hain. yadyapi bharatavarsh ka adhikansh vaigyanik vangamay vilupt aur vinasht ho chuka tathapi uske anek spasht aur aspasht sanket ved-upnishad, darshan, agam, smriti aur puranon men upalabdh hain. inke alok men aj ke manav ki antriksh yatra pratham nahin kyonki rishi manav ke akashagaman ki smritiyan hamare pauranik sahitya men vidyaman hai. aj yah nishchit sa ho gaya hai ki anant brahmand malikaon men ham akele nahin, anya lokon par bhi manav sabhyataen hain aur gyan vigyan ki samunnat sanbhavnaen hain. vigyan ke anusar hamari 100 arab brahmandon vali akashganga men kam se kam 100 koti brahmandon par jivan ka vikas sanbhav hai. avashyakta is bat ki hai ki bhartiya tatva shastron ke sanketon ko dhyan men rakhakar vaigyanik khoj kie jaen.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2008

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.