pichle mah pandit ji dakshin dilli ke samriddh kshetra frendas kaloni ke ek bangle ka vastu parikshan karne gae. parivar men man aur beta rahte the jo ki arthik v mansik pareshaniyon se gujar rahe the. bina soche samjhe kai praeparti kharidne ki vajah se unka dhan kafi jagah fansa hua tha. donon men vaicharik matbhed bana rahta hai jiski vajah se ghar men tanav rahta hai. jab beta ek sal ka tha tabhi uske mata pita ka talak ho gaya tha evan man ne akele hi bete ko pal-pos kar bada kiya tha. bete ki shadi men bhi vilamb ho raha tha. vastu parikshan karne par pae gae doshah - dakshin-pashchim men pichli taraf bhi ek dvar jo ki anchahe kharchon tatha rishton men duri ka karan banta hai isse ghar men nakaratmak urja ka pravah bhi bana rahta hai. - bilding aytakar nahin thi, purva v dakshin kone kat rahe the yah aniyamit akar vikas men avrodh v ghar men josh/utsah v khushi ki kami ka karan hota hai. - dakshin-pashchim men bhumigat jal srot bana tha jo ki bahut hi ganbhir vastu dosh hai. yah arthik v svasthya hani ka mukhya karan hota hai. parivar ke mukhiya ke lie ati dukhad paristhitiyan utpann ho sakti hain. - piche ki or bani sidhiyon ke niche stor banaya hua tha. sidhiyon ka niche se band hona bhi sabhi or se vikas hone men avrodh utpann karta hai. - rasoi men gais aur sink ek hi lain men bane the jisse ghar men vaicharik matbhed bana rahta hai. sujhav - dakshin-pashchim men bane dvar ko hatakar divar banane ki salah di gai tatha bagal men bane dakshin ke dvar ko istemal karne ko kaha gaya. - purva men bane stor ki or tatha rasoi se piche ki or darvaja banane ko kaha gaya jo ki vah chahe to hamesha band rakh sakte hain tatha piche dakshin men kate hue hisse ko upar se kavar karne ko kaha gaya jisse bilding aytakar ho sake. - bhumigat jal srot ko achchi tarah se band karke age bane gardan men uttara-purva men banane ko kaha gaya. - sidhiyon ke niche ke hisse ko darvaja hatakar kholne ko kaha gaya jisse uske niche hava ka pravah ho sake. - sink ko rasoi ke pashchim ki or sthanantrit karne ko kaha gaya. yadi n ho sake to gais aur sink ke bich do fut unchi partishan banavane ko kaha gaya. pandit ji ne unhen ashvasan diya ki sabhi sujhavon ko karyanvit karne ke pashchat unhen avashya hi labh hoga tatha ghar men anavarat khushiyon ka agaman rahega.
Kya aapko lekh pasand aaya?
Subscribe